車路士喺史丹福橋迎戰狼隊，以3:1成功取勝，終結咗聯賽五場不勝嘅頹勢，並重返英超前四位置。今場因為受到傷病困擾，車路士係召回都唔夠一星期就起用細查代替高維爾出任左中堅，中場方面由霍爾代替安素出任右防中。賽前話彭馬有傷在身睇黎係煙幕，彭馬仍然以攻中的身份出戰，配合左邊尼圖右邊馬杜基，試圖撕破狼隊的防線。
阿達拉比奧尤於24分鐘先開紀錄，但門將山齊士喺上半場補時失誤，俾Matt Doherty追平比分。下半場，古古尼亞喺60分鐘接應霍爾傳球射入，馬杜基再於65分鐘頭槌補射建功，為車路士鎖定勝局。
戰術＆數據：
1) 有別於之前的安排，中場的霍爾因為無辦法負起中場節拍機的工作，結果改由彭馬墮後控制節奏，雖然呢個做法減弱左彭馬係前線的威脅，但作為代價係今場贏左63%的控球，而且幾乎全場壓制狼隊。
2) 延續上幾場的問題，車路士係進攻方面仍然欠缺靈感。三箭頭積臣受到對方三中堅的牽制，尼圖同馬杜基兩者都未有好多實際的埋門威脅，馬杜基的入球亦只係受惠於細查的攻門。尼圖踢左61分鐘無任何起腳機會，無球跑動以至突入禁區都唔算有幫助，或者呢D就係馬蛇選擇換走佢的原因。
3) 有趣的係，馬蛇係換人之後決定用古古打防中，連同古斯度、細查、阿達拉比奧尤同右閘的迪西施，配合防中位置的古古同卡些度，幾乎係一條6人的防線。務求係最後階段唔失波改善之前幾場臨天光瀨尿的問題。不過咁樣的安排，似乎就直接影響左前線的發揮，無論係入替的辛祖定係菲力斯都無辦法靠自己的能力搵到食。
4) 死球問題似乎略有改善，第一樣係落點比之前明確左，明刀明槍咁斬去遠柱製造混亂，咁啱今場就有兩次得手。第一次係落係占士的腳下，反彈俾左阿達拉比奧尤再射入；第二次係斬左俾細查再俾馬杜基偷雞成功。不過兩球都略有運氣的成份，係唔係真係有進步恐怕要再觀察多兩場，不過今晚死球部門加餸先講。
5) 唔係個別表現度長寫啦，係過去的6場比賽中，山齊士已經令球隊失左3球，而佢今季已經有4次失誤直接導致失球，僅次於葉士域治的Muric (5次)，成為英超失誤最多嘅門將之一。好彩的係，就算有人仲好笑過曼聯娜娜仍然Who Fucking Care車路士，賽後馬蛇話：「山齊士救到的波仍然比佢的失誤多。」試圖淡化失誤的嚴重性，但完全忽視門將喺穩定性方面的核心要求。門將的基本職責係避免失球，而非單純累積撲救數據就可以掩蓋。
個別表現：
細查：
關於細查，對唔住，我之前篇文語氣係重左少少…
⭕️ 防守動作：11*
⭕️ 地面對抗：3 (2)⭕️ 空中爭頂：5 (4)
⭕️ 關鍵傳球：2
⭕️ 傳入進攻三區：3
⭕️ 失去球權：4*
回歸後的第一場比賽，就即刻掩蓋入波的球員搶走MOTM的獎項，大大聲咁話俾你地班人知佢先係值得留隊果個。數據上幾乎無懈可擊，除左承繼左自己防守的專長，係各項防守數據刷出新高之外，甚至改寫左細查自己的弱項，今場97次觸球未有一次自己控失或者失去球權，亦透過長傳為前線製造機會。
如果細查下場對曼城都可以保持呢種表現，唔好話賣，我估車路士會選擇用高薪留住細查都唔定，不過狼隊今季的表現都不及過往，用一場去判斷仍然言之尚早，下半季仲會有好多機會睇細查，就睇下係咪值得我真心道歉。
占士：
我諗無幾多個車迷會抱怨占士係賽場上的表現，今場都唔例外，回勇的文員部經理仍然係無人能敵。
⭕️ 地面對抗：8 (6)*
⭕️ 空中爭頂：4 (3)
⭕️ 防守動作：5
⭕️ 射門機會創造：3
⭕️ 嘗試過人 (成功)：2 (2)
⭕️ 向前傳送：9*
⭕️ 傳入進攻三區：12*
⭕️ 長傳 (成功)：14 (7)*
