車路士主場 1:0 小勝哥本哈根，憑 KDH (Kiernan Dewsbury-Hall) 下半場的個人突破建功，成功以總比數 3:1 晉級歐協聯八強。不過，球隊今場表現遠遠未夠說服力，特別係 上半場留力造成的 0 射門，踢到球迷都忍唔住喺半場報以噓聲。
馬列斯卡 (Enzo Maresca) 在中場終於意識到問題，換入 彭馬 (Cole Palmer) 及 古古尼亞 (Marc Cucurella) 重新整理進攻。換人後 10 分鐘，KDH接應彭馬傳球，連續突破後射遠柱得手，終於打破僵局。
之後車仔雖然攻勢稍有改善，但 彭馬持續入球荒，錯失幾次機會未能擴大比數。比賽尾段哥本哈根險些追平，侯斯卡斯 (Rodrigo Huescas) 門前勁射高出，令藍軍驚險過關。
最終車路士驚險晉級，但全場表現未算有說服力，下場對手將會是波蘭的 Legia，如果進攻問題持續，未來恐怕會愈來愈難打。
賽後點評：
1) 留力留出禍，上半場部署勁錯——馬蛇為左應付黎緊對阿仙奴的比賽，今場作出左 6 個輪換，包括門將起用佐真臣，迪斯比賀 aka KDH (Kiernan Dewsbury-Hall) 獲安排打進攻中場，但佢明顯適應唔到角色，無法提供突破或創造機會，直接影響上半場進攻流暢度。兩翼由辛祖 (Jadon Sancho) 同泰基佐治 (Tyrique George) 配正前尼圖 (Pedro Neto) ，但三人缺乏連結，中場亦未能提供足夠支援，令球隊陷入長時間無效控球。後防方面，因為古斯度的有輕傷，改由小將艾殊邦出任左閘。但上半場 進攻三區滲透次數極少，傳球過於保守而且中長傳的成功率低，反映球員之間未能建立默契，進攻斷層嚴重。
2) 上半場毫無威脅，控球戰術繼續走火入魔——車路士 上半場 0 射門，創下今季歐戰最差紀錄，亦係自從2013年以來首次有前半場完全無射門。球隊控球率接近 60%，但喺高控球下依然欠缺進攻穿透力，大部分時間都停留喺中場無謂傳送，無法打穿哥本哈根的中低位防線。進攻站位問題明顯，KDH 過於保守，尼圖 無任何空間突破，辛祖同佐治存在感極低，導致球隊前場毫無串連。
3) 中場換人後改善，但仍然過於依賴個人能力——留左半場力，下半場就換入彭馬同古古尼亞試圖改善進攻問題，但攻勢主要依賴球員個人能力，而非戰術層面的調整。例如今場的入球係來自KDH的個人突破，即使換人後有 11 次射門，但真正高質素機會並不多，彭馬仍然未能擺脫入球荒，錯失幾次機會。
4) 中場結構失衡，導致上半場無法推進 —— 卡些度 (Moisés Caicedo) + 安素 (Enzo Fernández) 的組合本身無問題，可怕的係同佢地配合的KDH未能提供足夠的縱深跑動，導致整條中場線無法與前場連接，白白浪費左安素的推進同卡些度的掃蕩，哥本哈根方面只需保持陣型就能有效阻截，令車路士完全無法製造威脅。
5) 高位壓迫未見成效，反而讓哥本哈根找到機會 —— 馬蛇今場仍然堅持 高位防守策略，防線推得極高，希望壓制哥本哈根的出球，但上半場效果一般。哥本哈根前場逼搶積極，成功讓車路士後場出現幾次失誤，如果對手決策更精準，車仔可能會早早落後。全場的 PPDA (防守施壓強度) 數據亦未如理想，即使成功逼搶，轉換進攻的能力仍然不足，證明今場的高位防守並無帶來足夠回報。
