今場作客水晶宮，車路士喺第10分鐘就搶先得手。辛祖突破李察士 (Chris Richards) 之後傳波俾彭馬，後者冷靜射入打破僵局。呢個係辛祖英超第四次助攻，已經超越左佢效力曼聯時任何一個球季。
下半場車路士出現多次擴大比分的機會。當中包括尼圖被米切爾 (Tyrick Mitchell) 鏟跌但無罰12碼；安素同積臣都各自浪費左必入球機會。
另一邊的水晶宮就不斷利用梅諾斯 (Daniel Munoz) 係右路高空傳送，古古尼亞防守梅諾斯時明顯見到好大壓力。到82分鐘，彭馬失波後，水晶宮單靠幾腳傳送，由艾斯 (Eberechi Eze) 成功突破古斯度之後傳俾馬迪達 (Jean-Philippe Mateta)，助水晶宮追平。
1：1的賽果令車路士無法繼續保持喺吉列夫斯公園勝利，自2017年以嚟首次喺呢度失分，同時中斷作客水晶宮的六連勝。呢場比賽同近期的愛華頓、富咸同葉士域城的賽事一樣，進攻無建樹，中場失控，防線又出問題。
戰術＆數據：
1) 把握力成失蹤人口 - 如果要講最近的車路士的問題點，其中一樣係前線的把握力下跌。睇返數據，車路士已經連續4場比賽係G-xG的數字錄得負數，對上一次係聯賽錄得正數的G-xG已經要數到去12月頭作客熱刺的時候。如果用統計的方式去計算的話，數字最異常的係射門命中率，同全季比較有異常幅度的下跌，呢個亦係車路士近期把握力不足的成因。一方面，當然可以直接怪罪於一眾前鋒包括積臣，安宮古，佢地係各個位置的射門都無辦法轉化成入球，但另一方面，對手多少分析到車路士的進攻套路，有效地將車路士拒諸門外都係事實，兩者加埋就令車路士係賽場上接連失分。
2) 進攻線斷纜問題 - 如果要數今場的第二個問題點，就係左右翼同前鋒之間並無連結，呢個亦係積臣一直以黎的弱項。睇返數據，今場積臣的22次傳球接應大部份係來自彭馬。前鋒係對手中堅的嚴密看管下，本來無球跑動做接應的數字就唔算高，世界平均都係約24.4次。而積臣就一直都低於平均水平。今場甚至完全無係辛祖或者尼圖跑空的時候走到去空位做接應，間接令車路士的進攻人手減少。
3) 半場調整出錯 - 賽前的部署明明做得唔錯，今場明顯係半場的調整有問題。上半場見到的係安素係左路連同辛祖同古古尼亞狂攻，彭馬係右圖拉空之餘又會配合入侵水晶宮的禁區；但係下半場就黎個大反轉，彭馬變成左路，安素係右路，結果就雙雙啞火。至於點解要咁樣調整…你都係去問返馬蛇啦。
4) 顧得左邊無右邊 - 車路士係防守的表現仍然同上幾場差唔多，分別就係今場無要求古古切入中場，更多咁留係左路進行堵塞的工作，加埋回後的辛祖多少有改善左左路的問題，但係右線由古斯度加艾殊邦的組合，就算加埋卡些度係中場掃蕩都好，默契同防守強度都仍然不足。當卡些度無阻止到對手或者係自己半場失去球權的時候，就好似今場個失波一樣直接係右線失守。
5) 換人問題 - 係失波之前，車路士的攻勢幾乎係由彭馬，尼圖同辛祖三個人負責；安素係中場控制節奏，積臣背身接應同擾亂。但隨住時間，體力同組織下跌，車路士的後備席睇落就無乜邊個可以出黎打破僵局。菲力斯無辦法做到安素的節拍機工作，亦做唔到彭馬的傳送，同時又唔可能代替辛祖交出邊線的突破；安宮古同古爾兩者都無辦法代替積臣做到背身同快速突破。其餘的後備都唔具備改變戰局的能力，而且馬蛇換人的決定都黎得太遲，辛祖同彭馬體力同速率兩者都下跌仍然唔諗住換，最後結果就係由彭馬失去控球變成罪人。馬蛇除左要再諗下仲有無第二套進攻的方案，而唔係好似今場咁單純係「換個人」就算之外，可能仲要諗下換人的時機。
個別表現：
辛祖：
比起彭馬，我自己會揀辛祖為車路士今場的MOTM。
⭕️ 觸球數：52
⭕️ 關鍵傳送：2
⭕️ 帶入禁區：2
⭕️ 射門機會創造：4
