個故事係咁嘅：有間開係曼市的餐廳，早30年做到世界頂級水準的餐點出黎，贏左好多全國級同世界級獎項，雖然話當時的英國出色的餐廳唔多，當時個大廚的確做得好好，自家栽培的食材又好、外地採購的食材都好，樣樣野都做到盡善盡美。到呢個大廚退休，間餐廳就越做越頹；換老闆諗住可以有D起色，點知個新老闆唔止收水喉，仲要渣唔定主意，大廚換完一個又一個，成個雪櫃都係上手個泰廚/越南廚的食材，而家換個廚之後就叫佢拎嚟煮西餐fusion。
係呢個狀況下，如果你係個大廚或者老闆，你會點樣去解決個困境？「執X左佢。」雖然好簡單直接，不過老闆接手左間餐廳都唔係咁耐，唔可以做正確答案。
以上係來自我一位曼迷朋友的比喻，正好今個星期無車仔的比賽，多出的時間可以用黎寫下其他野。
新帥阿摩廉分析
要講而家曼聯的困局，先要由阿摩廉開始講起。呢位前士砵亭少帥的踢法，我已經係上一篇文講過：
【車迷觀點】一唔一X樣 車迷眼中的阿摩廉
具體黎講，阿摩廉同士砵亭時候的踢法略有分別，主要的差別在於：
1) 同樣係3後，而家曼聯只可以踢出3-4-2-1。係原先的佈局中，士砵亭係用3-4-3的陣式平均分佈係球場，前線兩翼無論係左右拉空定係內切去禁區邊緣的自由度都好大，而且會有左右的翼衛協助。但受限於曼聯的人腳，摩Sir只可以將翼鋒收去中路，改為由兩翼衛後上客串翼鋒，呢個亦係曼聯不停起用般奴做「左翼鋒」的原因，亦係我標題會寫「限米煮限飯」的主因。就算用Amad同加拿祖呢類正翼鋒都好，如果無翼衛的支援，艾摩廉都唔傾向要佢地深入敵陣爆到落底，以免過於撕裂自己陣型的長度。
2) 雙中場工作分配有落差。上一篇文都講過，「阿摩廉的體系需要兩個精力充沛的中場球員來連接攻防兩端，防守中場需要覆蓋較大區域，而且攻防轉換速度要快。 如果中場球員受壓，球隊的攻防平衡就會被打破，暫時亦未見到阿摩廉係面對高壓搶迫時有咩方法破解。」但近10場比賽，唯一踢得比較好的就只有烏加特，其餘的球員明奴又好，後備的艾力臣卡斯美路都好，3個人都未有跡象顯示佢地勝任到左防中的工作。結果就係由中場開始崩盤，連接唔到前場，造成攻擊啞火。
而且種種跡象都顯示，阿摩廉未成功係曼聯隊中搵到最好的防中組合，上場對水晶宮係第4次將般奴收落去左防中位，雖然多少增加左前線的組織能力，但同時減弱左中後線的保護能力，最直接影響到就係達洛治的位置，係欠缺左防中保護之下，琴晚達洛治15次地面對抗輸足左10次，迫到馬天尼斯要不停面對Sarr的突擊，亦因為咁直接令馬天尼斯受重傷離場。
3) 承第一點，更大的問題係整體防守組織。當兩邊翼衛壓上，後防的確有默契地嘗試拉開去填補空間，但對手大多數都理解同適應三後的結構，會利用翼衛壓上之後的邊路空間進行快速反擊。於是19場比賽入面只有3場無失波，失球數高達31球。中堅的默契同遮線能力直接或間接都變成其中的關鍵，曼聯係最近幾場比賽都起用麥佳亞作為中中堅做最後一點防守，麥佳亞雖然有好好的防守意識，但係速度限制左佢係艾摩廉陣中的發揮，甚至係面對對手的快速反擊的時候麥佳亞成為左防線的缺口，另外兩個隊友配合唔到結果就令失球數字直線上升。
4) 係對陣富咸的一役中，明眼人小欣姐都見到曼聯係攻擊面的不足，主要死因就係翼衛同翼鋒啞火，當Amad都毫無威脅時，曼聯幾乎就失去左最後的一個進攻希望。而雙中場亦無法好似士砵亭時代咁提供到足夠的供應，上場對住水晶宮全場亦只能做出一次重大機會，就算係主場超過6成控球都好，曼聯仍然無辦法可以創造出機會。唔係戰術上無改變，只係改變並唔足夠令阿摩廉改寫比賽的結局，好難怪摩Sir係對白禮頓之後會扯晒火打爆部電視機。