個別表現：
KDH：
踢得再差，只要入一球個話題就會轉晒
⭕️ 入球數：1
❌ 射門數：1 (1)
⭕️ 預計入球：0.39⭕️ 關鍵傳球：3
⭕️ 地面對抗：6 (5)
⭕️ 搶斷：3
今場我地的新飲水哥的表現算係兩極。
上半場同大部分隊友一樣，KDH 幾乎隱形，無論係推進、組織定係防守，都未能帶動球隊前進，由於企位較深同保守，未有太多向前插入禁區的跑動，導致球隊進攻上斷層相當嚴重。
下半場換人之後，球隊進攻明顯活躍起來，KDH 亦終於等到佢的關鍵時刻。55 分鐘，接應彭馬的傳送後連過數人突入禁區，最後冷靜射入遠柱，鎖定晉級資格。
呢球入波證明左 KDH 仍然有一定價值，佢今場 唯一一次射門就轉化成入球，xG 達 0.39，足見佢並非毫無威脅。全場交出 3 次關鍵傳球，亦有 6 次地面對抗 (5 次成功) 及 3 次搶斷，防守端算係勤力。
呢一邊，KDH 的跑動選擇同決策依然不夠聰明，同場上其他隊友連結不足，除左入波果一刻之外，其餘時間依然有啲迷失。如果KDH要長期搶返正選席位，相信要證明自己能夠提供更多更穩定的影響力，而唔係只係靠「入波洗底」。
卡些度 (Moisés Caicedo)
影子裡的英雄，提供睇唔到的貢獻。
⭕️ 傳球數： 73 (68)
⭕️ 長傳： 4 (3)
⭕️ 地面對抗：8 (7)
⭕️ 搶斷：4
⭕️ 攔截：1
如果淨係睇數據，可能會覺得卡些度今場表現一般，冇乜亮點，但事實上佢係車仔真正的「影子英雄」，默默提供穩定性，確保中場唔會完全崩潰。
今場卡些度係前場傳球最多的球員，73 次傳球 (68 次成功)，成功率極高，絕對係球隊穩定控球的關鍵角色。雖然佢並非進攻型中場，但仍然交出 4 次長傳 (3 次成功)，喺球隊缺乏地面推進能力時，幫助轉移戰線，減少後場被壓迫的風險。
防守方面，卡些度繼續發揮佢掃蕩中場的作用，全場 8 次地面對抗 (7 次成功)，4 次搶斷 以及 1 次攔截，數據上可能唔算驚人，不過多次係關鍵時刻壓迫對手拖延進攻，為防線補位，確保哥本哈根無法製造更多威脅。
如果冇左佢，今場上半場可能已經被哥本哈根反擊入波，就係卡些度係中場的存在感令隊友可以更專注進攻。雖然佢唔係最耀眼的球員，但如果車路士想保持穩定性，卡些度呢種球員就係不可或缺的存在。
辛祖 (Jadon Sancho)
喂, 係咪倫敦警局？車仔有個球員失蹤左……
❌ 射門：1 (1)
⭕️ 傳球：18 (16)
❌ 關鍵傳球：0
❌ 嘗試過人：7 (4)
❌ 地面對抗：9 (4)
❌ 搶斷：0
❌ 攔截：0
其實我本來期望辛祖可以為車仔的前場帶來破壞主守球隊防線的能力，結果今場佢真係「破壞」左……但係破壞左自己喺球隊的作用感。
全場唯一一次射門雖然中龍，但 xG 低得可憐，基本上無威脅。傳球成功率高達 88.9%，仍然錄得 0 次關鍵傳球，即係話佢所有傳球都係「安全波」，完全無創造力。
最令人失望嘅係，作為翼鋒，辛祖應該負責突破對手，可惜面對較弱的對手 7 次過人只得 4 次成功，即係連一半機會都突破唔到對方防線。地面對抗成功率 9 (4)，顯示佢喺對抗上都未能夠佔到優勢。再睇防守端，辛祖 0 搶斷，0 攔截，基本上毫無貢獻，喺哥本哈根反擊時，佢回防都只係扮演雪糕筒的角色。
