隨住轉會窗開啟，繼續同大家分享下轉會傳聞。
首先當然係車迷最關心的買人傳聞：
力高 威廉斯 (Nico Williams)
據 David Ornstein 報導，畢爾包翼鋒力高威廉斯 (Nico Williams) 引起左英超多間球隊的關注，當中包括車路士同阿仙奴。利物浦喺上年夏天都有考慮過收購，但最終未有行動。
威廉斯解約金而家大約係6000萬歐羅，但要一次過支付，唔可以分期。車路士因為梅迪歷捲入左禁藥風波的關係，遲遲未有歸隊時間，所以車路士就一直留意住力高威廉斯。不過西班牙果邊的消息就指，威廉士本身無意離開畢爾包，所以睇怕呢筆轉會最快都要等埋夏天先會有進展。
高比 明奴 (Kobbie Mainoo)
根據The Athletic的消息，曼聯考慮緊係冬窗或者夏窗放走明奴同加拿祖，希望可以收支平衡同為阿莫廉籌得買人的資金，而車路士收到風之後就將明奴加左入去觀察名單當中。
曼聯的問題就大家都知，因為踢3後衛的關係，而家明奴的Skill Set好似用唔著咁，加上財政問題，賣青訓可以直接變成淨收入，曼聯會考慮出售都唔係唔理解。
而車路士呢邊就好簡單，英人+低薪+後生，基本上明奴符合晒車路士買人的條件，而且考慮到拉維亞經常受傷，會對明奴有興趣的確係事實。到目前為止車路士仍然未有正式的接觸對方，而且明奴的合約去到2027年，球員本人就好似無興趣離隊，曼聯會唔會賣仔就係另一回事啦。
馬克古希 (Marc Guéhi)
基本上呢單野由夏天傳到而家無停過。根據轉會記者 Fabrizio Romano 的報導，車路士因為巴迪亞舒利同科芬拿的傷出，而考慮加緊買中堅。
其中最受注目的當然係水晶宮的前車球員古希。佢係水晶宮的合約仲有18個月，但係就好似無意願續約，想搵一家更大的球會而家就擺出7000萬歐元的定價，任何球隊出得起錢都可以埋黎參加討論。車路士受惠於20%二次轉會分成的關係7000萬的定價可能最終只係需要俾5600萬就拎得走。
自從泰亞高施華離隊之後，車路士的中堅一直欠缺一個後防領袖，高維爾仍然成長緊，另外幾個中堅又未靠得住，我自己就對於古希可唔可以成為下一個後防老大哥存疑。
查路拜 (Trevoh Chalobah)
細查：Hi，驚唔驚喜？意唔意外？
早排The Athletic有報導話車路士的外借合約中無包括重召的條款。但The Athletic的隨隊記者出黎澄清，話車路士有確實咁加入重召條款，而且考慮緊係今個冬天就召回細查。
最近細查係水晶宮的表現可以話係令人眼前一亮，近3場入左2球，攻守的表現都相當對辨，但車路士重召佢的前題係要先放售到迪西施。
車路士呢邊，無論係重召定係放售都無乜損失，放得出的話固然好，因為會直接變成純收入，重召的話可以暫時填補到中堅的空缺，細查可唔可以融入馬蛇的體系都仲係一個考慮的因素，相信黎緊半個月都會陸續聽到佢的新聞。
除左買人，當然仲有大量的放售消息：
霍爾 (Kiernan Dewsbury-Hall)
當初買KDH返黎的時候，就已經有好多質疑的聲音，甚至有網友講笑話「你咪當係買馬蛇的贈品囉…」。
事實上佢加盟左半季，除左係D盃仔有正選之外，英超就只有五場有作為後備上陣過。面對住較弱的對手踢左差唔多13場只有2個入波，的確好難說服人地俾個正選位你。同位置仲要有安素，菲力斯的爭奪，KDH的贏面就更加細。
所以記者Matt Law就話車路士考慮係今個冬窗外借呢個前李城球員，目的地就正正係返去李城；甚至消息話如果車路士收到合適的報價的話會考慮放走。睇返記錄，當初車路士用3000萬買佢返黎，而家的表現相信要回本都幾有難度。
迪西施 (Axel Disasi) & 捷維爾 (Ben Chilwell)
兩個離隊的理由相近，唔分開寫啦加埋一齊啦。
上面先講緊車路士缺中堅，但係車路士反而打算賣中堅，係咪好趣致先？迪西施係上年Under肥普表現其實已經不如理想。今年係馬蛇手下就更加踢唔出表現，基本上係作為右閘的兼職上陣。唔習慣的位置加埋唔習慣的踢法令迪西施進退為艱。
