車路士係主場以2比1擊敗賓福特，雖然踢多一場但將同利物浦的差距縮小至2分。古古尼亞係上半場43分鐘先開紀錄，下半場由積臣於餘下約10分鐘再下一城，令主隊領先至2球。賓福特的安保莫在補時階段追回一球，但終仍無力扭轉敗局。完場後古古尼亞因為侵犯對手再拎多張黃牌，兩黃一紅下場將會缺席對愛華頓的比賽。
戰術＆數據：
1) 計埋今場比賽，車路士已經取得5連勝，暫時係英超球隊中最長的連勝記錄，同時亦打破左主場對賓福特的連敗記錄。下場只要車路士贏愛華頓, 因為利物浦未開波的關係, 車路士將會有幾個鐘上榜首。
2) 車路士繼續用3223的盒形戰術應戰，因為巴迪亞舒尼係賽前受傷，所以起用左阿迪拉比奧尤同高維爾做中堅配搭。一對中堅全場大部份的時間都有效咁控制住局面，盒形中場由安素集中係右邊，卡些度幾乎覆蓋晒成個中場，然後由積臣收深去提供更多傳球選擇。車路士的防守過於依賴古古尼亞同卡些度，隨住時間過去，中場的搶迫效率下降，防守的集中力都變差左。
3) 賓福特上場半的xG只有0.15，但去到下半場就大幅提升到1.46，幾乎所有的攻勢都係最後20分鐘做出黎，數據都側面印證左車路士仲未有實力爭冠的原因 — 防守不穩的問題。對手只要穿過到車路士的中場，就幾乎每場都會有Big Chance。今場都唔例外，多次見到山齊士的高飛低撲畫面，甚至對手的射門中楣等，全部都係指向車路士中堅的不穩。
4) 唔覺唔覺，車路士的防守越趨高位，越用就越多越位陷阱去抵抗對手的反高位跑動。係英超裝越位的次數升到第二，場均2.87次只落後第一名的白禮頓0.06次，所以當球隊集中力下降，裝越位失敗的時候就變成防守的弱點。
5) 好彩的係，我地前線爭氣，前場5個人每一點都有威脅，由馬杜基的接應跑位，到辛祖的左路傳送，中線彭馬同安素的走動，積臣的搶點觸覺等等，甚至對住擺鐵桶陣的球隊都無左上季束手無策的感覺，各方面都見到車路士的進步。
個別表現：
馬杜基：
自從早幾場俾馬蛇話完，馬杜基的表現又有少少唔同左。
❌ 射門數：7 (2)
⭕️ 預計入球：0.48
⭕️ 接應前傳：14*
❌ 嘗試過人：3 (1)
⭕️ 向前帶波：10*
⭕️ 帶入禁區：6*
⭕️ 禁區內觸球：12*
好多人可能會留意馬杜基自己帶波射唔入的獨食畫面，但更加應該留意的係馬蛇對於馬杜基的角色定位。馬杜基而家仍然係少數陣中積極插入禁區自己起腳的球員，速度快有盤扭，就算射術差少少都好但對手唔可以唔對馬杜基嚴加防守，馬蛇要求馬杜基做更多無球跑動，今場佢係車路士最多接應前傳的球員，達14次。
同時係最多殺入禁區同係禁區內觸球的球員，而唔單單係射唔入咁簡單。甚至今場馬杜基有能力搵到禁區內的古古尼亞傳一個準確的高波俾佢，種種數字都話左俾大家知馬杜基係前線的價值。
辛祖：
今場無G無A只係不幸。
⭕️ 關鍵傳球：4*
⭕️ 向前傳送：6
⭕️ 中長波傳送：18/18
❌ 嘗試過人：5 (2)
⭕️ 向前帶波：9
⭕️ 搶回球權：7
⭕️ 地面對抗：7 (3)
⭕️ 帶波距離：316碼*
今場辛祖係左路面對住賓福特的Roerslev同Van Den Berg，老實講就唔算係有好多機會。但利用隊友拉空的位置殺入禁區，辛祖的表現仍然係搶眼。甚至今場同彭馬一樣錄得4次關鍵傳送同屬隊內最高，係左邊低線傳俾積臣的一球都差少少變成助攻。
辛祖係左線成為左第一個搶迫點，7次成功搶回球權多少都符合馬蛇的要求。好多曼聯球迷都話辛祖懶，唔願意迫搶 — 但今場睇落完全唔係果回事，係後場拎波之後亦有好長距離的跑動，唔知曼聯球迷見到又會點Comment呢？
彭馬：
進攻球員係咪一定要入波助攻先可以體現出佢的價值？我覺得唔係。
❌ 射門數：4 (1)⭕️ 射門機會創造：9*
⭕️ 向前傳送：9*
⭕️ 關鍵傳球：4*
⭕️ 傳入禁區：7*
❌ 嘗試過人：2 (1)