如果話彭馬係失準，咁辛祖都係失，不過係失蹤。就算將佢係比賽抽走都唔會覺得有咩改變，唯一做到嘅就係「穩定地保持隱形」。現階段車仔需要一個可以打破防守框架的翼鋒，辛祖似乎仍然未搵到自己真正的位置。
彭馬 (Cole Palmer)
係人定馬定狗，有時只係一線之差。
⭕️ 射門數：4 (1)
❌ 預計入球：0.30
❌ 傳球數： 26 (24)
❌ 地面對抗：4 (1)
❌ 嘗試過人：0
❌ 關鍵傳球：1
球迷就係咁現實，入波果時就「彭馬」，唔入果時就「彭狗」。今場起碼證明到 彭馬 係車仔進攻的核心，有佢同無佢已經係兩隊波。
上半場車路士進攻完全癱瘓，全場 0 射門，無威脅、無創造力，下半場一換入彭馬，球隊即時搵返節奏，呢種影響力已經講明晒佢喺呢隊波嘅地位。
雖然 4 次射門只得 1 次中目標，xG 亦唔算高 (0.30)，不過最少佢令車路士喺進攻上生猛返少少，亦係KDH入波嘅關鍵推動者。差的果一邊係，彭馬仍然未搵得返最佳狀態，今場 0 過人，地面對抗成功率 25%，明顯見到佢對抗上仲係有啲吃力。入球荒已經延續到 10 場，影響力係一回事，但對一個進攻核心嚟講，最終數據仲係未夠說服力。黎緊要對戰阿仙奴，彭馬要走出低潮，最好就係喺北倫敦用入球證明自己！
總結：
晉級八強，當然係值得開心，畢竟歐戰前進一步，保住今季爭冠嘅最後希望。認真去睇呢場比賽，車路士其實踢得一啲都唔穩定，特別係 上半場簡直係睇到令人懷疑人生。對住哥本哈根都可以打到咁混亂，如果對手係更高水平，呢隊波可能半場已經收皮。長遠嚟講，車路士仲需要更多時間，同時每位核心球員都要盡快搵返最佳狀態。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
馬列斯卡 (Enzo Maresca) 在中場終於意識到問題，換入 彭馬 (Cole Palmer) 及 古古尼亞 (Marc Cucurella) 重新整理進攻。換人後 10 分鐘，KDH接應彭馬傳球，連續突破後射遠柱得手，終於打破僵局。
之後車仔雖然攻勢稍有改善，但 彭馬持續入球荒，錯失幾次機會未能擴大比數。比賽尾段哥本哈根險些追平，侯斯卡斯 (Rodrigo Huescas) 門前勁射高出，令藍軍驚險過關。
最終車路士驚險晉級，但全場表現未算有說服力，下場對手將會是波蘭的 Legia，如果進攻問題持續，未來恐怕會愈來愈難打。
賽後點評：
1) 留力留出禍，上半場部署勁錯——馬蛇為左應付黎緊對阿仙奴的比賽，今場作出左 6 個輪換，包括門將起用佐真臣，迪斯比賀 aka KDH (Kiernan Dewsbury-Hall) 獲安排打進攻中場，但佢明顯適應唔到角色，無法提供突破或創造機會，直接影響上半場進攻流暢度。兩翼由辛祖 (Jadon Sancho) 同泰基佐治 (Tyrique George) 配正前尼圖 (Pedro Neto) ，但三人缺乏連結，中場亦未能提供足夠支援，令球隊陷入長時間無效控球。後防方面，因為古斯度的有輕傷，改由小將艾殊邦出任左閘。但上半場 進攻三區滲透次數極少，傳球過於保守而且中長傳的成功率低，反映球員之間未能建立默契，進攻斷層嚴重。
