半年過去，車路士遇上嚴重的中堅荒 - 科芬拿長期養傷、巴迪亞舒尼未有回歸日期、迪西施明顯唔穩陣兼夾同馬蛇八字不合、艾殊邦年輕未夠經驗擔起大旗，而家全隊真係用得的中堅，就只有左中堅的高維爾同右中堅的阿達拉比奧尤。
係市場上收購又無功而還，車路士最後的決定係啟動水晶宮借將查路拜 (Trevoh Chalobah) 的重召條款，將細查叫返黎倫敦救火。所謂世事難料，上年7月24號我出左一篇文章，分析細查同車路士之間的事。
【數據分析】車路士踢細查出集訓營 細查值得留隊？
當時我自己的結論係：「細查咁多年的表現都證明左佢真係得咁多，25歲人你都唔會覺得佢之後仲會有大爆發期，最多最多就係經驗累積得夠多，處理變得更加成熟。然而你要留佢做後備，倒不如有效運用佢的剩餘價值。球隊決定將佢踢出集訓營的決定，可能係好無情，但放走佢可能係對大家都好的選擇都唔定。」
咁半年過去，細查係數據同表現上又有無進步到可以成為Chelsea Jesus甚至令我改寫自己的結論呢？所以我決定用返同樣的標準，將細查呢半年的數據重新再分析一次。
放在前頭，我對馬蛇需要的中堅的條件仍然同半年前無分別。作為右中堅，首要的位置係防中同左中堅的中間，進攻階段需要後上去防中附近協助球隊控制球權，間中要可以放到精準長傳俾前線，如果係後場接應的話，又要有能力由後場殺上禁區。防守階段方面，順位上會係防中之後的掃蕩者，需要做到遮線同Blocking的工作，如果第一時間掃蕩失敗，就要回後成為最後一點防守。
建立於呢個前題下，就睇下細查係水晶宮的數據。
1) 防守數據.
中堅的首要工作係防守，所以由防守數據講先。
有網友話，細查的全盛期係杜蛇時期，睇返數據，21/22年的細查平均每場提供到2.21次Tackle。但去到上年就跌到得返1.51次。今年係水晶宮，可能係因為開始成熟的關係，Tackle數雖然維持唔高的水平只有1.69次，但成功率由過去的60%左右升到82%的新高。Tackle的位置主要集中係中圈，次數幾乎冠絕同位置的球員達1.02次 (世界最高1.05)。
傳球攔截方面同樣有長進，由過往完全唔合格的0.44次上升到0.85次，比平均的0.52次高出唔少；連同Interception都創出佢個人新高的1.52次，呢兩方面多少證明左細查係防守的預判同決定上都做得好左。
硬橋硬馬的地面對抗數字亦由上年的1.5 (65%) 上升到今年的3.4 (58%)。雖然成功率稍有下跌，但Try數變多的關係同樣證明細查係防守上的長進。
明顯地改善左上年的缺點，位置上亦適合馬蛇的要求，呢方面我會對細查給予一個肯定。
至於不足的部份，身高限制左空戰的表現，細查係空中爭頂的數據仍然做返自己，今季的勝率係53.7%，唔可以高，只可以話係好左少少，但仍然同一般中堅有距離 (59.6%)
2) 傳波能力
承接舊文，第二部份係傳波能力。但可能係受到球隊戰術的限制，細查無辦法係水晶宮發揮到自己長傳的能力，大部份的數據都及唔上佢係車路士的時期，除左長傳 - 長傳仍然保持住場均6.95次的嘗試，成功率係51.2%。可惜的係，兩項數據都低於平均值 (7.5 / 61%)。
睇黎細查係呢方面仍然唔係馬蛇夢寐以求的中堅……嗯，至少唔好期待佢可以傳到D咩殺手直線出黎先。
3) 用球走位
