12月的第一場比賽，車路士就以3球淨勝對手的阿士東維拉，睇返對賽記錄，係聯賽贏維拉已經要數返去22年的10月，而上季係FA對住維拉，亦係由安素同積臣加埋已經離隊的加拉加合力炮制左三個入球。
今場同樣有積臣先開記錄，36分鐘安素接應彭馬的橫傳射入，最後仲有彭馬係比賽尾段射入世界波，今場比賽可以話係車路士的翻身之作。
戰術＆數據：
比賽數據：
預計入球：1.7：1.0控球率：64%：36%
射門 (命中)：17 (8) ： 10 (3)
Second Ball：39：29
觸球數：730：453
禁區內觸球：23：18
如果話上場對李城的三中堅係出人意表，可能今場的三中場都同樣令艾馬利一頭煙。有睇開車路士的人多少已經估到馬蛇係用卡些度兼職右閘，但進攻階段中場的人數多到嚇死人都係事實。
進攻階段由古古推前接近中圈的位置做掃蕩同阻截工作，卡些度內切去中場協助拉維亞，安素就進一步推前嘗試係左線做Overlap，中場的默契越見進步。特別係前線的積臣同安素會利用彭馬拉出的空位去做無球跑動，因為喺比較早的階段取得入球，車路士亦唔急住進攻，運用球場整體的深度去控制比賽節奏。
而當球隊進入防守階段，古古尼亞同卡些度都會因應對方的走動決定要留守左右通道定係退返去邊線，於是全場就不停出現古古尼亞或者卡些度同對手對抗的畫面。
艾馬利的戰術都好簡單，不斷用長傳去挑戰車路士的高位，比賽中亦不停見到屈堅斯接應長傳單人匹馬殺入禁區起腳，只係因為今日山齊士醒神先力保不失。
個別表現：
彭馬：
繼續成為彭馬FC的核心。
⭕️ 射門：5 (3)*
⭕️ 射門機會創造：4
⭕️ 預計入球：0.53⭕️ 帶入禁區：2*
艾馬利知道唔可以放過彭馬，所以由比賽開始就有心指示球員要對彭馬嚴加防守，盡量減少彭馬係禁區的活動空間或者射門路線。彭馬最近的低潮，都係來自對方的嚴密防守，拎波甚至有兩個球員過黎招呼，令彭馬係接應傳球，推進或者創造方面受限。最明顯就係彭馬今年係各區域的觸球次數，係進攻區域平均觸球數字下跌左20% 。
同時，因為彭馬吸引走對方的球員，多少亦為隊友創造左更多跑動的空間，積臣或者係安素正正係呢方面的受益者。但有能力的球員就係可以係有限的條件下創造奇蹟，彭馬今場可以話係當中的一個證明，透過快速的傳送解除壓迫傳俾有空位的隊友起腳；橫推擺脫對手之後再射死角入網等等，呢d就係呢一刻彭馬的價值。
而彭馬今場另一個唔同的地方，係佢針對對手泰利文斯的貼身防守，呢度講緊的唔係身體對抗而單純係用身位去遮射或者妨礙對手。當泰利文斯係後場接應傳球，會由彭馬限制泰利文斯的向前傳送。睇返數據，泰利文斯平均向前傳送係7.19次，但今場就跌到只有3次，場均傳入1/3區域的數字亦由8.36跌到今場的5次，多少證明左彭馬新角色的職責同成效。彭馬的背後仲有卡些度同拉維亞的協助，先足夠減低泰利文斯的威脅，今場因為仲維拉的體力問題，到尾段搶迫的強度同速度已經無初段咁強，彭馬如果面對住同樣體力充沛的對手可唔可以做返同樣的入球同防守效率都係一個疑問，但今場的MOTM係彭馬的確無任何問題。
安素：
成功延續上場的表現，交出同樣穩定的演出。
⭕️ 射門機會創造：6*
⭕️ 接應傳球：57
⭕️ 接應前傳：9*
⭕️ 嘗試過人：2 (2)
⭕️ 傳送 (成功)：61 (48)
透過走空位去接應傳送，或者係駁腳傳俾同一邊的辛祖，配合後上的古古尼亞，成個左線因為安素的發揮變得相當完整。同時，安素亦一直係維拉的左線控制住球隊的節奏，適時突入禁區，而今場的入波亦係安素近來進步的表現。
古古尼亞：
好多車迷好誇張，話係古古身上見到A高的影子。講返事實的話，我覺得古古而家仍然係受惠於戰術的球員。