上面的數據就話左俾你知，占士係車路士右閘的位置係何其穩固。無論係攻守兩端都有極高水準的表現，如果唔係因為細查突然爆Seed，今場恐怕MOTM都繼續係占士獨佔。
跑動範圍之廣、身體對抗強壯、快速轉身判斷、中長距離傳送，如果占士可以健健康康，唔好話車路士右閘的位，分分鐘英格蘭右閘位都有機會爭到返黎，嗯，如果占士可以健健康康……
(同一時間，拉維亞又再傷出，佢同科芬拿兩個一齊爭緊占士個文員部經理名號)
彭馬：
彭馬用實際行動話你知，就算唔入波一樣可以幫到球隊。
⭕️ 射門機會創造：8*
❌ 射門 (命中)：3 (1)
⭕️ 關鍵傳球：2
⭕️ 帶入進攻三區：3*
⭕️ 接收前傳：8
或者你會覺得，彭馬唔入波唔助攻就無佢的存在價值。但彭馬正正話俾你知，我有其他踢法可以幫到球隊。正如我上文所講，因為安素傷出的關係，今場要由彭馬墮後代替安素負起中場發動機的工作。位置上收得比之前幾場都深，射門次數同直接威脅都少左。同安素相比，彭馬明顯無身體優勢或者阻止對手進攻的本錢，所以呢部份就交返俾霍爾同卡些度，俾彭馬專心係前線打開缺口。
無論係連接中後場的工作，定係尋找傳球的空間，或者係無球跑動為隊友製造傳球點都好，彭馬係今場都做足應該要做的野。唯一的問題就係上半場後段，當狼隊更積極同更激烈去搶迫的時候，彭馬明顯有少少力不從心，要點樣對付物理型的對手，相信唔止係彭馬，更加係全隊的課題之一。
總結：
重返前四，為之前的低迷狀態注入咗一針強心劑固然令人高興。但支持與質疑並存，有球迷對球隊引援策略提出批評，認為應該更多倚重好似細查咁嘅青訓球員，而非繼續豪擲資金購買未必啱用的球員或者課金抽卡試圖抽出SSR等。
下場對曼城的硬仗將成為更嚴峻的考驗，無論係領隊定係球員都要靠贏Big 6去證明自己值得前4的位置。如果車路士希望維持競爭力，改善門將穩定性與提升進攻多樣性將會成為關鍵中的關鍵。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
阿達拉比奧尤於24分鐘先開紀錄，但門將山齊士喺上半場補時失誤，俾Matt Doherty追平比分。下半場，古古尼亞喺60分鐘接應霍爾傳球射入，馬杜基再於65分鐘頭槌補射建功，為車路士鎖定勝局。
戰術＆數據：
1) 有別於之前的安排，中場的霍爾因為無辦法負起中場節拍機的工作，結果改由彭馬墮後控制節奏，雖然呢個做法減弱左彭馬係前線的威脅，但作為代價係今場贏左63%的控球，而且幾乎全場壓制狼隊。
2) 延續上幾場的問題，車路士係進攻方面仍然欠缺靈感。三箭頭積臣受到對方三中堅的牽制，尼圖同馬杜基兩者都未有好多實際的埋門威脅，馬杜基的入球亦只係受惠於細查的攻門。尼圖踢左61分鐘無任何起腳機會，無球跑動以至突入禁區都唔算有幫助，或者呢D就係馬蛇選擇換走佢的原因。
3) 有趣的係，馬蛇係換人之後決定用古古打防中，連同古斯度、細查、阿達拉比奧尤同右閘的迪西施，配合防中位置的古古同卡些度，幾乎係一條6人的防線。務求係最後階段唔失波改善之前幾場臨天光瀨尿的問題。不過咁樣的安排，似乎就直接影響左前線的發揮，無論係入替的辛祖定係菲力斯都無辦法靠自己的能力搵到食。
4) 死球問題似乎略有改善，第一樣係落點比之前明確左，明刀明槍咁斬去遠柱製造混亂，咁啱今場就有兩次得手。第一次係落係占士的腳下，反彈俾左阿達拉比奧尤再射入；第二次係斬左俾細查再俾馬杜基偷雞成功。不過兩球都略有運氣的成份，係唔係真係有進步恐怕要再觀察多兩場，不過今晚死球部門加餸先講。
