見到有報導講，話車路士將查路拜(細查)踢出左集訓營，希望可以迫使佢自行尋找下家，車路士希望叫價30~35m，至少有三家英超球會有興趣，然後就係果篇文的下面見到留言話「onX，佢明明係踢得最好果個」又有人話佢「位置感，領導能力，單防能力都較好 再加忠心…」，有感而發，決定搵下資料寫呢篇文，講下細查的數據。
有跟開車路士的球迷，或多或少應該會對佢的外型有印象，高挑的身型配合飄逸的黑人頭，不知不覺，佢已經係車路士一隊踢左3年。
正如我前文講，車路士新教頭，馬蛇黎緊要的中堅同過去有少少唔同，根據企位，如果係最後一個中堅，要夠穩陣又要可以放長傳，如果係後上的中堅，要醒水識得走位，要有球賽閱讀能力，做到遮線Blocking的工作，又要可以傳波駁腳，同時兩者又唔可以荒廢防守的工作。而肥普果邊的踢法就偏向搶迫同體力化，講求用體力去彌補防守的漏洞。
於是，就引伸出下一個問題，細查過去一年的表現，符唔符合馬蛇的要求呢？
今次主要針對細查幾方面去睇
1) 防守數據
基本中的基本，到底細查係防守面做成點呢？
上季細查Tackle量以場均1.51次剛剛合格，最神奇的係，佢Tackle的位置以對手半場數據較好(0.38)，係中圈的表現就強差人意(0.19)，所以如果只講Tackle數字，佢就未必係頂級。
細查空有阻止對手盤扭的能力，但係就欠缺左遮線Blocking的球賽閱讀能力，係Dribblers Tackled上佢成功以每場0.95次取得唔錯的成績，但係Blocking同Interceptions兩項數據就滿堂紅，其中Blocking無論係Shot定係Pass兩者都唔合格(0.66次 / 0.09次)
Interceptions都係一樣，場均0.76次錄得唔合格的成績。所以，細查係能力上，其實未夠做到後上中堅的位置，頂多係大後方中堅的後備。
你話佢身材高大，有空中爭頂優勢？ 睇返數據，佢空中爭頂勝率只有46.3%，同平均中堅的59.9%仍然有一段好長的距離…
2) 傳波能力
以中堅黎計，傳波主要針對的係傳球成功率同長傳的能力，畢竟如果傳球成功率低，失去控球就有可能變成直接威脅，長傳能力唔夠，個波踢上去造唔出成果亦等同送個波俾對手。
細查係呢方面就好壞參半。好的方面係，佢傳球成功率算高，有89.4%，但係因為無球賽閱讀能力的關係，長傳成功率就唔太好，只有場均3.31次(50%)。
3) 用球走位
細查係走位上的應對係無問題的，至少佢係比賽中接收隊友傳球的數字無問題，以59.84次達到平均值以上。
但係佢控球的能力上就有保留，首先係佢自己控失的次數，以場均0.95次幾乎可以挑戰世界，同時佢失去控球的數字都有場均0.28次。
如果係肥普呢種踢法，唔會強制要求中堅接波傳波都還好，但係馬蛇的傳控踢法，細查的失誤就有可能會好致命。
結合以上三點，對於細查個人的評語大約會落係: 食之無味棄之可惜。如果細查今年仲係18歲，我會理解同接受佢犯d年青球員的基本錯誤，但係堂堂25歲的中堅，踢到18歲一樣，又欠缺球賽閱讀能力，咁就有少少難以接受，而且已經係一隊踢左三年仍然係呢個表現，仲有無進步的空間都係另一個問題。你硬要話細查上年係我地最好的球員…可能我地身處係唔同的世界線都唔定…
財政面的上，已經好多人有講，因為細查係青訓出身的關係，佢賣到幾多錢果條數都會直接變成我地的淨收入，所以點解我地死都想賣走細查/加拉加。
然後係同其他隊友比較的問題，細查係大家的心目中突然變成你轟的雲迪克，到底係真定假？ 不如用返同一堆數據，加埋另外兩位(迪西施，巴迪亞舒利)一齊比較一下細查係咪真係「位置感，領導能力，單防能力都較好」
1) 位置感 / 單防能力
