輸就預左架啦，作為球迷只係想輸得無咁難睇姐。
先講場波，比賽開局，阿仙奴主導控球權並不斷施壓，車路士則選擇較為被動的低位防守，希望以快速反擊尋找機會。20 分鐘，阿仙奴憑一次角球戰術製造致命攻勢，奧迪加特開出近柱傳中，美利路前插甩開占士 (Reece James) 頭槌頂入遠柱，為槍手先開紀錄。
車仔直到 30 分鐘後才逐漸進入比賽節奏，但整體攻勢欠缺組織，唯一較有威脅的攻門來自 37 分鐘，古古尼亞 (Marc Cucurella) 禁區邊抽射，皮球穿過阿仙奴門將拉也 (David Raya) 手中，但最終偏出門柱。
下半場比賽進入膠着狀態，雙方在中場糾纏較多，黃牌亦數字開始上升。車路士控球率雖然有所上升，但進攻威脅依舊有限，唯一一次射正黎自古古尼亞的頭槌，但力度太輕未能考驗拉也。阿仙奴則透過美利路和奧迪加特的個人能力製造威脅，甚至差點再下一城，好彩山齊士 (Robert Sánchez) 突然上身將個波擋出。
最終，阿仙奴穩守 1:0 優勢直至完場，車路士則在缺少主力攻擊手的情況下未能製造足夠威脅，進攻問題進一步浮現。
賽後點評：
1) 低效控球：有控球，冇控制力 — 如果單睇控球率，可能會覺得有 51% 控球的車仔並唔係完全被壓制，但實際比賽過程就完全唔係同一回事。全隊無明確進攻方向，傳球流暢度低。
首先今場傳球成功率雖然帳面計高達 87%，但多數係短傳同橫傳，冇人敢做風險較高但具威脅性的直線傳球。進攻傳球 (Progressive Passes) 只有 86 / 508 (17%)，而阿仙奴則有 65 / 345 (19%)，數字上接近，但實際效果完全不同，車仔全場只有 3 次傳入禁區，而對手有 14 次，反映出車仔完全無法滲透對方防線，另一邊的阿仙奴進攻模式則更具組織性，能夠有效推進至危險區域。
2) 無汲取教訓，中場仍然被Bypass — 車仔中場失去控制力並唔係今季第一次出現，而係過去多場比賽已經重複發生。占士踢防中，原意係希望佢同卡些度 (Moisés Caicedo) 組成「雙防中」對抗阿仙奴的懷斯同奧迪加特，然而今場阿仙奴利用左右路大範圍轉移，直接 Bypass 卡些度，令車仔最強的中場防守核心變成純粹「陪跑」。
數據上，車仔搶斷成功率只有 65%，比起阿仙奴 (71%) 要低，顯示中後場攔截能力較差，未能限制對手推進。而PPDA (對手傳球次數 / 每次搶截) 車仔 9.0 vs 阿仙奴 11.7，數字上雖然代表車仔壓迫防守強度更高，減少左阿仙奴傳波的機會，但全場 0 次高位搶斷 (High Turnovers)，代表車仔完全無能力進行攻守轉換，將搶斷轉換成進攻機會。
3) 笑話式 Low Block，失去反擊能力 — 馬蛇今場比賽選擇用3-4-3的陣式進行Low Block，本來應該有助穩定防線，但因為前線欠缺快速反擊的能力，陷入被動挨打的局面。Defensive Action Height (防守行動高度) 只有 43.8，遠低於阿仙奴的 47.5，代表球隊長時間被壓制喺自家的防守區域。
低位防守的本質應該係穩定陣型，並利用快速反擊威脅對手，但當中場連串連都做唔到，就算Low Block成功，車仔仍然無辦法將皮球送上前線。進攻三區 (Final 3rd) 的觸球佔比只有 14.2%，阿仙奴則有 24.3%，顯示對方喺車仔禁區附近活動空間更大，而車仔前場活動極少，完全無法發動有效攻勢。
4) 彭馬缺陣，進攻組織混亂 — 冇左彭馬 (Cole Palmer)，車仔進攻就變得極度混亂，無論係串聯中場，定係喺前場創造機會都完全失效。
xG 低至 0.39，全場 8 次射門，只有 2 次中目標，反映出進攻完全無效。全場唯一一次最具威脅的射門係古古 (Marc Cucurella) 嘅遠射，換句話說車仔前場球員幾乎冇進攻貢獻。
進攻三叉戟 (Sancho、Nkunku、Neto) 亦互相脫節，根本無法形成有效配合，最終變成單打獨鬥。冇左彭馬之後，馬蛇選擇安素 (Enzo Fernández) 頂上 10 號位，但問題係，當全隊進攻模式已經習慣由彭馬主導，突然間冇左佢，球員之間缺乏連結，最終導致全場進攻混亂，完全無威脅可言。
