今年夏天車路士的球探部可以話係十分之忙。除左忙住賣人之外，仲有忙著擴建佢地的100人大軍。
但唔係每一個都成功買到，近來就開始有人討論車路士球探部的成果，所以我都順應下潮流，整理一下車路士球探今年觀察過咩前線的人，而佢地又有咩表現。
Victor Osimhen
位置：前鋒
球隊：加拉塔沙雷(外借)
入球：2
助攻：3
SofaScore評分：7.77
如果要數今季車路士轉會部門出得最多力的球員，就一定係奧士文。由幾年前開始就已經同車路士眉來眼去，偏偏上年同拿玻里續約，托高左自己的身價，最後又慘糟經理人同球會背叛，去車去沙特都唔成功，仲要俾盧卡古搶走自己個Locker位，好彩最後外借去左加拉塔沙雷，先唔使落得洗廁所半季的命運。
去左加拉塔沙雷之後，可能真係聯賽的防守同企位唔同，好快就已經係比賽入面搵到自己入波的方法。踢法上無乜大的轉變，但係把握力仍然未返到去自己的全盛期。射門轉化率都只係勉勉強強踩住條合格線，傳波果邊就直頭係滿堂紅。
同樣的踢法對住英超咁硬淨的防守又Work唔Work呢？再加上，奧士文本身都唔係腳下功夫了得的前鋒，粗糙的踢法可能會令佢登陸英超之旅遇上障礙都未定。至於上車的事，車路士多少要求前鋒有傳波駁腳能力，奧士文係呢一點上睇黎就…
Jonathan David
位置：前鋒
球隊：里爾
入球：5
助攻：0
SofaScore評分：7.26
今季車路士另一個有派球探觀察的球員，今季佢的射門數據可以話係靚仔到不行。無論係把握力，預期入球數，射門轉化率都名列歐洲前茅。除左稍為欠缺傳波視野同高空優勢之外，David幾乎具備晒積臣有的野，而且係把握力好的版本，好難怪車路士夏天會走去派人觀察佢ge。
但係大衛睇落係需要上陣時間磨練自己的球員，車路士陣中已經有積臣同安宮古，同類型的球員互相競爭都不見得會對大家有咩好處，可能呢個就係當時車路士無繼續追落去的原因都唔定。
Samu Omorodion
位置：前鋒
球隊：波圖
入球：4
助攻：0
SofaScore評分：7.4
好接近加盟車路士的球員，當初的計劃係用佢同加拉加交換，但埋門果腳車仔話佢體檢有問題，想轉成收購球員一半擁有權，馬體會見你咁樣玩野就當然彈你鐘，中止交易，仲差少少搞到加拉加轉會失敗。最後Samu用靚價加盟波圖，去到波圖的Samu著起件9號波衫，傷就見唔到，但踢到成個巴哥咁款。
聯賽5場比賽入4球，如果計埋歐洲賽同本土賽就已經有7球，話佢係多產前鋒都無問題。不過除左入球能力之外，其他方面就真係仲有好多成長的空間。特別係傳波同盤控技術上，Samu真係完全唔合格，距離佢成為頂級前鋒仲要好多好多磨練同實戰經驗。
如果佢可以保持到繼續入球同持續進步的話，以波圖的交易能力，相信唔止會吸引到車路士，其他球會都會有興趣帶佢返屋企，到時車路士可能會後悔自己錯過左一個有潛力的前鋒都唔定。
Jhon Durán
位置：前鋒
球隊：阿士東維拉
入球：6
助攻：0
SofaScore評分：6.9
今個夏天，杜蘭算係第一個同車路士扯上關係的前鋒。其中一個原因係佢年紀細把握力好。當時維拉為杜蘭標值40m，車路士呢邊就嫌佢太貴，本身想用Datro Fofana作為交易的一部份，但維拉都無興趣傾落去，整單交易告吹。