呢件事透過上文的數據就可以略知一二，位置感好的球員，較容易現身於好的位置接應隊友的傳波，亦會較易捉到對手傳波或者射門刷Blocking/Interception的數據，車迷最熟識的其中一個位置感好的球員係佐真奴，遮線走動上佢的能力的確係頂級。
比較左三個人的數據，Blocking表現最好的係巴迪亞舒尼，1.41次，細查只有佢一半0.76
Interception數字都係差唔多，巴迪亞舒尼1.21，細查0.76
只講佢同一樣係中堅的球員平均去計都好，細查都唔可以話係「位置感好」的球員。
單防黎講，「單防能力都較好」呢句野又的確無錯，無論係Tackle定係對盤扭的處理，都比法國雙剎好。
但係呢個都只限於同佢兩個比較，拉遠D同其他中堅比，細查仍然唔係有幾標青。
2) 領導能力
呢樣無數據可以睇，不過話細查有領導力果位，真係有咩Episode可以分享到…？你話施華有領導力無人會反對，細查連副隊長都唔係，領導力到底係邊睇出黎。
3) 其他部份
扣除左單防能力，細查係其他項目都輸到七彩。其中最為人詬病的，係細查的控球能力，係後防控失派膠的場面屢見不怪，俾人係中圈迫甩波都可以係Youtube搵到唔少片。
除左用波能力，長傳同傳送數據亦及唔上另外兩位。甚至之前無講，但係迪西施的真正價值係在於佢有能力後上同俾到長傳。實際上迪西施在陣的時候，車路士的xG係略高於細查在陣的。
當然，針無兩頭利，第一季登陸英超的迪西施係速度同位置都顯示出佢未完全適應，不過仍然有進步空間係肯定的事黎。
搬一堆數字出黎，唔係想證明「細查係垃圾」「你講的野全部係錯係onX」。而單純只係想大家可以係另一個角度睇下球會的決定係咪真係咁錯。我都唔係全肯定咁覺得球會做的野一定啱，但下下都跳出黎反對…好攰姐…
你話青訓有情意結我同意，可惜的係，細查咁多年的表現都證明左佢真係得咁多，25歲人你都唔會覺得佢之後仲會有大爆發期，最多最多就係經驗累積得夠多，處理變得更加成熟。然而你要留佢做後備，倒不如有效運用佢的剩餘價值。球隊決定將佢踢出集訓營的決定，可能係好無情，但放走佢可能係對大家都好的選擇都唔定。
有跟開車路士的球迷，或多或少應該會對佢的外型有印象，高挑的身型配合飄逸的黑人頭，不知不覺，佢已經係車路士一隊踢左3年。
正如我前文講，車路士新教頭，馬蛇黎緊要的中堅同過去有少少唔同，根據企位，如果係最後一個中堅，要夠穩陣又要可以放長傳，如果係後上的中堅，要醒水識得走位，要有球賽閱讀能力，做到遮線Blocking的工作，又要可以傳波駁腳，同時兩者又唔可以荒廢防守的工作。而肥普果邊的踢法就偏向搶迫同體力化，講求用體力去彌補防守的漏洞。
於是，就引伸出下一個問題，細查過去一年的表現，符唔符合馬蛇的要求呢？
今次主要針對細查幾方面去睇
1) 防守數據
基本中的基本，到底細查係防守面做成點呢？
上季細查Tackle量以場均1.51次剛剛合格，最神奇的係，佢Tackle的位置以對手半場數據較好(0.38)，係中圈的表現就強差人意(0.19)，所以如果只講Tackle數字，佢就未必係頂級。
細查空有阻止對手盤扭的能力，但係就欠缺左遮線Blocking的球賽閱讀能力，係Dribblers Tackled上佢成功以每場0.95次取得唔錯的成績，但係Blocking同Interceptions兩項數據就滿堂紅，其中Blocking無論係Shot定係Pass兩者都唔合格(0.66次 / 0.09次)
Interceptions都係一樣，場均0.76次錄得唔合格的成績。所以，細查係能力上，其實未夠做到後上中堅的位置，頂多係大後方中堅的後備。
你話佢身材高大，有空中爭頂優勢？ 睇返數據，佢空中爭頂勝率只有46.3%，同平均中堅的59.9%仍然有一段好長的距離…
2) 傳波能力