2) 上半場毫無威脅，控球戰術繼續走火入魔——車路士 上半場 0 射門，創下今季歐戰最差紀錄，亦係自從2013年以來首次有前半場完全無射門。球隊控球率接近 60%，但喺高控球下依然欠缺進攻穿透力，大部分時間都停留喺中場無謂傳送，無法打穿哥本哈根的中低位防線。進攻站位問題明顯，KDH 過於保守，尼圖 無任何空間突破，辛祖同佐治存在感極低，導致球隊前場毫無串連。
3) 中場換人後改善，但仍然過於依賴個人能力——留左半場力，下半場就換入彭馬同古古尼亞試圖改善進攻問題，但攻勢主要依賴球員個人能力，而非戰術層面的調整。例如今場的入球係來自KDH的個人突破，即使換人後有 11 次射門，但真正高質素機會並不多，彭馬仍然未能擺脫入球荒，錯失幾次機會。
4) 中場結構失衡，導致上半場無法推進 —— 卡些度 (Moisés Caicedo) + 安素 (Enzo Fernández) 的組合本身無問題，可怕的係同佢地配合的KDH未能提供足夠的縱深跑動，導致整條中場線無法與前場連接，白白浪費左安素的推進同卡些度的掃蕩，哥本哈根方面只需保持陣型就能有效阻截，令車路士完全無法製造威脅。
5) 高位壓迫未見成效，反而讓哥本哈根找到機會 —— 馬蛇今場仍然堅持 高位防守策略，防線推得極高，希望壓制哥本哈根的出球，但上半場效果一般。哥本哈根前場逼搶積極，成功讓車路士後場出現幾次失誤，如果對手決策更精準，車仔可能會早早落後。全場的 PPDA (防守施壓強度) 數據亦未如理想，即使成功逼搶，轉換進攻的能力仍然不足，證明今場的高位防守並無帶來足夠回報。
個別表現：
KDH：
踢得再差，只要入一球個話題就會轉晒
⭕️ 入球數：1
❌ 射門數：1 (1)
⭕️ 預計入球：0.39⭕️ 關鍵傳球：3
⭕️ 地面對抗：6 (5)
⭕️ 搶斷：3
今場我地的新飲水哥的表現算係兩極。
上半場同大部分隊友一樣，KDH 幾乎隱形，無論係推進、組織定係防守，都未能帶動球隊前進，由於企位較深同保守，未有太多向前插入禁區的跑動，導致球隊進攻上斷層相當嚴重。
下半場換人之後，球隊進攻明顯活躍起來，KDH 亦終於等到佢的關鍵時刻。55 分鐘，接應彭馬的傳送後連過數人突入禁區，最後冷靜射入遠柱，鎖定晉級資格。
呢球入波證明左 KDH 仍然有一定價值，佢今場 唯一一次射門就轉化成入球，xG 達 0.39，足見佢並非毫無威脅。全場交出 3 次關鍵傳球，亦有 6 次地面對抗 (5 次成功) 及 3 次搶斷，防守端算係勤力。
呢一邊，KDH 的跑動選擇同決策依然不夠聰明，同場上其他隊友連結不足，除左入波果一刻之外，其餘時間依然有啲迷失。如果KDH要長期搶返正選席位，相信要證明自己能夠提供更多更穩定的影響力，而唔係只係靠「入波洗底」。
卡些度 (Moisés Caicedo)
影子裡的英雄，提供睇唔到的貢獻。
⭕️ 傳球數： 73 (68)
⭕️ 長傳： 4 (3)
⭕️ 地面對抗：8 (7)
⭕️ 搶斷：4
⭕️ 攔截：1
如果淨係睇數據，可能會覺得卡些度今場表現一般，冇乜亮點，但事實上佢係車仔真正的「影子英雄」，默默提供穩定性，確保中場唔會完全崩潰。
今場卡些度係前場傳球最多的球員，73 次傳球 (68 次成功)，成功率極高，絕對係球隊穩定控球的關鍵角色。雖然佢並非進攻型中場，但仍然交出 4 次長傳 (3 次成功)，喺球隊缺乏地面推進能力時，幫助轉移戰線，減少後場被壓迫的風險。