個別表現：
山齊士 (Robert Sánchez) — 不穩定的最後防線
⭕️ 撲救數：4
⭕️ 關鍵傳球：1
❌ 預期失球 (Goals Prevented)：-0.33
❌ 錯誤導致對方射門：1
❌ 高空攔截：0
❌ 傳球成功率：20/32 (63%)
❌ 長傳成功率：7/18 (39%)
山齊士延續佢一貫的演出。面對高空球仍然遲疑 — 全場無任何有效高空出擊，面對阿仙奴嘅角球同傳中都未能提供穩定保護。另一邊，傳球成功率亦只得 63%，長傳成功率更低見 39%，幾次開高波都直接俾對手攔截，其中一個短的手球更加直接俾左對手差D釀成大災難。連埋呢球，山齊士以8次的防守失誤重新登上全歐洲最多犯錯的球員寶座。
山齊士雖然有幾次撲救，包括擋出奧迪加特嘅關鍵射門，但整體表現仍然未達標，無法為後防提供足夠信心。隨住馬蛇輪換門將策略變數增加，佢能否穩住正選位置，仍然值得關注。
尼圖 (Neto) — 兼職始終係兼職
❌ 成功盤扭： 2 (0)
❌ 射門 (中目標)： 3 (0)
❌ 關鍵傳球： 0
❌ 預期助攻 (xA)： 0.06
❌ 地面對抗： 6 (1) (17%)
⭕ 傳球成功率： 15/18 (83%)
⭕ 傳中成功率： 6 (2)
今場比賽，尼圖被安排作為名義上的箭頭，但全場比賽完全未能發揮速度優勢，亦未能透過突破或者傳中製造威脅。從數據上睇，佢全場僅得 35 次觸球，係所有正選球員中最少之一，意味住佢基本上未能真正參與球隊進攻。而 2 次盤扭全部失敗，進一步反映佢無法擺脫阿仙奴的防守網，亦未能喺個人能力上創造空間。
面對阿仙奴的中後場搶迫，尼圖同樣未能成為反擊點，全場只有 3 次射門，其中 2 次被封阻，1 次出界。雖然佢的傳球成功率達 83%，但無任何關鍵傳球，xA 亦只有 0.06，顯示佢喺組織進攻方面並無實際貢獻。
除咗進攻上無法發揮，尼圖喺對抗方面亦顯得力不從心。全場 6 次地面對抗，僅 1 次成功，空中對抗 1 次亦輸埋，面對對手的夾擊幾乎毫無還手之力。佢今場比賽的傳中次數較多，6 次傳中有 2 次成功，但因為車路士前場並無正統支點型前鋒，由尼圖拉邊進行傳中呢種方式亦未能轉化為具體威脅。
安素 (Enzo Fernández) —— 孤軍作戰，無力改變局勢
⭕️ 關鍵傳球：2⭕️ 盤扭成功率：1 (1) (100%)
❌ 預期入球 (xG)：0.05
❌ 預期助攻 (xA)：0.02
❌ 傳中成功率：1 (0)
❌ 長傳成功率：4 (1)
❌ 射門：2 (0)
❌ 地面對抗：12 (3) (25%)
安素係全隊最積極向前推進的球員之一，但喺隊友缺乏跑動接應同支援的情況下，佢無法單憑一己之力改變局勢。地面對抗 12 次僅成功 3 次 (25%)，證明佢在中場爭奪球權時長期處於劣勢，企位同應對單憑一己之力的確難以發揮出應有的實力。xA 同樣低見 0.02，證明隊友的走位無效，無法透過轉移球路或者直線去撕裂對方防線。
就算安素踢得幾好，但如果隊友無法配合，始終係孤掌難鳴…
總結：
今場比賽再次暴露車仔現階段的極限。對住一隊近況普通、前線人腳不足的阿仙奴，但全場無真正組織過一次有威脅的攻勢，最終輸 0:1 仲要係輸角球真係輸得少。而家打多一場但仲叫排緊英超第四，放眼未來幾場賽程，真係唔敢樂觀。以對住阿仙奴時展現出嚟嘅狀態嚟睇，對熱刺、賓福特、葉士域治、富咸、愛華頓、利物浦、紐卡素、曼聯、森林。 呢 9 場入面唯一有把握贏嘅，可能就只係葉士域治。而面對其他對手，車仔完全冇明確優勢可言，特別係面對組織力強、進攻有章法的對手，車仔既無防守穩定性，進攻又失去方向，任何一場都有再失分的可能。
========================================
Facebook Page已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