以中堅黎計，傳波主要針對的係傳球成功率同長傳的能力，畢竟如果傳球成功率低，失去控球就有可能變成直接威脅，長傳能力唔夠，個波踢上去造唔出成果亦等同送個波俾對手。
細查係呢方面就好壞參半。好的方面係，佢傳球成功率算高，有89.4%，但係因為無球賽閱讀能力的關係，長傳成功率就唔太好，只有場均3.31次(50%)。
3) 用球走位
細查係走位上的應對係無問題的，至少佢係比賽中接收隊友傳球的數字無問題，以59.84次達到平均值以上。
但係佢控球的能力上就有保留，首先係佢自己控失的次數，以場均0.95次幾乎可以挑戰世界，同時佢失去控球的數字都有場均0.28次。
如果係肥普呢種踢法，唔會強制要求中堅接波傳波都還好，但係馬蛇的傳控踢法，細查的失誤就有可能會好致命。
結合以上三點，對於細查個人的評語大約會落係: 食之無味棄之可惜。如果細查今年仲係18歲，我會理解同接受佢犯d年青球員的基本錯誤，但係堂堂25歲的中堅，踢到18歲一樣，又欠缺球賽閱讀能力，咁就有少少難以接受，而且已經係一隊踢左三年仍然係呢個表現，仲有無進步的空間都係另一個問題。你硬要話細查上年係我地最好的球員…可能我地身處係唔同的世界線都唔定…
財政面的上，已經好多人有講，因為細查係青訓出身的關係，佢賣到幾多錢果條數都會直接變成我地的淨收入，所以點解我地死都想賣走細查/加拉加。
然後係同其他隊友比較的問題，細查係大家的心目中突然變成你轟的雲迪克，到底係真定假？ 不如用返同一堆數據，加埋另外兩位(迪西施，巴迪亞舒利)一齊比較一下細查係咪真係「位置感，領導能力，單防能力都較好」
1) 位置感 / 單防能力
呢件事透過上文的數據就可以略知一二，位置感好的球員，較容易現身於好的位置接應隊友的傳波，亦會較易捉到對手傳波或者射門刷Blocking/Interception的數據，車迷最熟識的其中一個位置感好的球員係佐真奴，遮線走動上佢的能力的確係頂級。
比較左三個人的數據，Blocking表現最好的係巴迪亞舒尼，1.41次，細查只有佢一半0.76
Interception數字都係差唔多，巴迪亞舒尼1.21，細查0.76
只講佢同一樣係中堅的球員平均去計都好，細查都唔可以話係「位置感好」的球員。
單防黎講，「單防能力都較好」呢句野又的確無錯，無論係Tackle定係對盤扭的處理，都比法國雙剎好。
但係呢個都只限於同佢兩個比較，拉遠D同其他中堅比，細查仍然唔係有幾標青。
2) 領導能力
呢樣無數據可以睇，不過話細查有領導力果位，真係有咩Episode可以分享到…？你話施華有領導力無人會反對，細查連副隊長都唔係，領導力到底係邊睇出黎。
3) 其他部份
扣除左單防能力，細查係其他項目都輸到七彩。其中最為人詬病的，係細查的控球能力，係後防控失派膠的場面屢見不怪，俾人係中圈迫甩波都可以係Youtube搵到唔少片。
除左用波能力，長傳同傳送數據亦及唔上另外兩位。甚至之前無講，但係迪西施的真正價值係在於佢有能力後上同俾到長傳。實際上迪西施在陣的時候，車路士的xG係略高於細查在陣的。
當然，針無兩頭利，第一季登陸英超的迪西施係速度同位置都顯示出佢未完全適應，不過仍然有進步空間係肯定的事黎。
搬一堆數字出黎，唔係想證明「細查係垃圾」「你講的野全部係錯係onX」。而單純只係想大家可以係另一個角度睇下球會的決定係咪真係咁錯。我都唔係全肯定咁覺得球會做的野一定啱，但下下都跳出黎反對…好攰姐…
你話青訓有情意結我同意，可惜的係，細查咁多年的表現都證明左佢真係得咁多，25歲人你都唔會覺得佢之後仲會有大爆發期，最多最多就係經驗累積得夠多，處理變得更加成熟。然而你要留佢做後備，倒不如有效運用佢的剩餘價值。球隊決定將佢踢出集訓營的決定，可能係好無情，但放走佢可能係對大家都好的選擇都唔定。
請按此登錄後留言。未成為會員? 立即註冊