⭕️ 地面對抗：6 (4)⭕️ 鏟斷：4
⭕️ 傳送：117*
⭕️ Second Ball：6
古古尼亞最可怕的地方，莫過於佢的跑動範圍。睇返Heatmap，古古幾乎範蓋左邊中場的大部份空間。
無論係作為閘位阻止對方推進，定係作為防中破壞對方組織，今場的古古尼亞比任何防守球員都要出色。甚至係進攻階段都有後上為隊友製造機會，高強度的搶迫亦成功迫使對手犯錯，製造出第一個入球。
現時車路士會自由俾球員選擇幾時內切去中場幾時維持做邊線，如果返到西班牙，要佢專注防守邊線或者係殺去底線助攻，古古有無本事繼續稱霸左線呢？
卡些度：
今場卡些度狀態繼續火熱，明明位置收深左但仍然造出亮眼的成績。
⭕️ Second Ball：7*
⭕️ 傳入1/3：10*
⭕️ 射門機會創造：4
⭕️ 地面對抗：5 (3)
無論係進退的時機判斷，落腳的決定，後上幫球隊組織的視野，卡些度都有兌現出佢的身價。如果話肥普年代的卡些度需要依靠推前先做出成績，咁馬利斯卡就話俾大家知，卡些度有能力將所有野都做好做滿，根本唔使強行推前。
當進入進攻階段，球隊開始帶波深入對手禁區，卡些度就會自行前推準備接應被清出的Second Ball。而當球隊進入防守階段，卡些度亦會觀察對手的位置決定要留守中路定係退去邊線，同時會配合古古尼亞的位置進行微調，一切順暢到好似呼吸一樣。平均1.57預計入球的維拉今場被壓至只有1.2，多少就係因為有卡些度的存在。
不過理所當然，而家卡些度的踢法要依靠大量的體力，萬一佢傷出，又有無人可以代替到佢呢…相信呢個會變成下半季賽程的隱憂都未定。
總結：
時間同篇幅所限，拉維亞同山齊士今次就先略過，而呢兩位其實係今場都做左好多正確的決定影響左全場的走向。主場可以擊敗維拉亦係今季的一支強心針，黎緊賽程越黎越密，希望球隊可以保持住呢種氣勢。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
今場同樣有積臣先開記錄，36分鐘安素接應彭馬的橫傳射入，最後仲有彭馬係比賽尾段射入世界波，今場比賽可以話係車路士的翻身之作。
戰術＆數據：
比賽數據：
預計入球：1.7：1.0控球率：64%：36%
射門 (命中)：17 (8) ： 10 (3)
Second Ball：39：29
觸球數：730：453
禁區內觸球：23：18
如果話上場對李城的三中堅係出人意表，可能今場的三中場都同樣令艾馬利一頭煙。有睇開車路士的人多少已經估到馬蛇係用卡些度兼職右閘，但進攻階段中場的人數多到嚇死人都係事實。
進攻階段由古古推前接近中圈的位置做掃蕩同阻截工作，卡些度內切去中場協助拉維亞，安素就進一步推前嘗試係左線做Overlap，中場的默契越見進步。特別係前線的積臣同安素會利用彭馬拉出的空位去做無球跑動，因為喺比較早的階段取得入球，車路士亦唔急住進攻，運用球場整體的深度去控制比賽節奏。
而當球隊進入防守階段，古古尼亞同卡些度都會因應對方的走動決定要留守左右通道定係退返去邊線，於是全場就不停出現古古尼亞或者卡些度同對手對抗的畫面。
艾馬利的戰術都好簡單，不斷用長傳去挑戰車路士的高位，比賽中亦不停見到屈堅斯接應長傳單人匹馬殺入禁區起腳，只係因為今日山齊士醒神先力保不失。
個別表現：
彭馬：
繼續成為彭馬FC的核心。
⭕️ 射門：5 (3)*
⭕️ 射門機會創造：4
⭕️ 預計入球：0.53⭕️ 帶入禁區：2*
艾馬利知道唔可以放過彭馬，所以由比賽開始就有心指示球員要對彭馬嚴加防守，盡量減少彭馬係禁區的活動空間或者射門路線。彭馬最近的低潮，都係來自對方的嚴密防守，拎波甚至有兩個球員過黎招呼，令彭馬係接應傳球，推進或者創造方面受限。最明顯就係彭馬今年係各區域的觸球次數，係進攻區域平均觸球數字下跌左20% 。