⭕️ 嘗試過人：4 (3)
⭕️ 地面對抗：6 (3)
❌ 犯錯引致射門：1
無論係前場定後場，你都會見到辛祖的身影。辛祖本身係射門方面的表現的確麻麻地，甚至今場的預計入球只有0.03；防守方面亦唔似卡些度咁可以做到精準的鏟斷或者搶回球權，但辛祖就係做到當中最重要的零件，當中包括左係前線接應隊友的前傳再接近禁區創造機會，仲有回防拖延對手進攻等等。而呢一切一切造就左辛祖今季的第6個助攻，用左14場就追平左係曼聯55場的助攻數，入球效率暫時仍然高過佢係曼聯第一季的記錄，相信一眾曼迷應該睇到有少少牙癢癢。辛祖狀態大勇應該會係令馬蛇同車迷開心的事。
艾殊邦：
英超地標戰顯出艾殊邦的青澀未熟。
❌ 地面對抗：1 (1)
❌ 空中爭頂：5 (0)
❌ 長傳：10 (3)
❌ 鏟斷：0
❌ 攔截：1
❌ 搶回球權：6
❌ 引球推進 (10碼以上)：0
今場的英超地標戰，好似好多人對艾殊邦充滿希望，我亦見到有其他Page寫話今場多得邦仔的身高優勢抗衡水晶宮。但實際上係雷聲大雨點少，邦仔今場的表現仍然充分咁展現出佢的未成熟。
作為科芬拿的代替者，高維爾的拍檔，右中堅要負起半個防中的責任，係中圈附近阻止對手進襲，退到禁區內做最後一道防線保護龍門，搶回球權之後可以做到長傳或者係引球推進。但無論係爭頂數字，長傳成功率，防守數據都好今場邦仔都唔合格，因為可以兼任右閘的關係，邦仔好多時都游走於閘位同中堅之間，填補古斯度後上之後的空間；山齊士好多次唔選擇傳俾邦仔而係大腳踢上，進一步壓縮左邦仔的表現。
唯一一樣做得唔錯的就係死球處理，今場邦仔有接應隊友開出的角球，係無人看管下差少少就成功為車路士拉開比數，不過就差少少運斜出咁解。
邦仔受壓時的表現，的確話到俾大家知佢有潛力，持球的冷靜處理同強大的身體質素仲係佢的優點，不過要適應高強度的英超比賽，相信仲要d時間。
卡些度：
係球場影子的入面默默付出的球員。
⭕️ 傳球攔截：2
⭕️ 射門攔截：1
⭕️ 鏟斷：2
⭕️ 清波：2
⭕️ 奪回球權：7⭕️ 傳入進攻三區：8
⭕️ 射門機會創造：3
⭕️ 地面對抗：10 (4)
最近幾場的卡些度，不停令我諗起以前的簡迪。不過當然，卡些度的防守同掃蕩效率無簡迪咁高，只講卡些度的個人表現，已經完全超越左白禮頓的自己。
今場的卡些度，同樣係彭馬同安素的身後默默付出，無論係作為第一點去瓦解對方組織，定係接應後場的傳送直接傳入進攻三區策動組織，卡些度兩邊的數字都係對辨的。面對住身體條件較好的對手，卡些度雖然略有輸蝕但仍然保持到40%的勝率。
諗到呢個位，同之前幾場同一樣的問題又會浮現 - 如果卡些度受傷，車路士到底要用邊個去代替佢。
古斯度：
可惜的係古斯度有前無後。
❌ 地面對抗：5 (0)
❌ 過人嘗試：2 (0)
⭕️ 奪回球權：10*
⭕️ 傳入進攻三區：8
⭕️ 關鍵傳球：2
上半場彭馬仲係右路的時候，古斯度都仲有能力配合佢地兩個去策動攻勢。但係下半場安素彭馬換位之後，古斯度就無晒攻力，下半場盲目推進都令球隊的右路出現空缺，單靠阿邦的補位唔足夠對抗對手的攻勢，係邊路的地面對抗雖然全敗，不過好彩勝在勤力，願意落力去搶回球權再傳入進攻三區。可惜的係，呢種程度未足以影響到比賽的結果，失波的時候古斯度的回防亦無幫到球隊減少任何風險。球迷同馬蛇都希望球隊可以係失波數量上的問題有所改善，隨住占士的復出，可能古斯度個正選位置會越黎越危險都唔定。
總結：
同上場比較，係戰術上有所調整其實係令人開心，無意係比賽入面捉戰犯，我亦同意其他球評家所講，呢場的失利係車路士全隊的責任。
車路士要成為爭冠的球隊，唔止係實力上，係心態上都要繼續改善先得，轉會窗預計都會維持只賣不買的策略，希望黎緊會聽到其他好消息啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
