4場英超不勝的車路士喺主場迎戰8連不敗的般尼茅夫。
第13分鐘，車路士率先打破僵局。積臣中場接應之後，連過三人展現個人能力，再送出一個精準直線，助攻彭馬單刀趟過門將輕鬆射入。呢已經係積臣同彭馬今季第12次互相合作入球。
50分鐘，拉維亞傳送失誤，俾般尼茅夫攻入禁區，卡些度犯規送12碼，對手成功轉化為入球，1:1。
56分鐘，馬利斯卡用占士 (Reece James) 換走拉維亞，係占士自11月受傷之後第二次復出。
68分鐘，費沙 (Ryan Fraser) 一個直線，塞門約 (Antoine Semenyo) 突入禁區，擺過咗艾殊邦之後左腳勁射，令般尼茅夫反超前，1:2。
補時第5分鐘，占士主射禁區頂自由球，個波越過人牆直掛死角，幫車路士逼和。呢個入球亦係占士自2022年8月之後首次喺英超的入波。
戰術＆數據：
1) 車路士延續之前幾場的問題，只係換左個死法。第一樣當然係我講完又講講完又講的把握力不足問題 - 今場的積臣創造出全場7次射門但入唔到的記錄，係繼2017年4月迪亞高哥斯達對水晶宮(9次)之後的第二高記錄。當然對手門將的發揮超常，佢自己欠缺運氣係一回事，但當你單場的預計入球高達1.12仍然無入球，球迷就會開始質疑你。
除左積臣之外，其餘的攻擊線球員未能協助攻門都係一個弱點，左線辛祖一早就知無射門慾望，右線的馬杜基今場3次射門全部被阻擋，左右線一齊啞火就方便左般茅中堅集中精神應付彭馬同積臣。
2) 戰術佈置同換人速度 - 同樣係延續上幾場的劇本，車路士開場多數都好順。然後進入中場休息出返黎，對手進行左戰術調整，車路士就突然變成弱勢一方，問題以今場更為明顯。球員能力下降固然係一個原因，更多的部份落係馬蛇的調整太慢令車路士處於被動的狀況。一切的起點係由山齊士傳球失誤開始，到後面拉維亞自己傳失令卡些度失12碼，場邊的馬蛇亦只係頭痛醫頭地換走拉維亞。落後的時候，換人決定同樣太慢，替補的球員上陣未有充分入局同發揮作用。
除左球員要係場上靈活應對，馬蛇理應有更大的責任去進行調動，而唔係盲目令球隊處於被動先啱，攻守平衡上暫時亦未搵到第二套方案，到底車路士仲要重覆同樣的錯誤幾多次？
3) 另一方面，有別於車路士前幾場的英超對手，今場的般茅並非用體格或者人數去爆破車路士的中場，而係採用更靈活的方式進行搶迫，進入下半場對面領隊伊拉奧拿指示球隊更積極進行傳球攔截同更快的搶迫，成果都一目了然，唔止係車路士後場截到山齊士傳波，亦有捉到拉維亞的傳球路線。由拉維亞換出之後，車路士失去左中場的控制力，卡些度一個人明顯獨力難支，結果就直接瓦解左車路士前中後的連結，傳球成功率由上半場的163/193 (84%) [30次傳失] 到下半場變成 186/227 (82%) [41次傳失]，傳球失誤的升幅係36.67%，可以話相當難搞。
般茅的數據轉變同樣極為明顯，上半場只有1個射門，到下半場調整之後，就有5個射門另加一個12碼射門，預計入球由上半場的0.16升到下半場的0.55。
個別表現：
積臣 - 球隊失分，前鋒入唔到波，肯定走唔甩會變代罪羔羊。
❌ 射門 (命中)：7 (3)
⭕️ 預計入球：1.11*
⭕️ 射門機會創造：7
⭕️ 禁區內觸球數：10*
⭕️ 接收傳送 / 前傳： 23 / 6 (比例26%*)
⭕️ 嘗試過人：5 (2)
⭕️ 地面對抗：9 (4)
