幾乎每兩個星期，就會聽到一次韋利安的新聞，一係話佢又追平左d唔知咩野記錄，一係就話某某人好欣賞佢，上星期佢的訪問更加大大聲話希望可以成為車路士有史以來最偉大的巴西球員。對於無跟開巴西足球的人(包括我)，真心睇到r晒頭：「挑，咪又係幼幼一件，有咩咁巴閉呀。」
所以趁住國際賽期，花左D時間用數據同球評去介紹下呢位備受車路士重視的「超新星」。
===================================
艾斯特禾 韋利安 (Estêvão Willian)
出生日期：2007-04-24
身高：176 cm
位置：右翼鋒
慣用腳：左腳
現況：現屬彭美拉斯，25年7月1日成年後正式加盟車路士
早係今季季初，我就有簡單寫過我地第二位韋利安[簡稱二安]。當時的印象都係流於球評家同尼馬等等的意見，實際睇左差唔多3個月，先開始明白點解球壇會吹奏佢。
之前的文章我都有寫過，二安的必殺技係佢招「Stop-motion dribbling」。暫時係巴甲呢招仍然相當殺煞食：面對後衛的時候先減速，等對手做反應再根據果個動作突破，通常係等對手移動或者改變重心，自己就用假動作或者係小幅度的改變方向去迅速完成過人，成套動作之快，完成度之高令一眾球評家驚訝。
而且佢今年都只係17歲，對於一個未夠經驗的球員黎講，佢的射門觸覺同走位創造可以話係巴西頂級。
數據分析：
如果要抽佢的數據出黎講的話，我會將拆成幾方面去講，下文會順便將同位球員平均值俾大家參考[]：
1) 射門能力：
⭕️ 入球：0.54 [0.27]
⭕️ 預計入球：0.44 [0.25]
⭕️ 射門數：3.53 (1.41) [2.22 (0.79)]
⭕️ 射門距離：20.0碼 [18.71]
⭕️ 把握力(G-xG)：+0.10 [+0.02]
唔講年紀，二安係射門能力上面幾乎拍得住彭馬。兩者之間的差距幾乎就只有自由球同射門距離。
當然，你都會話巴西甲組的水平同英超有差距，但就算將佢全部能力打個八折，二安係數字上仍然足夠壓倒車路士陣中的馬杜基。
2) 傳球：
❌ 傳球數：31.23 (23.72) [37.67 (28.27)]
⭕️ 關鍵傳球：1.91 [1.73]
⭕️ 前傳：3.57 [4.28]
❌ xA：0.16 [0.18]
⭕️ xAG：0.28 [0.19]
xA 係單次傳球的質素指標，而 xAG係累計的貢獻指標，二安場均 xAG 高於 xA，表明佢係進攻階段持續發揮作用，創造了更多射門機會，而唔係有手術刀能力俾到好毒的傳送。因為二安本身係最後一腳的完成者，佢的傳球數相比同位置的球員亦略低，但睇埋佢的關鍵傳球數就明白，二安傳送並非弱到學界都不如。(同時要考慮埋接收傳送的人有無方法送個波入網)
3) 創造/走位：
⭕️ 射門機會創造：5.64
⭕️ 射門機會創造(過人)：1.04
⭕️ 射門機會創造(射門)：0.50
⭕️ 入球機會創造(過人)：0.17
⭕️ 接收前傳：12.44
呢部份幾乎係二安的第二個強項。二安的數據，同彭彭可以話係相輔相成。二安唔係一個產量多的傳送手，但係無球走動，過人射門有相當了得，而彭彭唔係一個突破型攻中，但係小範圍控球轉身，傳球觸覺同射門又有水平，呢樣亦係二安係巴甲成名的原因之一。
彭馬同二安的數據比較
想像下，如果右邊球員每次走位都走得好靚擺脫一個對手，再靠自己盤過最後一個中堅，射門射到彭馬咁款。呢個就係二安係彭美拉斯做緊的野。
馬杜基對二安
4) 控球：
❌ 控失：3.44
❌ 失去球權：2.32
⭕️ 前帶次數：5.47
上面講左二安的入球方程式係過人，咁其他部份呢？ 實際上二安其中一個弱項係場上形勢判斷 (Vision)。無判斷形勢，過多失去球權，間中自己控失兩樣都係佢的問題所在，但係考慮到佢帶波次數之多，同佢失去控球的次數相比又的確唔算係一回事。
如果下年真係要登陸英超，對手的身形同應對都會比係巴甲更加強壯同穩健，如果二安的過人手段唔再有效，佢要點樣進步又會變成下一個課題。
因為彭美拉斯無特別要求二安回防的關係，抽出防守數據出黎感覺都無乜太大的參考價值，同位置的馬杜基係車路士就參與左好多防守的工作，可能呢部份對二安黎講都會係一個好大的挑戰。
再打落去，就會變成將二安同馬杜基，尼圖等等的右翼球員做實際的比較，因為會令篇幅過長的關係，下次有機會再講。好多人都話巴西球員去英超無乜邊個有好下場，黎緊二安將會係聖誕節去倫敦同車路士一隊球員一齊訓練，而且國家隊的賽事都會俾佢參加，佢可唔可以習慣歐洲的生活同英超的風格，應該會係二安最大的難關。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
