開季之前，有同大家分享過馬蛇(馬利斯卡)的戰術體系。而家英超的賽事已經差唔多踢左四分一，又遇上國際賽期，正好可以用呢7場的數據回顧同分析一下開季前同開季後戰術有無改變。
自21/22年球季之後，車路士已經好幾年都無係開季頭幾場表現咁出色。車路士雖然睇落有100人大軍，不過實際用緊的球員仍然係果堆，默契上就已經比肥普上任的時候好得多。
先回顧一下馬蛇的戰術理念，係季前我已經有詳細寫過，可以參考：
【數據分析】車路士都有個光頭 馬利斯卡會點踢呢？
整體上我會分為4點：
1) 控球，馬蛇希望球隊係比賽的大部分時間裡都能控制球權。由龍門開始發動攻勢，龍門都會變成中堅體系的一部份去協助球隊控球。
2) 拉開寬度，通過兩閘的跑位同傳球，拉扯對手的防線，為進攻球員創造空間。
3) 人數優勢，Attack Third透過Box Midfielder+內切的閘去Overload對手防線；防守的時候藉由前鋒回後係中場創造人數優勢。
4) 靈活走位，簡稱執生。
就咁睇，而家馬蛇的確係車路士貫徹左佢的足球理念，以上四點都做足做齊，但係執行上就同佢係李城時有差距。
1) 門將角色：
上季的李城，門將靴馬臣個中距離傳球數字可以話係嚇死你，門將英冠門將入面排行第一，達1004次，拋離第二位的Illan Meslier差唔多50次，如果加埋短傳的數字差距就更大，場均短傳/中傳分別係13.0次同22.8次。反觀山齊士，佢唔派膠已經要劏雞還神，場均短傳/中傳次數只有7.71同21.7次，兩者都不及上年的靴馬臣。所以，馬蛇對車路士的第一樣就係調整山齊士的位置，唔要求佢推上扮中堅，盡量將佢收係中堅後面，透過兩者的Heatmap就可以睇到企位的分別。
2) 防線佈置：
本身李城的戰術，因為有門將推上半格做連接，所以其中一隻中堅都順理成章地移前半格，一邊閘位內切之後，整體防線變成1+1+1(門將+中堅+閘)的3人組合。中場線原本的正防中變成專職掃蕩，身後會有中堅同閘補位，形成1+2的三角形陣式。
但因為門將能力所限，防線佈置就由1+1+1改成今季的2+1(2中堅+1閘)。中場的第一道防線人數都由1+2減成1+1(防中+閘)。但防中的角色同最初的理念無太大的分別，繼續以Box Midfielder的方式同另一個中場配合。
原先的構想：
實際的企位：
3) 閘位角色：
左右閘可以根據實際情況自由進入中場係本身的戰術設定，實際上閘位唔止係作為Inverted Fullback進入中場，今季古斯度的走位上會同前場的彭馬互換。當彭馬吸引對手的中場，古斯度就會殺上前場填返空位，睇返Heatmap就會明顯見到古斯度同彭馬各自出現係對方的領域之中。雖然暫時未見到古斯度係接近禁區的位置有造成威脅，但呢種走法並未有出現係李城戰術之中。
4) 迷失的安素(8號)：
係原先的配置下，安素或者係賀爾都應該係作為中場的另一個核心，同時兼顧進攻同第一點防守的工作。如果要詳細講的話甚至可以開多一篇完整的文章分析，但而家的安素無論係攻守方面都遠遠不如當初的設想，創造力亦唔及右線的彭馬，曾經係李城發光發熱的賀爾，今季係車路士的表現都係類似，到底係佢地踢唔出馬蛇的戰術，定係馬蛇對於佢地的定位仲未清晰呢？
不過，安素的數據都唔係一面倒的退步，佢仍然保持到機會創造同防守數字，而且要遷就彭馬有球權下，8號位要點踢的確要再思考一下。
黎緊的賽程相當之密，要係21日內踢7場比賽，除左要考慮球員的體力同受傷風險，又要兼顧AB兩隊會唔會失去默契。要判斷而家的車路士係咪虛火，除左數據，最實際都係睇下11月尾車路士踢成點。
========================================
Facebook Page已經開咗啦！如果鍾意我的文章可以入黎按個讚！
車迷狗up天地