先講場波，比賽開局，阿仙奴主導控球權並不斷施壓，車路士則選擇較為被動的低位防守，希望以快速反擊尋找機會。20 分鐘，阿仙奴憑一次角球戰術製造致命攻勢，奧迪加特開出近柱傳中，美利路前插甩開占士 (Reece James) 頭槌頂入遠柱，為槍手先開紀錄。
車仔直到 30 分鐘後才逐漸進入比賽節奏，但整體攻勢欠缺組織，唯一較有威脅的攻門來自 37 分鐘，古古尼亞 (Marc Cucurella) 禁區邊抽射，皮球穿過阿仙奴門將拉也 (David Raya) 手中，但最終偏出門柱。
下半場比賽進入膠着狀態，雙方在中場糾纏較多，黃牌亦數字開始上升。車路士控球率雖然有所上升，但進攻威脅依舊有限，唯一一次射正黎自古古尼亞的頭槌，但力度太輕未能考驗拉也。阿仙奴則透過美利路和奧迪加特的個人能力製造威脅，甚至差點再下一城，好彩山齊士 (Robert Sánchez) 突然上身將個波擋出。
最終，阿仙奴穩守 1:0 優勢直至完場，車路士則在缺少主力攻擊手的情況下未能製造足夠威脅，進攻問題進一步浮現。
賽後點評：
1) 低效控球：有控球，冇控制力 — 如果單睇控球率，可能會覺得有 51% 控球的車仔並唔係完全被壓制，但實際比賽過程就完全唔係同一回事。全隊無明確進攻方向，傳球流暢度低。
首先今場傳球成功率雖然帳面計高達 87%，但多數係短傳同橫傳，冇人敢做風險較高但具威脅性的直線傳球。進攻傳球 (Progressive Passes) 只有 86 / 508 (17%)，而阿仙奴則有 65 / 345 (19%)，數字上接近，但實際效果完全不同，車仔全場只有 3 次傳入禁區，而對手有 14 次，反映出車仔完全無法滲透對方防線，另一邊的阿仙奴進攻模式則更具組織性，能夠有效推進至危險區域。
2) 無汲取教訓，中場仍然被Bypass — 車仔中場失去控制力並唔係今季第一次出現，而係過去多場比賽已經重複發生。占士踢防中，原意係希望佢同卡些度 (Moisés Caicedo) 組成「雙防中」對抗阿仙奴的懷斯同奧迪加特，然而今場阿仙奴利用左右路大範圍轉移，直接 Bypass 卡些度，令車仔最強的中場防守核心變成純粹「陪跑」。
數據上，車仔搶斷成功率只有 65%，比起阿仙奴 (71%) 要低，顯示中後場攔截能力較差，未能限制對手推進。而PPDA (對手傳球次數 / 每次搶截) 車仔 9.0 vs 阿仙奴 11.7，數字上雖然代表車仔壓迫防守強度更高，減少左阿仙奴傳波的機會，但全場 0 次高位搶斷 (High Turnovers)，代表車仔完全無能力進行攻守轉換，將搶斷轉換成進攻機會。
3) 笑話式 Low Block，失去反擊能力 — 馬蛇今場比賽選擇用3-4-3的陣式進行Low Block，本來應該有助穩定防線，但因為前線欠缺快速反擊的能力，陷入被動挨打的局面。Defensive Action Height (防守行動高度) 只有 43.8，遠低於阿仙奴的 47.5，代表球隊長時間被壓制喺自家的防守區域。
低位防守的本質應該係穩定陣型，並利用快速反擊威脅對手，但當中場連串連都做唔到，就算Low Block成功，車仔仍然無辦法將皮球送上前線。進攻三區 (Final 3rd) 的觸球佔比只有 14.2%，阿仙奴則有 24.3%，顯示對方喺車仔禁區附近活動空間更大，而車仔前場活動極少，完全無法發動有效攻勢。
4) 彭馬缺陣，進攻組織混亂 — 冇左彭馬 (Cole Palmer)，車仔進攻就變得極度混亂，無論係串聯中場，定係喺前場創造機會都完全失效。
xG 低至 0.39，全場 8 次射門，只有 2 次中目標，反映出進攻完全無效。全場唯一一次最具威脅的射門係古古 (Marc Cucurella) 嘅遠射，換句話說車仔前場球員幾乎冇進攻貢獻。
進攻三叉戟 (Sancho、Nkunku、Neto) 亦互相脫節，根本無法形成有效配合，最終變成單打獨鬥。冇左彭馬之後，馬蛇選擇安素 (Enzo Fernández) 頂上 10 號位，但問題係，當全隊進攻模式已經習慣由彭馬主導，突然間冇左佢，球員之間缺乏連結，最終導致全場進攻混亂，完全無威脅可言。
