如果要揀兩季車路士陣中最關鍵的球員，彭馬 (Cole Palmer) 必然榜上有名。自從由曼城轉投車仔之後，佢憑住穩定的入球能力、靈活的進攻組織，以及冷靜的 12 碼表現，成為肥普馬蛇體系下的進攻核心。
係之前的文章入面，我有約略咁講過彭馬啞火的問題，然後係Facebook再Share的時候，就有網友講：
「但而家唔只assist跌，入球都冇埋，試過有好多球已經機會出哂嚟，甚至空龍情況都出埋嚟，都係唔入，以前入波食生菜，而家係射極都唔入，射門嘅感覺係冇咗。其實跌watt係事實，否認冇意思。跌watt咪跌watt，冇人話跌watt有罪喎，但唔需要整一堆數據出嚟試圖去否定佢跌watt」
啱，所以我今日唔係黎否認佢跌Watt，而係想同大家分享一下近期跌Watt的原因，睇下佢仲有無得救。
⚠️非戰之罪1：12碼入球減少，令總入球數下降
如果單睇彭馬今季入球數，0.52 球/90 分鐘，比上季 0.76 球/90 分鐘 明顯下降，表面上佢的入球效率似乎有所下滑。但如果拆開來睇，上季佢 22 球 入面有 9 球來自12碼，而今季暫時只有 2 球來自12碼，自然令總入球數下降。
事實上，佢的非12碼預期入球數 (npxG) 0.45 其實比上季 0.38 更高，意味住佢的進攻影響力並無減弱，只係冇咁多12碼機會去累積數據。上季車路士獲得全英超最多的12碼 (12 球)，今季改踢傳控風格後，12碼數明顯減少，直接影響彭馬的入球數字。
佢的射門數據亦反映類似情況。今季場均射門 3.61，比上季的 3.44 還要多，代表佢仍然積極尋找入球機會。但 射門轉化率 由上季 13% 下降至 11%，部分原因係佢開始被對手針對，更多時候需要喺密集防守下起腳，導致射門成功率下跌。
⚠️ 非戰之罪2：豬隊友們把握力不足，拖低助攻數據
彭馬今季的 助攻數 (0.22) 低於上季的 0.38，但從佢的關鍵傳球數 (Key Passes) 2.54 次/場 睇，佢的創造力並無減弱，甚至比上季 2.48 更高。
關鍵問題在於，佢創造的機會，隊友並無成功轉化為入球。數據顯示，自 12 月 4 日以來，彭馬創造咗 32 次機會，其中 8 次係大機會 (Big Chances)，但無一成功轉化為助攻。呢段期間，積臣 (Jackson) 一個人錯失 7 次機會，阿達拉比奧尤 (Tosin) 亦浪費 6 次機會。然後係積臣傷出之後，甚至連機會都分散晒。
睇埋 xA (預期助攻數) 0.32，比上季 0.3 仲高左，證明傳球的質素冇問題，真係身邊班豬隊友無辦法把握機會。如果車路士鋒線有一個穩定高效的終結點，彭馬的助攻數據可能早已經突破雙位數。
⚠️ 非戰之罪3：被針對式部署，影響個人發揮
上季彭馬迅速崛起，對手未必有足夠準備去針對佢。但今季唔同，佢已經成為對方防守部署的核心目標，對手會用更多資源去限制佢，導致佢比賽時受到更大壓力。數據亦顯示佢比上季更多受到對手挑戰，同時亦更加頻繁被侵犯：
1) 場均贏得地面對抗 由上季 3.0 大幅提升至 4.1，代表佢參與左更多身體對抗。
2) 場均被侵犯次數 由 0.8 極大幅度上升至 1.9，顯示對手更頻繁用犯規手段阻止佢發揮。3) 持球丟失次數 由 13.3 增加至 13.9，某程度上係因為對手更加貼身防守，令佢難以輕鬆運球。
值得留意嘅係，雖然對手針對佢多咗，但佢嘅 對抗成功率 (Ground Duels Won) 由 45% 提升至 57%，同時持球丟失次數亦無大升，代表彭馬其實有能力應對更大嘅防守壓力，並未因為對手針對而完全失去影響力。不過，頻繁嘅對抗始終令佢喺進攻時無法保持最佳節奏，影響左佢整體進攻流暢性，導致進攻選擇有時未必最理想。
