我開始有合理懷疑，牙 Todd 係咪想慢慢拆散士砵亭，最後幫曼聯解套收購阿莫林做車仔下任教頭…
繼早前以 €48M 簽落葡萄牙新星 昆達 (Geovany Quenda) 之後，今日有消息傳出車仔再斥 €22M 搶走 艾蘇高 (Dário Essugo)，兩單 Deal 加埋 €70M，但前者要係2026年先上車，而後者就係夏天正式上車。
既然上一篇已經寫左昆達，所以順便講下艾蘇高係咩料、同點解車仔肯畀 22M 買佢，仲有當然係佢可唔可以即刻上位等等的疑問。
係進入正文之前，我俾TL:DR的朋友內容簡介先：
⚡ 背景：士砵亭青訓出身，16歲已踢歐聯，今季喺西甲拉斯彭馬斯站穩陣腳。
🔥 特點：攔截 (1.91/90) + 搶斷 (2.94/90) 高，對抗力強，典型掃蕩型防中。
⚠️ 短板：傳球創造力一般，企位偶爾過於進取，防守需更穩定。
💡 對車仔影響：有潛力的防中，補足輪換位置，減輕卡些度壓力，填補拉維亞長期傷缺問題。
葡萄牙未來的中場屏障？艾蘇高的成長之路
艾蘇高喺 2005 年 3 月 14 日出生於葡萄牙奧迪維拉斯 (Odivelas)，擁有安哥拉血統，最初喺本地球會 Santa Maria 踢波，憑藉驚人的身體素質同埋成熟嘅比賽理解能力，短短一年內就獲得士砵亭青訓營的青睞，成功加入 Alcochete 青訓基地。
係青訓營的各個階段，艾蘇高一直係球隊的核心球員，並且以隊長身份代表葡萄牙各級青年軍出戰，累積豐富國際賽經驗。佢喺 2022 年代表葡萄牙 U-17 參加歐洲盃時更喺八強面對法國時射入一個遠射，令佢正式進入球探們的視野之中。
2021 年 3 月 20 日，艾蘇高迎來佢的「奇蹟時刻」。當時士砵亭喺葡超對陣甘馬雷斯 (Vitória de Guimarães)，比賽進入尾聲時，當時的主帥阿莫林安排佢替補上陣。年僅 16 歲零 6 日，正式成為士砵亭隊史最年輕首隊上陣球員，比 C. 朗拿度、費高等傳奇球星更早踏上職業舞台。
短短幾個月後，艾蘇高再創紀錄。2021 年 12 月 7 日，士砵亭作客阿積士 (Ajax) 的歐聯分組賽，艾蘇高後備登場，正式成為葡萄牙史上最年輕的歐聯出場球員 (16 歲 268 日)。
艾蘇高嘅早熟表現令士砵亭對佢寄予厚望，2022 年同球會簽下首份職業合約，合約中包含€45M 解約條款，足見球會對佢未來價值的重視。不過，考慮到陣中競爭激烈，艾蘇高 2024 年開始被外借鍛鍊，分別短暫效力過查維斯 (Chaves) 及西甲的拉斯彭馬斯 (Las Palmas)，希望透過穩定上陣時間累積經驗。
喺拉斯彭馬斯，艾蘇高逐漸站穩陣腳，並開始吸引歐洲頂級球會的關注，最終車路士決定提前出手，簽下呢位葡萄牙未來之星。
幾乎係第二個拉維亞，硬淨的防中
艾蘇高主要踢 防守中場 (CDM)，係典型的 「掃蕩型 6 號位」 球員，負責防守遮線、攔截搶斷、拖慢對手節奏，甚至能夠充當「B2B (Box-to-Box)」角色，提供一定的中場推進能力。
例如今季係 拉斯彭馬斯被安排喺 雙中場 Pivot 陣式，有時作為獨立單防中，有時甚至會退後到作為半個中堅為防線做支援。有葡超同西甲的雙重經驗，令佢對比賽節奏適應得更快，而且防守意識比一般同齡球員成熟，呢點絕對係佢其中一個吸引車仔的原因。