另一邊的捷維爾就更加大件事，自從馬蛇上任就被列入左轉會名單，英超後備上陣左一次咁多，之後就一直以踢法唔啱為由連入選名單的機會都無。
但係而家兩位都未有潛在的買家，車路士就已經批准左佢地離隊同尋找下一個東家，因為外借的名額有限可能只係俾佢地轉會。
卡沙迪亞 (Cesare Casadei)
夏天卡沙迪亞無離隊，好多人都覺得佢會成為我地防中的希望。畢竟上年佢已經跟過馬蛇踢波，比起其他人更快更易融入馬蛇的體系。但實際上卡沙迪亞同KDH的處境好相似，兩者都只係有盃仔的上陣機會，而且出場之後的表現都未如理想。
所以車路士就打算係今個冬窗放走佢，據聞好多球會都展現出對佢的興趣，當中最接近的就係意甲球會拖連奴。拖連奴甚至已經同球員本人傾好左個人條款，但轉會費方面就未能達到共識，車路士最少都想收返2000萬，但係拖連奴果邊就話只可能俾到1000萬。
談判的過程相信仲會繼續，不過卡沙迪亞離隊的機會甚大，希望佢係下一間球會可以發光發熱啦。
卓克禾美卡 (Carney Chukwuemeka)
一朝天子一朝臣，邊個估到上季備受期待的新仔今季會被打入冷宮？
2022年以1800萬的轉會費加盟車路士，上季就被肥普直接帶上一隊用，但可惜的係開季無耐就受傷。全季踢左12場比賽入左2球。球隊當初都好似幾睇重佢2022年的時候直接簽左6年約去到2028年，合約當中仲有一條4000萬的解約條款。
不過以佢的現況，相信無球隊會願意用超過2000萬的價錢買走，換言之車路士分分鐘又要蝕讓。
總結：
車路士今個冬窗的目標明確，優先買中堅，次要係防中，如果仲有空間就考慮搵左翼鋒同前鋒，傳聞都合乎車路士的各種要求，包括後生，人工低。
自己都希望車路士可以出清到部份球員，自己唔啱用都好都唔好阻到球員的發展。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
首先當然係車迷最關心的買人傳聞：
力高 威廉斯 (Nico Williams)
據 David Ornstein 報導，畢爾包翼鋒力高威廉斯 (Nico Williams) 引起左英超多間球隊的關注，當中包括車路士同阿仙奴。利物浦喺上年夏天都有考慮過收購，但最終未有行動。
威廉斯解約金而家大約係6000萬歐羅，但要一次過支付，唔可以分期。車路士因為梅迪歷捲入左禁藥風波的關係，遲遲未有歸隊時間，所以車路士就一直留意住力高威廉斯。不過西班牙果邊的消息就指，威廉士本身無意離開畢爾包，所以睇怕呢筆轉會最快都要等埋夏天先會有進展。
高比 明奴 (Kobbie Mainoo)
根據The Athletic的消息，曼聯考慮緊係冬窗或者夏窗放走明奴同加拿祖，希望可以收支平衡同為阿莫廉籌得買人的資金，而車路士收到風之後就將明奴加左入去觀察名單當中。
曼聯的問題就大家都知，因為踢3後衛的關係，而家明奴的Skill Set好似用唔著咁，加上財政問題，賣青訓可以直接變成淨收入，曼聯會考慮出售都唔係唔理解。
而車路士呢邊就好簡單，英人+低薪+後生，基本上明奴符合晒車路士買人的條件，而且考慮到拉維亞經常受傷，會對明奴有興趣的確係事實。到目前為止車路士仍然未有正式的接觸對方，而且明奴的合約去到2027年，球員本人就好似無興趣離隊，曼聯會唔會賣仔就係另一回事啦。
馬克古希 (Marc Guéhi)
基本上呢單野由夏天傳到而家無停過。根據轉會記者 Fabrizio Romano 的報導，車路士因為巴迪亞舒利同科芬拿的傷出，而考慮加緊買中堅。
其中最受注目的當然係水晶宮的前車球員古希。佢係水晶宮的合約仲有18個月，但係就好似無意願續約，想搵一家更大的球會而家就擺出7000萬歐元的定價，任何球隊出得起錢都可以埋黎參加討論。車路士受惠於20%二次轉會分成的關係7000萬的定價可能最終只係需要俾5600萬就拎得走。