或者你會同其他人一樣，埋怨積臣射唔入。包括馬杜基傳俾門前的積臣而佢炒高；頭鎚攻門但射太正被擋出；9次射門得3下命中，3下炒空晒射左俾觀眾。但呢一切一切都係建基於佢有能力搵到起腳機會。
積臣的無球走動一季比一季做得好，身位同腳下功夫都有明顯的進步，今場的助攻都係積臣自己突破三人的包圍，再用直線傳俾彭馬造成的入球。如果單方面責怪積臣，又未免過於嚴苛。
撇除呢個助攻，積臣今場係前線亦貢獻左好多機會，無論係禁區內製造混亂，定係用身位去拖延對手等等，都算係做足左本份之餘做埋其他人果份。
當然大家講得無錯的係，現代足球其實無咁多空間俾前鋒浪費，特別係英超比賽，當你殺唔死對手，下一個死的可能就係你。
卡些度 - 再勁的球員都總有水土不服的一日。
❌ 前傳數：2
❌ 地面對抗：7 (4)
❌ 嘗試過人：1 (1)
❌ 傳球阻擋：2
❌ 清波：2
❌ 鏟斷：1
❌ 搶回球權：3
今場只可以話唔係卡些度的日子。久違地由佢出任右閘，工作係進攻階段內切去中場，防守階段先堵塞中場再回後填補右閘空缺。不過明顯地卡些度各種工作都做唔夠。
進攻階段，卡些度未有效咁協助球隊連接到後場同前場，有效的前傳只有2次，以中後場球員平均5.31黎講係唔合格，呢部份的工作就變成要交由安素去分擔。
然後去到防守階段，防守數據都話左你知卡些度未能有效阻止對手推進，就算個波無人看管，今場卡些度都未能有效咁搶回球權，各種數據的低下直接或間接令馬蛇決定要換走佢。
而狀態差的原因，其一可能係病 - 上場無被列入名單就係因為佢同馬杜基病左，缺席左兩節操練。另一個原因，可能係戰術安排引致。但無論係邊一樣都好，車路士都應該要諗下卡些度無態的時候要用邊個去代替佢。
安素 - 可能好多人無留意，我地的離婚戰士先係今場車路士的核心。
❌ 射門：2 (1)
❌ 預計入球：0.12
❌ 預計助攻：0.24⭕️ 射門機會創造：11*
⭕️ 奪回球權：11*
⭕️ 地面對抗：9 (6)*
⭕️ 接收傳球：50*
⭕️ 關鍵傳球：7*
⭕️ 傳入禁區：7*
⭕️ 向前傳送：13*
⭕️ 觸球數：74*
彭馬係前線的能力太過優秀，以致鏡頭的目光都集中係彭馬身上，但其實安素係近5場的不勝比賽之中都付出左好多去維持車路士的表現。
上面的數據算係對安素的一種認同，當卡些度因為位置的問題承擔唔起中場的軸輪，安素就挺身而出做埋卡些度果份。50次成為隊友傳送的目標，全場造出高達11次的射門機會，亦負起左第一點掃蕩的工作，包括全隊最多的奪回球權、地面對抗。
除左無入球助攻去證明自己，安素的表現絕對值得大家俾返個Credit。
總結：
本身有諗過要唔要係艾殊邦、古古尼亞、拉維亞甚至係馬杜基身上著墨，但係佢地的表現又未至於有咁多著筆的空間，拉維亞話就話係輸波罪人，但係同時佢係中場節奏控制上功不可沒，下半場換走佢之後球隊的效率的確有明顯的下滑。呢部份就交俾球迷用自己對眼睇清楚。
另一邊，中堅的問題已經係車路士長久以來的弱點，自從泰亞高施華離隊之後，缺乏領袖的防線往往變成我地缺堤的主因。今個冬窗都頻頻傳出交易的消息，到底車路士會再抽卡定係買一個即食的中堅呢？前場的把握力同樣係老問題，呢方面怕且要等領隊做更多調整。
當然，領隊自己都要考慮點樣跨過呢個低潮，車迷繼續俾耐性等球隊反彈啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