如果要用一個字形容艾蘇高，就係 「硬淨」——
身高 1.78m，唔止體型壯碩，而且身體對抗力極強。雖然未算係高大型防中，但勝在核心力量夠強、爆發力又高，能夠喺身體對抗中穩住陣腳。當外國球探分析艾蘇高的特點時，普遍認為佢具備三大關鍵優勢，令佢成為歐洲最具潛力的防守型中場之一。
— 防守意識極佳，掃蕩能力出色
艾蘇高在防守端的影響力極強，佢的場均 攔截 (1.91) + 搶斷 (2.94) 總數高達 4.85，數據遠超大部分同齡防中，幾乎可以用「地毯式掃蕩」去形容。無論係阻截對手傳送定係直接攔截搶波，佢都表現得非常果斷，係後場提供穩定的屏障。
— 對抗能力強，單對單防守穩定
作為一名防守中場，艾蘇高並唔單靠身型搶波，而係憑準確的防守判斷和硬朗的對抗能力，佢的 地面對抗成功率達 62.2%，比起不少經驗豐富的中場更穩定。無論面對高速突破型球員，定係需要身體對抗嘅情況，佢都展現出穩定的防守能力。
— 搶波後推進能力不俗，具備轉守為攻的潛力
雖然佢定位係防守型中場，但佢並唔係純粹「工兵」式球員，擁有一定嘅帶球推進能力。數據顯示，佢場均有 0.96 次推進帶球 (Progressive Carries)，能夠利用身體護住皮球，然後帶球突破中場壓力。呢點對於車路士未來的戰術調整來講，可能會係一個值得開發的部分。
儘管艾蘇高在防守端表現亮眼，但佢仍然有幾個需要提升嘅方面，如果想成為英超頂級防守型中場，呢啲細節需要進一步打磨。
— 組織進攻能力有限，傳球偏向安全選擇
雖然佢嘅傳球成功率達 85.8%，但主要集中於短傳和橫傳，場均 預期助攻 (xA) 僅 0.02，顯示佢並唔擅長組織進攻或者送出致命傳送。換句話講，佢可以負責穩定中場節奏，但如果要成為一個能夠由守轉攻的核心，佢需要進一步提升傳球視野同前場傳送能力。
— 防守企位偶爾過於進取，需改善站位判斷
艾蘇高防守時具侵略性，但有時過於急於搶斷，導致佢會提前壓上試圖攔截對手傳送，但如果對手避開佢的防守，身後空間可能會被對手利用進行反擊。雖然佢的搶斷成功率高，但英超比賽節奏極快，對防守決策要求更高，未來佢需要更謹慎地選擇攔截時機，以避免標波失敗俾對手輕易突破防線。
— 犯規次數較多，需減少無謂黃牌
由於佢踢法侵略性強，對抗時經常用身體頂住對手，所以容易被判犯規，場均 1.78 次犯規，黃牌率亦偏高。如果佢要適應英超高強度比賽，需要學習更聰明的防守方式，減少不必要的黃牌累積，以免影響比賽節奏，甚至導致停賽影響球隊戰力。
佢的加盟可以為車仔帶來d咩
車路士目前的中場配置基本上係 一前一後，安素 (Enzo Fernández) 主要負責前推，卡些度 (Moisés Caicedo) 則偏向後收，確保中場穩定性並負責掃蕩防線前的危險區域。卡些度作為球隊最穩定的防守中場，佢嘅位置基本上係不可動搖，任何新球員加盟都不可能動搖佢嘅主力地位。不過，作為卡些度主要輪換的拉維亞 (Roméo Lavia) 今季長期受傷，狀態成疑，車仔明顯缺乏一個 健康可靠的防中輪換人選，特別係面對長賽季多線作戰時，依賴卡些度踢足全季顯然唔係最佳方案。