個別表現：
山齊士 (Robert Sánchez) — 不穩定的最後防線
⭕️ 撲救數：4
⭕️ 關鍵傳球：1
❌ 預期失球 (Goals Prevented)：-0.33
❌ 錯誤導致對方射門：1
❌ 高空攔截：0
❌ 傳球成功率：20/32 (63%)
❌ 長傳成功率：7/18 (39%)
山齊士延續佢一貫的演出。面對高空球仍然遲疑 — 全場無任何有效高空出擊，面對阿仙奴嘅角球同傳中都未能提供穩定保護。另一邊，傳球成功率亦只得 63%，長傳成功率更低見 39%，幾次開高波都直接俾對手攔截，其中一個短的手球更加直接俾左對手差D釀成大災難。連埋呢球，山齊士以8次的防守失誤重新登上全歐洲最多犯錯的球員寶座。
山齊士雖然有幾次撲救，包括擋出奧迪加特嘅關鍵射門，但整體表現仍然未達標，無法為後防提供足夠信心。隨住馬蛇輪換門將策略變數增加，佢能否穩住正選位置，仍然值得關注。
尼圖 (Neto) — 兼職始終係兼職
❌ 成功盤扭： 2 (0)
❌ 射門 (中目標)： 3 (0)
❌ 關鍵傳球： 0
❌ 預期助攻 (xA)： 0.06
❌ 地面對抗： 6 (1) (17%)
⭕ 傳球成功率： 15/18 (83%)
⭕ 傳中成功率： 6 (2)
今場比賽，尼圖被安排作為名義上的箭頭，但全場比賽完全未能發揮速度優勢，亦未能透過突破或者傳中製造威脅。從數據上睇，佢全場僅得 35 次觸球，係所有正選球員中最少之一，意味住佢基本上未能真正參與球隊進攻。而 2 次盤扭全部失敗，進一步反映佢無法擺脫阿仙奴的防守網，亦未能喺個人能力上創造空間。
面對阿仙奴的中後場搶迫，尼圖同樣未能成為反擊點，全場只有 3 次射門，其中 2 次被封阻，1 次出界。雖然佢的傳球成功率達 83%，但無任何關鍵傳球，xA 亦只有 0.06，顯示佢喺組織進攻方面並無實際貢獻。
除咗進攻上無法發揮，尼圖喺對抗方面亦顯得力不從心。全場 6 次地面對抗，僅 1 次成功，空中對抗 1 次亦輸埋，面對對手的夾擊幾乎毫無還手之力。佢今場比賽的傳中次數較多，6 次傳中有 2 次成功，但因為車路士前場並無正統支點型前鋒，由尼圖拉邊進行傳中呢種方式亦未能轉化為具體威脅。
安素 (Enzo Fernández) —— 孤軍作戰，無力改變局勢
⭕️ 關鍵傳球：2⭕️ 盤扭成功率：1 (1) (100%)
❌ 預期入球 (xG)：0.05
❌ 預期助攻 (xA)：0.02
❌ 傳中成功率：1 (0)
❌ 長傳成功率：4 (1)
❌ 射門：2 (0)
❌ 地面對抗：12 (3) (25%)
安素係全隊最積極向前推進的球員之一，但喺隊友缺乏跑動接應同支援的情況下，佢無法單憑一己之力改變局勢。地面對抗 12 次僅成功 3 次 (25%)，證明佢在中場爭奪球權時長期處於劣勢，企位同應對單憑一己之力的確難以發揮出應有的實力。xA 同樣低見 0.02，證明隊友的走位無效，無法透過轉移球路或者直線去撕裂對方防線。
就算安素踢得幾好，但如果隊友無法配合，始終係孤掌難鳴…
總結：
今場比賽再次暴露車仔現階段的極限。對住一隊近況普通、前線人腳不足的阿仙奴，但全場無真正組織過一次有威脅的攻勢，最終輸 0:1 仲要係輸角球真係輸得少。而家打多一場但仲叫排緊英超第四，放眼未來幾場賽程，真係唔敢樂觀。以對住阿仙奴時展現出嚟嘅狀態嚟睇，對熱刺、賓福特、葉士域治、富咸、愛華頓、利物浦、紐卡素、曼聯、森林。 呢 9 場入面唯一有把握贏嘅，可能就只係葉士域治。而面對其他對手，車仔完全冇明確優勢可言，特別係面對組織力強、進攻有章法的對手，車仔既無防守穩定性，進攻又失去方向，任何一場都有再失分的可能。
========================================
Facebook Page已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