車路士再次展現佢哋喺年輕球員市場嘅敏銳觸覺，今次獵物係 葡萄牙超新星 昆達 (Geovany Quenda)。
據多個消息來源確認，車路士已經同 士砵亭 (Sporting CP) 達成協議，並秘密完成左呢位 17 歲翼鋒 的體測，交易正式完成，昆達 將會喺 2026 年正式加盟史丹福橋。
據悉，昆達 已經點頭答應車仔嘅長期計劃，同時認同馬蛇 (Enzo Maresca) 嘅戰術方向，並對自己嘅發展前景感到興奮。交易細節尚未完全公開，但有傳車仔為呢位葡萄牙新星支付左一筆可觀嘅轉會費 (傳聞話30m左右)，確保佢未來會身披藍軍戰衣。
由於 昆達 仍然年輕，佢將會繼續留喺士砵亭發展，直至 2026 年再正式加盟車路士。呢個操作同二安或者安瑟米路的手法相似，車仔希望透過提前鎖定優質年輕球員，確保未來陣容有足夠天賦可供培養。
所以，邊個係昆達 (Geovany Quenda)？
講起昆達，近來最出名應該係佢同曼聯傳出緋聞，畢竟佢曾經同現任曼聯的主帥阿摩廉共事過，只係估唔到最後會加盟車仔。
昆達生於 2007 年，本來係西非畿內亞比索人，細細個就移民去葡萄牙。
佢嘅足球旅程可以話係幾番波折，一開始係細球會 Damaiense 開始踢波，之後被賓菲加睇中帶入青訓系統。但諷刺嘅係，賓菲加當時竟然未能為佢提供承諾中嘅宿舍，令 昆達 直接選擇投靠死敵士砵亭。結果證明，呢個決定對佢嚟講係改變命運的一步。
加盟士砵亭，昆達 進步神速，先後喺 U15、U17 青年隊大殺四方，2021/22 球季仲帶領球隊攞到全國冠軍，單季攻入 20 球，成為球隊的王牌。16 歲時佢已經開始踢 U23 聯賽，同時亦被士砵亭一隊留意到，並間中就被提拔上去做後備球員。
真正改變佢命運嘅一場波，就係 2024 年 8 月對波圖 (FC Porto) 嘅葡萄牙超級盃 (Supertaça Cândido de Oliveira)。上年只有 17 歲嘅佢，喺比賽入面 打足 120 分鐘，仲喺加時賽攻入士砵亭第 3 球，成為球隊史上最年輕入球球員！ 呢場波之後，葡萄牙傳媒開始瘋狂報導呢位新星，士砵亭球迷亦開始期待佢成為球隊未來邊路核心。
而事實證明，昆達 亦冇令人失望。喺 2024 年 9 月，佢獲得葡萄牙國家隊徵召，並開始代表 U21 出戰，當時年僅 17 歲就已經進入成人國際賽，潛力可見一斑。同年 10 月，佢更加成為士砵亭史上最年輕葡超入球球員，比當年 C朗 (Cristiano Ronaldo) 仲要早成名。由一個因為住宿問題而離開賓菲加嘅小將，到葡萄牙備受注目的妖人新星，如果 昆達 真係喺車仔發光發亮的話，佢嘅故事應該算係一個現代足球童話。
技術特點①：爆發力強，欠缺穩定性
對於一名邊鋒球員而言，最關鍵的能力往往係爆發力、突破能力以及進攻端嘅影響力。為左全面分析 昆達 (Geovany Quenda) 嘅潛力，今次我選擇咗 三位風格相似、同樣具潛力或已經證明自己嘅年輕翼鋒作比較對象：
1) 馬杜基 (Noni Madueke) —— 現役車仔翼鋒，擁有出色嘅盤帶同突破能力，但穩定性仍然存疑。
2) 二安 (Estêvão Willian) —— 巴甲超新星，被譽為「未來尼馬」，具備頂級腳下技術同進攻決策力。
3) 赫切臣 (Omari Hutchinson) —— 前車仔青訓產品，現效力葉士域治 (Ipswich Town)，以速度同突破能力見稱。
