今日已經係8月29日，距離轉會窗完結啱啱好仲有48小時。趁呢個時間總結一下車路士仲有咩未完的工作要搞。
買人：
奧士文：車路士係最後階段仍然無放棄嘗試簽奧士文，但係奧士文手上拎住沙特的轉會報價，對方開出的人工高達600k週薪。相對之下，車路士俾拿玻里的轉會費雖然同沙特方一樣，但係人工就低差唔多一半，大約只有200k。車路士唔願意打破自己的薪酬架構，所以買唔成的話都預左有Plan B甚至Plan C。更慘的係，而家拿玻里急住要錢買入麥湯文尼，奧士文唔快D做決定恐怕會搞到自己一街都係仇人。
車路士想收購奧士文的原因就再簡單不過，因為而家隊內欠缺的係一個高效的射手。只要有能力係禁區內送個波入網，車路士由上至下都會當你神咁拜。所以類型上同夏蘭特類似的奧士文會受到青睞，並唔係空穴來風。當然，買佢的話多少會壓縮左積臣上陣的時間，到底係好係壞就真係要買左先知。
辛祖：雖然係突然傳出，不過車路士的確好積極咁想用隊中的史端寧同曼聯交換。而家的問題就係，拎緊250k週薪的辛祖，會唔會願意減薪轉會去車路士呢？亦有車迷擔心，辛祖的性格同習慣會影響其他球員，帶黎壞影響。同一時間，祖雲達斯都加碼同辛祖傾緊，希望用辛祖去代替離隊的基艾沙。
車路士的隊中其實唔缺翼鋒，用數據講，帶波前進/盤扭/入球/預計入球/助攻/關鍵傳球/創造力亦無邊一方面出色過車路士現有的球員，買佢怕且都係睇中佢的年紀搏佢仲可以上升。
賣人：
史端寧：作為今季轉會鬧劇之一的史達寧，相信係車仔陣中最心急果個。明明熱身賽得到咁多機會上場，係哥帥手上亦習慣左傳控的踢法，開季居然俾領隊開名話無份加入一隊。問題恐怕係出自佢份人工身上。
現時對佢有興趣的球會只有曼聯。史端寧自己都拒絕左沙特的邀請。實力佢仲有，但係最終可以去邊就係一個問題。
捷維爾：馬蛇上任的第一日開始，恐怕捷維爾多少都估到自己的命運。因為被標籤為唔適合馬蛇的傳控體系，無進入中路的能力，所以熱身賽過後就被貶落u21。傷追人同人工的問題亦有影響到其他球隊買佢的意慾。今日馬蛇開晒聲話無跟操的球員唔會係一隊有任何上場機會。捷維爾再唔快手d，分分鐘就要同U21一齊踢半季。
查洛巴：聽到耳仔都痛埋，查洛巴一早就被排除係一隊之外，而各界都一直有傳聞話有球會向佢開出合約。但係細查自己就話想加盟有歐戰的球隊，結果拖到今時今日都仲未成功轉會。
波查：明明已經半隻腳出左門口，偏偏因為體檢報告有問題俾人彈鐘。如果今季仲賣唔出，下年可能連英冠都未必收留佢。
大衛科芬拿：上季外借的成績唔錯，引來左幾間細球會的注意。但係至今仍然未收到任何一間球會的正式轉會。
外借名單：
外借的轉會因為同買賣唔同，應該會係轉會窗完結後再處理的球員包括：
柏祖域：外界盛傳車路士有成50個龍門塞爆車路士的更衣室，飯堂，健身室，廁所。相信多一個唔多少一個唔少。柏祖域因為踢法問題而被馬蛇棄用，之前有傾過將佢借去姐妹球會史特拉斯堡，但遭到球員本人的拒絕。而家無晒下文。
卓古美卡：傷患的問題多少影響左佢的成長，但係車路士睇黎就無打算放棄佢，而係想將佢借去其他隊吸收經驗。下季的車路士一樣會有好多外借球員回歸，同樣的位置更加有一隊的彭馬/安宮古/菲歷斯可以勝任，卓古美卡會唔會最後又變左車路士的現金卷呢？
卡薩迪：轉會窗開始的時候，費倫天拿曾經提議過收購的請求。但最後車路士就回應話只希望外借，打消左費倫天拿的念頭。明明上季係李斯特城跟住馬蛇踢左半季表現都唔錯，偏偏今季同一隊成員比較就仲有一段距離而入唔到一隊。作為尚未完全成熟的青訓，意甲或者德甲都可能係佢下一個目的地。