下半場車路士出現多次擴大比分的機會。當中包括尼圖被米切爾 (Tyrick Mitchell) 鏟跌但無罰12碼；安素同積臣都各自浪費左必入球機會。
另一邊的水晶宮就不斷利用梅諾斯 (Daniel Munoz) 係右路高空傳送，古古尼亞防守梅諾斯時明顯見到好大壓力。到82分鐘，彭馬失波後，水晶宮單靠幾腳傳送，由艾斯 (Eberechi Eze) 成功突破古斯度之後傳俾馬迪達 (Jean-Philippe Mateta)，助水晶宮追平。
1：1的賽果令車路士無法繼續保持喺吉列夫斯公園勝利，自2017年以嚟首次喺呢度失分，同時中斷作客水晶宮的六連勝。呢場比賽同近期的愛華頓、富咸同葉士域城的賽事一樣，進攻無建樹，中場失控，防線又出問題。
戰術＆數據：
1) 把握力成失蹤人口 - 如果要講最近的車路士的問題點，其中一樣係前線的把握力下跌。睇返數據，車路士已經連續4場比賽係G-xG的數字錄得負數，對上一次係聯賽錄得正數的G-xG已經要數到去12月頭作客熱刺的時候。如果用統計的方式去計算的話，數字最異常的係射門命中率，同全季比較有異常幅度的下跌，呢個亦係車路士近期把握力不足的成因。一方面，當然可以直接怪罪於一眾前鋒包括積臣，安宮古，佢地係各個位置的射門都無辦法轉化成入球，但另一方面，對手多少分析到車路士的進攻套路，有效地將車路士拒諸門外都係事實，兩者加埋就令車路士係賽場上接連失分。
2) 進攻線斷纜問題 - 如果要數今場的第二個問題點，就係左右翼同前鋒之間並無連結，呢個亦係積臣一直以黎的弱項。睇返數據，今場積臣的22次傳球接應大部份係來自彭馬。前鋒係對手中堅的嚴密看管下，本來無球跑動做接應的數字就唔算高，世界平均都係約24.4次。而積臣就一直都低於平均水平。今場甚至完全無係辛祖或者尼圖跑空的時候走到去空位做接應，間接令車路士的進攻人手減少。
3) 半場調整出錯 - 賽前的部署明明做得唔錯，今場明顯係半場的調整有問題。上半場見到的係安素係左路連同辛祖同古古尼亞狂攻，彭馬係右圖拉空之餘又會配合入侵水晶宮的禁區；但係下半場就黎個大反轉，彭馬變成左路，安素係右路，結果就雙雙啞火。至於點解要咁樣調整…你都係去問返馬蛇啦。
4) 顧得左邊無右邊 - 車路士係防守的表現仍然同上幾場差唔多，分別就係今場無要求古古切入中場，更多咁留係左路進行堵塞的工作，加埋回後的辛祖多少有改善左左路的問題，但係右線由古斯度加艾殊邦的組合，就算加埋卡些度係中場掃蕩都好，默契同防守強度都仍然不足。當卡些度無阻止到對手或者係自己半場失去球權的時候，就好似今場個失波一樣直接係右線失守。
5) 換人問題 - 係失波之前，車路士的攻勢幾乎係由彭馬，尼圖同辛祖三個人負責；安素係中場控制節奏，積臣背身接應同擾亂。但隨住時間，體力同組織下跌，車路士的後備席睇落就無乜邊個可以出黎打破僵局。菲力斯無辦法做到安素的節拍機工作，亦做唔到彭馬的傳送，同時又唔可能代替辛祖交出邊線的突破；安宮古同古爾兩者都無辦法代替積臣做到背身同快速突破。其餘的後備都唔具備改變戰局的能力，而且馬蛇換人的決定都黎得太遲，辛祖同彭馬體力同速率兩者都下跌仍然唔諗住換，最後結果就係由彭馬失去控球變成罪人。馬蛇除左要再諗下仲有無第二套進攻的方案，而唔係好似今場咁單純係「換個人」就算之外，可能仲要諗下換人的時機。
個別表現：
辛祖：
比起彭馬，我自己會揀辛祖為車路士今場的MOTM。
⭕️ 觸球數：52
⭕️ 關鍵傳送：2
⭕️ 帶入禁區：2
⭕️ 射門機會創造：4
⭕️ 嘗試過人：4 (3)
⭕️ 地面對抗：6 (3)
❌ 犯錯引致射門：1