昆達目前最大嘅優勢，就係爆發力同盤帶能力。數據顯示，佢場均成功過人 1.5 次，成功率 46.2%，呢個數字雖然未達到頂級水平，但已經高於赫切臣 (39.3%)，並且與馬杜基 (41.8%) 相若，證明佢擁有喺單對單突破方面嘅潛力，適合喺邊路製造威脅。
除此之外，佢亦擅長帶波推進，場均3.12 次推進帶球 (Progressive Carries)，比 赫切臣 (2.83) 更高，代表佢可以透過持球推進為球隊帶來更直接嘅進攻方式。不過，如果比較 二安 (6.22) 或馬杜基 (6.55)，昆達仍然未能夠達到頂級持球推進球員嘅水準，證明佢仍然需要進一步提升穩定性同帶球決策能力。
技術特點：終結與傳球 把握力依然不足
雖然昆達嘅爆發力極具潛力，但目前佢嘅射門把握力仍然唔夠穩定。場均射門命中率 (Shots on Target %) 只有 22.2%，遠低於 馬杜基 (39.5%)、二安 (42.7%) 甚至赫切臣 (45.5%)，顯示佢喺進攻終結方面仍然有待改善。如果要成為更全面嘅攻擊手，昆達需要提升臨門冷靜度，特別係禁區內射門選擇，令自己變得更具威脅。
而喺傳球創造力方面，昆達場均交出 1.5 次關鍵傳球 (Key Passes)，數據上與 馬杜基 (1.54) 相若，證明佢具備一定創造機會嘅能力。但相比 二安 (2.1)，昆達仍未達到頂級創造型球員的標準，需要進一步提升決策能力，令自己不僅僅能夠突破對手，亦能夠更有效地為隊友創造機會。
仲有就係，昆達場均 2.12 次傳球進入進攻三區 (Passes into Final Third)，比 馬杜基 (1.21) 及赫切臣 (1.73) 更高，證明佢擁有唔錯嘅向前傳波的眼光同能力，能夠透過傳球為球隊帶來進攻威脅。未來如果佢可以進一步提升自己嘅終結能力同傳球穩定性，昆達有潛力成為車仔邊路最重要嘅進攻武器之一。
技術特點：回防能力同意識係零
作為一名翼鋒，昆達喺防守端嘅參與度較低，呢方面的確需要改善。數據顯示，佢場均攔截 (Interceptions) 只有 0.37 次，相比 馬杜基 (0.42) 為低，並且場均搶斷成功數 (Tackles Won) 只有 0.25 次，明顯落後於 二安 (0.99) 及馬杜基 (0.67)。
呢方面顯示出，昆達目前仍未完全適應高強度對抗，特別係喺回防同逼搶方面，未來如果要喺高強度搶迫的英超立足，佢必須提升回防意識同個人對抗能力。只要佢能夠增強自己嘅防守參與度，加強逼搶力度，相信會令佢變成一個更全面的邊路球員，而唔止係一個進攻機器。
昆達能夠為車路士帶來咩
車路士引進昆達，表面上似乎係為左補強未來嘅進攻線，但如果深入分析，佢真係最適合現時嘅藍軍戰術框架？現時球隊有幾個問題點，昆達嘅特質未必可以即時解決呢d問題。
1) 車仔最缺就係入球，偏偏就無入球能力—— 現時車仔最大嘅問題，就係攻擊端缺乏穩定產出。彭馬 (Palmer) 已經 10 場未開齋，積臣 (Nicolas Jackson) 亦唔係高產射手，右翼既有馬杜基 (Madueke) 但同樣欠缺穩定性，前場缺乏一個穩定終結者，亦係點解球隊一直希望收購一名新射手。
偏偏昆達並唔係一個高產射手，甚至唔係一個射門型邊鋒。數據顯示，今年的場均入球數仍然貼近食蛋 (只有0.05)，射門命中率僅 22.2%，即使同目前車仔陣中最不穩定的馬杜基相比，都明顯遜色。如果純粹為左增加進攻產出，昆達未必能夠帶來即時幫助。