下季，車路士理論上會係史堡度回收山度士 (Andrey Santos)，不過山度士屬於全能型的中場球員，風格上更適合作為安素的後備，而唔係一個傳統 6 號位的防守型中場。因此，如果球隊想要確保後防前有穩定嘅屏障，艾蘇高可能會成為球隊未來 補強防守中場深度的關鍵人選。佢具備 強硬的攔截能力、出色的對抗強度，以及一定的持球推進能力，可以填補球隊長期缺乏正統防守輪換的漏洞，減少卡些度單季踢超負荷的風險。
技術層面方面，艾蘇高今季喺拉斯彭馬斯的表現已經證明左佢作為防守中場的強項，特別喺 攔截 (Interceptions) 方面，場均錄得 1.91 次幾乎冠絕五大聯賽，防守閱讀能力遠超大部分同位置球員，能夠快速察覺危機並作出適當補位。
同時，佢的 成功搶斷 (Tackles Won) 達 2.26 次/90 分鐘，甚至比起卡些度今季嘅 1.92 更高，證明佢係一個極具侵略性嘅防守球員，不單能夠主動攔截對手傳球，更能夠喺 1v1 防守中有效地搶奪球權。搶斷 + 攔截 (Tkl+Int) 總數為 4.85 / 90 分鐘，意味住佢喺中場屏障的角色上證明可以應付目前歐洲頂級聯賽。
呢類數據，對於需要面對高強度逼搶和快速反擊的英超球隊而言，將會是一個關鍵補充同時為卡些度減低比賽壓力。
小總結：
由昆達到艾蘇高，車仔的提前部署相信嚇左唔少人一跳，但艾蘇高呢單交易，某程度上係一筆比想像中更合理、更符合球隊需求的收購，至少係價錢上同能力上都係物超所值先。艾蘇高有潛力，但潛力最終係咪能夠轉化為長遠價值，就要睇佢自己點樣適應英超、點樣爭取上位，畢竟車仔隊中已經有烏古卓高呢個先例。你地又點睇呢單交易？你地覺得佢會成為未來主力，定係最終又係一個外借多年最後被賣走的小將？
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
繼早前以 €48M 簽落葡萄牙新星 昆達 (Geovany Quenda) 之後，今日有消息傳出車仔再斥 €22M 搶走 艾蘇高 (Dário Essugo)，兩單 Deal 加埋 €70M，但前者要係2026年先上車，而後者就係夏天正式上車。
既然上一篇已經寫左昆達，所以順便講下艾蘇高係咩料、同點解車仔肯畀 22M 買佢，仲有當然係佢可唔可以即刻上位等等的疑問。
係進入正文之前，我俾TL:DR的朋友內容簡介先：
⚡ 背景：士砵亭青訓出身，16歲已踢歐聯，今季喺西甲拉斯彭馬斯站穩陣腳。
🔥 特點：攔截 (1.91/90) + 搶斷 (2.94/90) 高，對抗力強，典型掃蕩型防中。
⚠️ 短板：傳球創造力一般，企位偶爾過於進取，防守需更穩定。
💡 對車仔影響：有潛力的防中，補足輪換位置，減輕卡些度壓力，填補拉維亞長期傷缺問題。
葡萄牙未來的中場屏障？艾蘇高的成長之路
艾蘇高喺 2005 年 3 月 14 日出生於葡萄牙奧迪維拉斯 (Odivelas)，擁有安哥拉血統，最初喺本地球會 Santa Maria 踢波，憑藉驚人的身體素質同埋成熟嘅比賽理解能力，短短一年內就獲得士砵亭青訓營的青睞，成功加入 Alcochete 青訓基地。
係青訓營的各個階段，艾蘇高一直係球隊的核心球員，並且以隊長身份代表葡萄牙各級青年軍出戰，累積豐富國際賽經驗。佢喺 2022 年代表葡萄牙 U-17 參加歐洲盃時更喺八強面對法國時射入一個遠射，令佢正式進入球探們的視野之中。
