車迷們，最近過成點？唔計我地碾壓左修咸頓的一場，有無覺得睇波的時候返左去兩年前的黑暗時期？仿佛對住任何對手都睇唔到贏波希望、每場明明前面跌得唔錯後面就俾人翻盤、好似個個都拎住一份我地睇唔到的劇本叫車路士讓出3分一樣，每場都輸一樣的野。
為左咁的你，我準備左呢篇文 — 藉由數據去解釋下車路士最近崩盤的主因。
尤記得開季的時候，馬蛇拎住3-2-2-3的盒形中場橫掃左好多球隊，當時更一度升上第二話，引來極多的記者同球迷FF車路士會有力挑戰利物浦。
而崩盤的一切開端，或者要由12月22日，馬蛇講完自己隊波並非爭冠球隊的時候開始講起。對愛華頓的一役，因為古古尼亞被罰停一場，加上中場的拉維亞受傷，馬蛇焗住用古斯度踢左閘，迪西斯兼職右閘，中場被物理壓制，彭馬被嚴密防守，果場開始，車路士的進攻戰術就一直處於被動的狀態。
接住落黎對富咸，對面領隊馬高施華深受戴治的啟發，用低位防守同Bypass中場的方式拆解左車仔的盒形戰術；最慘烈的，莫過於係情人節對陣白禮頓的比賽 — 車路士全場無一射正，最終只錄得0.5xG的地獄數據，而連同呢場在內，已經係車路士10場入面第7次錄得不足xG 2的比賽。
第一個死因 — 球員特質同馬蛇的「控球夢」
無錯，講到口都臭，第一個死因的確係因為控球戰術。無論你點講都好，呢一刻的車路士的確未完全適應控球的踢法。將前場的人逐個捉出黎諗：
彭馬 (Cole Palmer) 擅長喺混亂時刻做到致命的手術刀傳球，甚至係人堆中佢有能力睇到射門路線；
積臣 (Nicolas Jackson) 只要有足夠的空間，佢的轉身同加速跑動會令對手後防頭疼；
馬杜基 (Noni Madueke) 係車路士隊中少數願意突入禁區起腳的球員，而且往往係製造混亂的起點；
尼圖 (Pedro Neto) 在狼隊的時期就證明左自己係反擊用的絕對利器；
辛祖 (Jadon Sancho) 擅長小範圍盤扭製造混亂同係禁區內做出精準的傳送；
例如係上半季車路士對紐卡素的入球 — 彭馬送出直傳俾尼圖，然後再傳俾積臣破門，整個進攻只用了 7秒 就從後場推進到對手球門，算係典型的快速反擊。
然而，馬蛇偏偏就唔希望球隊用呢種方式比賽。在呢場比賽後，他首次提到：「我們不想讓比賽變成籃球比賽 (basketball game)。」但偏偏呢種踢法卻能最大化發揮車路士前場球員的優勢。
本來應該要靠混亂去食糊，但馬蛇就希望球員梳理球路用傳控入侵禁區。
明明應該係後場快速反擊直搗黃龍，但馬蛇就要球員係進攻的過程中做更多次傳球。
同哥帥的曼城有所不同，車路士陣中的球員未有咁多經驗同頭腦去執行控球的戰術，最後的結果，就係為左理念犧牲比賽，堅持控球但輸左分數，控球的確成功，但係進攻效率低下，對手有更多時間組織防守，車仔的攻勢變得冗長而無威脅。
以上就係車仔第一個死因。
第二個死因 — 一眾玻璃工藝品帶來的傷病潮
先睇一睇車路士係2月24日的比賽後的傷員/停賽名單：
Wesley Fofana (對修咸頓已列後備)
Trevoh Chalobah (輕傷，預計3月初回歸)
Roméo Lavia (3月中回歸)
Nicolas Jackson (3月中回歸)
Noni Madueke (至少傷到3月中)
Marc Guiu (未有回歸日期)
