轉左少少個寫法，將比賽結果分左做一個Post：【比賽結果】車仔主場大勝修咸頓 4個入球終止三連敗
點評同分析就會係另一日再出，希望咁樣可以將出文的延誤減低少少。
賽後點評：
1) 回歸盒形中場的懷抱 — 諗完一大輪，最後馬蛇都係決定走返自己條舊路，今場同上場一樣繼續用尼圖扮假九，後防配置睇落同上場一樣，左邊古古尼亞右邊古斯度，但古古的走位就變返去季初的內切左閘。全場跑動範圍之大幾乎覆蓋晒左邊的球場 (睇Heatmap就明)。當古古尼亞前推，高維爾會左移去接近邊線的位置，為前線帶來更多傳球的選擇，充足的人腳令前線過得非常滋潤。
2) 彭馬仍未走出低潮 — 當安宮古行埋場邊吹波波，尼圖接應安宮古的傳送快腳取得入腳，球迷自自然然會期望彭馬FC的主角可以係弱旅修咸頓身上取得入球。但今場的彭馬仍然受限於對手的嚴密防守，基本上拎親波都會有兩個球員貼身服侍。就算有幾次俾彭馬擺脫左對手，但個波唔係過唔到對面門將藍斯度就係射左去門框外。賽後馬蛇亦為彭馬護航，強調「所有頂級球員都會經歷低潮，彭馬只需要保持冷靜，入球自然會來。」同樣地，車路士如果要拎到歐聯入場卷，就唔可以單靠彭馬，而要好似今場比賽一樣由其他進攻球員企出黎分擔入球責任。
3) 唔係我地好，只係對面堅差 — 兩邊的數據解讀出黎的結果仍然同臨場睇的情況一樣。車路士的預計入球數字幾乎係一面倒咁壓過對手，亦久違地用未夠3的預計入球數取得4個入球，仲要唔係來自彭馬單刀極高xG的果一球。對手同時大量容許車路士傳球後先做一次搶迫動作，PPDA高達15.8，車路士係對手的半場控球指數亦達到77.5%，兩樣數據都顯示修咸頓的球員係場上有幾無助。馬蛇需要考慮的，係如何在更強的對手面前維持進攻火力，同時確保 build-up 系統喺高壓環境下仍然可行。
個別表現：
安素：
無入波唔代表佢踢得差，安素今場的表現勁到可怕。
⭕️ 射門數：1 (1)
⭕️ 射門機會創造：7*
⭕️ 中前場觸球數：66*
⭕️ 關鍵傳球：6*
⭕️ 傳入進攻三區：7*
⭕️ 傳入禁區：4*
⭕️ 長傳：8 (7)*
⭕️ 帶入進攻三區：5*
⭕️ 奪回球權：7
⭕️ 地面對抗：5 (5)
以上的數字已經完美咁反映出佢今場的表現，所以難怪sofascore會將無入球的安素選為今場最佳球員。基本上你係中圈開始就會見到安素好積極進行反搶，同時安素又具備自己殺上去同傳入去的能力，廣闊的視野加埋準確的長傳，今場安素的確為修咸頓帶來好多麻煩。唯一美中不足就係安素的射門被擋出，未能取得入波錦上添花。
安宮古：
跑多步，結果也許不一樣，重點就在於你會唔會積極跑動。
⭕️ 入球：1
⭕️ 助攻：1
⭕️ 預計入球：0.42
⭕️ 接應前傳：10*
⭕️ 禁區內觸球：8*
⭕️ 控失：0
到底係因為對手放軟手腳定係安宮古搵返自己的踢法已經不得而知，但憑佢係左線配合後上的古古尼亞，多次跑入禁區接應傳送，終於似返季初果個安宮古。數據上話俾你知無論係無球跑動定係禁區的運球都比佢過去5場比賽做得更好更積極，而且努力就即刻有收穫，除左靠自己爭取的一個頭鎚入球，仲有傳俾尼圖的一腳力度都恰到好處。
泰基佐治：
佢會由U21提拔上一隊，唔係無理由。
⭕️ 助攻：1
⭕️ 關鍵傳球：3
⭕️ 觸球數：13
⭕️ 射門數：1 (0)
睇以上的數據，你或者會覺得佐治的表現一般。但唔好忘記，佢係68分鐘先後備入替，踢左22分鐘就已經有呢堆數字，其實係唔錯的成績黎。
佐治的特點包括左類似馬杜基的單兵突破能力，唔符合佢年紀的冷靜，雖然入左禁區之後的處理仍然未夠銳利同有生澀感，不過如果有更多上陣時間，感覺佢仲有好多進步的空間。
總結：
無論對手係邊個，贏波的感覺總是很好。呢場勝仗唔止令球迷高興，同時亦為球隊帶來建立信心的機會。黎緊又會進入國際賽期，希望受傷的球員盡快回歸，可以應付黎緊更加辛苦的賽程啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