另一邊，彭馬自己都唔完全係「冤枉」。有幾個關鍵地方，佢的表現確實比上季有所下降，而呢啲問題亦都影響到佢的進攻效率。
🔥 個人問題1：射門質量下降，終結能力未夠穩定
上面的資料雖然話左彭馬的射門數無跌，但佢嘅 Goals – xG (入球與預期入球差距) 由 +0.13 變成 -0.04，即係話佢實際入球比應該入嘅少，轉化率比上季低。
一個關鍵因素係佢今季的 平均射門距離由 22.1 碼縮短到 20.4 碼，即係話佢更頻繁喺禁區附近起腳，但入球轉化率反而下降，說明佢未能穩定將呢啲機會轉化為入球。事實上，佢有 2.4 個 xG underperformance (低於預期入球 2.4 球)，係同期英超最差之一。呢個數據顯示，佢的射門選擇可能未夠理想，或者臨門一腳的冷靜度需要提升。換個角度講，上季佢好多球可能係「超額發揮」射入，而今季呢啲球就無咁順利轉化為入球。
更加值得關注嘅係，上場英超對李斯特城，彭馬射失左佢喺英超嘅第一個 12 碼。作為上季 12 碼轉化率 100% 的球員，呢次失手無疑係心理上同狀態上的一個打擊，令佢最近本身已經低迷的 finishing 更加受到關注。如果話之前入波係「食生菜」，咁而家可能連「食生菜都哽親」，呢點無可否認係佢自己需要改善的地方。
佢近10場比賽入面，有唔少食糊的機會，可惜唔係射得太正就係自己撻Q射失左，明顯睇得出佢最近嘅 finishing 需要再進步。彭馬要擺脫呢個低潮，可能要從心理層面開始，重建信心，重新找回佢之前冷靜而精準的臨門一腳。
🔥 個人問題2：進攻角色改變，影響盤球威脅與決策速度
彭馬今季最大嘅變化，唔單止係數據上嘅起伏，而係佢喺戰術上嘅定位發生左根本性轉變。上季，佢係進攻核心，負責喺右路內切，透過個人能力製造機會。但今季，馬蛇 (Maresca) 的戰術要求佢更多墮後參與 build-up，角色上由終結者變成串連者，令佢喺進攻最關鍵的區域出現次數減少，直接影響佢的進攻輸出。
數據上可以睇得更清楚呢個變化：— 傳球入禁區 (Passes into Penalty Area) 由 2.37 次降至 1.73 次，顯示佢比過往少咗將波直接送入危險地帶。
— 帶波入禁區 (Carries into Penalty Area) 由 1.58 次跌至 1.03 次，盤球推進威脅減少。
— 進攻三區傳球 (Passes into Final Third) 由 4.68 次微降至 4.57 次，反映佢喺 build-up 階段仍然有作用，但最終威脅輸出未如理想。
同時，(上面都重覆過) 對手今季針對性防守亦對佢造成影響。佢場均被侵犯次數由 0.8 增加至 1.9，證明佢已經成為對手的防守焦點。而且，佢今季的推進帶球 (Progressive Carries) 由 4.02 次跌至 3.13 次，說明佢已經無上季咁容易透過個人突破撕裂對手防線。
角色轉變帶嚟嘅另一個問題，就係佢需要更快決策，而非單靠個人能力突破。佢嘅傳球創造力仍然維持高水準，例如 關鍵傳球 (Key Passes) 由 2.48 上升至 2.54，但如果要恢復上季嗰種致命輸出，佢可能需要更平衡自己嘅角色，減少過多墮後，而係集中更多精力喺進攻終結上。
最終問題係，呢個角色轉變係佢自身技術進步所帶來的自然演變，定係戰術因素影響佢發揮？如果未來球隊能夠平衡佢嘅組織與攻門角色，可能會令佢既保持控球串連，又能找回上季嗰種高效殺傷力。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