所以趁住國際賽期，花左D時間用數據同球評去介紹下呢位備受車路士重視的「超新星」。
===================================
艾斯特禾 韋利安 (Estêvão Willian)
出生日期：2007-04-24
身高：176 cm
位置：右翼鋒
慣用腳：左腳
現況：現屬彭美拉斯，25年7月1日成年後正式加盟車路士
早係今季季初，我就有簡單寫過我地第二位韋利安[簡稱二安]。當時的印象都係流於球評家同尼馬等等的意見，實際睇左差唔多3個月，先開始明白點解球壇會吹奏佢。
之前的文章我都有寫過，二安的必殺技係佢招「Stop-motion dribbling」。暫時係巴甲呢招仍然相當殺煞食：面對後衛的時候先減速，等對手做反應再根據果個動作突破，通常係等對手移動或者改變重心，自己就用假動作或者係小幅度的改變方向去迅速完成過人，成套動作之快，完成度之高令一眾球評家驚訝。
而且佢今年都只係17歲，對於一個未夠經驗的球員黎講，佢的射門觸覺同走位創造可以話係巴西頂級。
數據分析：
如果要抽佢的數據出黎講的話，我會將拆成幾方面去講，下文會順便將同位球員平均值俾大家參考[]：
1) 射門能力：
⭕️ 入球：0.54 [0.27]
⭕️ 預計入球：0.44 [0.25]
⭕️ 射門數：3.53 (1.41) [2.22 (0.79)]
⭕️ 射門距離：20.0碼 [18.71]
⭕️ 把握力(G-xG)：+0.10 [+0.02]
唔講年紀，二安係射門能力上面幾乎拍得住彭馬。兩者之間的差距幾乎就只有自由球同射門距離。
當然，你都會話巴西甲組的水平同英超有差距，但就算將佢全部能力打個八折，二安係數字上仍然足夠壓倒車路士陣中的馬杜基。
2) 傳球：
❌ 傳球數：31.23 (23.72) [37.67 (28.27)]
⭕️ 關鍵傳球：1.91 [1.73]
⭕️ 前傳：3.57 [4.28]
❌ xA：0.16 [0.18]
⭕️ xAG：0.28 [0.19]
xA 係單次傳球的質素指標，而 xAG係累計的貢獻指標，二安場均 xAG 高於 xA，表明佢係進攻階段持續發揮作用，創造了更多射門機會，而唔係有手術刀能力俾到好毒的傳送。因為二安本身係最後一腳的完成者，佢的傳球數相比同位置的球員亦略低，但睇埋佢的關鍵傳球數就明白，二安傳送並非弱到學界都不如。(同時要考慮埋接收傳送的人有無方法送個波入網)
3) 創造/走位：
⭕️ 射門機會創造：5.64
⭕️ 射門機會創造(過人)：1.04
⭕️ 射門機會創造(射門)：0.50
⭕️ 入球機會創造(過人)：0.17
⭕️ 接收前傳：12.44
呢部份幾乎係二安的第二個強項。二安的數據，同彭彭可以話係相輔相成。二安唔係一個產量多的傳送手，但係無球走動，過人射門有相當了得，而彭彭唔係一個突破型攻中，但係小範圍控球轉身，傳球觸覺同射門又有水平，呢樣亦係二安係巴甲成名的原因之一。
彭馬同二安的數據比較
想像下，如果右邊球員每次走位都走得好靚擺脫一個對手，再靠自己盤過最後一個中堅，射門射到彭馬咁款。呢個就係二安係彭美拉斯做緊的野。
馬杜基對二安
4) 控球：
❌ 控失：3.44
❌ 失去球權：2.32
⭕️ 前帶次數：5.47
上面講左二安的入球方程式係過人，咁其他部份呢？ 實際上二安其中一個弱項係場上形勢判斷 (Vision)。無判斷形勢，過多失去球權，間中自己控失兩樣都係佢的問題所在，但係考慮到佢帶波次數之多，同佢失去控球的次數相比又的確唔算係一回事。
如果下年真係要登陸英超，對手的身形同應對都會比係巴甲更加強壯同穩健，如果二安的過人手段唔再有效，佢要點樣進步又會變成下一個課題。
因為彭美拉斯無特別要求二安回防的關係，抽出防守數據出黎感覺都無乜太大的參考價值，同位置的馬杜基係車路士就參與左好多防守的工作，可能呢部份對二安黎講都會係一個好大的挑戰。
再打落去，就會變成將二安同馬杜基，尼圖等等的右翼球員做實際的比較，因為會令篇幅過長的關係，下次有機會再講。好多人都話巴西球員去英超無乜邊個有好下場，黎緊二安將會係聖誕節去倫敦同車路士一隊球員一齊訓練，而且國家隊的賽事都會俾佢參加，佢可唔可以習慣歐洲的生活同英超的風格，應該會係二安最大的難關。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