望到頸到長，終於等到英超開鑼。不過車路士第一場就要迎戰上屆冠軍曼城。最後以0:2落敗收場。
戰術排陣：
今場車路士少有地排出433的陣型，有別於之前的4231，今場馬蛇以拉維亞同卡些度作為中場雙核心，推高左安素的位置，一字排開左5個中場球員，希望穩固中場的傳控能力同加強防線的保護能力。全場的踢法集中係高壓搶迫同兩翼反擊傳中，戰術略為單調，但考慮到對手係曼城，實在無太多空間去做更多組織。
整體表現：
正如熱身賽有講過，車路士現時的問題仍然在於「把握力」「防守默契」兩方面。
前者透過今場的xG(預期進球)就可以略知一二。車路士今場的xG雖然略高於對手曼城(1.2:0.8)但實際上有0.6係來自積臣近門的窩利。如果扣除呢球，平均的xGOT per shot實際只有0.067，係低於曼城的0.07，係英超都只排15。
扣除起腳果一下，車路士製造機會的能力唔算太差，甚至比對手曼城要好。全場車路士有20次機會創造，毫無意外地有5次來自彭馬，第二分別係積臣同安素，各自有3次。位置上，就略嫌因為要遷就攻中的安素犧牲左彭馬同安宮古的發揮。
曼城果邊全場18次射製造，當中有6次來自只踢左45分鐘的沙雲奴，減走佢個人的突出表現，曼城係攻擊組織方面的表現係不及車路士。
至於「防守默契」方面，古斯度係邊線被杜古多次爆過，車路士今場主動地透過防中的移位去保護防線，多少有成功減弱左曼城的中場組織，轉而要用左右邊線去快攻。呢方面同熱身賽相比算係有大進步，防線亦無見到有重大失誤。可惜曼城的個人把握能力太頂級，夏蘭特接應貝拿度施華的傳波一壓二射入，84分鐘高華錫個人突破右腳射入，兩球的xG唔算高，但係都係兩位球員透過個人能力同把握力射入，車路士輸係理所當然。
最後，制空力仍然係車路士的中場弱點，今場整體的高波勝率只有37.5%，同對手相比明顯處於下風，特別的中場的爭頂數據食光蛋，應付對手的高波仲要花少少功夫。
個別表現：
今場比賽，相信好多人的著眼點會放係幾名球員身上:
積臣：
上半場作為前鋒係前場跑動，相信好多人會留意到佢笑料百出，包括射唔出，禁區邊後腳傳俾空氣，越位射門等等。
但換個角度諗，佢要透過正確的走位先可以有機會做到以上的笑話。係數字上睇亦一樣，今場佢解球實際只有20次，係正選球員入面最少一個。當中有18次係接應隊友的傳球，3次係接應前傳。20次觸球入面有3次成功創造機會，1次射中目標，14次傳波，2次失去控球，呢堆數字用觸球比例計的話實際上係全隊最高。再睇返個人的數據，xG+xAG係1.23，呢個數字暫時係英超排行第3高。
當然，把握力差的問題仍然唔可以忽視，單場刷出xG-G數字變成0.81絕對唔光彩。車路士要點樣解決把握力問題相信會變成餘下轉會窗的重點。
安素：
今場比賽安素的位置有別於以往，幾乎變成正前鋒後的影子前鋒。但實際上未有為車路士造出相應的貢獻，無論係傳入禁區的次數，定係自己起腳的次數都不足，3次射門只有1次中龍，預期進球xG只有0.2。作為攻中過人次數係0，踢足90分鐘製造的射門機會只有3。
唔講進攻，防守的積極程度都不足。以上的數字都反映出佢係呢個位置水土不服。作為隊長上陣的安素，亦似乎未能發揮作為隊長應有的領導力同影響力。
拉維亞(Lavia)：
如果安素係水土不服，咁拉維亞就算係如魚得水。今場佢的位置係中場中，負責串連前後，前攻的時候走位偏左，防守時就收向右邊。其中最令人深刻一定係61分鐘的傳波，幾乎造就積臣入波。
66分鐘計錄得6次防守動作，傳球數據亦令人眼前一亮，作為傷癒復出的球員，拉維亞算係球隊的重要「新援」。
後備上陣球員：
尼圖 (Pedro Neto)：
被傳佢知道要轉會車路士之後係訓練場流馬尿，但實際上場之後暫時都未見到佢有咩重大貢獻。一來係因為傳控踢法需要時間習慣同適應，二來係面對3後的曼城，左路被壓縮無乜空間。不過短短的33分鐘，佢都為球隊創造左兩次射門機會，相信仲有更多發揮的空間。
霍爾 (Kiernan Dewsbury-Hall)：
4個換人名額入面，我會話有2個係浪費左。尼圖算係有作為，古古傷出換入維加係無可耐何，但收起積臣換入古爾，收起安宮古換入霍爾的決定就對戰局無任何影響，甚至係益左曼城。
換入霍爾的目的好明確，就係想加強球隊係前場中線的控球能力。但入替之後反而令球隊失去左傳球點，甚至防守力都有所下降。暫時就未見到霍爾為球隊帶來任何的好處。
總結：
要討論的話可以寫多幾千字，深入研究彭馬的數據，或者分析防守今場同之前的分別，樂觀少少睇，今場面對曼城仍然可以創造到大量機會，同時亦有效咁破壞曼城中場的組織，呢兩點應該要讚。
相對地，球隊把握力不足，面對對手個人突破顯得束手無策呢d問題仍然有待改善。部份球員例如彭馬安素等的狀態未回復，領隊換人無成效等等等等都仲要時間。
要記得戰術調整唔係一朝一夕就可以做到，教練同球員的磨合需要時間，仲有戰術的適應都好花時間。希望車迷繼續保持耐性就好。