自從泰亞高施華離隊之後，車路士的中堅一直欠缺一個後防領袖，高維爾仍然成長緊，另外幾個中堅又未靠得住，我自己就對於古希可唔可以成為下一個後防老大哥存疑。
查路拜 (Trevoh Chalobah)
細查：Hi，驚唔驚喜？意唔意外？
早排The Athletic有報導話車路士的外借合約中無包括重召的條款。但The Athletic的隨隊記者出黎澄清，話車路士有確實咁加入重召條款，而且考慮緊係今個冬天就召回細查。
最近細查係水晶宮的表現可以話係令人眼前一亮，近3場入左2球，攻守的表現都相當對辨，但車路士重召佢的前題係要先放售到迪西施。
車路士呢邊，無論係重召定係放售都無乜損失，放得出的話固然好，因為會直接變成純收入，重召的話可以暫時填補到中堅的空缺，細查可唔可以融入馬蛇的體系都仲係一個考慮的因素，相信黎緊半個月都會陸續聽到佢的新聞。
除左買人，當然仲有大量的放售消息：
霍爾 (Kiernan Dewsbury-Hall)
當初買KDH返黎的時候，就已經有好多質疑的聲音，甚至有網友講笑話「你咪當係買馬蛇的贈品囉…」。
事實上佢加盟左半季，除左係D盃仔有正選之外，英超就只有五場有作為後備上陣過。面對住較弱的對手踢左差唔多13場只有2個入波，的確好難說服人地俾個正選位你。同位置仲要有安素，菲力斯的爭奪，KDH的贏面就更加細。
所以記者Matt Law就話車路士考慮係今個冬窗外借呢個前李城球員，目的地就正正係返去李城；甚至消息話如果車路士收到合適的報價的話會考慮放走。睇返記錄，當初車路士用3000萬買佢返黎，而家的表現相信要回本都幾有難度。
迪西施 (Axel Disasi) & 捷維爾 (Ben Chilwell)
兩個離隊的理由相近，唔分開寫啦加埋一齊啦。
上面先講緊車路士缺中堅，但係車路士反而打算賣中堅，係咪好趣致先？迪西施係上年Under肥普表現其實已經不如理想。今年係馬蛇手下就更加踢唔出表現，基本上係作為右閘的兼職上陣。唔習慣的位置加埋唔習慣的踢法令迪西施進退為艱。
另一邊的捷維爾就更加大件事，自從馬蛇上任就被列入左轉會名單，英超後備上陣左一次咁多，之後就一直以踢法唔啱為由連入選名單的機會都無。
但係而家兩位都未有潛在的買家，車路士就已經批准左佢地離隊同尋找下一個東家，因為外借的名額有限可能只係俾佢地轉會。
卡沙迪亞 (Cesare Casadei)
夏天卡沙迪亞無離隊，好多人都覺得佢會成為我地防中的希望。畢竟上年佢已經跟過馬蛇踢波，比起其他人更快更易融入馬蛇的體系。但實際上卡沙迪亞同KDH的處境好相似，兩者都只係有盃仔的上陣機會，而且出場之後的表現都未如理想。
所以車路士就打算係今個冬窗放走佢，據聞好多球會都展現出對佢的興趣，當中最接近的就係意甲球會拖連奴。拖連奴甚至已經同球員本人傾好左個人條款，但轉會費方面就未能達到共識，車路士最少都想收返2000萬，但係拖連奴果邊就話只可能俾到1000萬。
談判的過程相信仲會繼續，不過卡沙迪亞離隊的機會甚大，希望佢係下一間球會可以發光發熱啦。
卓克禾美卡 (Carney Chukwuemeka)
一朝天子一朝臣，邊個估到上季備受期待的新仔今季會被打入冷宮？
2022年以1800萬的轉會費加盟車路士，上季就被肥普直接帶上一隊用，但可惜的係開季無耐就受傷。全季踢左12場比賽入左2球。球隊當初都好似幾睇重佢2022年的時候直接簽左6年約去到2028年，合約當中仲有一條4000萬的解約條款。
不過以佢的現況，相信無球隊會願意用超過2000萬的價錢買走，換言之車路士分分鐘又要蝕讓。
總結：
車路士今個冬窗的目標明確，優先買中堅，次要係防中，如果仲有空間就考慮搵左翼鋒同前鋒，傳聞都合乎車路士的各種要求，包括後生，人工低。
自己都希望車路士可以出清到部份球員，自己唔啱用都好都唔好阻到球員的發展。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