Benoît Badiashile (未有回歸日期)
Mykhaylo Mudryk (藥禁, 未有回歸日期)
撇除買左返黎完全無用過的小將Kellyman，車路士有多達8位球員未能上陣。首當其衝的當然係鋒線問題，由梅迪歷受禁藥風波影響開始，車路士開始面對住前線人腳不足的問題。到後來前鋒們一個接一個咁傷出，特別係積臣 — 雖然積臣的把握力一直飽受球迷同傳媒的批評，但佢在場時至少提供不斷的跑動同後場拉扯，為隊友創造空間。同時佢的速度直接牽制對手防線，減少對彭馬的盯防壓力。當積臣缺陣，球隊少左個願意跑動、壓迫對手的前鋒，直接令彭馬被針對，進攻推進更加困難。
失去鋒線球員已經夠攞命，但最關鍵的係失去拉維亞同科芬拿。呢兩個球員對於車路士整體戰術運行的重要性，遠遠超過大家的想像。
如果你將佢地喺陣中時的表現，同他們缺陣時車路士的戰績做比較，你會發現——車路士由爭冠熱門跌至可能無緣歐戰的崩盤期，幾乎完全對應住佢地兩個缺席的時段。
先講拉維亞，佢由熱身賽開始係就車路士擔任住中場的兩個重大責職 — 中場掃蕩同轉守為攻。到目前為止，拉維亞仍然保持住每90分鐘有4.75次防守動作，比卡些度高出0.36。而當佢成功搶奪球權後，又有能力直接將個波傳入進攻三區俾隊友快速反擊，所以佢以5.25次排係車仔的傳球榜第5名。
科芬拿亦係差唔多的case — 作為車仔陣中少有願意用身體去做防守的球員，科芬拿係Blocking同Clearence兩項數據都排係中堅的第一名。同時因為定位上科芬拿係高維爾同防中之間的防線，所以佢會積極去做出一對一的防守，目標係拖延對手進攻節奏提供時間俾高維爾同隊友組織防守。呢D貢獻，為車路士提供了穩固的基礎，技術型的球員例如安素同彭馬可以大膽向前壓上。而當拉維亞同科芬拿雙雙缺陣時，呢種基礎就瞬間瓦解，中場攔截減少，直接影響防守體系加劇左自爆失誤的風險。
呢個亦係點解馬蛇之後都無再諗過用卡些度兼職打右閘的原因，當陣中缺少左拉維亞同科芬拿，不穩的防線唔可以無埋卡些度，無辦法切入中場的古斯度唔能夠成為佢地的代替品，最終迫使馬蛇要放棄盒形中場。
所以好多人話馬蛇無PLAN B，而家再睇返，其實馬蛇唔係無PLAN B，更大部份係佢根本就砌唔出PLAN B，當對手仲可以用後備的人腳改變場上的局面，馬蛇的後備陣就只係咁的款：
以上就係傷病潮為帶車路士的戰術帶來的衝擊，亦直接將車路士由前四爭冠踢落567位的關鍵。
第三個死因 — 成也彭馬敗也彭馬
或者大家係上季開始就習慣左，無論面對咩對手都好，只要我地有辦法係禁區邊傳個波俾彭馬，彭馬就會好似多啦A夢咁幫我地解決問題。盤扭入侵禁區、禁區外變魔術咁款遠射、傳個手術刀劏穿對手防線、百發百中的12碼、自由球彎入死角破網等等…其他人入唔到波？唔緊要啦，有彭馬就得，於是我地熟悉的彭馬FC就誕生左。
然而你識咁諗，對面一樣識，你想靠彭馬一個救全家，我地封鎖你彭馬的話，你車路士就自然會啞火。對比返上年(左) 今年(右) 兩季的數字，你就會發現彭馬今季的確得到球皇級的待遇。
成功盤扭：1.5 (53%)：1.3 (51%)
失去球權： 13.3：14.0
被侵犯數：0.8：2.0