單就彭馬的數據黎講，如果車路士抽起佢的話，今場未必可以踢返一樣賽果出黎。彭馬受限於對手人盯人式的防守，大部份時間都係用走動去拉散對手的組織。由中路到左路的，彭馬唔係作為最前一點的傳球目標，而係負責更多駁腳傳送的工作，當對手對彭馬的防守鬆懈，彭馬又會嘗試攻門，傳射兩面的轉換造就左今場前線的氣勢。除左略嫌彭馬身形單薄無辦法壓過對手之外，其餘都搵唔到挑剔佢的地方。
卡些度：
車路士真係可以係缺少卡些度的情況下贏到強隊？
⭕️ 觸球：77*
⭕️ 防守動作：6*
⭕️ 地面對抗：10 (3)*
⭕️ 奪回球權：13*
⭕️ 傳入進攻三區：9
卡些度係中場的防守能力越黎越強，唔止覆蓋範圍大，作為破壞對手組織的第一點亦做得好足。有別於之前三季，卡些度的進攻性稍有下降，但係防守能力就大幅上升。單講今場，佢一個人就做左差唔多兩個人的防守工作，難怪賽後佢會話自己想好似簡迪咁發光發亮。排除防守的部份，卡些度作為攻守轉換時進攻的起點一樣做得好出色，9次傳入進攻三區係今場中前線最多的一個。
如果車路士真係保持到戰績，下季要挑戰歐聯列強，卡些度的體力夠唔夠應付兩線比賽呢？
高維爾：
本來就唔應該咁嚴苛，但真係不吐不快。
❌ 射門阻擋：1
❌ 防守動作：0
⭕️ 清波：4
❌ 奪回球權：3
❌ 高中爭頂：7 (4)
❌ 短傳成功率：78.3%
高維爾作為車路士必然正選的中堅，理應負上更多防守的責任。無論係指揮定係自己做防守，佢都有責任咁做。先唔講高維爾係面對賓福特尾段攻勢時疲於奔命，只可以顧到自己無盡到指揮後防的責任，甚至係搶回球權傳波的時候都有傳錯，由開季至今高維爾的短傳成功率一直都係問題，同位置的中堅平均數係91.3%，今場低至只有78.3%。甚至無做到任何防守成功的記錄。如果車路士真係想同強隊爭一日之長短，睇怕要高維爾再進兩三步先得。
總結：
比賽初段車路士未能輕易撕破對手防線，比賽尾段被對手瘋狂壓迫，仍然未能保持清白之身，防守的表現的確好難說服球迷。但進步唔係一朝一夕可以成功，車路士爭冠的最後呢塊拼圖，到底到幾時先到手呢…
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
戰術＆數據：
1) 計埋今場比賽，車路士已經取得5連勝，暫時係英超球隊中最長的連勝記錄，同時亦打破左主場對賓福特的連敗記錄。下場只要車路士贏愛華頓, 因為利物浦未開波的關係, 車路士將會有幾個鐘上榜首。
2) 車路士繼續用3223的盒形戰術應戰，因為巴迪亞舒尼係賽前受傷，所以起用左阿迪拉比奧尤同高維爾做中堅配搭。一對中堅全場大部份的時間都有效咁控制住局面，盒形中場由安素集中係右邊，卡些度幾乎覆蓋晒成個中場，然後由積臣收深去提供更多傳球選擇。車路士的防守過於依賴古古尼亞同卡些度，隨住時間過去，中場的搶迫效率下降，防守的集中力都變差左。
3) 賓福特上場半的xG只有0.15，但去到下半場就大幅提升到1.46，幾乎所有的攻勢都係最後20分鐘做出黎，數據都側面印證左車路士仲未有實力爭冠的原因 — 防守不穩的問題。對手只要穿過到車路士的中場，就幾乎每場都會有Big Chance。今場都唔例外，多次見到山齊士的高飛低撲畫面，甚至對手的射門中楣等，全部都係指向車路士中堅的不穩。
4) 唔覺唔覺，車路士的防守越趨高位，越用就越多越位陷阱去抵抗對手的反高位跑動。係英超裝越位的次數升到第二，場均2.87次只落後第一名的白禮頓0.06次，所以當球隊集中力下降，裝越位失敗的時候就變成防守的弱點。
5) 好彩的係，我地前線爭氣，前場5個人每一點都有威脅，由馬杜基的接應跑位，到辛祖的左路傳送，中線彭馬同安素的走動，積臣的搶點觸覺等等，甚至對住擺鐵桶陣的球隊都無左上季束手無策的感覺，各方面都見到車路士的進步。
個別表現：
馬杜基：
自從早幾場俾馬蛇話完，馬杜基的表現又有少少唔同左。
❌ 射門數：7 (2)
⭕️ 預計入球：0.48
⭕️ 接應前傳：14*
❌ 嘗試過人：3 (1)