2021 年 3 月 20 日，艾蘇高迎來佢的「奇蹟時刻」。當時士砵亭喺葡超對陣甘馬雷斯 (Vitória de Guimarães)，比賽進入尾聲時，當時的主帥阿莫林安排佢替補上陣。年僅 16 歲零 6 日，正式成為士砵亭隊史最年輕首隊上陣球員，比 C. 朗拿度、費高等傳奇球星更早踏上職業舞台。
短短幾個月後，艾蘇高再創紀錄。2021 年 12 月 7 日，士砵亭作客阿積士 (Ajax) 的歐聯分組賽，艾蘇高後備登場，正式成為葡萄牙史上最年輕的歐聯出場球員 (16 歲 268 日)。
艾蘇高嘅早熟表現令士砵亭對佢寄予厚望，2022 年同球會簽下首份職業合約，合約中包含€45M 解約條款，足見球會對佢未來價值的重視。不過，考慮到陣中競爭激烈，艾蘇高 2024 年開始被外借鍛鍊，分別短暫效力過查維斯 (Chaves) 及西甲的拉斯彭馬斯 (Las Palmas)，希望透過穩定上陣時間累積經驗。
喺拉斯彭馬斯，艾蘇高逐漸站穩陣腳，並開始吸引歐洲頂級球會的關注，最終車路士決定提前出手，簽下呢位葡萄牙未來之星。
幾乎係第二個拉維亞，硬淨的防中
艾蘇高主要踢 防守中場 (CDM)，係典型的 「掃蕩型 6 號位」 球員，負責防守遮線、攔截搶斷、拖慢對手節奏，甚至能夠充當「B2B (Box-to-Box)」角色，提供一定的中場推進能力。
例如今季係 拉斯彭馬斯被安排喺 雙中場 Pivot 陣式，有時作為獨立單防中，有時甚至會退後到作為半個中堅為防線做支援。有葡超同西甲的雙重經驗，令佢對比賽節奏適應得更快，而且防守意識比一般同齡球員成熟，呢點絕對係佢其中一個吸引車仔的原因。
如果要用一個字形容艾蘇高，就係 「硬淨」——
身高 1.78m，唔止體型壯碩，而且身體對抗力極強。雖然未算係高大型防中，但勝在核心力量夠強、爆發力又高，能夠喺身體對抗中穩住陣腳。當外國球探分析艾蘇高的特點時，普遍認為佢具備三大關鍵優勢，令佢成為歐洲最具潛力的防守型中場之一。
— 防守意識極佳，掃蕩能力出色
艾蘇高在防守端的影響力極強，佢的場均 攔截 (1.91) + 搶斷 (2.94) 總數高達 4.85，數據遠超大部分同齡防中，幾乎可以用「地毯式掃蕩」去形容。無論係阻截對手傳送定係直接攔截搶波，佢都表現得非常果斷，係後場提供穩定的屏障。
— 對抗能力強，單對單防守穩定
作為一名防守中場，艾蘇高並唔單靠身型搶波，而係憑準確的防守判斷和硬朗的對抗能力，佢的 地面對抗成功率達 62.2%，比起不少經驗豐富的中場更穩定。無論面對高速突破型球員，定係需要身體對抗嘅情況，佢都展現出穩定的防守能力。
— 搶波後推進能力不俗，具備轉守為攻的潛力
雖然佢定位係防守型中場，但佢並唔係純粹「工兵」式球員，擁有一定嘅帶球推進能力。數據顯示，佢場均有 0.96 次推進帶球 (Progressive Carries)，能夠利用身體護住皮球，然後帶球突破中場壓力。呢點對於車路士未來的戰術調整來講，可能會係一個值得開發的部分。
儘管艾蘇高在防守端表現亮眼，但佢仍然有幾個需要提升嘅方面，如果想成為英超頂級防守型中場，呢啲細節需要進一步打磨。
— 組織進攻能力有限，傳球偏向安全選擇
雖然佢嘅傳球成功率達 85.8%，但主要集中於短傳和橫傳，場均 預期助攻 (xA) 僅 0.02，顯示佢並唔擅長組織進攻或者送出致命傳送。換句話講，佢可以負責穩定中場節奏，但如果要成為一個能夠由守轉攻的核心，佢需要進一步提升傳球視野同前場傳送能力。
