轉會窗塵埃落定，要賣要借的人都已經定晒落黎，但今季其實車路士有好多個外借的新星相當搶眼，寫外借報告之前，不妨先睇下呢D人名有無邊個唔識的，加深下印象？黎緊今季有時間都會關注下以下的車路士外借球員。
1) 安德里 山度士 (Andrey Santos)
位置：全能型中場
外借：史特拉斯堡
山度士係巴西的U20國家隊隊長，2023年的時候就已經吸引左好多豪門包括PSG同皇馬的注目。作為全能型中場的佢能攻能守，出色的體能同戰術智商都係佢的賣點。
各大球評都形容佢攻守出色，作為中場中佢有能力透過後上入侵禁區得分，活動範圍廣闊而且有制空能力，上季就贏得71.4%的空中爭頂。
大隻還大隻，年輕球員的問題仍然係佢身上表露無遺。面對高壓逼搶的時候，佢的傳球選擇就稍微顯得笨拙，特別係中場的組織階段，佢接應隊友的傳送之後過於依賴回傳，間接就打亂左球隊的進攻節奏。
2) 彭達斯 (Mike Penders)
位置：門將
外借：亨克
被譽為新古圖斯的彭達斯，好似命中注定要加盟車路士咁。身高達2米，今年只有19歲的佢已經係亨克B隊的正選門將。2023年更加被調上A隊(雖然只係坐係後備席)。
不過除左身高之外，就無見到有關於佢的詳細球評。唯一知道的就係佢應付高波的能力唔錯，亦有唔錯的傳波能力。但呢d能力足唔足夠令佢立足於車路士呢？就睇下今季會唔會有更多的數據俾佢證明自己。
3) 阿菲 基卓斯 (Alfie Gilchrist)
位置：中堅
外借：錫菲聯
基卓斯上年已經係車路士一隊上陣而且入波，11歲就加入車路士的青訓營，而且成為左球隊U18同U23的隊長，作為新一代的青訓代表，佢係不同比賽中都展現了卓越的實力與穩定表現。
上季有留意佢的話，相信都會見到佢硬淨的防守風格。唔錯的攔截能力加上冷靜的頭腦，一對一的防守表現唔錯之餘，又有領導能力。上季已經備受注目，今季就外借去錫菲聯爭取更多上陣時間。
然而，相對於強項，佢的弱項就顯得有少少難以融入而家的車路士。壓迫下傳球的決定同First Touch的表現都相對較弱，而且缺乏後場長傳的能力，如果要加入馬蛇的傳控體系，恐怕仲要更多磨練。
4) 艾朗 安瑟米路 (Aarón Anselmino)
位置：中堅
外借：小保加
新晉阿根廷妖人中堅，上季已經吸引左包括曼聯在內的唔同大會的興趣。最後佢以17M的價錢加入左車路士，再借返去小保加直至下年。小保加的主席直頭用：「The great jewel of Boca」去形容佢。
作為一個可以左右腳並用的中堅，安瑟米路可以話係相當全面。能傳能頂，有速度有定點球，可以後上踢埋防中，守備範圍大又擅長應付一對一的防守。就係呢D能力令車路士不惜一切都想得到佢。
弱項方面，安瑟米路被評價為過於依賴右腳，間中就係因為咁樣而被對方搶走控球，佢亦唔算係好擅長面對對手的搶逼壓力。更大的問題在於佢的傷病記錄，今年19歲但已經有3次遇上腳筋的傷患，加入身體對抗更加強烈的英超會唔會令佢變成車路士文員部的新秀呢。
5) 簡迪 柏艾斯 (Kendry Páez)
位置：攻中
外借：(厄瓜多爾球會) 山谷獨立
今年先17歲的柏艾斯破左瓦瓜多爾最年輕入選國家隊記錄，作為卡些度的隊友，近來最大的新聞就係未成年的佢跟國家隊隊友入夜店……
排除球場外的花邊新聞，佢的能力可以話係令人印象深刻。有速度同有盤帶技術，擅於利用快速轉向Fake過對手，習慣踢高位搶逼的佢亦有良好的視野同傳球技術，為隊友創造出唔少的射門機會。
潛力還潛力，佢要改進的地方都有唔少。第一樣係佢遠射的能力仲有待提高。作為攻中的佢後上係禁區邊起腳的畫面見唔少，但係成功率就唔算高。加上佢係依靠速度同腳下功夫去搵食的球員，失去球權次數之多都係佢的弱項。
6) 艾斯特禾 韋利安 (Estêvão Willian)
位置：右翼鋒
外借：彭美拉斯
早排尼馬接受訪問的時候，就有談及呢位新韋利安，尼馬形容佢為巴西的超新星，傳媒都用「美斯甸奴」呢個名去表達出佢的天賦。係彭美拉斯佢習慣踢右路，但同時佢有能力係中路發揮作用。