2) 擅長速度突破同反擊，但車仔近期控球為主 —— 另一個問題係，昆達最擅長嘅係快節奏反擊，但馬蛇的戰術偏向控球，甚至會刻意減慢進攻節奏。再睇數據，昆達場均 3.12 次帶球推進 (Progressive Carries)，比赫切臣高，證明佢非常擅長同偏向直接突破。
如果睇返馬列斯卡近來的戰術，車仔往往會用極高控球率 (60% 以上) 黎組織進攻，甚至會利用 多次回傳去減慢節奏，以減少比賽混亂度，令對手無法輕易轉換攻守。昆達「直搗黃龍」式的踢法，明顯同車仔完全唔同，除非佢咁勁可以短時間內適應同轉變為一個更耐心嘅控球球員。
3) 葡超同英超有實力差距，昆達能否適應 —— 最後一個疑問，就係葡超同英超嘅強度差距極大，昆達能否適應這種強度仍然存疑。數據顯示，佢場均搶斷成功數僅 0.25 次，場均攔截 0.37 次，完全唔符合英超對防守參與度高嘅要求。
英超係一個節奏極快、身體對抗極強的聯賽，昆達目前的防守參與度偏低，意味住如果佢唔提升自己嘅回防意識，可能會被對手針對性地攻擊，導致防守端成為短板。
小總結：
係我的觀點入面，昆達並唔係一個可以即插即用的球員，而係一個需要時間培養的未來戰力。如果佢能夠提升防守、決策同終結能力，佢絕對有機會成為車仔未來幾年的重要邊鋒，但如果未能適應英超強度，佢可能只會淪為另一個「被高估的新星」。加上同一個位置有二安同馬杜基的爭奪，仲有小將泰基佐治係度，昆達可以爭取到的出場時間都唔係多。你哋又認為 昆達 可以適應英超嗎？車仔又應該點樣用佢？
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
據多個消息來源確認，車路士已經同 士砵亭 (Sporting CP) 達成協議，並秘密完成左呢位 17 歲翼鋒 的體測，交易正式完成，昆達 將會喺 2026 年正式加盟史丹福橋。
據悉，昆達 已經點頭答應車仔嘅長期計劃，同時認同馬蛇 (Enzo Maresca) 嘅戰術方向，並對自己嘅發展前景感到興奮。交易細節尚未完全公開，但有傳車仔為呢位葡萄牙新星支付左一筆可觀嘅轉會費 (傳聞話30m左右)，確保佢未來會身披藍軍戰衣。
由於 昆達 仍然年輕，佢將會繼續留喺士砵亭發展，直至 2026 年再正式加盟車路士。呢個操作同二安或者安瑟米路的手法相似，車仔希望透過提前鎖定優質年輕球員，確保未來陣容有足夠天賦可供培養。
所以，邊個係昆達 (Geovany Quenda)？
講起昆達，近來最出名應該係佢同曼聯傳出緋聞，畢竟佢曾經同現任曼聯的主帥阿摩廉共事過，只係估唔到最後會加盟車仔。
昆達生於 2007 年，本來係西非畿內亞比索人，細細個就移民去葡萄牙。
佢嘅足球旅程可以話係幾番波折，一開始係細球會 Damaiense 開始踢波，之後被賓菲加睇中帶入青訓系統。但諷刺嘅係，賓菲加當時竟然未能為佢提供承諾中嘅宿舍，令 昆達 直接選擇投靠死敵士砵亭。結果證明，呢個決定對佢嚟講係改變命運的一步。
加盟士砵亭，昆達 進步神速，先後喺 U15、U17 青年隊大殺四方，2021/22 球季仲帶領球隊攞到全國冠軍，單季攻入 20 球，成為球隊的王牌。16 歲時佢已經開始踢 U23 聯賽，同時亦被士砵亭一隊留意到，並間中就被提拔上去做後備球員。