⭕️ 向前帶波：10*
⭕️ 帶入禁區：6*
⭕️ 禁區內觸球：12*
好多人可能會留意馬杜基自己帶波射唔入的獨食畫面，但更加應該留意的係馬蛇對於馬杜基的角色定位。馬杜基而家仍然係少數陣中積極插入禁區自己起腳的球員，速度快有盤扭，就算射術差少少都好但對手唔可以唔對馬杜基嚴加防守，馬蛇要求馬杜基做更多無球跑動，今場佢係車路士最多接應前傳的球員，達14次。
同時係最多殺入禁區同係禁區內觸球的球員，而唔單單係射唔入咁簡單。甚至今場馬杜基有能力搵到禁區內的古古尼亞傳一個準確的高波俾佢，種種數字都話左俾大家知馬杜基係前線的價值。
辛祖：
今場無G無A只係不幸。
⭕️ 關鍵傳球：4*
⭕️ 向前傳送：6
⭕️ 中長波傳送：18/18
❌ 嘗試過人：5 (2)
⭕️ 向前帶波：9
⭕️ 搶回球權：7
⭕️ 地面對抗：7 (3)
⭕️ 帶波距離：316碼*
今場辛祖係左路面對住賓福特的Roerslev同Van Den Berg，老實講就唔算係有好多機會。但利用隊友拉空的位置殺入禁區，辛祖的表現仍然係搶眼。甚至今場同彭馬一樣錄得4次關鍵傳送同屬隊內最高，係左邊低線傳俾積臣的一球都差少少變成助攻。
辛祖係左線成為左第一個搶迫點，7次成功搶回球權多少都符合馬蛇的要求。好多曼聯球迷都話辛祖懶，唔願意迫搶 — 但今場睇落完全唔係果回事，係後場拎波之後亦有好長距離的跑動，唔知曼聯球迷見到又會點Comment呢？
彭馬：
進攻球員係咪一定要入波助攻先可以體現出佢的價值？我覺得唔係。
❌ 射門數：4 (1)⭕️ 射門機會創造：9*
⭕️ 向前傳送：9*
⭕️ 關鍵傳球：4*
⭕️ 傳入禁區：7*
❌ 嘗試過人：2 (1)
單就彭馬的數據黎講，如果車路士抽起佢的話，今場未必可以踢返一樣賽果出黎。彭馬受限於對手人盯人式的防守，大部份時間都係用走動去拉散對手的組織。由中路到左路的，彭馬唔係作為最前一點的傳球目標，而係負責更多駁腳傳送的工作，當對手對彭馬的防守鬆懈，彭馬又會嘗試攻門，傳射兩面的轉換造就左今場前線的氣勢。除左略嫌彭馬身形單薄無辦法壓過對手之外，其餘都搵唔到挑剔佢的地方。
卡些度：
車路士真係可以係缺少卡些度的情況下贏到強隊？
⭕️ 觸球：77*
⭕️ 防守動作：6*
⭕️ 地面對抗：10 (3)*
⭕️ 奪回球權：13*
⭕️ 傳入進攻三區：9
卡些度係中場的防守能力越黎越強，唔止覆蓋範圍大，作為破壞對手組織的第一點亦做得好足。有別於之前三季，卡些度的進攻性稍有下降，但係防守能力就大幅上升。單講今場，佢一個人就做左差唔多兩個人的防守工作，難怪賽後佢會話自己想好似簡迪咁發光發亮。排除防守的部份，卡些度作為攻守轉換時進攻的起點一樣做得好出色，9次傳入進攻三區係今場中前線最多的一個。
如果車路士真係保持到戰績，下季要挑戰歐聯列強，卡些度的體力夠唔夠應付兩線比賽呢？
高維爾：
本來就唔應該咁嚴苛，但真係不吐不快。
❌ 射門阻擋：1
❌ 防守動作：0
⭕️ 清波：4
❌ 奪回球權：3
❌ 高中爭頂：7 (4)
❌ 短傳成功率：78.3%
高維爾作為車路士必然正選的中堅，理應負上更多防守的責任。無論係指揮定係自己做防守，佢都有責任咁做。先唔講高維爾係面對賓福特尾段攻勢時疲於奔命，只可以顧到自己無盡到指揮後防的責任，甚至係搶回球權傳波的時候都有傳錯，由開季至今高維爾的短傳成功率一直都係問題，同位置的中堅平均數係91.3%，今場低至只有78.3%。甚至無做到任何防守成功的記錄。如果車路士真係想同強隊爭一日之長短，睇怕要高維爾再進兩三步先得。
總結：
比賽初段車路士未能輕易撕破對手防線，比賽尾段被對手瘋狂壓迫，仍然未能保持清白之身，防守的表現的確好難說服球迷。但進步唔係一朝一夕可以成功，車路士爭冠的最後呢塊拼圖，到底到幾時先到手呢…
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