車路士作客白禮頓，繼FA Cup後再度落敗，全場零射正，最終以0：3 慘敗，延續進攻低迷的頹勢。
比賽開局，車仔曾靠彭馬製造機會，但未能轉化成真正威脅。27分鐘，三笘薫接應門將韋布根 (Bart Verbruggen) 長傳，以世界級控球技術控定再擺脫細查 (Trevoh Chalobah)，冷靜射破佐真臣 (Filip Jorgensen) 大門，白禮頓 1：0 領先。
車路士嘗試反撲，但全場進攻完全停滯。35分鐘，安素 (Enzo Fernández) 頭鎚破門，但因為推人犯規被取消，隨即白禮頓把握反擊機會，明達 (Yankuba Minteh) 把握車路士禁區內混戰機會射成 2：0，白禮頓用左前後 11 分鐘就令車仔陷入極大劣勢。
下半場，馬蛇嘗試換人，但車仔進攻依舊無起色。第63分鐘，明達再度突破古古尼亞，喺禁區內起腳，個波撞到細查輕微改變方向後入網，白禮頓 3：0 鎖定勝局。車仔雖然擁有 69.5% 的控球率，但全場 0 次射正，進攻完全癱瘓，最終吞下恥辱性敗仗。
馬蛇賽後直言：「這是我執教以來最差的比賽」，不過放心，係我的睇法黎講，上場比賽比今場更加不堪入目。
賽後點評：
1) 無論係上場定今場，馬蛇都嘗試擺脫自己Inverted Fullback的陣式，減少左要兩閘切入中場，避免過份提供空間俾白禮頓的兩翼。但顧得前就顧唔到後，馬蛇決定減少中場人手，代價就係前線攻力減少。唔止上一場比賽得一次射中，今場90分鐘更加錄得零次命中的尷尬數字，對於我呢種睇數據的人黎講，兩場比賽可以話係完全無分別。
2) 失望的唔止係對於賽場上的球員，有更大部份係對於馬蛇的不作為，上場FA Cup出局已經知道問題係邊，但最後變的都只係用馬杜基代替辛祖，係馬杜基傷出之後更加打回原型。反觀對手領隊侯斯拿，見你上場卡些度掃晒個中場，今場避重就輕減低左中場的控球數轉左去兩邊，結果就順便令安素都無埋影。領隊的準備同應變能力高下立見。
3) 車路士全場控球率 66%，傳球成功率 90%（717/797），比白禮頓的 78% 遙遙領先。但問題係，呢種「高控球、低效率」的狀況，已經唔係第一次出現。數據睇落靚，實際威脅接近零，全場僅 8 次射門，0 次射正，創下近四年來英超最恥辱的紀錄。
彭馬同安宮古互換 False 9 角色，但雙雙缺乏向前跑動與終結能力，導致車仔即使有 82 次推進傳球（成功率 65%），依然無法打穿對手防線。相比之下，白禮頓僅 34% 控球率，但創造 3 次重大機會，轉化率遠勝車仔。更諷刺嘅係，車仔擁有 12 次禁區深度滲透（比白禮頓多 2 次），但因為缺乏進攻終結點，射門轉化率極低，進攻完全缺乏效率。
4) 車路士全場擁有 69.4% Field Tilt（即進攻主導性），但防線卻形同虛設，無法應對白禮頓的高速反擊。白禮頓全場僅 11 次禁區滲透，但成功攻入 3 球，xG 高達 1.77，反映車仔防線的組織問題極大。
最大問題係，車仔對自己後場傳控過度自信，結果頻頻被對手高位壓迫搶斷。白禮頓利用 4 次高位迫搶奪回球權，輕鬆製造反擊，尤其是第二球和第三球，均來自車仔無法成功解圍，最後被明達兩次把握機會，令比賽提前結束。
