經過一個月嘅激戰，我哋終於殺入世冠盃決賽。但喺我哋面前嘅，係一座睇起嚟幾乎無法攀越嘅高山，無錯，巴黎聖日耳門（PSG）。
佢哋係應屆嘅三冠王，喺今次賽事嘅晉級之路，佢地表現更加係輕鬆到令人心寒：分組賽大炒馬體會，淘汰賽先後以2-0同4-0，將拜仁慕尼黑同皇家馬德里兩大豪門斬於馬下。賽前，幾乎所有媒體同專家，都一面倒睇好佢哋可以輕鬆捧盃。我哋，似乎就係不被看好嘅一方，亦係所謂嘅Underdog。
但足球最有趣嘅地方，就係強如PSG，都總會有失手嘅時候。喺佢哋為數不多嘅失分比賽中，我哋或者可以嘗試去搵出一絲，可以挑戰呢支「新任無敵艦隊」嘅線索。
呢篇文章，我哋就試下喺數據同戰術板上，做一次賽前嘅兵棋推演。我哋會嘗試去分析PSG有冇可能存在嘅戰術缺口，同埋喺理想情況下，我哋又有啲咩武器，可以去威脅到佢哋。
知己知彼：拆解PSG的「無敵艦隊」
要搵出對手嘅破綻，首先要理解佢哋點解咁強大。喺安歷基手下嘅PSG，已經唔再係以前嗰隊只靠球星單打獨鬥嘅球隊，而係一部運作精密、講求整體嘅足球機器。
表面上，佢哋排嘅係一個普通嘅4-3-3陣式，但一旦佢哋控球在腳，成個陣型就會好似我地咁，流動咁演變成一個極具攻擊性嘅 3-2-5 陣式。呢個轉換，通常係靠將其中一個閘（例如防守力較強嘅紐奴文迪斯）收窄，同兩個中堅組成三人防線，然後再將另一個攻擊力極強嘅閘（夏基美）推上，變身成第五個攻擊點。
佢哋嘅戰術核心，有幾個關鍵人物。中鋒位置嘅迪比利，並唔會企定定喺前面，而係會好似「假九」咁，不斷回撤到中場，拉扯對手嘅中堅，為兩邊嘅快翼（例如字母哥）製造向前衝刺嘅空間。
而右路嘅夏基美，就係佢哋嘅特攻隊長，佢嘅瘋狂後上疊瓦，係PSG撕開對手防線最常用、亦都最難防守嘅一招。
呢個由控球、壓迫、球員流動所組成嘅複雜體系，就係PSG之所以睇起嚟無堅不摧嘅原因。要喺呢部精密嘅機器入面搵到一絲破綻，絕非易事。
尋找藍圖：PSG的「輸波方程式」
好，睇完對手有幾強大之後，我哋就要做啲更實際嘅嘢：就係好似偵探查案咁，喺PSG為數不多嘅失分比賽入面，去搵出佢哋嘅輸波方程式，睇下有冇共通嘅規律可循。
抽咗好多場比賽做分析之後，一個比較清晰嘅模式浮現咗出嚟。PSG最大嘅優點就係佢哋嗰套極度壓上、極具侵略性嘅體系，但同時亦都係佢哋最致命嘅弱點。佢哋為咗進攻，會將大量兵力投入到前場，一旦喺中前場被斷波，而第一時間嘅反搶又唔成功，佢哋身後就會暴露出一大片致命嘅空位。
而成功喺佢哋身上攞到分嘅球隊，例如維拉、尼斯，甚至係今屆世冠盃贏過佢哋嘅保地花高（Botafogo），幾乎都係用同一套「攻略」：
