車路士主場小勝李斯特城，上半場彭馬12碼宴客。下半場球隊進攻稍有起色，控球率 63% 佔據主導，但進攻依然欠缺效率，19 次射門只有 6 次命中目標。最終靠古古尼亞一記 25 碼低射破門，全取 3 分，重返聯賽前四，球隊表現並未令人信服，進攻乏力的問題仍未解決。
賽後點評：
1) 進攻依然欠缺結構 ーー 問題幾乎同上場對哥本哈根一樣，就算前線有安宮古、尼圖同辛祖係度，仍然無任何大的改善。車路士由後場Build up，上半場就已經確立左整體戰局的控制，只講上半場已經係69%：31%的控球率，可惜空有控球，上半場十次埋門仍然顆粒無收，場地傾斜度 (Field Tilt) 71.4%，表示車仔大部分時間都喺對方半場推進，但破防能力不足。入球同預計入球差距高達1.24。
2) 戰術佈陣過於保守 ーー 開賽無耐就已經明顯地知道對手係用5人防線去試圖死守，但馬蛇係傷停都無俾進一步的指示，全場 19 次射門，但只有 6 次射正，轉化率不足。禁區內射門總數亦只有 10 次，顯示球隊在密集防守下，未能頻繁進入關鍵區域起腳。
3) 略有改善的搶迫戰術 ーー 要講今場的最大亮點，就係車路士終於成功拎到一次CS。PPDA 9.8，High Turnovers 6 次，Defensive Action Height 55.7，呢三個數據都反映出車路士有成功用高壓方式去截斷對手傳球，快速反攻同推高防線。高位防守戰術奏效，但仍下場對手係阿仙奴，低效的進攻恐怕會變成我地的弱點。
4) 過於依賴個人能力 ーー 因為戰術唔奏效，結果連同今場已經係第三次要靠後防或者球員個人能力去入波，而且幾場的對手明明唔係強，偏偏馬蛇就無辦法以碾壓之勢去擊敗對手，甚至三場都有好多甩漏，單純係對手把握唔到先至力保不失，包括山齊士飛撲但波皮都掂唔到，又包括阿達拉比奧尤解圍但差少少就送左個波入網等等。
個別表現：
卡些度：
中場的絕對屏障，攻守俱佳的全場最佳球員
⭕️ 進攻三區傳球：14*
⭕️ 搶回球權：8*
⭕️ 地面對抗：11 (10)*⭕️ 攔截：3*
⭕️ 助攻預期 (xA)：0.41*
⭕️ 長傳成功率：5 (4) (80%)
⭕️ 射門：1 (1)
數據已經講明一切 —— 卡些度今場比賽喺攻守兩端都係無可取代，完美演繹一個防中應有的角色。佢係藍軍防線前面築起銅牆鐵壁，全場11 次地面對抗，成功率高達 91%，簡直係李斯特城進攻線的惡夢。
進攻上，佢既能穩住控球，又能推進戰線，交出 14 次進攻三區傳球，亦創造左 1 次關鍵傳球有效連接防守與進攻。
如果話古古嘅遠射拯救左車路士，咁卡些度就係從頭到尾維持住球隊平衡的關鍵，完全無愧於全場最佳球員嘅榮譽！
辛祖：
搏完個12碼，之前話佢完全無表現果班人就潛晒水。
⭕️ 禁區內觸球：11*
⭕️ 關鍵傳球：3
⭕️ 接應前傳：16*
⭕️ 前帶次數：10*
⭕️ 帶入禁區：7*
⭕️ 地面對抗：6 (3)
❌ 傳中：3 (0)
❌ 射門數：1 (0)
❌ xG：0.06
辛祖今場嘅表現有好有壞，係前場算係比較有威脅嘅球員，11 次禁區內觸球係全場最高，同時亦係今場比賽入面最多接應前傳的球員，兩項數據都證明佢不斷嘗試尋找機會滲入對方防線。辛祖亦為球隊贏得左關鍵的十二碼，係其中一個最重要的進攻貢獻者。
不過辛祖係自己埋門呢件事上明顯仲係力不從心，如果想打破一眾Hater的眼鏡，睇黎下場比賽要更加積極射門先得。
尼圖：
突破力足夠，但關鍵時刻未夠致命。
⭕️ 觸球數：54
⭕️ 禁區內觸球：7
⭕️ 關鍵傳球：4*
⭕️ 傳入進攻三區：2
❌ 傳中成功率：1/6 (17%)
❌ 射門數：1 (0)
❌ 預計入球：0.07
❌ 地面對抗：10 (4)
