第14輪英超比賽，車路士作客以5比1大炒修咸頓，輕鬆錄得聯賽三連勝。馬列斯卡今場大膽輪換，換入7名新球員，但結果証明佢嘅賭注絕對值得。上半場迪西斯、安宮古同埋馬杜基先後破門，為球隊早早奠定勝局。
比賽中，古古尼亞再度成為焦點。修咸頓隊長史提芬斯喺角球防守時，手多拉扯古古尼亞嘅爆炸頭，結果俾球證睇完VAR直接紅牌罰出場，令主隊雪上加霜。下半場，彭馬同辛祖再各入一球，將比分拉開至5比1，徹底擊敗對手，並以得失球差暫時壓過阿仙奴升上第二。
戰術＆數據：
修咸頓 v 車路士：
預計入球：1.47 v 5.36
控球：45% v 55%
射門數：6 (4) v 26 (13)
地面對抗：25 v 39
重大機會錯失：3 v 9
陣式上同樣保持住4-2-3-1，但有別於之前幾場，今場馬利斯卡安排安素同卡些度左右掉轉，睇落係想安素可以從後協助彭馬同馬杜基。而因為咁的安排，就令車路士的攻勢過於向右邊傾斜，實際的Heatmap都顯示車路士傳球集中係右邊。
而拉扯頭髮出現的一張紅牌，就直接將比賽的流向都改變左。修咸頓係打少一個之前，有順利地利用車路士中堅身後的空位做切入，三番四次透過呢種方法傳去小禁區頂射門造成威脅。可惜紅牌打亂左修咸頓的部署，下半場幾乎係車路士一面倒的攻勢。數字上車路士都好誇張咁達到5.36 xG，入球數只有5球，係因為阿迪拉比奧尤角球接應中柱，馬杜基自己射失2~3次，菲力斯無人看管下的頭鎚頂斜等等。
賽後馬蛇都承認，開賽初段對手的戰術同佢想像中有出入，所以到半場的時候先做調整，結果都顯示出調整成果。
個別表現：
安宮古：
今場係安宮古第二次以正選的身份係英超出戰，對上一次已經係8月對曼城的事。但嚴格黎講，我自己唔認為安宮古的發揮係出色。
⭕️ 預計入球：1.2
❌ 觸球數：21
❌ 嘗試過人：2 (1)
⭕️ 關鍵傳球：2
無錯，今場安宮古成功取得一入球一助攻，而且個助攻其實只係俾彭馬搶走的入球。然而，考慮到對手係榜尾球隊，加上打少一個的狀態，作為前鋒的安宮古理應有更多發揮的空間。
對手初段唔係縮後黎踢反而係同車路士大玩高壓搶迫，因為預判失誤所以令安宮古踢得相當唔舒服。到後面，對手繼續保持住壓迫的踢法，安宮古始終無好似其他球員咁適應到對手的戰術，各項數字上都出現俾隊友比下去的情況。
相信安宮古本人都明白呢件事，但到底係因為狀態未夠所以無英超踢，定係因為無英超踢先至無狀態呢？呢d雞蛋同雞的問題就留返俾馬蛇解答。
古斯度：
唔睇數字只係全場，你未必會留意到今場古斯度的發揮有咁出色。我甚至開始懷疑，車路士的右閘係因為戰術而表現出色。
⭕️ 地面對抗：7 (7)
⭕️ 射門機會創造：4⭕️ 傳入進攻三區：11
⭕️ 向前傳送：10*
⭕️ 防守動作：8
古斯度今場其實係無實際做過射門，但係每次對手嘗試反擊，你總會係右路見到古斯度的身影，今場的古斯度幾乎覆蓋晒兩邊底線之間的空間，5次Tackle全數成功之餘，同對手的地面對抗亦都全勝，轉守為攻的階段古斯度亦有好好咁搵到前線的隊友，喺唔起眼的地方默默耕耘的古斯度值得大家更多的掌聲。
馬杜基：
馬杜基仍然係一個會激死你的球員，好難怪賽後馬蛇會點名談及佢。
⭕️ 射門： 7 (4)*
⭕️ 預計入球：1.18⭕️ 射門機會創造：7
⭕️ 禁區內觸球：13*
⭕️ 傳入禁區：8*
⭕️ 接應前傳：12
⭕️ 傳球攔截：3*
❌ 地面對抗：12 (3)*
❌ 嘗試過人：4 (2)
❌ 失去球權：3*
今場馬杜基的表現仍然係好壞參半。好的時候，佢勁到好似以前的史杜列治咁，走位現身拎波，殺入禁區自己起腳攞分，又或者係擺脫對手之後傳俾隊友助攻。但係壞的時候，拎住個波就只係合埋眼死衝，衝得過就拓海，衝唔過就填海。數字上都完美反映出呢一點。
馬杜基係協助隊友同自己射門兩件事上面幾乎交出完美的答案，但當面對對手後衛的時候，馬杜基各項數字就跌到落地底，12次同對手正面對抗只係贏得3次，其餘唔係失去球權就係要回後俾返隊友。
賽後馬蛇就當住記者面批評馬杜基，話佢要係入波或者助攻之後都繼續拼搏…馬杜基先22歲，仲有時間進步ge，俾d耐性啦
彭馬：
世界就係咁唔公平，個朵夠響，只要入波就無人睇到問題。
