車路士主場迎戰韋斯咸，以2：1逆轉取勝，雖然表現並不理想，但仍成功全取三分，暫時重返英超前四。
開局雙方都無太大威脅，車路士控球較多，但組織欠缺效率，韋斯咸則以穩守突擊為主。上半場車路士曾有零星機會，包括彭馬 (Cole Palmer) 嘅罰球，被艾利奧拿 (Alphonse Areola) 撲出，但整體進攻仍然過於單調。比賽第42分鐘，球隊突然崩盤，高維爾 (Levi Colwill) 企位失誤，回傳過短，直接送大禮俾保雲 (Jarrod Bowen)，對方冷靜推射破門，韋斯咸1：0領先，令車路士陷入落後局面。
落後嘅車路士下半場開始有改變，馬蛇 (Enzo Maresca) 於52分鐘首次換人，換入尼圖 (Pedro Neto) 及古爾 (Marc Guiu)，比賽節奏開始有所提升。64分鐘，尼圖喺禁區內執雞，接應安素 (Enzo Fernández) 射門後反彈出的波，扳平比分。呢個入球經VAR檢查後確定有效，雙方比數回到均勢。
扳平之後，車路士進一步加強進攻，第74分鐘，彭馬突破蘇錫 (Tomáš Souček) 後傳中，雲比沙卡 (Aaron Wan-Bissaka) 解圍失誤，皮球彈起笠過艾利奧拿，車路士憑烏龍波反超2：1。比賽最後階段，韋斯咸發動反擊，古度斯 (Mohammed Kudus) 曾有一次近門射門，但被阿達拉比奧尤 (Tosin Adarabioyo) 封阻，最終車路士守住勝局，以2：1全取三分。
賽後點評：
今場波表面上係一場「逆轉勝」，但睇返比賽內容，車路士其實贏得驚險，甚至可以話有啲運氣成分。數據上，控球、壓迫、攻守轉換等指標都充滿矛盾，反映馬蛇嘅戰術執行仍然未夠穩定。
1) 戰術執行同控球戰略 - 控球率 67.1% + Field Tilt 69.4%，即係全場近七成時間都係車路士喺對手半場活動，但問題係——控球唔等於威脅。
再詳細睇埋 xG（預期入球）1.49 vs 1.04，車路士呢邊22次射門，得3次中龍，即係話大部分射門都係流於數字，無乜真正威脅。進攻問題之一係 Deep Entries（深區滲透）11 vs 9，車路士喺對手禁區內嘅優勢並唔明顯，攻勢大多靠遠射或者邊路傳中——冇爆點、冇殺傷力，難怪上半場悶到連自己球迷都頂唔順。
2) 高壓迫 vs. 無效搶斷 - PPDA（壓迫數據）6.5 vs 15.6，低PPDA至少證明車路士高位壓迫做得唔錯，數字上睇甚至係韋斯咸嘅2倍。不過睇返效果，雖然壓迫力度高，但收割能力低，High Turnovers（高位搶斷）的數字只有2 vs 5——用人話去講的話，車路士壓迫做足全場，但無成功轉化為有效的進攻，甚至被對手拆解反擊。呢個問題導致全場波都好拉鋸，前場「壓唔斷」，後場「截唔住」，令比賽變得更開放，而韋斯咸亦有足夠機會利用反擊製造危機。除左高維爾失手果一球，仲有古度斯的頭鎚中柱等等的驚險畫面。
3) 後防錯漏百出，一貫熟識的演出 - Defensive Action Height（防守站位）：51.3 vs 43.0，反映車路士防線企得比韋斯咸更前，理應加強對中場區域嘅控制，但現實係防線不穩，高維爾致命回傳失誤，直接送大禮俾保雲單刀破門，呢個低級錯誤，差啲搞到全隊兵敗如山倒。
4) 換人救場 - 馬蛇今場嘅換人部署算係比賽轉捩點，但嚴格嚟講，佢並唔似臨場的「精密調動」，更似係「亡羊補牢」。調轉講，如果戰術一開始部署得宜，可能唔使換人救場，甚至可以更早鎖定勝局。52分鐘的換人，尼圖入替辛祖，古爾入替積臣，至少為左路增加左少少流動性，古爾擔任的工作亦同積臣有所不同，唔係靠背身突破而係憑無球走動去令韋斯咸禁區邊防線更加收窄，間接製造更多空間俾隊友發揮。