❌ 嘗試過人：3 (1)
❌ 失去球權：3
尼圖係今場比賽車路士進攻最活躍的球員之一，無論係持球突破定係傳送都相當積極，特別係禁區內的 7 次觸球，顯示佢喺對方防線之間遊走，試圖製造機會。同時，佢 4 次關鍵傳球為全場最多，證明佢係進攻端的連結點。
但佢最大問題係傳中質素欠佳，6 次傳中只有 1 次成功，作為長傳的連接點未能真正為隊友創造攻門威脅。再加上唯一一次射門未能中龍，xG 只有 0.07，攻門表現並不理想。雖然對抗積極，但地面對抗成功率都只係得 40%，喺面對對手貼身防守時稍顯吃力。如果可以繼續提升射門決策同傳中準繩度，尼圖未來絕對可以成為球隊攻擊端的重要一環。
彭馬：
低潮期一定有，點樣跨過去先係關鍵。
⭕️ 射門：4 (0)
⭕️ 關鍵傳球：2
⭕️ 嘗試過人：4 (4)*
⭕️ xG：1.05*
⭕️ xGOT：0.87*
⭕️ 傳球成功率：31 (25)
⭕️ 進攻三區傳球：3
⭕️ 被侵犯：1
彭馬今場數據睇落依然「兩極」：佢係車仔進攻線最活躍嘅球員之一，全場完成 4 次過人（100% 成功率），顯示佢仍然具備個人突破能力，亦有 7 次禁區內觸球，積極尋找空間試圖終結攻勢。
雖然 4 次射門只得 1 次中目標，但佢 1.05 xG 係全場最高，就算扣除左12碼的xG都好，彭馬仍然係車仔陣中xG最高的人，反映佢確實有進入黃金機會區域，只係最終臨門一腳未能把握。
12碼射唔入固然可惜，但數據亦顯示佢嘅 xGOT 達 0.87，即係佢嘅射門方向本應帶來更高入球機率，只係對方門將表現神勇。
即使狀態未算最佳，彭馬仍然願意攞波、盤扭、組織，全場 2 次關鍵傳球，並有 4 次傳球進入進攻三區，證明佢喺組織上仍然重要。唯一欠缺嘅，就係臨門把握力同運氣。
每個攻擊手總會有低潮期，點樣走出嚟先係關鍵。面對阿仙奴，佢會迎來更大挑戰，但如果佢可以將呢場比賽累積到的機會轉化成入球，藍軍進攻端將會有完全唔同嘅面貌。
安宮古：
無心踢，不如請病假啦。
❌ 關鍵傳球：0❌ 進攻三區傳球：2
❌ 成功過人：1 (2)
❌ 地面對抗成功率：9 (3)
❌ xG：0.15
❌ 觸球數：41
⭕️ 射門：3 (2)
⭕️ 傳球成功率：25 (23)
如果唔睇數據，可能有球迷會唔記得安宮古今場有踢足 89 分鐘，因為佢全場幾乎毫無影響力，無論係進攻定組織都睇唔到佢有任何實質貢獻。
最致命嘅問題係零關鍵傳球，進攻三區傳球只有 2 次，呢個數字係前場球員入面最差之一，完全未能承擔一個前場攻擊球員應有的責任。即使有 3 次射門，2 次中框，但 xG 只有 0.15，代表所有埋門機會都係低質素，基本上未對對手造成真正威脅。
再睇對抗數據，地面對抗成功率 只有 33%，面對李斯特城嘅防守球員，安宮古根本企唔穩，爭奪戰大部分時間都輸晒，無辦法幫助球隊撕裂對手後防。
佢唯一合格嘅數據可能係 傳球成功率，但問題係，呢個「高成功率」純粹因為佢大部分時間都係安全回傳，完全冇嘗試有突破性嘅傳送。
整場比賽，安宮古既無組織能力，又無個人突破，又無埋門效率，亦無為隊友創造機會，對於一個前場核心級球員黎講，呢種表現絕對唔合格。上季佢因為傷患錯過咗太多比賽，但復出後的表現亦未見有回勇跡象…
無心踢，不如請病假請到季尾吧啦老友。
總結：
贏波當然開心，重返前四更加係全隊努力嘅成果，但老實講，呢種表現真係夠穩陣去保持爭四資格？
面對聯賽 19 位嘅李斯特城，全場 19 次射門都要靠古古嘅遠射先攞到 3 分，進攻端仍然零碎無章，完全睇唔到清晰嘅戰術模式。馬列斯卡講左咁耐嘅「控球主導」，結果一次又一次變成無謂回傳，拖慢節奏，戰術層面無任何提升。