⭕️ 射門數：6 (4)
⭕️ 預計入球：1.83
⭕️ 射門機會創造：7
❌ 控球失誤：3*
❌ 短傳：9 (4)
❌ 嘗試過人：1 (0)
嚴格黎講，我唔會話彭馬今場的表現好出色。原因同安宮古一樣，係對手踢少一人的情況下，彭馬的發揮理論上要更出色，唯一的入球係來自沒收隊友安宮古的必入波，除此之外就係24同54分鐘的兩個射門，進攻方面唔可以話好出色。
組織方面，今場彭馬係對手的壓迫下有好幾次的控球失誤，短傳亦因為受壓而成功率低過50%，但神奇的係，無論彭馬點啞火，公海的球迷都好似見唔到…唔通呢種就係傳說中的「白人魔法」？
安素：
安素越黎越接近大家心目中大腦樞紐的形象。
⭕️ 接應傳球：73*
⭕️ 傳入進攻三區：12*
⭕️ 關鍵傳球：3
⭕️ 射門機會創造：9*
⭕️ 入球機會創造：3
❌ 地面對抗：7 (1)
雖然大家集中數緊的，係安素離婚之後的入球助攻表現，但係數據上，安素作為右中場交足晒表現。無論係連接前後場的角色，控制節制適時傳入禁區，定係為隊友創造射門機會等等，安素的發揮的確係一場比一場好，而正如我前文所講，今場特別的地方係馬蛇安排佢出任右中場，身後有古斯度包位，等安素可以安心推前同彭馬或者馬杜基合作，踢出黎的表現都相當精彩。
唯獨係防守階段的時候，安素仍然未可能有效制止對手，地面對抗上的數字都反映出呢一點。下場對住搶迫強度更高更快的熱刺，佢的表現可能會成為比賽的重點都未定。
總結：
踢左14場聯賽，車路士今季打出左相當令人意外的成績。數返去上上季，每場比賽入波都要靠運氣，甚至全個月只有一個入波，到而家就變成全英超入球最多的球隊，31個入球的成績證明左新陣容已經慢慢磨合。
防守方面，要接受中堅的人腳仍然後生，加上占士同科芬拿受傷的情況下，仍然可以同阿仙奴並列全英超第三最好防守(15失球)，+16的淨勝球數僅次於榜首的利物浦，反映出車路士既可以進攻，亦有能力守住成果。
12月會係英超最忙碌的時期，到底車路士會係力爭上游定係傷兵滿營，就繼續睇落去啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
比賽中，古古尼亞再度成為焦點。修咸頓隊長史提芬斯喺角球防守時，手多拉扯古古尼亞嘅爆炸頭，結果俾球證睇完VAR直接紅牌罰出場，令主隊雪上加霜。下半場，彭馬同辛祖再各入一球，將比分拉開至5比1，徹底擊敗對手，並以得失球差暫時壓過阿仙奴升上第二。
戰術＆數據：
修咸頓 v 車路士：
預計入球：1.47 v 5.36
控球：45% v 55%
射門數：6 (4) v 26 (13)
地面對抗：25 v 39
重大機會錯失：3 v 9
陣式上同樣保持住4-2-3-1，但有別於之前幾場，今場馬利斯卡安排安素同卡些度左右掉轉，睇落係想安素可以從後協助彭馬同馬杜基。而因為咁的安排，就令車路士的攻勢過於向右邊傾斜，實際的Heatmap都顯示車路士傳球集中係右邊。
而拉扯頭髮出現的一張紅牌，就直接將比賽的流向都改變左。修咸頓係打少一個之前，有順利地利用車路士中堅身後的空位做切入，三番四次透過呢種方法傳去小禁區頂射門造成威脅。可惜紅牌打亂左修咸頓的部署，下半場幾乎係車路士一面倒的攻勢。數字上車路士都好誇張咁達到5.36 xG，入球數只有5球，係因為阿迪拉比奧尤角球接應中柱，馬杜基自己射失2~3次，菲力斯無人看管下的頭鎚頂斜等等。
賽後馬蛇都承認，開賽初段對手的戰術同佢想像中有出入，所以到半場的時候先做調整，結果都顯示出調整成果。
個別表現：
安宮古：
今場係安宮古第二次以正選的身份係英超出戰，對上一次已經係8月對曼城的事。但嚴格黎講，我自己唔認為安宮古的發揮係出色。
⭕️ 預計入球：1.2
❌ 觸球數：21
❌ 嘗試過人：2 (1)
⭕️ 關鍵傳球：2
無錯，今場安宮古成功取得一入球一助攻，而且個助攻其實只係俾彭馬搶走的入球。然而，考慮到對手係榜尾球隊，加上打少一個的狀態，作為前鋒的安宮古理應有更多發揮的空間。
對手初段唔係縮後黎踢反而係同車路士大玩高壓搶迫，因為預判失誤所以令安宮古踢得相當唔舒服。到後面，對手繼續保持住壓迫的踢法，安宮古始終無好似其他球員咁適應到對手的戰術，各項數字上都出現俾隊友比下去的情況。