點評同分析就會係另一日再出，希望咁樣可以將出文的延誤減低少少。
賽後點評：
1) 回歸盒形中場的懷抱 — 諗完一大輪，最後馬蛇都係決定走返自己條舊路，今場同上場一樣繼續用尼圖扮假九，後防配置睇落同上場一樣，左邊古古尼亞右邊古斯度，但古古的走位就變返去季初的內切左閘。全場跑動範圍之大幾乎覆蓋晒左邊的球場 (睇Heatmap就明)。當古古尼亞前推，高維爾會左移去接近邊線的位置，為前線帶來更多傳球的選擇，充足的人腳令前線過得非常滋潤。
2) 彭馬仍未走出低潮 — 當安宮古行埋場邊吹波波，尼圖接應安宮古的傳送快腳取得入腳，球迷自自然然會期望彭馬FC的主角可以係弱旅修咸頓身上取得入球。但今場的彭馬仍然受限於對手的嚴密防守，基本上拎親波都會有兩個球員貼身服侍。就算有幾次俾彭馬擺脫左對手，但個波唔係過唔到對面門將藍斯度就係射左去門框外。賽後馬蛇亦為彭馬護航，強調「所有頂級球員都會經歷低潮，彭馬只需要保持冷靜，入球自然會來。」同樣地，車路士如果要拎到歐聯入場卷，就唔可以單靠彭馬，而要好似今場比賽一樣由其他進攻球員企出黎分擔入球責任。
3) 唔係我地好，只係對面堅差 — 兩邊的數據解讀出黎的結果仍然同臨場睇的情況一樣。車路士的預計入球數字幾乎係一面倒咁壓過對手，亦久違地用未夠3的預計入球數取得4個入球，仲要唔係來自彭馬單刀極高xG的果一球。對手同時大量容許車路士傳球後先做一次搶迫動作，PPDA高達15.8，車路士係對手的半場控球指數亦達到77.5%，兩樣數據都顯示修咸頓的球員係場上有幾無助。馬蛇需要考慮的，係如何在更強的對手面前維持進攻火力，同時確保 build-up 系統喺高壓環境下仍然可行。
個別表現：
安素：
無入波唔代表佢踢得差，安素今場的表現勁到可怕。
⭕️ 射門數：1 (1)
⭕️ 射門機會創造：7*
⭕️ 中前場觸球數：66*
⭕️ 關鍵傳球：6*
⭕️ 傳入進攻三區：7*
⭕️ 傳入禁區：4*
⭕️ 長傳：8 (7)*
⭕️ 帶入進攻三區：5*
⭕️ 奪回球權：7
⭕️ 地面對抗：5 (5)
以上的數字已經完美咁反映出佢今場的表現，所以難怪sofascore會將無入球的安素選為今場最佳球員。基本上你係中圈開始就會見到安素好積極進行反搶，同時安素又具備自己殺上去同傳入去的能力，廣闊的視野加埋準確的長傳，今場安素的確為修咸頓帶來好多麻煩。唯一美中不足就係安素的射門被擋出，未能取得入波錦上添花。
安宮古：
跑多步，結果也許不一樣，重點就在於你會唔會積極跑動。
⭕️ 入球：1
⭕️ 助攻：1
⭕️ 預計入球：0.42
⭕️ 接應前傳：10*
⭕️ 禁區內觸球：8*
⭕️ 控失：0
到底係因為對手放軟手腳定係安宮古搵返自己的踢法已經不得而知，但憑佢係左線配合後上的古古尼亞，多次跑入禁區接應傳送，終於似返季初果個安宮古。數據上話俾你知無論係無球跑動定係禁區的運球都比佢過去5場比賽做得更好更積極，而且努力就即刻有收穫，除左靠自己爭取的一個頭鎚入球，仲有傳俾尼圖的一腳力度都恰到好處。
泰基佐治：
佢會由U21提拔上一隊，唔係無理由。
⭕️ 助攻：1
⭕️ 關鍵傳球：3
⭕️ 觸球數：13
⭕️ 射門數：1 (0)
睇以上的數據，你或者會覺得佐治的表現一般。但唔好忘記，佢係68分鐘先後備入替，踢左22分鐘就已經有呢堆數字，其實係唔錯的成績黎。
佐治的特點包括左類似馬杜基的單兵突破能力，唔符合佢年紀的冷靜，雖然入左禁區之後的處理仍然未夠銳利同有生澀感，不過如果有更多上陣時間，感覺佢仲有好多進步的空間。
總結：
無論對手係邊個，贏波的感覺總是很好。呢場勝仗唔止令球迷高興，同時亦為球隊帶來建立信心的機會。黎緊又會進入國際賽期，希望受傷的球員盡快回歸，可以應付黎緊更加辛苦的賽程啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