5) 馬蛇賽後強調「進攻需要耐性」，但問題係車路士根本無法打穿對方防線。例如白禮頓今場的 PPDA（對手傳球次數/防守動作） 係 14.5，代表佢地防線保持穩固，唔主動高位逼搶，而係等車仔自己失誤，然後發動反擊。車仔缺乏 B 計劃，當對手選擇低位防守時，馬蛇仍堅持短傳推進，令進攻更顯得無力。
最後階段，馬蛇試圖換入 泰基佐治 (Tyrique George) 希望製造突破，但為時已晚。整場比賽，車仔的進攻計劃完全失效，而防線亦無力應對反擊，結果只能吞下恥辱性敗仗。
個別表現：
安宮古 (Christopher Nkunku)：
作為 False 9 之一，無進攻能力，同彭馬換位踢攻中，同樣無創造能力，你係咪錯左D咩？
❌ 射門數：0 (0)
❌ 禁區內觸球：3
❌ 接應前傳：6
❌ 向前帶波：1
❌ 射門機會創造：1
❌ 嘗試過人： 0 (0)
雖然安宮古經常回後協助組織，但數字上都話大你知佢缺乏作為假九角色向前滲透的威脅，當對手收縮防線後，佢既無法突破亦無法吸引對方後衛移位。最明顯的一次係第 52 分鐘，面對白禮頓後防，他選擇再次回傳，而唔係直接殺入禁區，結果浪費一次可能的機會，其中一個原因係車路士的陣仍然未能適應無積臣時的戰術定位，要安宮古代替積臣都只係天方夜談。
柏度尼圖 (Pedro Neto)：無左空間就會隱形的邊路快馬。
❌ 射門數：2 (0)
❌ 禁區內觸球：4
❌ 接應前傳：8
❌ 向前帶波：4
❌ 射門機會創造：1
❌ 嘗試過人： 6 (1)
❌ 地面對抗：8 (2)
今場先被安排踢左翼，但表現遠遠不及之前對西咸時的水準。係馬杜基傷出之後轉去右翼，面對住前車的林迪，全場只有 1 次成功過人，傳中 2 次但無一成功，同對手的身體對抗 8 次輸足 6 次，可以話係完全被對手封鎖。
比賽初段，尼圖曾經有一次禁區內的射門機會，但被白禮頓後衛及時封阻，之後就完全消失在比賽當中。明顯唔適應今場的低節奏控球打法，因為對方領隊的佈陣，亦令尼圖缺乏邊路空間去發揮佢的爆發力，最終無法造成任何威脅。
彭馬 (Cole Palmer)：
作為今季車路士最重要的進攻核心，今場表現令人失望，相信唔止車迷，連彭馬自己都一樣咁失望。
❌ 射門數：2 (0)
❌ 禁區內觸球：4
❌ 接應前傳：3
❌ 向前帶波：1
❌ 射門機會創造：1
❌ 嘗試過人： 5 (3)
❌ 地面對抗：10 (6)
全場 0 射正，只成功傳出1 次關鍵傳球，而且 False 9 角色無法發揮佢的優勢。佢頻頻回撤，希望協助組織，但結果係當車仔進入進攻三區時，完全無人可以接應。
最具代表性的一幕發生係81 分鐘，當安素嘗試直傳搵人係前場接應時，彭馬選擇企定定而非跑向傳球路線，結果輕易被對方解圍。彭馬的靈氣，而家正為左球隊整體著想而慢慢被削弱緊，係咪應該要重新諗下點樣解放彭馬而唔係要佢回後呢？
馬路古斯度 (Malo Gusto)：
作為進攻型閘位，馬路古斯度確實願意推進，但回防時的判斷力仍有改善空間。
❌ 射門數：0 (0)
❌ 向前傳送：5
❌ 射門機會創造：3
❌ 嘗試過人： 0 (0)
❌ 地面對抗：5 (2)
落後三球的時候，古斯度算係少數仍然積極嘗試進攻的球員，創造出全場最多的3次射門機會，可惜傳中成功率唔好，3次中長距離傳送1次都無成功過，最後階段的進攻選擇略為顯得急躁。全場錄得 3 次攔截 和 2 次搶斷，但由於白禮頓兩翼的速度令他多次被迫回防，影響他的進攻輸出。最明顯的失誤係 第 63 分鐘，當明達內切時，他選擇後退封位，而唔係貼身攔截，俾對手輕鬆起腳射成 3：0。