當彭馬接近禁區就會俾對手超技術阻止，多人盯防又令彭馬失去球權的數字比上季更多，成功盤扭的次數都比上季少。彭馬同當年的夏薩特唔同，面對強硬的身體碰撞無一個大屎忽去卸走d力，想傳俾隊友但一個二個都唔爭氣，於是就正中下懷令彭馬熄火。
另一邊，射門數由上季平均3.45升到今季的3.57次，射正比率都由37%微升到38.3%，射門距離由上季的22.1碼拉到20.2碼，xG就稍稍由0.38升至0.44，數字上睇落一切係幾咁樂觀，幾咁美好。同樣的射術、同樣的隊友走位，明明起腳的位置近左但係最終的平均非12碼入球數就由0.45跌到0.42。
將呢堆野轉成人話，就姐係話彭馬今季起腳的時候，對方有更多防範，無關彭馬自己的技術或者狀態的問題，對手透過企位同遮線直接令彭馬的入球數下降。
馬蛇曾經用過唔同的方法幫彭馬解決盯防的問題，包括左要求彭馬墮後變成組織者而唔係進攻的最後一點，咁相對對手就唔會有咁多人去嚴密防守，然而前線太過唔爭氣，彭馬墮後左就真係無人起腳，彭馬今季創造左145個射門機會，但隊友們的把握力差到令人嘆息。
過於依賴彭馬，最終的結果就係令車路士缺少左其他入球點，加上積臣同馬杜基的傷出，車路士就直接陷入左死循環：前面無波入，後面就自爆失波。於是一場接住一場咁失分。
總結：車路士的未來何去何從？
係贏左修咸頓之後，車路士總算打破左自己連敗的記錄，後備席中更加有科芬拿的回歸，而積臣同拉維亞亦預計會係3月中的國際賽期後回歸。最後直路階段的對手難會更加惡頂，加上不能有失的歐協聯比賽，如果你係馬蛇，又會唔會放棄自己傳控的理念俾球員自由發揮踢快速反擊呢？
參考來源：https://www.youtube.com/@FourFourTwo
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
為左咁的你，我準備左呢篇文 — 藉由數據去解釋下車路士最近崩盤的主因。
尤記得開季的時候，馬蛇拎住3-2-2-3的盒形中場橫掃左好多球隊，當時更一度升上第二話，引來極多的記者同球迷FF車路士會有力挑戰利物浦。
而崩盤的一切開端，或者要由12月22日，馬蛇講完自己隊波並非爭冠球隊的時候開始講起。對愛華頓的一役，因為古古尼亞被罰停一場，加上中場的拉維亞受傷，馬蛇焗住用古斯度踢左閘，迪西斯兼職右閘，中場被物理壓制，彭馬被嚴密防守，果場開始，車路士的進攻戰術就一直處於被動的狀態。
接住落黎對富咸，對面領隊馬高施華深受戴治的啟發，用低位防守同Bypass中場的方式拆解左車仔的盒形戰術；最慘烈的，莫過於係情人節對陣白禮頓的比賽 — 車路士全場無一射正，最終只錄得0.5xG的地獄數據，而連同呢場在內，已經係車路士10場入面第7次錄得不足xG 2的比賽。
第一個死因 — 球員特質同馬蛇的「控球夢」
無錯，講到口都臭，第一個死因的確係因為控球戰術。無論你點講都好，呢一刻的車路士的確未完全適應控球的踢法。將前場的人逐個捉出黎諗：
彭馬 (Cole Palmer) 擅長喺混亂時刻做到致命的手術刀傳球，甚至係人堆中佢有能力睇到射門路線；
積臣 (Nicolas Jackson) 只要有足夠的空間，佢的轉身同加速跑動會令對手後防頭疼；
馬杜基 (Noni Madueke) 係車路士隊中少數願意突入禁區起腳的球員，而且往往係製造混亂的起點；