第一步：放棄控球，穩守中路 首先，唔好天真到同PSG去鬥猜波。就以今屆世冠盃，保地花高1-0擊敗PSG嗰場波為例，保地花高全場控球率只有25%，但佢哋就係用一個極度緊密嘅 4-4-2 中低位防守陣式，將中路塞到水洩不通，寧願放條邊路俾你，都唔俾你喺心臟地帶做文章。最終，PSG空有控球，全場預計入球 (xG) 只有1.01，一個黃金機會都創造唔到。
第二步：引蛇出洞，等待時機 守住中路之後，就要有好大嘅耐性，去引誘對方全軍壓上。喺法甲，尼斯（Nice）作客贏PSG 3：1嗰場經典一戰，就係教科書式嘅示範。佢哋會特登暴露少少空間，引誘PSG嘅攻擊型邊後衛，尤其係夏基美，深入自己進攻三區。佢哋嘅防守球員唔會急於上前搶截，而係不斷墮後，等待夏基美離開自己防守位置嘅一剎那。
第三步：一擊即中，打身後空檔
當時機一到，搶到個波之後，就係反擊嘅時候。喺歐聯，阿士東維拉作客贏3：2嗰場，佢哋嘅前鋒屈堅斯嘅作用就係唔好退到中場攞波，而係專心喺PSG後衛嘅盲眼位準備，等隊友一搶到波，就即刻用最快、最直接嘅長傳，搵佢哋衝擊夏基美身後留低嘅嗰一大片空間。呢種打法，完全繞過咗PSG強大嘅中場，將一場複雜嘅戰術對決，簡化成一場直接嘅速度比拼。
呢個就係擊敗PSG嘅藍圖，甚至我地再退一步，睇返上季史堡贏PSG嘅一戰亦係如是。最經典，莫過於係歐聯16強利物浦縮後對PSG，果場利物浦嘅控球率低見30%，預計入球只有0.27，但確確實實地把握到唯一一次嘅入球機會就殺死咗對手。綜合上面咁多經驗，要贏PSG就係用紀律性嘅防守，去換取高效率嘅反擊機會。佢哋睇落好似好難打，但其實佢哋嘅死穴，一直都暴露喺度。
我哋嘅武器：車路士的「反擊本錢」
好，既然攻略已經喺度，下一個問題就係：我哋車路士，有冇能力去執行呢套戰術？我嘅答案係：睇落有，如果執行到甚至可以成為PSG最唔想遇到嘅嗰種類型嘅對手。
數據唔會呃人。根據統計，我哋正正就係今屆世冠盃入面，透過快速反擊入波最多嘅球隊，足足有6球！ 甚至應該好多車迷都會有同感，係我哋嘅DNA入面，感覺與生俱來就係為咗呢種戰術而設咁。
要懲罰PSG嘅高位防線，你需要嘅係速度。而我哋前場，就有積臣同柏度尼圖呢兩把快刀 (利唔利就見人見智)。尼圖一個人，就喺今屆賽事包辦咗3個快攻入球。佢哋嘅任務好簡單，就係不停咁衝擊對方中堅同夏基美身後嗰條高速公路。
有咗跑手，仲要有人送出致命傳送。而我哋嘅彭馬同安素，正正就係喺反擊中，負責交出最後一傳嘅最佳人選。佢地喺半場嘅視野同創造力，就係我哋反擊嘅發射台，特別係安素，佢係世冠盃暫時以 3個助攻領先緊助攻榜。
如果需要一啲變數，我哋仲有4強嘅英雄祖奧柏度。佢喺對富明尼斯時梅開二度，證明咗佢嘅狀態同信心都喺頂峰，佢嘅盤扭同窄位技術，或者可以喺關鍵時候提供唔一樣嘅解決方案。
除咗防守核心卡些度，現時係中場嘅侯選仲有拉維亞同黑工山度士，前者雖然狀態未明，但後者係法甲上季贏過PSG，用嘅一樣係死守反擊戰術。所以今場嘅任務會非常清晰：唔需要同對方中場鬥猜波，只需要做好防守攔截，搶到個波之後，第一時間搵前面嘅安素彭馬同班快馬。做好呢樣嘢，我哋嘅反擊就有望打得成。