上一篇文，我X得最用力的部份，就係細查的控球能力。特別係上一季，細查以場均0.94次控失幾乎冠絕全球。半年過去，細查係控失呢方面可以話有唔細的進步 - 減少到場均0.34次。同平均的0.47次相比的確係好左，可惜的係，今季係水晶宮就有0.25次Error Lead To Shot的記錄，劃花左個底，呢方面都話俾大家知，細查唔係大家想像中果種咁穩陣的中堅，要爆炸的時候佢一樣可以爆得燦爛。
至於無球跑動，細查仍然保持住佢走空的能力，就算係主打密集的水晶宮，仍然保持住0.51次接應前傳，以細查的習慣黎講，相信可以適應到馬蛇的戰術，推上去中圈位置接應隊友的傳送。
4) 其他過人之處
最後，係一個比較冷門的數據，或者係細查會被球會重召的原因之一 - 入球能力。21/22年果種，細查曾經做出一季入4球的佳績，以中堅黎講場均0.16球呢個數算係唔差架啦 (平均只係0.04)。
而今季的細查，累積係水晶宮已經入左3球，場均入球率0.22，遠高於佢自己過去的數據。呢部份剛好填補左車路士空有造波的能力無入球能力的部份，特別係死球。
而呢D進步，都係由細查加盟水晶宮之後先刷出黎。
換個講法的愛情故事
或者世上無咁多浪漫的故事。夏天的時候個女仔話唔要佢唔想再見到佢，於是細查就默默地離開；但當個女仔想要水泡的時候佢就自動蒲頭。
係架啦，細查無才華唔靚仔無錢無父幹，唯一的優勢就係同個女仔係青梅竹馬，同大學畢業又有父幹又靚仔的Richard比真係兩個次元黎。但細查真係見妳有難就不計前嫌地返黎妳身邊，仲好似唔記得你地當初又放佢去咩炸彈List又趕佢走，真係好難去批評細查……不足還不足，果份愛真係無得頂。
當然你地都可以話，細查係因為份約有重召條款佢先無得揀要歸隊。但記者都有話細查同我地總監係有共識之下先決定回巢。或者係雞肋，但呢塊雞肋咁有愛，球迷們又會唔會俾多個機會細查呢？
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
係市場上收購又無功而還，車路士最後的決定係啟動水晶宮借將查路拜 (Trevoh Chalobah) 的重召條款，將細查叫返黎倫敦救火。所謂世事難料，上年7月24號我出左一篇文章，分析細查同車路士之間的事。
【數據分析】車路士踢細查出集訓營 細查值得留隊？
當時我自己的結論係：「細查咁多年的表現都證明左佢真係得咁多，25歲人你都唔會覺得佢之後仲會有大爆發期，最多最多就係經驗累積得夠多，處理變得更加成熟。然而你要留佢做後備，倒不如有效運用佢的剩餘價值。球隊決定將佢踢出集訓營的決定，可能係好無情，但放走佢可能係對大家都好的選擇都唔定。」
咁半年過去，細查係數據同表現上又有無進步到可以成為Chelsea Jesus甚至令我改寫自己的結論呢？所以我決定用返同樣的標準，將細查呢半年的數據重新再分析一次。
放在前頭，我對馬蛇需要的中堅的條件仍然同半年前無分別。作為右中堅，首要的位置係防中同左中堅的中間，進攻階段需要後上去防中附近協助球隊控制球權，間中要可以放到精準長傳俾前線，如果係後場接應的話，又要有能力由後場殺上禁區。防守階段方面，順位上會係防中之後的掃蕩者，需要做到遮線同Blocking的工作，如果第一時間掃蕩失敗，就要回後成為最後一點防守。
建立於呢個前題下，就睇下細查係水晶宮的數據。
1) 防守數據.