黎緊的賽程將會更加緊密，希望傷左的球員盡快復出，彭馬可以快D好返啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419。
賽後點評：
1) 進攻依然欠缺結構 ーー 問題幾乎同上場對哥本哈根一樣，就算前線有安宮古、尼圖同辛祖係度，仍然無任何大的改善。車路士由後場Build up，上半場就已經確立左整體戰局的控制，只講上半場已經係69%：31%的控球率，可惜空有控球，上半場十次埋門仍然顆粒無收，場地傾斜度 (Field Tilt) 71.4%，表示車仔大部分時間都喺對方半場推進，但破防能力不足。入球同預計入球差距高達1.24。
2) 戰術佈陣過於保守 ーー 開賽無耐就已經明顯地知道對手係用5人防線去試圖死守，但馬蛇係傷停都無俾進一步的指示，全場 19 次射門，但只有 6 次射正，轉化率不足。禁區內射門總數亦只有 10 次，顯示球隊在密集防守下，未能頻繁進入關鍵區域起腳。
3) 略有改善的搶迫戰術 ーー 要講今場的最大亮點，就係車路士終於成功拎到一次CS。PPDA 9.8，High Turnovers 6 次，Defensive Action Height 55.7，呢三個數據都反映出車路士有成功用高壓方式去截斷對手傳球，快速反攻同推高防線。高位防守戰術奏效，但仍下場對手係阿仙奴，低效的進攻恐怕會變成我地的弱點。
4) 過於依賴個人能力 ーー 因為戰術唔奏效，結果連同今場已經係第三次要靠後防或者球員個人能力去入波，而且幾場的對手明明唔係強，偏偏馬蛇就無辦法以碾壓之勢去擊敗對手，甚至三場都有好多甩漏，單純係對手把握唔到先至力保不失，包括山齊士飛撲但波皮都掂唔到，又包括阿達拉比奧尤解圍但差少少就送左個波入網等等。
個別表現：
卡些度：
中場的絕對屏障，攻守俱佳的全場最佳球員
⭕️ 進攻三區傳球：14*
⭕️ 搶回球權：8*
⭕️ 地面對抗：11 (10)*⭕️ 攔截：3*
⭕️ 助攻預期 (xA)：0.41*
⭕️ 長傳成功率：5 (4) (80%)
⭕️ 射門：1 (1)
數據已經講明一切 —— 卡些度今場比賽喺攻守兩端都係無可取代，完美演繹一個防中應有的角色。佢係藍軍防線前面築起銅牆鐵壁，全場11 次地面對抗，成功率高達 91%，簡直係李斯特城進攻線的惡夢。
進攻上，佢既能穩住控球，又能推進戰線，交出 14 次進攻三區傳球，亦創造左 1 次關鍵傳球有效連接防守與進攻。
如果話古古嘅遠射拯救左車路士，咁卡些度就係從頭到尾維持住球隊平衡的關鍵，完全無愧於全場最佳球員嘅榮譽！
辛祖：
搏完個12碼，之前話佢完全無表現果班人就潛晒水。
⭕️ 禁區內觸球：11*
⭕️ 關鍵傳球：3
⭕️ 接應前傳：16*
⭕️ 前帶次數：10*
⭕️ 帶入禁區：7*
⭕️ 地面對抗：6 (3)
❌ 傳中：3 (0)
❌ 射門數：1 (0)
❌ xG：0.06
辛祖今場嘅表現有好有壞，係前場算係比較有威脅嘅球員，11 次禁區內觸球係全場最高，同時亦係今場比賽入面最多接應前傳的球員，兩項數據都證明佢不斷嘗試尋找機會滲入對方防線。辛祖亦為球隊贏得左關鍵的十二碼，係其中一個最重要的進攻貢獻者。
不過辛祖係自己埋門呢件事上明顯仲係力不從心，如果想打破一眾Hater的眼鏡，睇黎下場比賽要更加積極射門先得。
尼圖：
突破力足夠，但關鍵時刻未夠致命。
⭕️ 觸球數：54
⭕️ 禁區內觸球：7
⭕️ 關鍵傳球：4*
⭕️ 傳入進攻三區：2
❌ 傳中成功率：1/6 (17%)
❌ 射門數：1 (0)
❌ 預計入球：0.07
❌ 地面對抗：10 (4)
❌ 嘗試過人：3 (1)
❌ 失去球權：3
尼圖係今場比賽車路士進攻最活躍的球員之一，無論係持球突破定係傳送都相當積極，特別係禁區內的 7 次觸球，顯示佢喺對方防線之間遊走，試圖製造機會。同時，佢 4 次關鍵傳球為全場最多，證明佢係進攻端的連結點。