相信安宮古本人都明白呢件事，但到底係因為狀態未夠所以無英超踢，定係因為無英超踢先至無狀態呢？呢d雞蛋同雞的問題就留返俾馬蛇解答。
古斯度：
唔睇數字只係全場，你未必會留意到今場古斯度的發揮有咁出色。我甚至開始懷疑，車路士的右閘係因為戰術而表現出色。
⭕️ 地面對抗：7 (7)
⭕️ 射門機會創造：4⭕️ 傳入進攻三區：11
⭕️ 向前傳送：10*
⭕️ 防守動作：8
古斯度今場其實係無實際做過射門，但係每次對手嘗試反擊，你總會係右路見到古斯度的身影，今場的古斯度幾乎覆蓋晒兩邊底線之間的空間，5次Tackle全數成功之餘，同對手的地面對抗亦都全勝，轉守為攻的階段古斯度亦有好好咁搵到前線的隊友，喺唔起眼的地方默默耕耘的古斯度值得大家更多的掌聲。
馬杜基：
馬杜基仍然係一個會激死你的球員，好難怪賽後馬蛇會點名談及佢。
⭕️ 射門： 7 (4)*
⭕️ 預計入球：1.18⭕️ 射門機會創造：7
⭕️ 禁區內觸球：13*
⭕️ 傳入禁區：8*
⭕️ 接應前傳：12
⭕️ 傳球攔截：3*
❌ 地面對抗：12 (3)*
❌ 嘗試過人：4 (2)
❌ 失去球權：3*
今場馬杜基的表現仍然係好壞參半。好的時候，佢勁到好似以前的史杜列治咁，走位現身拎波，殺入禁區自己起腳攞分，又或者係擺脫對手之後傳俾隊友助攻。但係壞的時候，拎住個波就只係合埋眼死衝，衝得過就拓海，衝唔過就填海。數字上都完美反映出呢一點。
馬杜基係協助隊友同自己射門兩件事上面幾乎交出完美的答案，但當面對對手後衛的時候，馬杜基各項數字就跌到落地底，12次同對手正面對抗只係贏得3次，其餘唔係失去球權就係要回後俾返隊友。
賽後馬蛇就當住記者面批評馬杜基，話佢要係入波或者助攻之後都繼續拼搏…馬杜基先22歲，仲有時間進步ge，俾d耐性啦
彭馬：
世界就係咁唔公平，個朵夠響，只要入波就無人睇到問題。
⭕️ 射門數：6 (4)
⭕️ 預計入球：1.83
⭕️ 射門機會創造：7
❌ 控球失誤：3*
❌ 短傳：9 (4)
❌ 嘗試過人：1 (0)
嚴格黎講，我唔會話彭馬今場的表現好出色。原因同安宮古一樣，係對手踢少一人的情況下，彭馬的發揮理論上要更出色，唯一的入球係來自沒收隊友安宮古的必入波，除此之外就係24同54分鐘的兩個射門，進攻方面唔可以話好出色。
組織方面，今場彭馬係對手的壓迫下有好幾次的控球失誤，短傳亦因為受壓而成功率低過50%，但神奇的係，無論彭馬點啞火，公海的球迷都好似見唔到…唔通呢種就係傳說中的「白人魔法」？
安素：
安素越黎越接近大家心目中大腦樞紐的形象。
⭕️ 接應傳球：73*
⭕️ 傳入進攻三區：12*
⭕️ 關鍵傳球：3
⭕️ 射門機會創造：9*
⭕️ 入球機會創造：3
❌ 地面對抗：7 (1)
雖然大家集中數緊的，係安素離婚之後的入球助攻表現，但係數據上，安素作為右中場交足晒表現。無論係連接前後場的角色，控制節制適時傳入禁區，定係為隊友創造射門機會等等，安素的發揮的確係一場比一場好，而正如我前文所講，今場特別的地方係馬蛇安排佢出任右中場，身後有古斯度包位，等安素可以安心推前同彭馬或者馬杜基合作，踢出黎的表現都相當精彩。
唯獨係防守階段的時候，安素仍然未可能有效制止對手，地面對抗上的數字都反映出呢一點。下場對住搶迫強度更高更快的熱刺，佢的表現可能會成為比賽的重點都未定。
總結：
踢左14場聯賽，車路士今季打出左相當令人意外的成績。數返去上上季，每場比賽入波都要靠運氣，甚至全個月只有一個入波，到而家就變成全英超入球最多的球隊，31個入球的成績證明左新陣容已經慢慢磨合。
防守方面，要接受中堅的人腳仍然後生，加上占士同科芬拿受傷的情況下，仍然可以同阿仙奴並列全英超第三最好防守(15失球)，+16的淨勝球數僅次於榜首的利物浦，反映出車路士既可以進攻，亦有能力守住成果。
12月會係英超最忙碌的時期，到底車路士會係力爭上游定係傷兵滿營，就繼續睇落去啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