中堅的首要工作係防守，所以由防守數據講先。
有網友話，細查的全盛期係杜蛇時期，睇返數據，21/22年的細查平均每場提供到2.21次Tackle。但去到上年就跌到得返1.51次。今年係水晶宮，可能係因為開始成熟的關係，Tackle數雖然維持唔高的水平只有1.69次，但成功率由過去的60%左右升到82%的新高。Tackle的位置主要集中係中圈，次數幾乎冠絕同位置的球員達1.02次 (世界最高1.05)。
傳球攔截方面同樣有長進，由過往完全唔合格的0.44次上升到0.85次，比平均的0.52次高出唔少；連同Interception都創出佢個人新高的1.52次，呢兩方面多少證明左細查係防守的預判同決定上都做得好左。
硬橋硬馬的地面對抗數字亦由上年的1.5 (65%) 上升到今年的3.4 (58%)。雖然成功率稍有下跌，但Try數變多的關係同樣證明細查係防守上的長進。
明顯地改善左上年的缺點，位置上亦適合馬蛇的要求，呢方面我會對細查給予一個肯定。
至於不足的部份，身高限制左空戰的表現，細查係空中爭頂的數據仍然做返自己，今季的勝率係53.7%，唔可以高，只可以話係好左少少，但仍然同一般中堅有距離 (59.6%)
2) 傳波能力
承接舊文，第二部份係傳波能力。但可能係受到球隊戰術的限制，細查無辦法係水晶宮發揮到自己長傳的能力，大部份的數據都及唔上佢係車路士的時期，除左長傳 - 長傳仍然保持住場均6.95次的嘗試，成功率係51.2%。可惜的係，兩項數據都低於平均值 (7.5 / 61%)。
睇黎細查係呢方面仍然唔係馬蛇夢寐以求的中堅……嗯，至少唔好期待佢可以傳到D咩殺手直線出黎先。
3) 用球走位
上一篇文，我X得最用力的部份，就係細查的控球能力。特別係上一季，細查以場均0.94次控失幾乎冠絕全球。半年過去，細查係控失呢方面可以話有唔細的進步 - 減少到場均0.34次。同平均的0.47次相比的確係好左，可惜的係，今季係水晶宮就有0.25次Error Lead To Shot的記錄，劃花左個底，呢方面都話俾大家知，細查唔係大家想像中果種咁穩陣的中堅，要爆炸的時候佢一樣可以爆得燦爛。
至於無球跑動，細查仍然保持住佢走空的能力，就算係主打密集的水晶宮，仍然保持住0.51次接應前傳，以細查的習慣黎講，相信可以適應到馬蛇的戰術，推上去中圈位置接應隊友的傳送。
4) 其他過人之處
最後，係一個比較冷門的數據，或者係細查會被球會重召的原因之一 - 入球能力。21/22年果種，細查曾經做出一季入4球的佳績，以中堅黎講場均0.16球呢個數算係唔差架啦 (平均只係0.04)。
而今季的細查，累積係水晶宮已經入左3球，場均入球率0.22，遠高於佢自己過去的數據。呢部份剛好填補左車路士空有造波的能力無入球能力的部份，特別係死球。
而呢D進步，都係由細查加盟水晶宮之後先刷出黎。
換個講法的愛情故事
或者世上無咁多浪漫的故事。夏天的時候個女仔話唔要佢唔想再見到佢，於是細查就默默地離開；但當個女仔想要水泡的時候佢就自動蒲頭。
係架啦，細查無才華唔靚仔無錢無父幹，唯一的優勢就係同個女仔係青梅竹馬，同大學畢業又有父幹又靚仔的Richard比真係兩個次元黎。但細查真係見妳有難就不計前嫌地返黎妳身邊，仲好似唔記得你地當初又放佢去咩炸彈List又趕佢走，真係好難去批評細查……不足還不足，果份愛真係無得頂。
當然你地都可以話，細查係因為份約有重召條款佢先無得揀要歸隊。但記者都有話細查同我地總監係有共識之下先決定回巢。或者係雞肋，但呢塊雞肋咁有愛，球迷們又會唔會俾多個機會細查呢？
========================================Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