防守方面，卡些度繼續發揮佢掃蕩中場的作用，全場 8 次地面對抗 (7 次成功)，4 次搶斷 以及 1 次攔截，數據上可能唔算驚人，不過多次係關鍵時刻壓迫對手拖延進攻，為防線補位，確保哥本哈根無法製造更多威脅。
如果冇左佢，今場上半場可能已經被哥本哈根反擊入波，就係卡些度係中場的存在感令隊友可以更專注進攻。雖然佢唔係最耀眼的球員，但如果車路士想保持穩定性，卡些度呢種球員就係不可或缺的存在。
辛祖 (Jadon Sancho)
喂, 係咪倫敦警局？車仔有個球員失蹤左……
❌ 射門：1 (1)
⭕️ 傳球：18 (16)
❌ 關鍵傳球：0
❌ 嘗試過人：7 (4)
❌ 地面對抗：9 (4)
❌ 搶斷：0
❌ 攔截：0
其實我本來期望辛祖可以為車仔的前場帶來破壞主守球隊防線的能力，結果今場佢真係「破壞」左……但係破壞左自己喺球隊的作用感。
全場唯一一次射門雖然中龍，但 xG 低得可憐，基本上無威脅。傳球成功率高達 88.9%，仍然錄得 0 次關鍵傳球，即係話佢所有傳球都係「安全波」，完全無創造力。
最令人失望嘅係，作為翼鋒，辛祖應該負責突破對手，可惜面對較弱的對手 7 次過人只得 4 次成功，即係連一半機會都突破唔到對方防線。地面對抗成功率 9 (4)，顯示佢喺對抗上都未能夠佔到優勢。再睇防守端，辛祖 0 搶斷，0 攔截，基本上毫無貢獻，喺哥本哈根反擊時，佢回防都只係扮演雪糕筒的角色。
如果話彭馬係失準，咁辛祖都係失，不過係失蹤。就算將佢係比賽抽走都唔會覺得有咩改變，唯一做到嘅就係「穩定地保持隱形」。現階段車仔需要一個可以打破防守框架的翼鋒，辛祖似乎仍然未搵到自己真正的位置。
彭馬 (Cole Palmer)
係人定馬定狗，有時只係一線之差。
⭕️ 射門數：4 (1)
❌ 預計入球：0.30
❌ 傳球數： 26 (24)
❌ 地面對抗：4 (1)
❌ 嘗試過人：0
❌ 關鍵傳球：1
球迷就係咁現實，入波果時就「彭馬」，唔入果時就「彭狗」。今場起碼證明到 彭馬 係車仔進攻的核心，有佢同無佢已經係兩隊波。
上半場車路士進攻完全癱瘓，全場 0 射門，無威脅、無創造力，下半場一換入彭馬，球隊即時搵返節奏，呢種影響力已經講明晒佢喺呢隊波嘅地位。
雖然 4 次射門只得 1 次中目標，xG 亦唔算高 (0.30)，不過最少佢令車路士喺進攻上生猛返少少，亦係KDH入波嘅關鍵推動者。差的果一邊係，彭馬仍然未搵得返最佳狀態，今場 0 過人，地面對抗成功率 25%，明顯見到佢對抗上仲係有啲吃力。入球荒已經延續到 10 場，影響力係一回事，但對一個進攻核心嚟講，最終數據仲係未夠說服力。黎緊要對戰阿仙奴，彭馬要走出低潮，最好就係喺北倫敦用入球證明自己！
總結：
晉級八強，當然係值得開心，畢竟歐戰前進一步，保住今季爭冠嘅最後希望。認真去睇呢場比賽，車路士其實踢得一啲都唔穩定，特別係 上半場簡直係睇到令人懷疑人生。對住哥本哈根都可以打到咁混亂，如果對手係更高水平，呢隊波可能半場已經收皮。長遠嚟講，車路士仲需要更多時間，同時每位核心球員都要盡快搵返最佳狀態。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