5) 唔係個別表現度長寫啦，係過去的6場比賽中，山齊士已經令球隊失左3球，而佢今季已經有4次失誤直接導致失球，僅次於葉士域治的Muric (5次)，成為英超失誤最多嘅門將之一。好彩的係，就算有人仲好笑過曼聯娜娜仍然Who Fucking Care車路士，賽後馬蛇話：「山齊士救到的波仍然比佢的失誤多。」試圖淡化失誤的嚴重性，但完全忽視門將喺穩定性方面的核心要求。門將的基本職責係避免失球，而非單純累積撲救數據就可以掩蓋。
個別表現：
細查：
關於細查，對唔住，我之前篇文語氣係重左少少…
⭕️ 防守動作：11*
⭕️ 地面對抗：3 (2)⭕️ 空中爭頂：5 (4)
⭕️ 關鍵傳球：2
⭕️ 傳入進攻三區：3
⭕️ 失去球權：4*
回歸後的第一場比賽，就即刻掩蓋入波的球員搶走MOTM的獎項，大大聲咁話俾你地班人知佢先係值得留隊果個。數據上幾乎無懈可擊，除左承繼左自己防守的專長，係各項防守數據刷出新高之外，甚至改寫左細查自己的弱項，今場97次觸球未有一次自己控失或者失去球權，亦透過長傳為前線製造機會。
如果細查下場對曼城都可以保持呢種表現，唔好話賣，我估車路士會選擇用高薪留住細查都唔定，不過狼隊今季的表現都不及過往，用一場去判斷仍然言之尚早，下半季仲會有好多機會睇細查，就睇下係咪值得我真心道歉。
占士：
我諗無幾多個車迷會抱怨占士係賽場上的表現，今場都唔例外，回勇的文員部經理仍然係無人能敵。
⭕️ 地面對抗：8 (6)*
⭕️ 空中爭頂：4 (3)
⭕️ 防守動作：5
⭕️ 射門機會創造：3
⭕️ 嘗試過人 (成功)：2 (2)
⭕️ 向前傳送：9*
⭕️ 傳入進攻三區：12*
⭕️ 長傳 (成功)：14 (7)*
上面的數據就話左俾你知，占士係車路士右閘的位置係何其穩固。無論係攻守兩端都有極高水準的表現，如果唔係因為細查突然爆Seed，今場恐怕MOTM都繼續係占士獨佔。
跑動範圍之廣、身體對抗強壯、快速轉身判斷、中長距離傳送，如果占士可以健健康康，唔好話車路士右閘的位，分分鐘英格蘭右閘位都有機會爭到返黎，嗯，如果占士可以健健康康……
(同一時間，拉維亞又再傷出，佢同科芬拿兩個一齊爭緊占士個文員部經理名號)
彭馬：
彭馬用實際行動話你知，就算唔入波一樣可以幫到球隊。
⭕️ 射門機會創造：8*
❌ 射門 (命中)：3 (1)
⭕️ 關鍵傳球：2
⭕️ 帶入進攻三區：3*
⭕️ 接收前傳：8
或者你會覺得，彭馬唔入波唔助攻就無佢的存在價值。但彭馬正正話俾你知，我有其他踢法可以幫到球隊。正如我上文所講，因為安素傷出的關係，今場要由彭馬墮後代替安素負起中場發動機的工作。位置上收得比之前幾場都深，射門次數同直接威脅都少左。同安素相比，彭馬明顯無身體優勢或者阻止對手進攻的本錢，所以呢部份就交返俾霍爾同卡些度，俾彭馬專心係前線打開缺口。
無論係連接中後場的工作，定係尋找傳球的空間，或者係無球跑動為隊友製造傳球點都好，彭馬係今場都做足應該要做的野。唯一的問題就係上半場後段，當狼隊更積極同更激烈去搶迫的時候，彭馬明顯有少少力不從心，要點樣對付物理型的對手，相信唔止係彭馬，更加係全隊的課題之一。
總結：
重返前四，為之前的低迷狀態注入咗一針強心劑固然令人高興。但支持與質疑並存，有球迷對球隊引援策略提出批評，認為應該更多倚重好似細查咁嘅青訓球員，而非繼續豪擲資金購買未必啱用的球員或者課金抽卡試圖抽出SSR等。
下場對曼城的硬仗將成為更嚴峻的考驗，無論係領隊定係球員都要靠贏Big 6去證明自己值得前4的位置。如果車路士希望維持競爭力，改善門將穩定性與提升進攻多樣性將會成為關鍵中的關鍵。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