車路士作客葛迪遜公園，面對戴治帶領ge愛華頓，最終呢場風雨交加ge比賽雙方互交白卷。車路士作客取得一分，但藍軍係呢場比賽無論戰術上定係過程上都有好多值得反思的地方。
戰術＆數據：
1️⃣ 用人佈陣，兩閘錯配攻力減半
今場馬蛇起用古斯度出任左閘，右閘就由迪西斯兼職，兩個都唔係自己擅長的位置，實際上都反映出車路士係呢兩個位置的陣容深度不足。兩者都同樣無做到正職閘位應盡的職責，古斯度由左閘內切去中場亦未能發揮如古古尼亞般的效果。
2️⃣ 中場受壓超技術破壞
因為由後場開始的組織就已經唔夠好，於是成個戰術佈置就由中場開始崩壞。先要讚的係愛華頓領隊戴治夠膽識，第一樣係佢放棄用對陣阿仙奴的Low Block，採用更進取的Mid Block，由中場就築起密集的防線，由於欠缺左右兩閘的協助，單靠Box Midfield的車路士面對住有體格優勢同密集防守的愛華頓的確顯得束手無策，愛華頓亦不忘去截斷彭馬的供應同傳送選擇，減弱左彭馬係前線接應卡些度傳球的機會同連續尼圖、安素的時間。
第二樣要讚的係戴治的目光。主場的拖肥恐怕係開賽前就知道風速數據，所以戴治指示球員不惜用犯規都要阻止車路士的攻勢，睇返數據，之前的15場比賽愛華頓平均先係11次犯規，但今場埋單就就有20次，一來犯規有效打斷車路士的中場節奏，二來因為大風的因素令高波同長傳落點變得難以捉摸，唔怕車路士開角球或者自由球造成威脅，兩者加起上黎就更加有利防守的一方。
3️⃣ 後備深度不足 換人太遲
賽前我地就已經知道古古尼亞被罰停一場，加上中場的拉維亞受傷，係車路士的中場的確欠缺左一個有能力快速轉守為攻的球員。彭馬同安素等球員係對手的身體對抗同多重包夾下，進攻威脅大幅減少。戴治深知車路士的踢法，成功利用強硬的防守壓縮空間。
後備上陣的馬杜基同安宮古踢左16分鐘都未能入局，後備的球員只有未用上的菲力斯同維加，最後只用左兩個換人名額，多少亦證明馬蛇換人太慢，後備席的球員無力挽救局面令車路士失去2分。
個別表現：
阿達拉比奧尤 (Tosin Adarabioyo)
⭕️ 清波：5
⭕️ 防守動作：3
⭕️ 關鍵阻擋：1
⭕️ 地面對抗：5 (5)
⭕️ 空中爭頂：4 (3)
唔係阿達拉比奧尤護住個空門，相信車路士會連1分都無埋。而且阿達拉比奧尤仲提供左車路士少有的空中爭頂優勢，多少阻止左愛華頓用高波攻門。今場算係阿達拉比奧尤第一次係車路士造出亮眼的數據同表現，如果可以繼續保持的話，要挑戰科芬拿的正選位置睇黎都唔係不可能。
山齊士 (Robert Sanchez)
⭕️ 面對射正 (撲救數)：4 (4)
⭕️ 預計入球撲救：0.73
⭕️ 高波攔截：2
⭕️ 禁區外掃蕩：1
一度被車迷唾棄漫罵的龍門，今日又突然發威變成山神。愛華頓今場擺明黎泊大巴，但係反擊都偶有佳作，利用車路士兩閘前插後邊線的空檔，至少有三次射門係相當有威脅。
最令人深刻就莫過於擋出右路Harrison預計入球有0.56的射門，全場講的話今場都係山齊士少有無派膠的比賽，不過車迷最驚的，都係佢今場神仙，下場魔鬼。
辛祖 (Jardon Sancho)
❌ 射門機會創造：2
⭕️ 接應傳送 (前傳)：41 (17)*
⭕️ 嘗試過人：14 (6)*
⭕️ 奪回球權：7*
⭕️ 防守動作：3