同時，因為彭馬吸引走對方的球員，多少亦為隊友創造左更多跑動的空間，積臣或者係安素正正係呢方面的受益者。但有能力的球員就係可以係有限的條件下創造奇蹟，彭馬今場可以話係當中的一個證明，透過快速的傳送解除壓迫傳俾有空位的隊友起腳；橫推擺脫對手之後再射死角入網等等，呢d就係呢一刻彭馬的價值。
而彭馬今場另一個唔同的地方，係佢針對對手泰利文斯的貼身防守，呢度講緊的唔係身體對抗而單純係用身位去遮射或者妨礙對手。當泰利文斯係後場接應傳球，會由彭馬限制泰利文斯的向前傳送。睇返數據，泰利文斯平均向前傳送係7.19次，但今場就跌到只有3次，場均傳入1/3區域的數字亦由8.36跌到今場的5次，多少證明左彭馬新角色的職責同成效。彭馬的背後仲有卡些度同拉維亞的協助，先足夠減低泰利文斯的威脅，今場因為仲維拉的體力問題，到尾段搶迫的強度同速度已經無初段咁強，彭馬如果面對住同樣體力充沛的對手可唔可以做返同樣的入球同防守效率都係一個疑問，但今場的MOTM係彭馬的確無任何問題。
安素：
成功延續上場的表現，交出同樣穩定的演出。
⭕️ 射門機會創造：6*
⭕️ 接應傳球：57
⭕️ 接應前傳：9*
⭕️ 嘗試過人：2 (2)
⭕️ 傳送 (成功)：61 (48)
透過走空位去接應傳送，或者係駁腳傳俾同一邊的辛祖，配合後上的古古尼亞，成個左線因為安素的發揮變得相當完整。同時，安素亦一直係維拉的左線控制住球隊的節奏，適時突入禁區，而今場的入波亦係安素近來進步的表現。
古古尼亞：
好多車迷好誇張，話係古古身上見到A高的影子。講返事實的話，我覺得古古而家仍然係受惠於戰術的球員。
⭕️ 地面對抗：6 (4)⭕️ 鏟斷：4
⭕️ 傳送：117*
⭕️ Second Ball：6
古古尼亞最可怕的地方，莫過於佢的跑動範圍。睇返Heatmap，古古幾乎範蓋左邊中場的大部份空間。
無論係作為閘位阻止對方推進，定係作為防中破壞對方組織，今場的古古尼亞比任何防守球員都要出色。甚至係進攻階段都有後上為隊友製造機會，高強度的搶迫亦成功迫使對手犯錯，製造出第一個入球。
現時車路士會自由俾球員選擇幾時內切去中場幾時維持做邊線，如果返到西班牙，要佢專注防守邊線或者係殺去底線助攻，古古有無本事繼續稱霸左線呢？
卡些度：
今場卡些度狀態繼續火熱，明明位置收深左但仍然造出亮眼的成績。
⭕️ Second Ball：7*
⭕️ 傳入1/3：10*
⭕️ 射門機會創造：4
⭕️ 地面對抗：5 (3)
無論係進退的時機判斷，落腳的決定，後上幫球隊組織的視野，卡些度都有兌現出佢的身價。如果話肥普年代的卡些度需要依靠推前先做出成績，咁馬利斯卡就話俾大家知，卡些度有能力將所有野都做好做滿，根本唔使強行推前。
當進入進攻階段，球隊開始帶波深入對手禁區，卡些度就會自行前推準備接應被清出的Second Ball。而當球隊進入防守階段，卡些度亦會觀察對手的位置決定要留守中路定係退去邊線，同時會配合古古尼亞的位置進行微調，一切順暢到好似呼吸一樣。平均1.57預計入球的維拉今場被壓至只有1.2，多少就係因為有卡些度的存在。
不過理所當然，而家卡些度的踢法要依靠大量的體力，萬一佢傷出，又有無人可以代替到佢呢…相信呢個會變成下半季賽程的隱憂都未定。
總結：
時間同篇幅所限，拉維亞同山齊士今次就先略過，而呢兩位其實係今場都做左好多正確的決定影響左全場的走向。主場可以擊敗維拉亦係今季的一支強心針，黎緊賽程越黎越密，希望球隊可以保持住呢種氣勢。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