買人：
奧士文：車路士係最後階段仍然無放棄嘗試簽奧士文，但係奧士文手上拎住沙特的轉會報價，對方開出的人工高達600k週薪。相對之下，車路士俾拿玻里的轉會費雖然同沙特方一樣，但係人工就低差唔多一半，大約只有200k。車路士唔願意打破自己的薪酬架構，所以買唔成的話都預左有Plan B甚至Plan C。更慘的係，而家拿玻里急住要錢買入麥湯文尼，奧士文唔快D做決定恐怕會搞到自己一街都係仇人。
車路士想收購奧士文的原因就再簡單不過，因為而家隊內欠缺的係一個高效的射手。只要有能力係禁區內送個波入網，車路士由上至下都會當你神咁拜。所以類型上同夏蘭特類似的奧士文會受到青睞，並唔係空穴來風。當然，買佢的話多少會壓縮左積臣上陣的時間，到底係好係壞就真係要買左先知。
辛祖：雖然係突然傳出，不過車路士的確好積極咁想用隊中的史端寧同曼聯交換。而家的問題就係，拎緊250k週薪的辛祖，會唔會願意減薪轉會去車路士呢？亦有車迷擔心，辛祖的性格同習慣會影響其他球員，帶黎壞影響。同一時間，祖雲達斯都加碼同辛祖傾緊，希望用辛祖去代替離隊的基艾沙。
車路士的隊中其實唔缺翼鋒，用數據講，帶波前進/盤扭/入球/預計入球/助攻/關鍵傳球/創造力亦無邊一方面出色過車路士現有的球員，買佢怕且都係睇中佢的年紀搏佢仲可以上升。
賣人：
史端寧：作為今季轉會鬧劇之一的史達寧，相信係車仔陣中最心急果個。明明熱身賽得到咁多機會上場，係哥帥手上亦習慣左傳控的踢法，開季居然俾領隊開名話無份加入一隊。問題恐怕係出自佢份人工身上。
現時對佢有興趣的球會只有曼聯。史端寧自己都拒絕左沙特的邀請。實力佢仲有，但係最終可以去邊就係一個問題。
捷維爾：馬蛇上任的第一日開始，恐怕捷維爾多少都估到自己的命運。因為被標籤為唔適合馬蛇的傳控體系，無進入中路的能力，所以熱身賽過後就被貶落u21。傷追人同人工的問題亦有影響到其他球隊買佢的意慾。今日馬蛇開晒聲話無跟操的球員唔會係一隊有任何上場機會。捷維爾再唔快手d，分分鐘就要同U21一齊踢半季。
查洛巴：聽到耳仔都痛埋，查洛巴一早就被排除係一隊之外，而各界都一直有傳聞話有球會向佢開出合約。但係細查自己就話想加盟有歐戰的球隊，結果拖到今時今日都仲未成功轉會。
波查：明明已經半隻腳出左門口，偏偏因為體檢報告有問題俾人彈鐘。如果今季仲賣唔出，下年可能連英冠都未必收留佢。
大衛科芬拿：上季外借的成績唔錯，引來左幾間細球會的注意。但係至今仍然未收到任何一間球會的正式轉會。
外借名單：
外借的轉會因為同買賣唔同，應該會係轉會窗完結後再處理的球員包括：
柏祖域：外界盛傳車路士有成50個龍門塞爆車路士的更衣室，飯堂，健身室，廁所。相信多一個唔多少一個唔少。柏祖域因為踢法問題而被馬蛇棄用，之前有傾過將佢借去姐妹球會史特拉斯堡，但遭到球員本人的拒絕。而家無晒下文。
卓古美卡：傷患的問題多少影響左佢的成長，但係車路士睇黎就無打算放棄佢，而係想將佢借去其他隊吸收經驗。下季的車路士一樣會有好多外借球員回歸，同樣的位置更加有一隊的彭馬/安宮古/菲歷斯可以勝任，卓古美卡會唔會最後又變左車路士的現金卷呢？
卡薩迪：轉會窗開始的時候，費倫天拿曾經提議過收購的請求。但最後車路士就回應話只希望外借，打消左費倫天拿的念頭。明明上季係李斯特城跟住馬蛇踢左半季表現都唔錯，偏偏今季同一隊成員比較就仲有一段距離而入唔到一隊。作為尚未完全成熟的青訓，意甲或者德甲都可能係佢下一個目的地。
請按此登錄後留言。未成為會員? 立即註冊