係之前的文章入面，我有約略咁講過彭馬啞火的問題，然後係Facebook再Share的時候，就有網友講：
「但而家唔只assist跌，入球都冇埋，試過有好多球已經機會出哂嚟，甚至空龍情況都出埋嚟，都係唔入，以前入波食生菜，而家係射極都唔入，射門嘅感覺係冇咗。其實跌watt係事實，否認冇意思。跌watt咪跌watt，冇人話跌watt有罪喎，但唔需要整一堆數據出嚟試圖去否定佢跌watt」
啱，所以我今日唔係黎否認佢跌Watt，而係想同大家分享一下近期跌Watt的原因，睇下佢仲有無得救。
⚠️非戰之罪1：12碼入球減少，令總入球數下降
如果單睇彭馬今季入球數，0.52 球/90 分鐘，比上季 0.76 球/90 分鐘 明顯下降，表面上佢的入球效率似乎有所下滑。但如果拆開來睇，上季佢 22 球 入面有 9 球來自12碼，而今季暫時只有 2 球來自12碼，自然令總入球數下降。
事實上，佢的非12碼預期入球數 (npxG) 0.45 其實比上季 0.38 更高，意味住佢的進攻影響力並無減弱，只係冇咁多12碼機會去累積數據。上季車路士獲得全英超最多的12碼 (12 球)，今季改踢傳控風格後，12碼數明顯減少，直接影響彭馬的入球數字。
佢的射門數據亦反映類似情況。今季場均射門 3.61，比上季的 3.44 還要多，代表佢仍然積極尋找入球機會。但 射門轉化率 由上季 13% 下降至 11%，部分原因係佢開始被對手針對，更多時候需要喺密集防守下起腳，導致射門成功率下跌。
⚠️ 非戰之罪2：豬隊友們把握力不足，拖低助攻數據
彭馬今季的 助攻數 (0.22) 低於上季的 0.38，但從佢的關鍵傳球數 (Key Passes) 2.54 次/場 睇，佢的創造力並無減弱，甚至比上季 2.48 更高。
關鍵問題在於，佢創造的機會，隊友並無成功轉化為入球。數據顯示，自 12 月 4 日以來，彭馬創造咗 32 次機會，其中 8 次係大機會 (Big Chances)，但無一成功轉化為助攻。呢段期間，積臣 (Jackson) 一個人錯失 7 次機會，阿達拉比奧尤 (Tosin) 亦浪費 6 次機會。然後係積臣傷出之後，甚至連機會都分散晒。
睇埋 xA (預期助攻數) 0.32，比上季 0.3 仲高左，證明傳球的質素冇問題，真係身邊班豬隊友無辦法把握機會。如果車路士鋒線有一個穩定高效的終結點，彭馬的助攻數據可能早已經突破雙位數。
⚠️ 非戰之罪3：被針對式部署，影響個人發揮
上季彭馬迅速崛起，對手未必有足夠準備去針對佢。但今季唔同，佢已經成為對方防守部署的核心目標，對手會用更多資源去限制佢，導致佢比賽時受到更大壓力。數據亦顯示佢比上季更多受到對手挑戰，同時亦更加頻繁被侵犯：
1) 場均贏得地面對抗 由上季 3.0 大幅提升至 4.1，代表佢參與左更多身體對抗。
2) 場均被侵犯次數 由 0.8 極大幅度上升至 1.9，顯示對手更頻繁用犯規手段阻止佢發揮。3) 持球丟失次數 由 13.3 增加至 13.9，某程度上係因為對手更加貼身防守，令佢難以輕鬆運球。
值得留意嘅係，雖然對手針對佢多咗，但佢嘅 對抗成功率 (Ground Duels Won) 由 45% 提升至 57%，同時持球丟失次數亦無大升，代表彭馬其實有能力應對更大嘅防守壓力，並未因為對手針對而完全失去影響力。不過，頻繁嘅對抗始終令佢喺進攻時無法保持最佳節奏，影響左佢整體進攻流暢性，導致進攻選擇有時未必最理想。