真正改變佢命運嘅一場波，就係 2024 年 8 月對波圖 (FC Porto) 嘅葡萄牙超級盃 (Supertaça Cândido de Oliveira)。上年只有 17 歲嘅佢，喺比賽入面 打足 120 分鐘，仲喺加時賽攻入士砵亭第 3 球，成為球隊史上最年輕入球球員！ 呢場波之後，葡萄牙傳媒開始瘋狂報導呢位新星，士砵亭球迷亦開始期待佢成為球隊未來邊路核心。
而事實證明，昆達 亦冇令人失望。喺 2024 年 9 月，佢獲得葡萄牙國家隊徵召，並開始代表 U21 出戰，當時年僅 17 歲就已經進入成人國際賽，潛力可見一斑。同年 10 月，佢更加成為士砵亭史上最年輕葡超入球球員，比當年 C朗 (Cristiano Ronaldo) 仲要早成名。由一個因為住宿問題而離開賓菲加嘅小將，到葡萄牙備受注目的妖人新星，如果 昆達 真係喺車仔發光發亮的話，佢嘅故事應該算係一個現代足球童話。
技術特點①：爆發力強，欠缺穩定性
對於一名邊鋒球員而言，最關鍵的能力往往係爆發力、突破能力以及進攻端嘅影響力。為左全面分析 昆達 (Geovany Quenda) 嘅潛力，今次我選擇咗 三位風格相似、同樣具潛力或已經證明自己嘅年輕翼鋒作比較對象：
1) 馬杜基 (Noni Madueke) —— 現役車仔翼鋒，擁有出色嘅盤帶同突破能力，但穩定性仍然存疑。
2) 二安 (Estêvão Willian) —— 巴甲超新星，被譽為「未來尼馬」，具備頂級腳下技術同進攻決策力。
3) 赫切臣 (Omari Hutchinson) —— 前車仔青訓產品，現效力葉士域治 (Ipswich Town)，以速度同突破能力見稱。
昆達目前最大嘅優勢，就係爆發力同盤帶能力。數據顯示，佢場均成功過人 1.5 次，成功率 46.2%，呢個數字雖然未達到頂級水平，但已經高於赫切臣 (39.3%)，並且與馬杜基 (41.8%) 相若，證明佢擁有喺單對單突破方面嘅潛力，適合喺邊路製造威脅。
除此之外，佢亦擅長帶波推進，場均3.12 次推進帶球 (Progressive Carries)，比 赫切臣 (2.83) 更高，代表佢可以透過持球推進為球隊帶來更直接嘅進攻方式。不過，如果比較 二安 (6.22) 或馬杜基 (6.55)，昆達仍然未能夠達到頂級持球推進球員嘅水準，證明佢仍然需要進一步提升穩定性同帶球決策能力。
技術特點：終結與傳球 把握力依然不足
雖然昆達嘅爆發力極具潛力，但目前佢嘅射門把握力仍然唔夠穩定。場均射門命中率 (Shots on Target %) 只有 22.2%，遠低於 馬杜基 (39.5%)、二安 (42.7%) 甚至赫切臣 (45.5%)，顯示佢喺進攻終結方面仍然有待改善。如果要成為更全面嘅攻擊手，昆達需要提升臨門冷靜度，特別係禁區內射門選擇，令自己變得更具威脅。
而喺傳球創造力方面，昆達場均交出 1.5 次關鍵傳球 (Key Passes)，數據上與 馬杜基 (1.54) 相若，證明佢具備一定創造機會嘅能力。但相比 二安 (2.1)，昆達仍未達到頂級創造型球員的標準，需要進一步提升決策能力，令自己不僅僅能夠突破對手，亦能夠更有效地為隊友創造機會。
仲有就係，昆達場均 2.12 次傳球進入進攻三區 (Passes into Final Third)，比 馬杜基 (1.21) 及赫切臣 (1.73) 更高，證明佢擁有唔錯嘅向前傳波的眼光同能力，能夠透過傳球為球隊帶來進攻威脅。未來如果佢可以進一步提升自己嘅終結能力同傳球穩定性，昆達有潛力成為車仔邊路最重要嘅進攻武器之一。