無論係前場定後場，你都會見到辛祖的身影。辛祖本身係射門方面的表現的確麻麻地，甚至今場的預計入球只有0.03；防守方面亦唔似卡些度咁可以做到精準的鏟斷或者搶回球權，但辛祖就係做到當中最重要的零件，當中包括左係前線接應隊友的前傳再接近禁區創造機會，仲有回防拖延對手進攻等等。而呢一切一切造就左辛祖今季的第6個助攻，用左14場就追平左係曼聯55場的助攻數，入球效率暫時仍然高過佢係曼聯第一季的記錄，相信一眾曼迷應該睇到有少少牙癢癢。辛祖狀態大勇應該會係令馬蛇同車迷開心的事。
艾殊邦：
英超地標戰顯出艾殊邦的青澀未熟。
❌ 地面對抗：1 (1)
❌ 空中爭頂：5 (0)
❌ 長傳：10 (3)
❌ 鏟斷：0
❌ 攔截：1
❌ 搶回球權：6
❌ 引球推進 (10碼以上)：0
今場的英超地標戰，好似好多人對艾殊邦充滿希望，我亦見到有其他Page寫話今場多得邦仔的身高優勢抗衡水晶宮。但實際上係雷聲大雨點少，邦仔今場的表現仍然充分咁展現出佢的未成熟。
作為科芬拿的代替者，高維爾的拍檔，右中堅要負起半個防中的責任，係中圈附近阻止對手進襲，退到禁區內做最後一道防線保護龍門，搶回球權之後可以做到長傳或者係引球推進。但無論係爭頂數字，長傳成功率，防守數據都好今場邦仔都唔合格，因為可以兼任右閘的關係，邦仔好多時都游走於閘位同中堅之間，填補古斯度後上之後的空間；山齊士好多次唔選擇傳俾邦仔而係大腳踢上，進一步壓縮左邦仔的表現。
唯一一樣做得唔錯的就係死球處理，今場邦仔有接應隊友開出的角球，係無人看管下差少少就成功為車路士拉開比數，不過就差少少運斜出咁解。
邦仔受壓時的表現，的確話到俾大家知佢有潛力，持球的冷靜處理同強大的身體質素仲係佢的優點，不過要適應高強度的英超比賽，相信仲要d時間。
卡些度：
係球場影子的入面默默付出的球員。
⭕️ 傳球攔截：2
⭕️ 射門攔截：1
⭕️ 鏟斷：2
⭕️ 清波：2
⭕️ 奪回球權：7⭕️ 傳入進攻三區：8
⭕️ 射門機會創造：3
⭕️ 地面對抗：10 (4)
最近幾場的卡些度，不停令我諗起以前的簡迪。不過當然，卡些度的防守同掃蕩效率無簡迪咁高，只講卡些度的個人表現，已經完全超越左白禮頓的自己。
今場的卡些度，同樣係彭馬同安素的身後默默付出，無論係作為第一點去瓦解對方組織，定係接應後場的傳送直接傳入進攻三區策動組織，卡些度兩邊的數字都係對辨的。面對住身體條件較好的對手，卡些度雖然略有輸蝕但仍然保持到40%的勝率。
諗到呢個位，同之前幾場同一樣的問題又會浮現 - 如果卡些度受傷，車路士到底要用邊個去代替佢。
古斯度：
可惜的係古斯度有前無後。
❌ 地面對抗：5 (0)
❌ 過人嘗試：2 (0)
⭕️ 奪回球權：10*
⭕️ 傳入進攻三區：8
⭕️ 關鍵傳球：2
上半場彭馬仲係右路的時候，古斯度都仲有能力配合佢地兩個去策動攻勢。但係下半場安素彭馬換位之後，古斯度就無晒攻力，下半場盲目推進都令球隊的右路出現空缺，單靠阿邦的補位唔足夠對抗對手的攻勢，係邊路的地面對抗雖然全敗，不過好彩勝在勤力，願意落力去搶回球權再傳入進攻三區。可惜的係，呢種程度未足以影響到比賽的結果，失波的時候古斯度的回防亦無幫到球隊減少任何風險。球迷同馬蛇都希望球隊可以係失波數量上的問題有所改善，隨住占士的復出，可能古斯度個正選位置會越黎越危險都唔定。
總結：
同上場比較，係戰術上有所調整其實係令人開心，無意係比賽入面捉戰犯，我亦同意其他球評家所講，呢場的失利係車路士全隊的責任。
車路士要成為爭冠的球隊，唔止係實力上，係心態上都要繼續改善先得，轉會窗預計都會維持只賣不買的策略，希望黎緊會聽到其他好消息啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