辛祖 (Jadon Sancho)：
早早入替受傷的馬杜基，但無論係右邊定左邊都無太大作用。換邊亦無法提升威脅。全場碌碌無為，除左一兩次回後接應傳球之外，幾乎冇直接影響比賽。
❌ 射門數：0 (0)
❌ 禁區內觸球：3❌ 接應前傳：10
❌ 向前帶波：1
❌ 射門機會創造：0
❌ 嘗試過人： 5 (2)
辛祖的最大問題係進攻上過於保守，當球隊需要有人主動向前突破時，他更多時候選擇回傳，令進攻流暢度下降。例如今場 74 分鐘，當他接應安素的傳球，有大片空間可以內切射門，但他選擇向後傳給古古尼亞，直接錯失一個寶貴機會。從數據睇，成場比賽佢空有接應隊友的傳球，但零射門、零創造，變成車路士進攻的終結者，完全無辦法為車仔帶來任何進攻威脅。
佢本來被寄望係球隊進攻端的潛在解鎖點，但今場顯然無發揮到應有作用。比賽後段，馬蛇甚至寧願將泰基佐治放入陣中去嘗試突破，亦唔再倚賴辛祖，足以見證佢今場表現有幾令人失望。如果佢唔提升侵略性同決心，恐怕未來都難有穩定上陣機會。作為進攻球員，交出呢份表現，簡直係問心有愧。
總結：
未來要如何修正？ 現時車仔面臨的問題唔單止係傷病，而係戰術應對完全失效，無論係季初的逆閘位戰術定係而家的4-2-3-1都好，如果馬蛇繼續堅持「死傳控」而無 B 計劃，未來比賽將會更加艱難。對住高強度逼搶，或者密集防守的對手，車仔必須學識「快速直傳突破」，而唔係一味「高控球無效傳球」。下一場作客阿士東維拉，馬蛇如果再冇新對策，恐怕車仔距離跌出前六已經不遠。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
比賽開局，車仔曾靠彭馬製造機會，但未能轉化成真正威脅。27分鐘，三笘薫接應門將韋布根 (Bart Verbruggen) 長傳，以世界級控球技術控定再擺脫細查 (Trevoh Chalobah)，冷靜射破佐真臣 (Filip Jorgensen) 大門，白禮頓 1：0 領先。
車路士嘗試反撲，但全場進攻完全停滯。35分鐘，安素 (Enzo Fernández) 頭鎚破門，但因為推人犯規被取消，隨即白禮頓把握反擊機會，明達 (Yankuba Minteh) 把握車路士禁區內混戰機會射成 2：0，白禮頓用左前後 11 分鐘就令車仔陷入極大劣勢。
下半場，馬蛇嘗試換人，但車仔進攻依舊無起色。第63分鐘，明達再度突破古古尼亞，喺禁區內起腳，個波撞到細查輕微改變方向後入網，白禮頓 3：0 鎖定勝局。車仔雖然擁有 69.5% 的控球率，但全場 0 次射正，進攻完全癱瘓，最終吞下恥辱性敗仗。
馬蛇賽後直言：「這是我執教以來最差的比賽」，不過放心，係我的睇法黎講，上場比賽比今場更加不堪入目。
賽後點評：
1) 無論係上場定今場，馬蛇都嘗試擺脫自己Inverted Fullback的陣式，減少左要兩閘切入中場，避免過份提供空間俾白禮頓的兩翼。但顧得前就顧唔到後，馬蛇決定減少中場人手，代價就係前線攻力減少。唔止上一場比賽得一次射中，今場90分鐘更加錄得零次命中的尷尬數字，對於我呢種睇數據的人黎講，兩場比賽可以話係完全無分別。