但佢最大問題係傳中質素欠佳，6 次傳中只有 1 次成功，作為長傳的連接點未能真正為隊友創造攻門威脅。再加上唯一一次射門未能中龍，xG 只有 0.07，攻門表現並不理想。雖然對抗積極，但地面對抗成功率都只係得 40%，喺面對對手貼身防守時稍顯吃力。如果可以繼續提升射門決策同傳中準繩度，尼圖未來絕對可以成為球隊攻擊端的重要一環。
彭馬：
低潮期一定有，點樣跨過去先係關鍵。
⭕️ 射門：4 (0)
⭕️ 關鍵傳球：2
⭕️ 嘗試過人：4 (4)*
⭕️ xG：1.05*
⭕️ xGOT：0.87*
⭕️ 傳球成功率：31 (25)
⭕️ 進攻三區傳球：3
⭕️ 被侵犯：1
彭馬今場數據睇落依然「兩極」：佢係車仔進攻線最活躍嘅球員之一，全場完成 4 次過人（100% 成功率），顯示佢仍然具備個人突破能力，亦有 7 次禁區內觸球，積極尋找空間試圖終結攻勢。
雖然 4 次射門只得 1 次中目標，但佢 1.05 xG 係全場最高，就算扣除左12碼的xG都好，彭馬仍然係車仔陣中xG最高的人，反映佢確實有進入黃金機會區域，只係最終臨門一腳未能把握。
12碼射唔入固然可惜，但數據亦顯示佢嘅 xGOT 達 0.87，即係佢嘅射門方向本應帶來更高入球機率，只係對方門將表現神勇。
即使狀態未算最佳，彭馬仍然願意攞波、盤扭、組織，全場 2 次關鍵傳球，並有 4 次傳球進入進攻三區，證明佢喺組織上仍然重要。唯一欠缺嘅，就係臨門把握力同運氣。
每個攻擊手總會有低潮期，點樣走出嚟先係關鍵。面對阿仙奴，佢會迎來更大挑戰，但如果佢可以將呢場比賽累積到的機會轉化成入球，藍軍進攻端將會有完全唔同嘅面貌。
安宮古：
無心踢，不如請病假啦。
❌ 關鍵傳球：0❌ 進攻三區傳球：2
❌ 成功過人：1 (2)
❌ 地面對抗成功率：9 (3)
❌ xG：0.15
❌ 觸球數：41
⭕️ 射門：3 (2)
⭕️ 傳球成功率：25 (23)
如果唔睇數據，可能有球迷會唔記得安宮古今場有踢足 89 分鐘，因為佢全場幾乎毫無影響力，無論係進攻定組織都睇唔到佢有任何實質貢獻。
最致命嘅問題係零關鍵傳球，進攻三區傳球只有 2 次，呢個數字係前場球員入面最差之一，完全未能承擔一個前場攻擊球員應有的責任。即使有 3 次射門，2 次中框，但 xG 只有 0.15，代表所有埋門機會都係低質素，基本上未對對手造成真正威脅。
再睇對抗數據，地面對抗成功率 只有 33%，面對李斯特城嘅防守球員，安宮古根本企唔穩，爭奪戰大部分時間都輸晒，無辦法幫助球隊撕裂對手後防。
佢唯一合格嘅數據可能係 傳球成功率，但問題係，呢個「高成功率」純粹因為佢大部分時間都係安全回傳，完全冇嘗試有突破性嘅傳送。
整場比賽，安宮古既無組織能力，又無個人突破，又無埋門效率，亦無為隊友創造機會，對於一個前場核心級球員黎講，呢種表現絕對唔合格。上季佢因為傷患錯過咗太多比賽，但復出後的表現亦未見有回勇跡象…
無心踢，不如請病假請到季尾吧啦老友。
總結：
贏波當然開心，重返前四更加係全隊努力嘅成果，但老實講，呢種表現真係夠穩陣去保持爭四資格？
面對聯賽 19 位嘅李斯特城，全場 19 次射門都要靠古古嘅遠射先攞到 3 分，進攻端仍然零碎無章，完全睇唔到清晰嘅戰術模式。馬列斯卡講左咁耐嘅「控球主導」，結果一次又一次變成無謂回傳，拖慢節奏，戰術層面無任何提升。
黎緊的賽程將會更加緊密，希望傷左的球員盡快復出，彭馬可以快D好返啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419。
請按此登錄後留言。未成為會員? 立即註冊