第13分鐘，車路士率先打破僵局。積臣中場接應之後，連過三人展現個人能力，再送出一個精準直線，助攻彭馬單刀趟過門將輕鬆射入。呢已經係積臣同彭馬今季第12次互相合作入球。
50分鐘，拉維亞傳送失誤，俾般尼茅夫攻入禁區，卡些度犯規送12碼，對手成功轉化為入球，1:1。
56分鐘，馬利斯卡用占士 (Reece James) 換走拉維亞，係占士自11月受傷之後第二次復出。
68分鐘，費沙 (Ryan Fraser) 一個直線，塞門約 (Antoine Semenyo) 突入禁區，擺過咗艾殊邦之後左腳勁射，令般尼茅夫反超前，1:2。
補時第5分鐘，占士主射禁區頂自由球，個波越過人牆直掛死角，幫車路士逼和。呢個入球亦係占士自2022年8月之後首次喺英超的入波。
戰術＆數據：
1) 車路士延續之前幾場的問題，只係換左個死法。第一樣當然係我講完又講講完又講的把握力不足問題 - 今場的積臣創造出全場7次射門但入唔到的記錄，係繼2017年4月迪亞高哥斯達對水晶宮(9次)之後的第二高記錄。當然對手門將的發揮超常，佢自己欠缺運氣係一回事，但當你單場的預計入球高達1.12仍然無入球，球迷就會開始質疑你。
除左積臣之外，其餘的攻擊線球員未能協助攻門都係一個弱點，左線辛祖一早就知無射門慾望，右線的馬杜基今場3次射門全部被阻擋，左右線一齊啞火就方便左般茅中堅集中精神應付彭馬同積臣。
2) 戰術佈置同換人速度 - 同樣係延續上幾場的劇本，車路士開場多數都好順。然後進入中場休息出返黎，對手進行左戰術調整，車路士就突然變成弱勢一方，問題以今場更為明顯。球員能力下降固然係一個原因，更多的部份落係馬蛇的調整太慢令車路士處於被動的狀況。一切的起點係由山齊士傳球失誤開始，到後面拉維亞自己傳失令卡些度失12碼，場邊的馬蛇亦只係頭痛醫頭地換走拉維亞。落後的時候，換人決定同樣太慢，替補的球員上陣未有充分入局同發揮作用。
除左球員要係場上靈活應對，馬蛇理應有更大的責任去進行調動，而唔係盲目令球隊處於被動先啱，攻守平衡上暫時亦未搵到第二套方案，到底車路士仲要重覆同樣的錯誤幾多次？
3) 另一方面，有別於車路士前幾場的英超對手，今場的般茅並非用體格或者人數去爆破車路士的中場，而係採用更靈活的方式進行搶迫，進入下半場對面領隊伊拉奧拿指示球隊更積極進行傳球攔截同更快的搶迫，成果都一目了然，唔止係車路士後場截到山齊士傳波，亦有捉到拉維亞的傳球路線。由拉維亞換出之後，車路士失去左中場的控制力，卡些度一個人明顯獨力難支，結果就直接瓦解左車路士前中後的連結，傳球成功率由上半場的163/193 (84%) [30次傳失] 到下半場變成 186/227 (82%) [41次傳失]，傳球失誤的升幅係36.67%，可以話相當難搞。
般茅的數據轉變同樣極為明顯，上半場只有1個射門，到下半場調整之後，就有5個射門另加一個12碼射門，預計入球由上半場的0.16升到下半場的0.55。
個別表現：
積臣 - 球隊失分，前鋒入唔到波，肯定走唔甩會變代罪羔羊。
❌ 射門 (命中)：7 (3)
⭕️ 預計入球：1.11*
⭕️ 射門機會創造：7
⭕️ 禁區內觸球數：10*
⭕️ 接收傳送 / 前傳： 23 / 6 (比例26%*)
⭕️ 嘗試過人：5 (2)
⭕️ 地面對抗：9 (4)