61分鐘，馬蛇再進行第二輪調動，古斯度取代占士，安宮古換走馬杜基。前者係因為占士夠鐘要換走，而後者係想靠跑動範圍令車路士前場壓迫更具效率，減輕中場防守負擔。
5) 馬蛇 vs 波特：綜合前半的數據同走勢去睇，無論係車路士係左路的攻勢，對於彭馬的封鎖，把握車路士的自爆等等，都證明左賽前的準備由波特贏左，如果唔係幸運之神眷顧車路士，恐怕今場車路士要帶走3分會有相當難度。
個別表現：
卡些度：
有趣的係，今場我都會揀卡些度作為MOTM。
⭕️ 地面對抗：11* (6)
⭕️ 防守次數：5⭕️ 傳球：60/61 (98%*)
⭕️ 射門機會創造：6
如果話彭馬係今場車路士的進攻核心，咁中場的另一個核心就非卡些度莫屬。由於今場車路士採用相對高壓的踢法，所以好要求中場特別係防中作為搶迫的第一點。卡些度就擔起左呢個責任，而且多次係反搶之後轉守為攻。
數字上都反映出卡些度係防守面上面的貢獻，同時，卡些度的覆蓋範圍之大亦係進攻面上作出貢獻，創造出僅次於彭馬的6次射門機會。由自己後場到接近對手禁區，卡些度當選我今場的最佳球員的確實至名歸。
尼圖：
可惜的係，尼圖除左果個入球之外，就唔算好出色。
⭕️ 入球：1
⭕️ 射門機會創造：1
⭕️ 關鍵傳球：2
❌ 過人成功率：3 (1)
❌ 接應前傳：2
作為後備入替的球員，尼圖係的作用先係左線提升比賽的節奏，協助車路士得到更多進攻的機會。其後尼圖係馬杜基換出之後，就調去右路接替馬杜基的工作係右線搶攻。可惜的係尼圖除左果一腳執雞以外就無甚貢獻。包括無球跑動去適當的位置接應傳球、自己創造過人的機會亦唔係多。本應有更多突入禁區的尼圖亦只錄得3次，整體計並未成功係左右線帶來巨大的威脅。好彩的係，尼圖係右線成功俾到個波安素再起腳，其後亦時來運到接應到反彈的皮球，直射入網。
高維爾：
明明全場都唔差，仲要好好咁做足左防守，偏偏一粒老鼠屎糟蹋左成煲粥，同尼圖完全係相反體。
⭕️ 防守次數：7*
⭕️ 清波數：3
⭕️ 地面對抗：10 (8*)
⭕️ 空中爭頂：6 (5)
⭕️ 傳球成功率：91%
❌ 回傳失誤導致失球：1
今場的高維爾，仍然係作為防線最後一點保護門將，同時要填補古古尼亞推前之後左線的空間。韋斯咸選擇用右線攻擊，所以不停出現古度斯或者雲比沙卡對高維爾的對決。憑住唔錯的判斷，高維爾其實有成功封鎖左古度斯的攻勢，令古度斯全場得一次中龍射門，9次嘗試過人亦只有2次成功。
只可惜一次的回傳失誤，就將高維爾今場的努力化為灰燼，失誤的地方就只係回傳的力度不足保雲搶走。如果你問我高維爾值唔值得繼續正選上陣，我仍然覺得答案係肯定ge，只係要繼續交學費咁解。
辛祖：
賽後米基爾話佢自從12月之後都毫無建樹，講得好中肯，但不見得係佢一個人的責任。
❌ 嘗試過人：2 (1)
❌ 射門機會創造：0
❌ 過頭波：3 (0)
❌ 地面對抗：3 (2)
❌ 射門數：2 (0)
❌ 接應傳球：12
然而，可惜的係米基爾講得無錯。由數據方面去觀眾，面對住韋斯咸的堅硬防守，辛祖的確一整個老鼠拉龜，未能透過無球跑動創造到任何傳球的選擇俾隊友，亦無直接對對手的門將造成威脅，落場踢左51分鐘，表現只接近後備入替左39分鐘的尼圖。
然而只怪責佢一個人，又未免過於嚴苛，因為馬蛇安排卡些度係左線的關係，今場欠缺左安素呢類可以進入禁區進行騷擾的中場一齊配合，變相辛祖只可以變成誘餌去提供空間俾古古尼亞。或者辛祖都要開始搵到更多踢法先可以突破到而家的樽頸。
總結：
有一項有趣的事實，車路士自從2013年12月之後，就無再試過係自己主場的比賽入面，半場落後之下反勝對手。雖然今場的勝利帶有幸運的成份，但如果可以俾球隊有喘息的空間，袋左三分就唔講咁多啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