5) 唔止球場上的問題 - 受限於PSR，曼聯增兵都要先賣人，而家已經成功外借左拉舒福特/安東尼出去減輕左部份人工的支出，但係仍然要睇住盤數做人避免扣分，季尾如果維拉同車路士真係會買斷左借用的球員，理論上會提供到些少轉會空間，但夠唔夠艾摩廉買到啱用的人仍然係言之尚早。
一月的觀望：
1) 綜合以上的論點，增兵似乎係而家唯一的解決手段 - 而家曼聯已經買入左Dorgu，呢位球員可以打晒成條左路，甚至有能力可以客串中場角色，能力上雖然未稱得上係頂級，但係至少可以解決曼聯左路人手短缺的問題。另外亦係阿仙奴手上簽走小將Ayden Heaven，呢位中堅小將同時可以兼任踢左閘位置，相信作為左中堅會係一個唔錯的選擇，不過經驗不足會係佢的缺點。
同一時間曼聯都仲有追逐緊拜仁左翼鋒泰利 (Tel)，目的都係想加強左線的火力同穩定性。
2) 繼續試中場組合直到成功為止 - 到目前為止艾摩廉已經試左多達7種組合：
卡斯美路+艾歷臣
般奴+烏加特
卡斯美路+明奴
烏加特+明奴
般奴+卡斯美路
艾歷臣+烏加特
般奴+哥利亞
而當中算係最成功的已經係烏加特+明奴的組合，而用呢種組合的前題就係要屈就般奴出任左翼鋒，隨住之後曼治傷癒復出，相信會有更多組合會拎出黎，但係要同時兼顧攻守兩端，曼聯可唔可以搵到屬於自己的簡迪仍然係言之尚早。
3) 有車迷係評論車路士的時候都講過類似的說話：繼續堅持 - 當曼聯下定決心要炒坦克換入艾摩廉的時候，應該要有心理準備就算降班都好都要踢出隊型。所以今場亦係一樣，無論對手點樣攻破曼聯的防線，無論曼聯係前線的組織何其混亂，曼聯都只可以保持耐性等班球員適應3後的踢法。例如係一對中場，要熟習到自己的工作同有走位意識，知道幾時要上幾時要退；又例如三個中堅，如果預判到中中堅的麥佳亞失位，就要再早少少回防而唔係舉手等球證吹越位。
同一時間，要堅持的唔止係球員同球迷，艾摩廉都一樣。係現有的人腳中進行微調，試到Work為止可能要付出好大的代價，但總比一痛就縮黎得好。
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
係呢個狀況下，如果你係個大廚或者老闆，你會點樣去解決個困境？「執X左佢。」雖然好簡單直接，不過老闆接手左間餐廳都唔係咁耐，唔可以做正確答案。
以上係來自我一位曼迷朋友的比喻，正好今個星期無車仔的比賽，多出的時間可以用黎寫下其他野。
新帥阿摩廉分析
要講而家曼聯的困局，先要由阿摩廉開始講起。呢位前士砵亭少帥的踢法，我已經係上一篇文講過：
【車迷觀點】一唔一X樣 車迷眼中的阿摩廉
具體黎講，阿摩廉同士砵亭時候的踢法略有分別，主要的差別在於：
1) 同樣係3後，而家曼聯只可以踢出3-4-2-1。係原先的佈局中，士砵亭係用3-4-3的陣式平均分佈係球場，前線兩翼無論係左右拉空定係內切去禁區邊緣的自由度都好大，而且會有左右的翼衛協助。但受限於曼聯的人腳，摩Sir只可以將翼鋒收去中路，改為由兩翼衛後上客串翼鋒，呢個亦係曼聯不停起用般奴做「左翼鋒」的原因，亦係我標題會寫「限米煮限飯」的主因。就算用Amad同加拿祖呢類正翼鋒都好，如果無翼衛的支援，艾摩廉都唔傾向要佢地深入敵陣爆到落底，以免過於撕裂自己陣型的長度。
2) 雙中場工作分配有落差。上一篇文都講過，「阿摩廉的體系需要兩個精力充沛的中場球員來連接攻防兩端，防守中場需要覆蓋較大區域，而且攻防轉換速度要快。 如果中場球員受壓，球隊的攻防平衡就會被打破，暫時亦未見到阿摩廉係面對高壓搶迫時有咩方法破解。」但近10場比賽，唯一踢得比較好的就只有烏加特，其餘的球員明奴又好，後備的艾力臣卡斯美路都好，3個人都未有跡象顯示佢地勝任到左防中的工作。結果就係由中場開始崩盤，連接唔到前場，造成攻擊啞火。