2) 失望的唔止係對於賽場上的球員，有更大部份係對於馬蛇的不作為，上場FA Cup出局已經知道問題係邊，但最後變的都只係用馬杜基代替辛祖，係馬杜基傷出之後更加打回原型。反觀對手領隊侯斯拿，見你上場卡些度掃晒個中場，今場避重就輕減低左中場的控球數轉左去兩邊，結果就順便令安素都無埋影。領隊的準備同應變能力高下立見。
3) 車路士全場控球率 66%，傳球成功率 90%（717/797），比白禮頓的 78% 遙遙領先。但問題係，呢種「高控球、低效率」的狀況，已經唔係第一次出現。數據睇落靚，實際威脅接近零，全場僅 8 次射門，0 次射正，創下近四年來英超最恥辱的紀錄。
彭馬同安宮古互換 False 9 角色，但雙雙缺乏向前跑動與終結能力，導致車仔即使有 82 次推進傳球（成功率 65%），依然無法打穿對手防線。相比之下，白禮頓僅 34% 控球率，但創造 3 次重大機會，轉化率遠勝車仔。更諷刺嘅係，車仔擁有 12 次禁區深度滲透（比白禮頓多 2 次），但因為缺乏進攻終結點，射門轉化率極低，進攻完全缺乏效率。
4) 車路士全場擁有 69.4% Field Tilt（即進攻主導性），但防線卻形同虛設，無法應對白禮頓的高速反擊。白禮頓全場僅 11 次禁區滲透，但成功攻入 3 球，xG 高達 1.77，反映車仔防線的組織問題極大。
最大問題係，車仔對自己後場傳控過度自信，結果頻頻被對手高位壓迫搶斷。白禮頓利用 4 次高位迫搶奪回球權，輕鬆製造反擊，尤其是第二球和第三球，均來自車仔無法成功解圍，最後被明達兩次把握機會，令比賽提前結束。
5) 馬蛇賽後強調「進攻需要耐性」，但問題係車路士根本無法打穿對方防線。例如白禮頓今場的 PPDA（對手傳球次數/防守動作） 係 14.5，代表佢地防線保持穩固，唔主動高位逼搶，而係等車仔自己失誤，然後發動反擊。車仔缺乏 B 計劃，當對手選擇低位防守時，馬蛇仍堅持短傳推進，令進攻更顯得無力。
最後階段，馬蛇試圖換入 泰基佐治 (Tyrique George) 希望製造突破，但為時已晚。整場比賽，車仔的進攻計劃完全失效，而防線亦無力應對反擊，結果只能吞下恥辱性敗仗。
個別表現：
安宮古 (Christopher Nkunku)：
作為 False 9 之一，無進攻能力，同彭馬換位踢攻中，同樣無創造能力，你係咪錯左D咩？
❌ 射門數：0 (0)
❌ 禁區內觸球：3
❌ 接應前傳：6
❌ 向前帶波：1
❌ 射門機會創造：1
❌ 嘗試過人： 0 (0)
雖然安宮古經常回後協助組織，但數字上都話大你知佢缺乏作為假九角色向前滲透的威脅，當對手收縮防線後，佢既無法突破亦無法吸引對方後衛移位。最明顯的一次係第 52 分鐘，面對白禮頓後防，他選擇再次回傳，而唔係直接殺入禁區，結果浪費一次可能的機會，其中一個原因係車路士的陣仍然未能適應無積臣時的戰術定位，要安宮古代替積臣都只係天方夜談。
柏度尼圖 (Pedro Neto)：無左空間就會隱形的邊路快馬。
❌ 射門數：2 (0)
❌ 禁區內觸球：4
❌ 接應前傳：8
❌ 向前帶波：4
❌ 射門機會創造：1
❌ 嘗試過人： 6 (1)
❌ 地面對抗：8 (2)
今場先被安排踢左翼，但表現遠遠不及之前對西咸時的水準。係馬杜基傷出之後轉去右翼，面對住前車的林迪，全場只有 1 次成功過人，傳中 2 次但無一成功，同對手的身體對抗 8 次輸足 6 次，可以話係完全被對手封鎖。