要寫佢的話，就一定要提及佢的「Stop-motion dribbling」。面對對手後衛的時候減速，等對手做反應再根據果個動作去做相應的突破，多數係等待對手移動或者改變重心，自己就用假動作或者係小幅度的改變方向去迅速完成過人，簡單講，就係當年金章韋利安係車路士踢法的完美版。除左呢招之外，新韋利安係控球，傳送仲有射門方面的觸覺都好好，算係呢個年齡入面最好的一批。
唯一的問題就係佢會過度專注於進攻而忽略左防守的責任，等別係丟失球權的問題上仍然顯得幼嫩，比起一早就係歐洲打滾的球員，新韋利安係西巴都無遇上幾多強硬的對手，要花幾多時間適應歐洲風格，相信會係另一個難題。
7) 里奧 卡素甸 (Leo Castledine)
位置：前鋒
外借：士魯斯柏立鎮
如果問車路士名宿，邊個係青訓入面最期待的球員，卡素甸可能會係其中一個出現的名。唔止係青訓教練的泰利，包括林伯特同艾殊利高爾在內的前車球員都係咁講。
卡素甸14歲加入車路士，一直交出超乎年齡的成熟表現，作為一個中場b2b球員，無論係攻定守都好出色，包括左中場的攔截能力，面對高壓搶迫的冷靜，仲有後上入球的能力，呢幾種類似加拉加同曼治的風格都係卡素甸受青睞的原因之一。
根據U21教練之前的訪問，卡素甸的弱項在於控制節奏，選擇快攻定係減慢節奏的決定上唔夠謹慎而且花好多時間，傳球穩定性同更多細微的處理都係弱項之一。
8) 烏高卓古 (Ugochukwu)
位置：防中
外借：修咸頓
烏高卓古會俾車路士睇中，多少係因為佢作為防中的表現突出，能夠係壓力下保持冷靜並作出精確的傳球。上季為車路士上陣的時候已經證明自己的潛力。
烏高卓古的強項在於佢在防守對抗中的身體優勢和廣域的範圍覆蓋。在受壓下仍然可以穩定傳送算係其中一個賣點，簡單講就係未成熟的簡迪。
缺點同弱項方面，第一樣係面對防守反擊時經驗不足，走位錯誤令對手係中場中路有好多空間。同時，他係進攻時的表現有時過於謹慎，作為防中缺乏進攻的積極性。呢兩個都係車路士想外借佢的原因。
今季係修咸頓，預計會作為唐尼的後備繼續擔任防中，但到底有幾多時間俾到佢，又係另一回事啦。
1) 安德里 山度士 (Andrey Santos)
位置：全能型中場
外借：史特拉斯堡
山度士係巴西的U20國家隊隊長，2023年的時候就已經吸引左好多豪門包括PSG同皇馬的注目。作為全能型中場的佢能攻能守，出色的體能同戰術智商都係佢的賣點。
各大球評都形容佢攻守出色，作為中場中佢有能力透過後上入侵禁區得分，活動範圍廣闊而且有制空能力，上季就贏得71.4%的空中爭頂。
大隻還大隻，年輕球員的問題仍然係佢身上表露無遺。面對高壓逼搶的時候，佢的傳球選擇就稍微顯得笨拙，特別係中場的組織階段，佢接應隊友的傳送之後過於依賴回傳，間接就打亂左球隊的進攻節奏。
2) 彭達斯 (Mike Penders)
位置：門將
外借：亨克
被譽為新古圖斯的彭達斯，好似命中注定要加盟車路士咁。身高達2米，今年只有19歲的佢已經係亨克B隊的正選門將。2023年更加被調上A隊(雖然只係坐係後備席)。
不過除左身高之外，就無見到有關於佢的詳細球評。唯一知道的就係佢應付高波的能力唔錯，亦有唔錯的傳波能力。但呢d能力足唔足夠令佢立足於車路士呢？就睇下今季會唔會有更多的數據俾佢證明自己。
3) 阿菲 基卓斯 (Alfie Gilchrist)
位置：中堅
外借：錫菲聯
基卓斯上年已經係車路士一隊上陣而且入波，11歲就加入車路士的青訓營，而且成為左球隊U18同U23的隊長，作為新一代的青訓代表，佢係不同比賽中都展現了卓越的實力與穩定表現。
上季有留意佢的話，相信都會見到佢硬淨的防守風格。唔錯的攔截能力加上冷靜的頭腦，一對一的防守表現唔錯之餘，又有領導能力。上季已經備受注目，今季就外借去錫菲聯爭取更多上陣時間。
然而，相對於強項，佢的弱項就顯得有少少難以融入而家的車路士。壓迫下傳球的決定同First Touch的表現都相對較弱，而且缺乏後場長傳的能力，如果要加入馬蛇的傳控體系，恐怕仲要更多磨練。