技術特點：回防能力同意識係零
作為一名翼鋒，昆達喺防守端嘅參與度較低，呢方面的確需要改善。數據顯示，佢場均攔截 (Interceptions) 只有 0.37 次，相比 馬杜基 (0.42) 為低，並且場均搶斷成功數 (Tackles Won) 只有 0.25 次，明顯落後於 二安 (0.99) 及馬杜基 (0.67)。
呢方面顯示出，昆達目前仍未完全適應高強度對抗，特別係喺回防同逼搶方面，未來如果要喺高強度搶迫的英超立足，佢必須提升回防意識同個人對抗能力。只要佢能夠增強自己嘅防守參與度，加強逼搶力度，相信會令佢變成一個更全面的邊路球員，而唔止係一個進攻機器。
昆達能夠為車路士帶來咩
車路士引進昆達，表面上似乎係為左補強未來嘅進攻線，但如果深入分析，佢真係最適合現時嘅藍軍戰術框架？現時球隊有幾個問題點，昆達嘅特質未必可以即時解決呢d問題。
1) 車仔最缺就係入球，偏偏就無入球能力—— 現時車仔最大嘅問題，就係攻擊端缺乏穩定產出。彭馬 (Palmer) 已經 10 場未開齋，積臣 (Nicolas Jackson) 亦唔係高產射手，右翼既有馬杜基 (Madueke) 但同樣欠缺穩定性，前場缺乏一個穩定終結者，亦係點解球隊一直希望收購一名新射手。
偏偏昆達並唔係一個高產射手，甚至唔係一個射門型邊鋒。數據顯示，今年的場均入球數仍然貼近食蛋 (只有0.05)，射門命中率僅 22.2%，即使同目前車仔陣中最不穩定的馬杜基相比，都明顯遜色。如果純粹為左增加進攻產出，昆達未必能夠帶來即時幫助。
2) 擅長速度突破同反擊，但車仔近期控球為主 —— 另一個問題係，昆達最擅長嘅係快節奏反擊，但馬蛇的戰術偏向控球，甚至會刻意減慢進攻節奏。再睇數據，昆達場均 3.12 次帶球推進 (Progressive Carries)，比赫切臣高，證明佢非常擅長同偏向直接突破。
如果睇返馬列斯卡近來的戰術，車仔往往會用極高控球率 (60% 以上) 黎組織進攻，甚至會利用 多次回傳去減慢節奏，以減少比賽混亂度，令對手無法輕易轉換攻守。昆達「直搗黃龍」式的踢法，明顯同車仔完全唔同，除非佢咁勁可以短時間內適應同轉變為一個更耐心嘅控球球員。
3) 葡超同英超有實力差距，昆達能否適應 —— 最後一個疑問，就係葡超同英超嘅強度差距極大，昆達能否適應這種強度仍然存疑。數據顯示，佢場均搶斷成功數僅 0.25 次，場均攔截 0.37 次，完全唔符合英超對防守參與度高嘅要求。
英超係一個節奏極快、身體對抗極強的聯賽，昆達目前的防守參與度偏低，意味住如果佢唔提升自己嘅回防意識，可能會被對手針對性地攻擊，導致防守端成為短板。
小總結：
係我的觀點入面，昆達並唔係一個可以即插即用的球員，而係一個需要時間培養的未來戰力。如果佢能夠提升防守、決策同終結能力，佢絕對有機會成為車仔未來幾年的重要邊鋒，但如果未能適應英超強度，佢可能只會淪為另一個「被高估的新星」。加上同一個位置有二安同馬杜基的爭奪，仲有小將泰基佐治係度，昆達可以爭取到的出場時間都唔係多。你哋又認為 昆達 可以適應英超嗎？車仔又應該點樣用佢？
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