尼圖 (Pedro Neto) 在狼隊的時期就證明左自己係反擊用的絕對利器；
辛祖 (Jadon Sancho) 擅長小範圍盤扭製造混亂同係禁區內做出精準的傳送；
例如係上半季車路士對紐卡素的入球 — 彭馬送出直傳俾尼圖，然後再傳俾積臣破門，整個進攻只用了 7秒 就從後場推進到對手球門，算係典型的快速反擊。
然而，馬蛇偏偏就唔希望球隊用呢種方式比賽。在呢場比賽後，他首次提到：「我們不想讓比賽變成籃球比賽 (basketball game)。」但偏偏呢種踢法卻能最大化發揮車路士前場球員的優勢。
本來應該要靠混亂去食糊，但馬蛇就希望球員梳理球路用傳控入侵禁區。
明明應該係後場快速反擊直搗黃龍，但馬蛇就要球員係進攻的過程中做更多次傳球。
同哥帥的曼城有所不同，車路士陣中的球員未有咁多經驗同頭腦去執行控球的戰術，最後的結果，就係為左理念犧牲比賽，堅持控球但輸左分數，控球的確成功，但係進攻效率低下，對手有更多時間組織防守，車仔的攻勢變得冗長而無威脅。
以上就係車仔第一個死因。
第二個死因 — 一眾玻璃工藝品帶來的傷病潮
先睇一睇車路士係2月24日的比賽後的傷員/停賽名單：
Wesley Fofana (對修咸頓已列後備)
Trevoh Chalobah (輕傷，預計3月初回歸)
Roméo Lavia (3月中回歸)
Nicolas Jackson (3月中回歸)
Noni Madueke (至少傷到3月中)
Marc Guiu (未有回歸日期)
Benoît Badiashile (未有回歸日期)
Mykhaylo Mudryk (藥禁, 未有回歸日期)
撇除買左返黎完全無用過的小將Kellyman，車路士有多達8位球員未能上陣。首當其衝的當然係鋒線問題，由梅迪歷受禁藥風波影響開始，車路士開始面對住前線人腳不足的問題。到後來前鋒們一個接一個咁傷出，特別係積臣 — 雖然積臣的把握力一直飽受球迷同傳媒的批評，但佢在場時至少提供不斷的跑動同後場拉扯，為隊友創造空間。同時佢的速度直接牽制對手防線，減少對彭馬的盯防壓力。當積臣缺陣，球隊少左個願意跑動、壓迫對手的前鋒，直接令彭馬被針對，進攻推進更加困難。
失去鋒線球員已經夠攞命，但最關鍵的係失去拉維亞同科芬拿。呢兩個球員對於車路士整體戰術運行的重要性，遠遠超過大家的想像。
如果你將佢地喺陣中時的表現，同他們缺陣時車路士的戰績做比較，你會發現——車路士由爭冠熱門跌至可能無緣歐戰的崩盤期，幾乎完全對應住佢地兩個缺席的時段。
先講拉維亞，佢由熱身賽開始係就車路士擔任住中場的兩個重大責職 — 中場掃蕩同轉守為攻。到目前為止，拉維亞仍然保持住每90分鐘有4.75次防守動作，比卡些度高出0.36。而當佢成功搶奪球權後，又有能力直接將個波傳入進攻三區俾隊友快速反擊，所以佢以5.25次排係車仔的傳球榜第5名。
科芬拿亦係差唔多的case — 作為車仔陣中少有願意用身體去做防守的球員，科芬拿係Blocking同Clearence兩項數據都排係中堅的第一名。同時因為定位上科芬拿係高維爾同防中之間的防線，所以佢會積極去做出一對一的防守，目標係拖延對手進攻節奏提供時間俾高維爾同隊友組織防守。呢D貢獻，為車路士提供了穩固的基礎，技術型的球員例如安素同彭馬可以大膽向前壓上。而當拉維亞同科芬拿雙雙缺陣時，呢種基礎就瞬間瓦解，中場攔截減少，直接影響防守體系加劇左自爆失誤的風險。