開局雙方都無太大威脅，車路士控球較多，但組織欠缺效率，韋斯咸則以穩守突擊為主。上半場車路士曾有零星機會，包括彭馬 (Cole Palmer) 嘅罰球，被艾利奧拿 (Alphonse Areola) 撲出，但整體進攻仍然過於單調。比賽第42分鐘，球隊突然崩盤，高維爾 (Levi Colwill) 企位失誤，回傳過短，直接送大禮俾保雲 (Jarrod Bowen)，對方冷靜推射破門，韋斯咸1：0領先，令車路士陷入落後局面。
落後嘅車路士下半場開始有改變，馬蛇 (Enzo Maresca) 於52分鐘首次換人，換入尼圖 (Pedro Neto) 及古爾 (Marc Guiu)，比賽節奏開始有所提升。64分鐘，尼圖喺禁區內執雞，接應安素 (Enzo Fernández) 射門後反彈出的波，扳平比分。呢個入球經VAR檢查後確定有效，雙方比數回到均勢。
扳平之後，車路士進一步加強進攻，第74分鐘，彭馬突破蘇錫 (Tomáš Souček) 後傳中，雲比沙卡 (Aaron Wan-Bissaka) 解圍失誤，皮球彈起笠過艾利奧拿，車路士憑烏龍波反超2：1。比賽最後階段，韋斯咸發動反擊，古度斯 (Mohammed Kudus) 曾有一次近門射門，但被阿達拉比奧尤 (Tosin Adarabioyo) 封阻，最終車路士守住勝局，以2：1全取三分。
賽後點評：
今場波表面上係一場「逆轉勝」，但睇返比賽內容，車路士其實贏得驚險，甚至可以話有啲運氣成分。數據上，控球、壓迫、攻守轉換等指標都充滿矛盾，反映馬蛇嘅戰術執行仍然未夠穩定。
1) 戰術執行同控球戰略 - 控球率 67.1% + Field Tilt 69.4%，即係全場近七成時間都係車路士喺對手半場活動，但問題係——控球唔等於威脅。
再詳細睇埋 xG（預期入球）1.49 vs 1.04，車路士呢邊22次射門，得3次中龍，即係話大部分射門都係流於數字，無乜真正威脅。進攻問題之一係 Deep Entries（深區滲透）11 vs 9，車路士喺對手禁區內嘅優勢並唔明顯，攻勢大多靠遠射或者邊路傳中——冇爆點、冇殺傷力，難怪上半場悶到連自己球迷都頂唔順。
2) 高壓迫 vs. 無效搶斷 - PPDA（壓迫數據）6.5 vs 15.6，低PPDA至少證明車路士高位壓迫做得唔錯，數字上睇甚至係韋斯咸嘅2倍。不過睇返效果，雖然壓迫力度高，但收割能力低，High Turnovers（高位搶斷）的數字只有2 vs 5——用人話去講的話，車路士壓迫做足全場，但無成功轉化為有效的進攻，甚至被對手拆解反擊。呢個問題導致全場波都好拉鋸，前場「壓唔斷」，後場「截唔住」，令比賽變得更開放，而韋斯咸亦有足夠機會利用反擊製造危機。除左高維爾失手果一球，仲有古度斯的頭鎚中柱等等的驚險畫面。
3) 後防錯漏百出，一貫熟識的演出 - Defensive Action Height（防守站位）：51.3 vs 43.0，反映車路士防線企得比韋斯咸更前，理應加強對中場區域嘅控制，但現實係防線不穩，高維爾致命回傳失誤，直接送大禮俾保雲單刀破門，呢個低級錯誤，差啲搞到全隊兵敗如山倒。
4) 換人救場 - 馬蛇今場嘅換人部署算係比賽轉捩點，但嚴格嚟講，佢並唔似臨場的「精密調動」，更似係「亡羊補牢」。調轉講，如果戰術一開始部署得宜，可能唔使換人救場，甚至可以更早鎖定勝局。52分鐘的換人，尼圖入替辛祖，古爾入替積臣，至少為左路增加左少少流動性，古爾擔任的工作亦同積臣有所不同，唔係靠背身突破而係憑無球走動去令韋斯咸禁區邊防線更加收窄，間接製造更多空間俾隊友發揮。