4) 艾朗 安瑟米路 (Aarón Anselmino)
位置：中堅
外借：小保加
新晉阿根廷妖人中堅，上季已經吸引左包括曼聯在內的唔同大會的興趣。最後佢以17M的價錢加入左車路士，再借返去小保加直至下年。小保加的主席直頭用：「The great jewel of Boca」去形容佢。
作為一個可以左右腳並用的中堅，安瑟米路可以話係相當全面。能傳能頂，有速度有定點球，可以後上踢埋防中，守備範圍大又擅長應付一對一的防守。就係呢D能力令車路士不惜一切都想得到佢。
弱項方面，安瑟米路被評價為過於依賴右腳，間中就係因為咁樣而被對方搶走控球，佢亦唔算係好擅長面對對手的搶逼壓力。更大的問題在於佢的傷病記錄，今年19歲但已經有3次遇上腳筋的傷患，加入身體對抗更加強烈的英超會唔會令佢變成車路士文員部的新秀呢。
5) 簡迪 柏艾斯 (Kendry Páez)
位置：攻中
外借：(厄瓜多爾球會) 山谷獨立
今年先17歲的柏艾斯破左瓦瓜多爾最年輕入選國家隊記錄，作為卡些度的隊友，近來最大的新聞就係未成年的佢跟國家隊隊友入夜店……
排除球場外的花邊新聞，佢的能力可以話係令人印象深刻。有速度同有盤帶技術，擅於利用快速轉向Fake過對手，習慣踢高位搶逼的佢亦有良好的視野同傳球技術，為隊友創造出唔少的射門機會。
潛力還潛力，佢要改進的地方都有唔少。第一樣係佢遠射的能力仲有待提高。作為攻中的佢後上係禁區邊起腳的畫面見唔少，但係成功率就唔算高。加上佢係依靠速度同腳下功夫去搵食的球員，失去球權次數之多都係佢的弱項。
6) 艾斯特禾 韋利安 (Estêvão Willian)
位置：右翼鋒
外借：彭美拉斯
早排尼馬接受訪問的時候，就有談及呢位新韋利安，尼馬形容佢為巴西的超新星，傳媒都用「美斯甸奴」呢個名去表達出佢的天賦。係彭美拉斯佢習慣踢右路，但同時佢有能力係中路發揮作用。
要寫佢的話，就一定要提及佢的「Stop-motion dribbling」。面對對手後衛的時候減速，等對手做反應再根據果個動作去做相應的突破，多數係等待對手移動或者改變重心，自己就用假動作或者係小幅度的改變方向去迅速完成過人，簡單講，就係當年金章韋利安係車路士踢法的完美版。除左呢招之外，新韋利安係控球，傳送仲有射門方面的觸覺都好好，算係呢個年齡入面最好的一批。
唯一的問題就係佢會過度專注於進攻而忽略左防守的責任，等別係丟失球權的問題上仍然顯得幼嫩，比起一早就係歐洲打滾的球員，新韋利安係西巴都無遇上幾多強硬的對手，要花幾多時間適應歐洲風格，相信會係另一個難題。
7) 里奧 卡素甸 (Leo Castledine)
位置：前鋒
外借：士魯斯柏立鎮
如果問車路士名宿，邊個係青訓入面最期待的球員，卡素甸可能會係其中一個出現的名。唔止係青訓教練的泰利，包括林伯特同艾殊利高爾在內的前車球員都係咁講。
卡素甸14歲加入車路士，一直交出超乎年齡的成熟表現，作為一個中場b2b球員，無論係攻定守都好出色，包括左中場的攔截能力，面對高壓搶迫的冷靜，仲有後上入球的能力，呢幾種類似加拉加同曼治的風格都係卡素甸受青睞的原因之一。
根據U21教練之前的訪問，卡素甸的弱項在於控制節奏，選擇快攻定係減慢節奏的決定上唔夠謹慎而且花好多時間，傳球穩定性同更多細微的處理都係弱項之一。
8) 烏高卓古 (Ugochukwu)
位置：防中
外借：修咸頓
烏高卓古會俾車路士睇中，多少係因為佢作為防中的表現突出，能夠係壓力下保持冷靜並作出精確的傳球。上季為車路士上陣的時候已經證明自己的潛力。
烏高卓古的強項在於佢在防守對抗中的身體優勢和廣域的範圍覆蓋。在受壓下仍然可以穩定傳送算係其中一個賣點，簡單講就係未成熟的簡迪。
缺點同弱項方面，第一樣係面對防守反擊時經驗不足，走位錯誤令對手係中場中路有好多空間。同時，他係進攻時的表現有時過於謹慎，作為防中缺乏進攻的積極性。呢兩個都係車路士想外借佢的原因。
今季係修咸頓，預計會作為唐尼的後備繼續擔任防中，但到底有幾多時間俾到佢，又係另一回事啦。
請按此登錄後留言。未成為會員? 立即註冊