另一邊，彭馬自己都唔完全係「冤枉」。有幾個關鍵地方，佢的表現確實比上季有所下降，而呢啲問題亦都影響到佢的進攻效率。
🔥 個人問題1：射門質量下降，終結能力未夠穩定
上面的資料雖然話左彭馬的射門數無跌，但佢嘅 Goals – xG (入球與預期入球差距) 由 +0.13 變成 -0.04，即係話佢實際入球比應該入嘅少，轉化率比上季低。
一個關鍵因素係佢今季的 平均射門距離由 22.1 碼縮短到 20.4 碼，即係話佢更頻繁喺禁區附近起腳，但入球轉化率反而下降，說明佢未能穩定將呢啲機會轉化為入球。事實上，佢有 2.4 個 xG underperformance (低於預期入球 2.4 球)，係同期英超最差之一。呢個數據顯示，佢的射門選擇可能未夠理想，或者臨門一腳的冷靜度需要提升。換個角度講，上季佢好多球可能係「超額發揮」射入，而今季呢啲球就無咁順利轉化為入球。
更加值得關注嘅係，上場英超對李斯特城，彭馬射失左佢喺英超嘅第一個 12 碼。作為上季 12 碼轉化率 100% 的球員，呢次失手無疑係心理上同狀態上的一個打擊，令佢最近本身已經低迷的 finishing 更加受到關注。如果話之前入波係「食生菜」，咁而家可能連「食生菜都哽親」，呢點無可否認係佢自己需要改善的地方。
佢近10場比賽入面，有唔少食糊的機會，可惜唔係射得太正就係自己撻Q射失左，明顯睇得出佢最近嘅 finishing 需要再進步。彭馬要擺脫呢個低潮，可能要從心理層面開始，重建信心，重新找回佢之前冷靜而精準的臨門一腳。
🔥 個人問題2：進攻角色改變，影響盤球威脅與決策速度
彭馬今季最大嘅變化，唔單止係數據上嘅起伏，而係佢喺戰術上嘅定位發生左根本性轉變。上季，佢係進攻核心，負責喺右路內切，透過個人能力製造機會。但今季，馬蛇 (Maresca) 的戰術要求佢更多墮後參與 build-up，角色上由終結者變成串連者，令佢喺進攻最關鍵的區域出現次數減少，直接影響佢的進攻輸出。
數據上可以睇得更清楚呢個變化：— 傳球入禁區 (Passes into Penalty Area) 由 2.37 次降至 1.73 次，顯示佢比過往少咗將波直接送入危險地帶。
— 帶波入禁區 (Carries into Penalty Area) 由 1.58 次跌至 1.03 次，盤球推進威脅減少。
— 進攻三區傳球 (Passes into Final Third) 由 4.68 次微降至 4.57 次，反映佢喺 build-up 階段仍然有作用，但最終威脅輸出未如理想。
同時，(上面都重覆過) 對手今季針對性防守亦對佢造成影響。佢場均被侵犯次數由 0.8 增加至 1.9，證明佢已經成為對手的防守焦點。而且，佢今季的推進帶球 (Progressive Carries) 由 4.02 次跌至 3.13 次，說明佢已經無上季咁容易透過個人突破撕裂對手防線。
角色轉變帶嚟嘅另一個問題，就係佢需要更快決策，而非單靠個人能力突破。佢嘅傳球創造力仍然維持高水準，例如 關鍵傳球 (Key Passes) 由 2.48 上升至 2.54，但如果要恢復上季嗰種致命輸出，佢可能需要更平衡自己嘅角色，減少過多墮後，而係集中更多精力喺進攻終結上。
最終問題係，呢個角色轉變係佢自身技術進步所帶來的自然演變，定係戰術因素影響佢發揮？如果未來球隊能夠平衡佢嘅組織與攻門角色，可能會令佢既保持控球串連，又能找回上季嗰種高效殺傷力。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