戰術排陣：
今場車路士少有地排出433的陣型，有別於之前的4231，今場馬蛇以拉維亞同卡些度作為中場雙核心，推高左安素的位置，一字排開左5個中場球員，希望穩固中場的傳控能力同加強防線的保護能力。全場的踢法集中係高壓搶迫同兩翼反擊傳中，戰術略為單調，但考慮到對手係曼城，實在無太多空間去做更多組織。
整體表現：
正如熱身賽有講過，車路士現時的問題仍然在於「把握力」「防守默契」兩方面。
前者透過今場的xG(預期進球)就可以略知一二。車路士今場的xG雖然略高於對手曼城(1.2:0.8)但實際上有0.6係來自積臣近門的窩利。如果扣除呢球，平均的xGOT per shot實際只有0.067，係低於曼城的0.07，係英超都只排15。
扣除起腳果一下，車路士製造機會的能力唔算太差，甚至比對手曼城要好。全場車路士有20次機會創造，毫無意外地有5次來自彭馬，第二分別係積臣同安素，各自有3次。位置上，就略嫌因為要遷就攻中的安素犧牲左彭馬同安宮古的發揮。
曼城果邊全場18次射製造，當中有6次來自只踢左45分鐘的沙雲奴，減走佢個人的突出表現，曼城係攻擊組織方面的表現係不及車路士。
至於「防守默契」方面，古斯度係邊線被杜古多次爆過，車路士今場主動地透過防中的移位去保護防線，多少有成功減弱左曼城的中場組織，轉而要用左右邊線去快攻。呢方面同熱身賽相比算係有大進步，防線亦無見到有重大失誤。可惜曼城的個人把握能力太頂級，夏蘭特接應貝拿度施華的傳波一壓二射入，84分鐘高華錫個人突破右腳射入，兩球的xG唔算高，但係都係兩位球員透過個人能力同把握力射入，車路士輸係理所當然。
最後，制空力仍然係車路士的中場弱點，今場整體的高波勝率只有37.5%，同對手相比明顯處於下風，特別的中場的爭頂數據食光蛋，應付對手的高波仲要花少少功夫。
個別表現：
今場比賽，相信好多人的著眼點會放係幾名球員身上:
積臣：
上半場作為前鋒係前場跑動，相信好多人會留意到佢笑料百出，包括射唔出，禁區邊後腳傳俾空氣，越位射門等等。
但換個角度諗，佢要透過正確的走位先可以有機會做到以上的笑話。係數字上睇亦一樣，今場佢解球實際只有20次，係正選球員入面最少一個。當中有18次係接應隊友的傳球，3次係接應前傳。20次觸球入面有3次成功創造機會，1次射中目標，14次傳波，2次失去控球，呢堆數字用觸球比例計的話實際上係全隊最高。再睇返個人的數據，xG+xAG係1.23，呢個數字暫時係英超排行第3高。
當然，把握力差的問題仍然唔可以忽視，單場刷出xG-G數字變成0.81絕對唔光彩。車路士要點樣解決把握力問題相信會變成餘下轉會窗的重點。
安素：
今場比賽安素的位置有別於以往，幾乎變成正前鋒後的影子前鋒。但實際上未有為車路士造出相應的貢獻，無論係傳入禁區的次數，定係自己起腳的次數都不足，3次射門只有1次中龍，預期進球xG只有0.2。作為攻中過人次數係0，踢足90分鐘製造的射門機會只有3。
唔講進攻，防守的積極程度都不足。以上的數字都反映出佢係呢個位置水土不服。作為隊長上陣的安素，亦似乎未能發揮作為隊長應有的領導力同影響力。
拉維亞(Lavia)：
如果安素係水土不服，咁拉維亞就算係如魚得水。今場佢的位置係中場中，負責串連前後，前攻的時候走位偏左，防守時就收向右邊。其中最令人深刻一定係61分鐘的傳波，幾乎造就積臣入波。
66分鐘計錄得6次防守動作，傳球數據亦令人眼前一亮，作為傷癒復出的球員，拉維亞算係球隊的重要「新援」。
後備上陣球員：
尼圖 (Pedro Neto)：
被傳佢知道要轉會車路士之後係訓練場流馬尿，但實際上場之後暫時都未見到佢有咩重大貢獻。一來係因為傳控踢法需要時間習慣同適應，二來係面對3後的曼城，左路被壓縮無乜空間。不過短短的33分鐘，佢都為球隊創造左兩次射門機會，相信仲有更多發揮的空間。
霍爾 (Kiernan Dewsbury-Hall)：
4個換人名額入面，我會話有2個係浪費左。尼圖算係有作為，古古傷出換入維加係無可耐何，但收起積臣換入古爾，收起安宮古換入霍爾的決定就對戰局無任何影響，甚至係益左曼城。
換入霍爾的目的好明確，就係想加強球隊係前場中線的控球能力。但入替之後反而令球隊失去左傳球點，甚至防守力都有所下降。暫時就未見到霍爾為球隊帶來任何的好處。
總結：
要討論的話可以寫多幾千字，深入研究彭馬的數據，或者分析防守今場同之前的分別，樂觀少少睇，今場面對曼城仍然可以創造到大量機會，同時亦有效咁破壞曼城中場的組織，呢兩點應該要讚。
相對地，球隊把握力不足，面對對手個人突破顯得束手無策呢d問題仍然有待改善。部份球員例如彭馬安素等的狀態未回復，領隊換人無成效等等等等都仲要時間。
要記得戰術調整唔係一朝一夕就可以做到，教練同球員的磨合需要時間，仲有戰術的適應都好花時間。希望車迷繼續保持耐性就好。
請按此登錄後留言。未成為會員? 立即註冊