我哋嘅隱憂：執行力與中場大考驗
雖然我哋理論上，有住克制PSG嘅武器。但任何戰術藍圖，都要靠場上球員100%完美執行。而喺決賽前夕，我哋正正就喺幾個關鍵位置上，出現咗令人憂慮嘅「未知數」。
最大、最核心嘅隱憂，肯定係我哋嘅中場。所有「防守反擊」嘅戰術，都建基於一個穩固嘅中場屏障，但喺大戰前夕，我哋嘅防守核心卡些度，究竟趕唔趕得切復出，仍然係一個巨大嘅問號。
雖然消息話佢嘅康復進度理想，有機會上陣，但一旦佢最終缺陣，我哋嘅中場防守將會即刻跌一個檔次。更麻煩嘅係，本應作為替補嘅拉維亞，本身亦都有傷患疑慮，狀態成謎。到時，我哋可能要焗住倚重對戰術理解尚淺嘅黑工山度士，去鎮守中場中路，直接面對PSG世界級嘅中場壓迫。呢個風險，可以話係極高。
第二個隱憂，就係我哋嘅把握力。執行反擊戰術，意味住我哋全場嘅機會可能唔會多，可能就係三、四次可以一劍封喉嘅黃金機會 (想像下，連皇馬對住PSG都無辦法創造到任何黃金機會)。到時，我哋前場嘅快馬積臣、尼圖，甚至係新仔戴納能唔能夠保持絕對嘅冷靜，將機會轉化成入球？任何一次嘅浪費，喺呢個級數嘅決賽，後果都可能係致命嘅。
最後一個，亦係車路士最大嘅隱憂，車路士嘅防線全季都患得患失，唔止係山齊士嘅神經刀，仲有高維爾等中堅間中就會自爆，要應付PSG瘋狂搶迫，佢地可唔可以保持冷靜就係最大最大嘅隱憂。
中場嘅不確定性，加上對前鋒把握力嘅考驗同埋防線嘅穩定性，令呢場決賽充滿變數。我哋嘅致勝藍圖雖然存在，但執行起上嚟，將會係一場名副其實嘅走鋼線。
總結：一場關於信念的終極考驗
戰術、數據、部署……所有紙上談兵嘅嘢，我哋都已經分析過。但去到決賽，有樣嘢，係數據分析唔到嘅，嗰樣嘢，叫車路士精神。
冇錯，PSG係熱門，佢哋星光熠熠，睇落無堅不摧。但係，我哋車路士球迷，對呢個劇本，其實一啲都唔陌生。試諗返2012年嘅慕尼黑，喺安聯球場，面對住主場出擊、強大到令人絕望嘅拜仁，有邊個睇好我哋？但我哋靠住永不放棄嘅鬥志，最終捧起咗大耳盃。
再諗下2021年嘅波圖，面對住哥迪奧拿手下，當時被認為係全宇宙最強嘅曼城，我哋同樣係不被看好嘅一方。但我哋用一次完美嘅戰術執行，再次令全世界跌眼鏡。
歷史話我哋知，車路士最擅長嘅，就係喺不被看好嘅情況下，創造奇蹟。
對於今場決賽，我唔係奢望球隊要大炒PSG，甚至捧盃都可能只係一個夢想。我只係希望，呢班年輕嘅球員，可以踢返場有骨氣、有鬥志嘅波。起碼要話俾全世界知，我哋車路士能夠殺入決賽，係靠我哋嘅實力，而唔係純粹嘅運氣；我哋有能力，同任何歐洲頂級強隊一較高下。只要能夠踢出呢份精神，無論最終結果如何，喺我哋心中，呢班波都已經係贏家。Come on Chelsea!