61分鐘，馬蛇再進行第二輪調動，古斯度取代占士，安宮古換走馬杜基。前者係因為占士夠鐘要換走，而後者係想靠跑動範圍令車路士前場壓迫更具效率，減輕中場防守負擔。
5) 馬蛇 vs 波特：綜合前半的數據同走勢去睇，無論係車路士係左路的攻勢，對於彭馬的封鎖，把握車路士的自爆等等，都證明左賽前的準備由波特贏左，如果唔係幸運之神眷顧車路士，恐怕今場車路士要帶走3分會有相當難度。
個別表現：
卡些度：
有趣的係，今場我都會揀卡些度作為MOTM。
⭕️ 地面對抗：11* (6)
⭕️ 防守次數：5⭕️ 傳球：60/61 (98%*)
⭕️ 射門機會創造：6
如果話彭馬係今場車路士的進攻核心，咁中場的另一個核心就非卡些度莫屬。由於今場車路士採用相對高壓的踢法，所以好要求中場特別係防中作為搶迫的第一點。卡些度就擔起左呢個責任，而且多次係反搶之後轉守為攻。
數字上都反映出卡些度係防守面上面的貢獻，同時，卡些度的覆蓋範圍之大亦係進攻面上作出貢獻，創造出僅次於彭馬的6次射門機會。由自己後場到接近對手禁區，卡些度當選我今場的最佳球員的確實至名歸。
尼圖：
可惜的係，尼圖除左果個入球之外，就唔算好出色。
⭕️ 入球：1
⭕️ 射門機會創造：1
⭕️ 關鍵傳球：2
❌ 過人成功率：3 (1)
❌ 接應前傳：2
作為後備入替的球員，尼圖係的作用先係左線提升比賽的節奏，協助車路士得到更多進攻的機會。其後尼圖係馬杜基換出之後，就調去右路接替馬杜基的工作係右線搶攻。可惜的係尼圖除左果一腳執雞以外就無甚貢獻。包括無球跑動去適當的位置接應傳球、自己創造過人的機會亦唔係多。本應有更多突入禁區的尼圖亦只錄得3次，整體計並未成功係左右線帶來巨大的威脅。好彩的係，尼圖係右線成功俾到個波安素再起腳，其後亦時來運到接應到反彈的皮球，直射入網。
高維爾：
明明全場都唔差，仲要好好咁做足左防守，偏偏一粒老鼠屎糟蹋左成煲粥，同尼圖完全係相反體。
⭕️ 防守次數：7*
⭕️ 清波數：3
⭕️ 地面對抗：10 (8*)
⭕️ 空中爭頂：6 (5)
⭕️ 傳球成功率：91%
❌ 回傳失誤導致失球：1
今場的高維爾，仍然係作為防線最後一點保護門將，同時要填補古古尼亞推前之後左線的空間。韋斯咸選擇用右線攻擊，所以不停出現古度斯或者雲比沙卡對高維爾的對決。憑住唔錯的判斷，高維爾其實有成功封鎖左古度斯的攻勢，令古度斯全場得一次中龍射門，9次嘗試過人亦只有2次成功。
只可惜一次的回傳失誤，就將高維爾今場的努力化為灰燼，失誤的地方就只係回傳的力度不足保雲搶走。如果你問我高維爾值唔值得繼續正選上陣，我仍然覺得答案係肯定ge，只係要繼續交學費咁解。
辛祖：
賽後米基爾話佢自從12月之後都毫無建樹，講得好中肯，但不見得係佢一個人的責任。
❌ 嘗試過人：2 (1)
❌ 射門機會創造：0
❌ 過頭波：3 (0)
❌ 地面對抗：3 (2)
❌ 射門數：2 (0)
❌ 接應傳球：12
然而，可惜的係米基爾講得無錯。由數據方面去觀眾，面對住韋斯咸的堅硬防守，辛祖的確一整個老鼠拉龜，未能透過無球跑動創造到任何傳球的選擇俾隊友，亦無直接對對手的門將造成威脅，落場踢左51分鐘，表現只接近後備入替左39分鐘的尼圖。
然而只怪責佢一個人，又未免過於嚴苛，因為馬蛇安排卡些度係左線的關係，今場欠缺左安素呢類可以進入禁區進行騷擾的中場一齊配合，變相辛祖只可以變成誘餌去提供空間俾古古尼亞。或者辛祖都要開始搵到更多踢法先可以突破到而家的樽頸。
總結：
有一項有趣的事實，車路士自從2013年12月之後，就無再試過係自己主場的比賽入面，半場落後之下反勝對手。雖然今場的勝利帶有幸運的成份，但如果可以俾球隊有喘息的空間，袋左三分就唔講咁多啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