— 防守企位偶爾過於進取，需改善站位判斷
艾蘇高防守時具侵略性，但有時過於急於搶斷，導致佢會提前壓上試圖攔截對手傳送，但如果對手避開佢的防守，身後空間可能會被對手利用進行反擊。雖然佢的搶斷成功率高，但英超比賽節奏極快，對防守決策要求更高，未來佢需要更謹慎地選擇攔截時機，以避免標波失敗俾對手輕易突破防線。
— 犯規次數較多，需減少無謂黃牌
由於佢踢法侵略性強，對抗時經常用身體頂住對手，所以容易被判犯規，場均 1.78 次犯規，黃牌率亦偏高。如果佢要適應英超高強度比賽，需要學習更聰明的防守方式，減少不必要的黃牌累積，以免影響比賽節奏，甚至導致停賽影響球隊戰力。
佢的加盟可以為車仔帶來d咩
車路士目前的中場配置基本上係 一前一後，安素 (Enzo Fernández) 主要負責前推，卡些度 (Moisés Caicedo) 則偏向後收，確保中場穩定性並負責掃蕩防線前的危險區域。卡些度作為球隊最穩定的防守中場，佢嘅位置基本上係不可動搖，任何新球員加盟都不可能動搖佢嘅主力地位。不過，作為卡些度主要輪換的拉維亞 (Roméo Lavia) 今季長期受傷，狀態成疑，車仔明顯缺乏一個 健康可靠的防中輪換人選，特別係面對長賽季多線作戰時，依賴卡些度踢足全季顯然唔係最佳方案。
下季，車路士理論上會係史堡度回收山度士 (Andrey Santos)，不過山度士屬於全能型的中場球員，風格上更適合作為安素的後備，而唔係一個傳統 6 號位的防守型中場。因此，如果球隊想要確保後防前有穩定嘅屏障，艾蘇高可能會成為球隊未來 補強防守中場深度的關鍵人選。佢具備 強硬的攔截能力、出色的對抗強度，以及一定的持球推進能力，可以填補球隊長期缺乏正統防守輪換的漏洞，減少卡些度單季踢超負荷的風險。
技術層面方面，艾蘇高今季喺拉斯彭馬斯的表現已經證明左佢作為防守中場的強項，特別喺 攔截 (Interceptions) 方面，場均錄得 1.91 次幾乎冠絕五大聯賽，防守閱讀能力遠超大部分同位置球員，能夠快速察覺危機並作出適當補位。
同時，佢的 成功搶斷 (Tackles Won) 達 2.26 次/90 分鐘，甚至比起卡些度今季嘅 1.92 更高，證明佢係一個極具侵略性嘅防守球員，不單能夠主動攔截對手傳球，更能夠喺 1v1 防守中有效地搶奪球權。搶斷 + 攔截 (Tkl+Int) 總數為 4.85 / 90 分鐘，意味住佢喺中場屏障的角色上證明可以應付目前歐洲頂級聯賽。
呢類數據，對於需要面對高強度逼搶和快速反擊的英超球隊而言，將會是一個關鍵補充同時為卡些度減低比賽壓力。
小總結：
由昆達到艾蘇高，車仔的提前部署相信嚇左唔少人一跳，但艾蘇高呢單交易，某程度上係一筆比想像中更合理、更符合球隊需求的收購，至少係價錢上同能力上都係物超所值先。艾蘇高有潛力，但潛力最終係咪能夠轉化為長遠價值，就要睇佢自己點樣適應英超、點樣爭取上位，畢竟車仔隊中已經有烏古卓高呢個先例。你地又點睇呢單交易？你地覺得佢會成為未來主力，定係最終又係一個外借多年最後被賣走的小將？
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