比賽初段，尼圖曾經有一次禁區內的射門機會，但被白禮頓後衛及時封阻，之後就完全消失在比賽當中。明顯唔適應今場的低節奏控球打法，因為對方領隊的佈陣，亦令尼圖缺乏邊路空間去發揮佢的爆發力，最終無法造成任何威脅。
彭馬 (Cole Palmer)：
作為今季車路士最重要的進攻核心，今場表現令人失望，相信唔止車迷，連彭馬自己都一樣咁失望。
❌ 射門數：2 (0)
❌ 禁區內觸球：4
❌ 接應前傳：3
❌ 向前帶波：1
❌ 射門機會創造：1
❌ 嘗試過人： 5 (3)
❌ 地面對抗：10 (6)
全場 0 射正，只成功傳出1 次關鍵傳球，而且 False 9 角色無法發揮佢的優勢。佢頻頻回撤，希望協助組織，但結果係當車仔進入進攻三區時，完全無人可以接應。
最具代表性的一幕發生係81 分鐘，當安素嘗試直傳搵人係前場接應時，彭馬選擇企定定而非跑向傳球路線，結果輕易被對方解圍。彭馬的靈氣，而家正為左球隊整體著想而慢慢被削弱緊，係咪應該要重新諗下點樣解放彭馬而唔係要佢回後呢？
馬路古斯度 (Malo Gusto)：
作為進攻型閘位，馬路古斯度確實願意推進，但回防時的判斷力仍有改善空間。
❌ 射門數：0 (0)
❌ 向前傳送：5
❌ 射門機會創造：3
❌ 嘗試過人： 0 (0)
❌ 地面對抗：5 (2)
落後三球的時候，古斯度算係少數仍然積極嘗試進攻的球員，創造出全場最多的3次射門機會，可惜傳中成功率唔好，3次中長距離傳送1次都無成功過，最後階段的進攻選擇略為顯得急躁。全場錄得 3 次攔截 和 2 次搶斷，但由於白禮頓兩翼的速度令他多次被迫回防，影響他的進攻輸出。最明顯的失誤係 第 63 分鐘，當明達內切時，他選擇後退封位，而唔係貼身攔截，俾對手輕鬆起腳射成 3：0。
辛祖 (Jadon Sancho)：
早早入替受傷的馬杜基，但無論係右邊定左邊都無太大作用。換邊亦無法提升威脅。全場碌碌無為，除左一兩次回後接應傳球之外，幾乎冇直接影響比賽。
❌ 射門數：0 (0)
❌ 禁區內觸球：3❌ 接應前傳：10
❌ 向前帶波：1
❌ 射門機會創造：0
❌ 嘗試過人： 5 (2)
辛祖的最大問題係進攻上過於保守，當球隊需要有人主動向前突破時，他更多時候選擇回傳，令進攻流暢度下降。例如今場 74 分鐘，當他接應安素的傳球，有大片空間可以內切射門，但他選擇向後傳給古古尼亞，直接錯失一個寶貴機會。從數據睇，成場比賽佢空有接應隊友的傳球，但零射門、零創造，變成車路士進攻的終結者，完全無辦法為車仔帶來任何進攻威脅。
佢本來被寄望係球隊進攻端的潛在解鎖點，但今場顯然無發揮到應有作用。比賽後段，馬蛇甚至寧願將泰基佐治放入陣中去嘗試突破，亦唔再倚賴辛祖，足以見證佢今場表現有幾令人失望。如果佢唔提升侵略性同決心，恐怕未來都難有穩定上陣機會。作為進攻球員，交出呢份表現，簡直係問心有愧。
總結：
未來要如何修正？ 現時車仔面臨的問題唔單止係傷病，而係戰術應對完全失效，無論係季初的逆閘位戰術定係而家的4-2-3-1都好，如果馬蛇繼續堅持「死傳控」而無 B 計劃，未來比賽將會更加艱難。對住高強度逼搶，或者密集防守的對手，車仔必須學識「快速直傳突破」，而唔係一味「高控球無效傳球」。下一場作客阿士東維拉，馬蛇如果再冇新對策，恐怕車仔距離跌出前六已經不遠。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