https://www.facebook.com/profile.php?id=61566593983419
自21/22年球季之後，車路士已經好幾年都無係開季頭幾場表現咁出色。車路士雖然睇落有100人大軍，不過實際用緊的球員仍然係果堆，默契上就已經比肥普上任的時候好得多。
先回顧一下馬蛇的戰術理念，係季前我已經有詳細寫過，可以參考：
【數據分析】車路士都有個光頭 馬利斯卡會點踢呢？
整體上我會分為4點：
1) 控球，馬蛇希望球隊係比賽的大部分時間裡都能控制球權。由龍門開始發動攻勢，龍門都會變成中堅體系的一部份去協助球隊控球。
2) 拉開寬度，通過兩閘的跑位同傳球，拉扯對手的防線，為進攻球員創造空間。
3) 人數優勢，Attack Third透過Box Midfielder+內切的閘去Overload對手防線；防守的時候藉由前鋒回後係中場創造人數優勢。
4) 靈活走位，簡稱執生。
就咁睇，而家馬蛇的確係車路士貫徹左佢的足球理念，以上四點都做足做齊，但係執行上就同佢係李城時有差距。
1) 門將角色：
上季的李城，門將靴馬臣個中距離傳球數字可以話係嚇死你，門將英冠門將入面排行第一，達1004次，拋離第二位的Illan Meslier差唔多50次，如果加埋短傳的數字差距就更大，場均短傳/中傳分別係13.0次同22.8次。反觀山齊士，佢唔派膠已經要劏雞還神，場均短傳/中傳次數只有7.71同21.7次，兩者都不及上年的靴馬臣。所以，馬蛇對車路士的第一樣就係調整山齊士的位置，唔要求佢推上扮中堅，盡量將佢收係中堅後面，透過兩者的Heatmap就可以睇到企位的分別。
2) 防線佈置：
本身李城的戰術，因為有門將推上半格做連接，所以其中一隻中堅都順理成章地移前半格，一邊閘位內切之後，整體防線變成1+1+1(門將+中堅+閘)的3人組合。中場線原本的正防中變成專職掃蕩，身後會有中堅同閘補位，形成1+2的三角形陣式。
但因為門將能力所限，防線佈置就由1+1+1改成今季的2+1(2中堅+1閘)。中場的第一道防線人數都由1+2減成1+1(防中+閘)。但防中的角色同最初的理念無太大的分別，繼續以Box Midfielder的方式同另一個中場配合。
原先的構想：
實際的企位：
3) 閘位角色：
左右閘可以根據實際情況自由進入中場係本身的戰術設定，實際上閘位唔止係作為Inverted Fullback進入中場，今季古斯度的走位上會同前場的彭馬互換。當彭馬吸引對手的中場，古斯度就會殺上前場填返空位，睇返Heatmap就會明顯見到古斯度同彭馬各自出現係對方的領域之中。雖然暫時未見到古斯度係接近禁區的位置有造成威脅，但呢種走法並未有出現係李城戰術之中。
4) 迷失的安素(8號)：
係原先的配置下，安素或者係賀爾都應該係作為中場的另一個核心，同時兼顧進攻同第一點防守的工作。如果要詳細講的話甚至可以開多一篇完整的文章分析，但而家的安素無論係攻守方面都遠遠不如當初的設想，創造力亦唔及右線的彭馬，曾經係李城發光發熱的賀爾，今季係車路士的表現都係類似，到底係佢地踢唔出馬蛇的戰術，定係馬蛇對於佢地的定位仲未清晰呢？
不過，安素的數據都唔係一面倒的退步，佢仍然保持到機會創造同防守數字，而且要遷就彭馬有球權下，8號位要點踢的確要再思考一下。
黎緊的賽程相當之密，要係21日內踢7場比賽，除左要考慮球員的體力同受傷風險，又要兼顧AB兩隊會唔會失去默契。要判斷而家的車路士係咪虛火，除左數據，最實際都係睇下11月尾車路士踢成點。
========================================
Facebook Page已經開咗啦！如果鍾意我的文章可以入黎按個讚！
車迷狗up天地
https://www.facebook.com/profile.php?id=61566593983419
請按此登錄後留言。未成為會員? 立即註冊