⭕️ 地面對抗：20 (12)*
老鼠拉龜的比賽，好難免會怪罪於進攻球員，不過辛祖今場的工作至少比我想像中要多。因為身後唔係防守傳送皆備古古尼亞而係兼職的古斯度，辛祖係前場做的野就係利用無球跑動盡量拉空對手嘗試製造機會。數字上都錄得全場最多的41次接應同17次前傳接應。只可惜的係辛祖勤力都好，面對住密集式的防守始終無法打開缺口。
身後的古斯度亦因為位置上有不適感，而要辛祖回後堵塞邊路的空缺，成為邊線的第一個攔截點，數字上都顯示出辛祖今場做多左鏟斷，甚至係全場取多的地面身體對抗同奪回球權。
安素 (Enzo Fernández)
⭕️ 射門機會創造：5*
⭕️ 嘗試過人 (成功)：3 (3)
⭕️ 觸球數：106*
⭕️ 防守動作：3
⭕️ 地面對抗：11 (8)
安素睇黎已經搵到自己的位置，相比起兩個月之前，落場的走動同判斷越黎越清脆。今場佢明顯係作為中場的發動機去帶領車路士，中前場以安素擁有最多的球權同觸球數，同時安素亦同積臣並列最多射門機會創造的球員。高的傳球成功率，有威脅的射門，配合埋積極的第一點搶迫，難怪外媒會拎返世界盃的安素黎比較。
總結：
呢場亦係車路士近11場以黎第一次無入球的比賽，對上一次要數到B隊係聯賽盃對紐卡素的時候。未能全取3分，相信多少都會有D失落，但同過往唔同，至少我地可以係比賽中見到車路士的缺點，而唔係一句「I Don't Know Why」就推搪過去，盒形中場要點樣調整去對付硬淨的Mid Block戰術，前線球員要點樣突破密集式防守，給予耐性同成長空間都係球迷工作的一部份。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
戰術＆數據：
1️⃣ 用人佈陣，兩閘錯配攻力減半
今場馬蛇起用古斯度出任左閘，右閘就由迪西斯兼職，兩個都唔係自己擅長的位置，實際上都反映出車路士係呢兩個位置的陣容深度不足。兩者都同樣無做到正職閘位應盡的職責，古斯度由左閘內切去中場亦未能發揮如古古尼亞般的效果。
2️⃣ 中場受壓超技術破壞
因為由後場開始的組織就已經唔夠好，於是成個戰術佈置就由中場開始崩壞。先要讚的係愛華頓領隊戴治夠膽識，第一樣係佢放棄用對陣阿仙奴的Low Block，採用更進取的Mid Block，由中場就築起密集的防線，由於欠缺左右兩閘的協助，單靠Box Midfield的車路士面對住有體格優勢同密集防守的愛華頓的確顯得束手無策，愛華頓亦不忘去截斷彭馬的供應同傳送選擇，減弱左彭馬係前線接應卡些度傳球的機會同連續尼圖、安素的時間。
第二樣要讚的係戴治的目光。主場的拖肥恐怕係開賽前就知道風速數據，所以戴治指示球員不惜用犯規都要阻止車路士的攻勢，睇返數據，之前的15場比賽愛華頓平均先係11次犯規，但今場埋單就就有20次，一來犯規有效打斷車路士的中場節奏，二來因為大風的因素令高波同長傳落點變得難以捉摸，唔怕車路士開角球或者自由球造成威脅，兩者加起上黎就更加有利防守的一方。
3️⃣ 後備深度不足 換人太遲
賽前我地就已經知道古古尼亞被罰停一場，加上中場的拉維亞受傷，係車路士的中場的確欠缺左一個有能力快速轉守為攻的球員。彭馬同安素等球員係對手的身體對抗同多重包夾下，進攻威脅大幅減少。戴治深知車路士的踢法，成功利用強硬的防守壓縮空間。