呢個亦係點解馬蛇之後都無再諗過用卡些度兼職打右閘的原因，當陣中缺少左拉維亞同科芬拿，不穩的防線唔可以無埋卡些度，無辦法切入中場的古斯度唔能夠成為佢地的代替品，最終迫使馬蛇要放棄盒形中場。
所以好多人話馬蛇無PLAN B，而家再睇返，其實馬蛇唔係無PLAN B，更大部份係佢根本就砌唔出PLAN B，當對手仲可以用後備的人腳改變場上的局面，馬蛇的後備陣就只係咁的款：
以上就係傷病潮為帶車路士的戰術帶來的衝擊，亦直接將車路士由前四爭冠踢落567位的關鍵。
第三個死因 — 成也彭馬敗也彭馬
或者大家係上季開始就習慣左，無論面對咩對手都好，只要我地有辦法係禁區邊傳個波俾彭馬，彭馬就會好似多啦A夢咁幫我地解決問題。盤扭入侵禁區、禁區外變魔術咁款遠射、傳個手術刀劏穿對手防線、百發百中的12碼、自由球彎入死角破網等等…其他人入唔到波？唔緊要啦，有彭馬就得，於是我地熟悉的彭馬FC就誕生左。
然而你識咁諗，對面一樣識，你想靠彭馬一個救全家，我地封鎖你彭馬的話，你車路士就自然會啞火。對比返上年(左) 今年(右) 兩季的數字，你就會發現彭馬今季的確得到球皇級的待遇。
成功盤扭：1.5 (53%)：1.3 (51%)
失去球權： 13.3：14.0
被侵犯數：0.8：2.0
當彭馬接近禁區就會俾對手超技術阻止，多人盯防又令彭馬失去球權的數字比上季更多，成功盤扭的次數都比上季少。彭馬同當年的夏薩特唔同，面對強硬的身體碰撞無一個大屎忽去卸走d力，想傳俾隊友但一個二個都唔爭氣，於是就正中下懷令彭馬熄火。
另一邊，射門數由上季平均3.45升到今季的3.57次，射正比率都由37%微升到38.3%，射門距離由上季的22.1碼拉到20.2碼，xG就稍稍由0.38升至0.44，數字上睇落一切係幾咁樂觀，幾咁美好。同樣的射術、同樣的隊友走位，明明起腳的位置近左但係最終的平均非12碼入球數就由0.45跌到0.42。
將呢堆野轉成人話，就姐係話彭馬今季起腳的時候，對方有更多防範，無關彭馬自己的技術或者狀態的問題，對手透過企位同遮線直接令彭馬的入球數下降。
馬蛇曾經用過唔同的方法幫彭馬解決盯防的問題，包括左要求彭馬墮後變成組織者而唔係進攻的最後一點，咁相對對手就唔會有咁多人去嚴密防守，然而前線太過唔爭氣，彭馬墮後左就真係無人起腳，彭馬今季創造左145個射門機會，但隊友們的把握力差到令人嘆息。
過於依賴彭馬，最終的結果就係令車路士缺少左其他入球點，加上積臣同馬杜基的傷出，車路士就直接陷入左死循環：前面無波入，後面就自爆失波。於是一場接住一場咁失分。
總結：車路士的未來何去何從？
係贏左修咸頓之後，車路士總算打破左自己連敗的記錄，後備席中更加有科芬拿的回歸，而積臣同拉維亞亦預計會係3月中的國際賽期後回歸。最後直路階段的對手難會更加惡頂，加上不能有失的歐協聯比賽，如果你係馬蛇，又會唔會放棄自己傳控的理念俾球員自由發揮踢快速反擊呢？
參考來源：https://www.youtube.com/@FourFourTwo
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