而且種種跡象都顯示，阿摩廉未成功係曼聯隊中搵到最好的防中組合，上場對水晶宮係第4次將般奴收落去左防中位，雖然多少增加左前線的組織能力，但同時減弱左中後線的保護能力，最直接影響到就係達洛治的位置，係欠缺左防中保護之下，琴晚達洛治15次地面對抗輸足左10次，迫到馬天尼斯要不停面對Sarr的突擊，亦因為咁直接令馬天尼斯受重傷離場。
3) 承第一點，更大的問題係整體防守組織。當兩邊翼衛壓上，後防的確有默契地嘗試拉開去填補空間，但對手大多數都理解同適應三後的結構，會利用翼衛壓上之後的邊路空間進行快速反擊。於是19場比賽入面只有3場無失波，失球數高達31球。中堅的默契同遮線能力直接或間接都變成其中的關鍵，曼聯係最近幾場比賽都起用麥佳亞作為中中堅做最後一點防守，麥佳亞雖然有好好的防守意識，但係速度限制左佢係艾摩廉陣中的發揮，甚至係面對對手的快速反擊的時候麥佳亞成為左防線的缺口，另外兩個隊友配合唔到結果就令失球數字直線上升。
4) 係對陣富咸的一役中，明眼人小欣姐都見到曼聯係攻擊面的不足，主要死因就係翼衛同翼鋒啞火，當Amad都毫無威脅時，曼聯幾乎就失去左最後的一個進攻希望。而雙中場亦無法好似士砵亭時代咁提供到足夠的供應，上場對住水晶宮全場亦只能做出一次重大機會，就算係主場超過6成控球都好，曼聯仍然無辦法可以創造出機會。唔係戰術上無改變，只係改變並唔足夠令阿摩廉改寫比賽的結局，好難怪摩Sir係對白禮頓之後會扯晒火打爆部電視機。
5) 唔止球場上的問題 - 受限於PSR，曼聯增兵都要先賣人，而家已經成功外借左拉舒福特/安東尼出去減輕左部份人工的支出，但係仍然要睇住盤數做人避免扣分，季尾如果維拉同車路士真係會買斷左借用的球員，理論上會提供到些少轉會空間，但夠唔夠艾摩廉買到啱用的人仍然係言之尚早。
一月的觀望：
1) 綜合以上的論點，增兵似乎係而家唯一的解決手段 - 而家曼聯已經買入左Dorgu，呢位球員可以打晒成條左路，甚至有能力可以客串中場角色，能力上雖然未稱得上係頂級，但係至少可以解決曼聯左路人手短缺的問題。另外亦係阿仙奴手上簽走小將Ayden Heaven，呢位中堅小將同時可以兼任踢左閘位置，相信作為左中堅會係一個唔錯的選擇，不過經驗不足會係佢的缺點。
同一時間曼聯都仲有追逐緊拜仁左翼鋒泰利 (Tel)，目的都係想加強左線的火力同穩定性。
2) 繼續試中場組合直到成功為止 - 到目前為止艾摩廉已經試左多達7種組合：
卡斯美路+艾歷臣
般奴+烏加特
卡斯美路+明奴
烏加特+明奴
般奴+卡斯美路
艾歷臣+烏加特
般奴+哥利亞
而當中算係最成功的已經係烏加特+明奴的組合，而用呢種組合的前題就係要屈就般奴出任左翼鋒，隨住之後曼治傷癒復出，相信會有更多組合會拎出黎，但係要同時兼顧攻守兩端，曼聯可唔可以搵到屬於自己的簡迪仍然係言之尚早。
3) 有車迷係評論車路士的時候都講過類似的說話：繼續堅持 - 當曼聯下定決心要炒坦克換入艾摩廉的時候，應該要有心理準備就算降班都好都要踢出隊型。所以今場亦係一樣，無論對手點樣攻破曼聯的防線，無論曼聯係前線的組織何其混亂，曼聯都只可以保持耐性等班球員適應3後的踢法。例如係一對中場，要熟習到自己的工作同有走位意識，知道幾時要上幾時要退；又例如三個中堅，如果預判到中中堅的麥佳亞失位，就要再早少少回防而唔係舉手等球證吹越位。
同一時間，要堅持的唔止係球員同球迷，艾摩廉都一樣。係現有的人腳中進行微調，試到Work為止可能要付出好大的代價，但總比一痛就縮黎得好。
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