或者你會同其他人一樣，埋怨積臣射唔入。包括馬杜基傳俾門前的積臣而佢炒高；頭鎚攻門但射太正被擋出；9次射門得3下命中，3下炒空晒射左俾觀眾。但呢一切一切都係建基於佢有能力搵到起腳機會。
積臣的無球走動一季比一季做得好，身位同腳下功夫都有明顯的進步，今場的助攻都係積臣自己突破三人的包圍，再用直線傳俾彭馬造成的入球。如果單方面責怪積臣，又未免過於嚴苛。
撇除呢個助攻，積臣今場係前線亦貢獻左好多機會，無論係禁區內製造混亂，定係用身位去拖延對手等等，都算係做足左本份之餘做埋其他人果份。
當然大家講得無錯的係，現代足球其實無咁多空間俾前鋒浪費，特別係英超比賽，當你殺唔死對手，下一個死的可能就係你。
卡些度 - 再勁的球員都總有水土不服的一日。
❌ 前傳數：2
❌ 地面對抗：7 (4)
❌ 嘗試過人：1 (1)
❌ 傳球阻擋：2
❌ 清波：2
❌ 鏟斷：1
❌ 搶回球權：3
今場只可以話唔係卡些度的日子。久違地由佢出任右閘，工作係進攻階段內切去中場，防守階段先堵塞中場再回後填補右閘空缺。不過明顯地卡些度各種工作都做唔夠。
進攻階段，卡些度未有效咁協助球隊連接到後場同前場，有效的前傳只有2次，以中後場球員平均5.31黎講係唔合格，呢部份的工作就變成要交由安素去分擔。
然後去到防守階段，防守數據都話左你知卡些度未能有效阻止對手推進，就算個波無人看管，今場卡些度都未能有效咁搶回球權，各種數據的低下直接或間接令馬蛇決定要換走佢。
而狀態差的原因，其一可能係病 - 上場無被列入名單就係因為佢同馬杜基病左，缺席左兩節操練。另一個原因，可能係戰術安排引致。但無論係邊一樣都好，車路士都應該要諗下卡些度無態的時候要用邊個去代替佢。
安素 - 可能好多人無留意，我地的離婚戰士先係今場車路士的核心。
❌ 射門：2 (1)
❌ 預計入球：0.12
❌ 預計助攻：0.24⭕️ 射門機會創造：11*
⭕️ 奪回球權：11*
⭕️ 地面對抗：9 (6)*
⭕️ 接收傳球：50*
⭕️ 關鍵傳球：7*
⭕️ 傳入禁區：7*
⭕️ 向前傳送：13*
⭕️ 觸球數：74*
彭馬係前線的能力太過優秀，以致鏡頭的目光都集中係彭馬身上，但其實安素係近5場的不勝比賽之中都付出左好多去維持車路士的表現。
上面的數據算係對安素的一種認同，當卡些度因為位置的問題承擔唔起中場的軸輪，安素就挺身而出做埋卡些度果份。50次成為隊友傳送的目標，全場造出高達11次的射門機會，亦負起左第一點掃蕩的工作，包括全隊最多的奪回球權、地面對抗。
除左無入球助攻去證明自己，安素的表現絕對值得大家俾返個Credit。
總結：
本身有諗過要唔要係艾殊邦、古古尼亞、拉維亞甚至係馬杜基身上著墨，但係佢地的表現又未至於有咁多著筆的空間，拉維亞話就話係輸波罪人，但係同時佢係中場節奏控制上功不可沒，下半場換走佢之後球隊的效率的確有明顯的下滑。呢部份就交俾球迷用自己對眼睇清楚。
另一邊，中堅的問題已經係車路士長久以來的弱點，自從泰亞高施華離隊之後，缺乏領袖的防線往往變成我地缺堤的主因。今個冬窗都頻頻傳出交易的消息，到底車路士會再抽卡定係買一個即食的中堅呢？前場的把握力同樣係老問題，呢方面怕且要等領隊做更多調整。
當然，領隊自己都要考慮點樣跨過呢個低潮，車迷繼續俾耐性等球隊反彈啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