後備上陣的馬杜基同安宮古踢左16分鐘都未能入局，後備的球員只有未用上的菲力斯同維加，最後只用左兩個換人名額，多少亦證明馬蛇換人太慢，後備席的球員無力挽救局面令車路士失去2分。
個別表現：
阿達拉比奧尤 (Tosin Adarabioyo)
⭕️ 清波：5
⭕️ 防守動作：3
⭕️ 關鍵阻擋：1
⭕️ 地面對抗：5 (5)
⭕️ 空中爭頂：4 (3)
唔係阿達拉比奧尤護住個空門，相信車路士會連1分都無埋。而且阿達拉比奧尤仲提供左車路士少有的空中爭頂優勢，多少阻止左愛華頓用高波攻門。今場算係阿達拉比奧尤第一次係車路士造出亮眼的數據同表現，如果可以繼續保持的話，要挑戰科芬拿的正選位置睇黎都唔係不可能。
山齊士 (Robert Sanchez)
⭕️ 面對射正 (撲救數)：4 (4)
⭕️ 預計入球撲救：0.73
⭕️ 高波攔截：2
⭕️ 禁區外掃蕩：1
一度被車迷唾棄漫罵的龍門，今日又突然發威變成山神。愛華頓今場擺明黎泊大巴，但係反擊都偶有佳作，利用車路士兩閘前插後邊線的空檔，至少有三次射門係相當有威脅。
最令人深刻就莫過於擋出右路Harrison預計入球有0.56的射門，全場講的話今場都係山齊士少有無派膠的比賽，不過車迷最驚的，都係佢今場神仙，下場魔鬼。
辛祖 (Jardon Sancho)
❌ 射門機會創造：2
⭕️ 接應傳送 (前傳)：41 (17)*
⭕️ 嘗試過人：14 (6)*
⭕️ 奪回球權：7*
⭕️ 防守動作：3
⭕️ 地面對抗：20 (12)*
老鼠拉龜的比賽，好難免會怪罪於進攻球員，不過辛祖今場的工作至少比我想像中要多。因為身後唔係防守傳送皆備古古尼亞而係兼職的古斯度，辛祖係前場做的野就係利用無球跑動盡量拉空對手嘗試製造機會。數字上都錄得全場最多的41次接應同17次前傳接應。只可惜的係辛祖勤力都好，面對住密集式的防守始終無法打開缺口。
身後的古斯度亦因為位置上有不適感，而要辛祖回後堵塞邊路的空缺，成為邊線的第一個攔截點，數字上都顯示出辛祖今場做多左鏟斷，甚至係全場取多的地面身體對抗同奪回球權。
安素 (Enzo Fernández)
⭕️ 射門機會創造：5*
⭕️ 嘗試過人 (成功)：3 (3)
⭕️ 觸球數：106*
⭕️ 防守動作：3
⭕️ 地面對抗：11 (8)
安素睇黎已經搵到自己的位置，相比起兩個月之前，落場的走動同判斷越黎越清脆。今場佢明顯係作為中場的發動機去帶領車路士，中前場以安素擁有最多的球權同觸球數，同時安素亦同積臣並列最多射門機會創造的球員。高的傳球成功率，有威脅的射門，配合埋積極的第一點搶迫，難怪外媒會拎返世界盃的安素黎比較。
總結：
呢場亦係車路士近11場以黎第一次無入球的比賽，對上一次要數到B隊係聯賽盃對紐卡素的時候。未能全取3分，相信多少都會有D失落，但同過往唔同，至少我地可以係比賽中見到車路士的缺點，而唔係一句「I Don't Know Why」就推搪過去，盒形中場要點樣調整去對付硬淨的Mid Block戰術，前線球員要點樣突破密集式防守，給予耐性同成長空間都係球迷工作的一部份。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