係維拉的杜蘭，本身都唔係正選前鋒，上季35場比賽只有9場正選上陣，艾馬利用佢的目的都好明顯，正選人腳不斷衝擊對方防線，消耗對方體力，係下半場再換入杜蘭用體力同射術創造機會。呢種踢法正好符合杜蘭的風格，所以上年已經成功收穫到7個入球。今年習慣左呢種踢法之後就更加發揮出後備殺手的實力，10場比賽入左6球，去到賽尾，相信入球數字突破雙位數唔會係難事。
不過上車就未必一定啱佢，首先係杜蘭而家仲要依賴隊友，係維拉佢唔太需要負上傳波的責任，場均傳波數只有21.63次，同奧士文果時講的一樣，車路士要求前鋒墮後駁腳，杜蘭是否能否勝任會係一個問題。其次係，車路士的踢法上無維拉咁進取同體力化，對手消耗相對較低，換入杜蘭發唔發揮到後備殺手的威力會係另一個問題。
Michael Olise
位置：翼鋒
球隊：拜仁慕尼黑
入球：6
助攻：3
SofaScore評分：7.78
今年6月，車路士曾經聯絡過水晶宮，同時提出左一份車路士覺得最有力的報價。當時的傳聞話，車路士的報價未能滿足到水晶宮同球員本人，不過仍然同水晶宮方面保持住友好的關係。最後，奧利斯轉會拜仁，今季已經為拜仁提供左6個入波3個助攻(有記者影到佢係開波前睇車路士的比賽，哦！仲唔俾我捉到你！？)
應該無乜球迷會質疑奧利斯的能力，畢竟佢係水晶宮連續3季都有雙位數字的貢獻(入球+助攻)。要傳有傳，要射有射，要扭有扭，要速度有速度，除左有少少傷患問題，奧利斯全面的能力的確係每一隊都想要，亦好難怪佢會吸引到各大球會的青睞。
今季佢仍然保持到自己的入球助攻能力，今年先22歲的佢，可能好快就會係國際舞台大放異彩。至於車路士，同位置已經有馬杜基，又有新加盟的尼圖，下年仲有巴西妖人韋利安。奧利斯同車路士，睇怕都係有緣無份。
但唔係每一個都成功買到，近來就開始有人討論車路士球探部的成果，所以我都順應下潮流，整理一下車路士球探今年觀察過咩前線的人，而佢地又有咩表現。
Victor Osimhen
位置：前鋒
球隊：加拉塔沙雷(外借)
入球：2
助攻：3
SofaScore評分：7.77
如果要數今季車路士轉會部門出得最多力的球員，就一定係奧士文。由幾年前開始就已經同車路士眉來眼去，偏偏上年同拿玻里續約，托高左自己的身價，最後又慘糟經理人同球會背叛，去車去沙特都唔成功，仲要俾盧卡古搶走自己個Locker位，好彩最後外借去左加拉塔沙雷，先唔使落得洗廁所半季的命運。
去左加拉塔沙雷之後，可能真係聯賽的防守同企位唔同，好快就已經係比賽入面搵到自己入波的方法。踢法上無乜大的轉變，但係把握力仍然未返到去自己的全盛期。射門轉化率都只係勉勉強強踩住條合格線，傳波果邊就直頭係滿堂紅。
同樣的踢法對住英超咁硬淨的防守又Work唔Work呢？再加上，奧士文本身都唔係腳下功夫了得的前鋒，粗糙的踢法可能會令佢登陸英超之旅遇上障礙都未定。至於上車的事，車路士多少要求前鋒有傳波駁腳能力，奧士文係呢一點上睇黎就…
Jonathan David
位置：前鋒
球隊：里爾
入球：5
助攻：0
SofaScore評分：7.26
今季車路士另一個有派球探觀察的球員，今季佢的射門數據可以話係靚仔到不行。無論係把握力，預期入球數，射門轉化率都名列歐洲前茅。除左稍為欠缺傳波視野同高空優勢之外，David幾乎具備晒積臣有的野，而且係把握力好的版本，好難怪車路士夏天會走去派人觀察佢ge。
但係大衛睇落係需要上陣時間磨練自己的球員，車路士陣中已經有積臣同安宮古，同類型的球員互相競爭都不見得會對大家有咩好處，可能呢個就係當時車路士無繼續追落去的原因都唔定。
Samu Omorodion
位置：前鋒
球隊：波圖
入球：4
助攻：0
SofaScore評分：7.4
好接近加盟車路士的球員，當初的計劃係用佢同加拉加交換，但埋門果腳車仔話佢體檢有問題，想轉成收購球員一半擁有權，馬體會見你咁樣玩野就當然彈你鐘，中止交易，仲差少少搞到加拉加轉會失敗。最後Samu用靚價加盟波圖，去到波圖的Samu著起件9號波衫，傷就見唔到，但踢到成個巴哥咁款。
聯賽5場比賽入4球，如果計埋歐洲賽同本土賽就已經有7球，話佢係多產前鋒都無問題。不過除左入球能力之外，其他方面就真係仲有好多成長的空間。特別係傳波同盤控技術上，Samu真係完全唔合格，距離佢成為頂級前鋒仲要好多好多磨練同實戰經驗。
如果佢可以保持到繼續入球同持續進步的話，以波圖的交易能力，相信唔止會吸引到車路士，其他球會都會有興趣帶佢返屋企，到時車路士可能會後悔自己錯過左一個有潛力的前鋒都唔定。
Jhon Durán
位置：前鋒
球隊：阿士東維拉
入球：6
助攻：0
SofaScore評分：6.9
今個夏天，杜蘭算係第一個同車路士扯上關係的前鋒。其中一個原因係佢年紀細把握力好。當時維拉為杜蘭標值40m，車路士呢邊就嫌佢太貴，本身想用Datro Fofana作為交易的一部份，但維拉都無興趣傾落去，整單交易告吹。
係維拉的杜蘭，本身都唔係正選前鋒，上季35場比賽只有9場正選上陣，艾馬利用佢的目的都好明顯，正選人腳不斷衝擊對方防線，消耗對方體力，係下半場再換入杜蘭用體力同射術創造機會。呢種踢法正好符合杜蘭的風格，所以上年已經成功收穫到7個入球。今年習慣左呢種踢法之後就更加發揮出後備殺手的實力，10場比賽入左6球，去到賽尾，相信入球數字突破雙位數唔會係難事。
不過上車就未必一定啱佢，首先係杜蘭而家仲要依賴隊友，係維拉佢唔太需要負上傳波的責任，場均傳波數只有21.63次，同奧士文果時講的一樣，車路士要求前鋒墮後駁腳，杜蘭是否能否勝任會係一個問題。其次係，車路士的踢法上無維拉咁進取同體力化，對手消耗相對較低，換入杜蘭發唔發揮到後備殺手的威力會係另一個問題。
Michael Olise
位置：翼鋒
球隊：拜仁慕尼黑
入球：6
助攻：3
SofaScore評分：7.78
今年6月，車路士曾經聯絡過水晶宮，同時提出左一份車路士覺得最有力的報價。當時的傳聞話，車路士的報價未能滿足到水晶宮同球員本人，不過仍然同水晶宮方面保持住友好的關係。最後，奧利斯轉會拜仁，今季已經為拜仁提供左6個入波3個助攻(有記者影到佢係開波前睇車路士的比賽，哦！仲唔俾我捉到你！？)
應該無乜球迷會質疑奧利斯的能力，畢竟佢係水晶宮連續3季都有雙位數字的貢獻(入球+助攻)。要傳有傳，要射有射，要扭有扭，要速度有速度，除左有少少傷患問題，奧利斯全面的能力的確係每一隊都想要，亦好難怪佢會吸引到各大球會的青睞。
今季佢仍然保持到自己的入球助攻能力，今年先22歲的佢，可能好快就會係國際舞台大放異彩。至於車路士，同位置已經有馬杜基，又有新加盟的尼圖，下年仲有巴西妖人韋利安。奧利斯同車路士，睇怕都係有緣無份。
請按此登錄後留言。未成為會員? 立即註冊