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
佢哋係應屆嘅三冠王，喺今次賽事嘅晉級之路，佢地表現更加係輕鬆到令人心寒：分組賽大炒馬體會，淘汰賽先後以2-0同4-0，將拜仁慕尼黑同皇家馬德里兩大豪門斬於馬下。賽前，幾乎所有媒體同專家，都一面倒睇好佢哋可以輕鬆捧盃。我哋，似乎就係不被看好嘅一方，亦係所謂嘅Underdog。
但足球最有趣嘅地方，就係強如PSG，都總會有失手嘅時候。喺佢哋為數不多嘅失分比賽中，我哋或者可以嘗試去搵出一絲，可以挑戰呢支「新任無敵艦隊」嘅線索。
呢篇文章，我哋就試下喺數據同戰術板上，做一次賽前嘅兵棋推演。我哋會嘗試去分析PSG有冇可能存在嘅戰術缺口，同埋喺理想情況下，我哋又有啲咩武器，可以去威脅到佢哋。
知己知彼：拆解PSG的「無敵艦隊」
要搵出對手嘅破綻，首先要理解佢哋點解咁強大。喺安歷基手下嘅PSG，已經唔再係以前嗰隊只靠球星單打獨鬥嘅球隊，而係一部運作精密、講求整體嘅足球機器。
表面上，佢哋排嘅係一個普通嘅4-3-3陣式，但一旦佢哋控球在腳，成個陣型就會好似我地咁，流動咁演變成一個極具攻擊性嘅 3-2-5 陣式。呢個轉換，通常係靠將其中一個閘（例如防守力較強嘅紐奴文迪斯）收窄，同兩個中堅組成三人防線，然後再將另一個攻擊力極強嘅閘（夏基美）推上，變身成第五個攻擊點。
佢哋嘅戰術核心，有幾個關鍵人物。中鋒位置嘅迪比利，並唔會企定定喺前面，而係會好似「假九」咁，不斷回撤到中場，拉扯對手嘅中堅，為兩邊嘅快翼（例如字母哥）製造向前衝刺嘅空間。
而右路嘅夏基美，就係佢哋嘅特攻隊長，佢嘅瘋狂後上疊瓦，係PSG撕開對手防線最常用、亦都最難防守嘅一招。
呢個由控球、壓迫、球員流動所組成嘅複雜體系，就係PSG之所以睇起嚟無堅不摧嘅原因。要喺呢部精密嘅機器入面搵到一絲破綻，絕非易事。
尋找藍圖：PSG的「輸波方程式」
好，睇完對手有幾強大之後，我哋就要做啲更實際嘅嘢：就係好似偵探查案咁，喺PSG為數不多嘅失分比賽入面，去搵出佢哋嘅輸波方程式，睇下有冇共通嘅規律可循。
抽咗好多場比賽做分析之後，一個比較清晰嘅模式浮現咗出嚟。PSG最大嘅優點就係佢哋嗰套極度壓上、極具侵略性嘅體系，但同時亦都係佢哋最致命嘅弱點。佢哋為咗進攻，會將大量兵力投入到前場，一旦喺中前場被斷波，而第一時間嘅反搶又唔成功，佢哋身後就會暴露出一大片致命嘅空位。
而成功喺佢哋身上攞到分嘅球隊，例如維拉、尼斯，甚至係今屆世冠盃贏過佢哋嘅保地花高（Botafogo），幾乎都係用同一套「攻略」：
第一步：放棄控球，穩守中路 首先，唔好天真到同PSG去鬥猜波。就以今屆世冠盃，保地花高1-0擊敗PSG嗰場波為例，保地花高全場控球率只有25%，但佢哋就係用一個極度緊密嘅 4-4-2 中低位防守陣式，將中路塞到水洩不通，寧願放條邊路俾你，都唔俾你喺心臟地帶做文章。最終，PSG空有控球，全場預計入球 (xG) 只有1.01，一個黃金機會都創造唔到。
第二步：引蛇出洞，等待時機 守住中路之後，就要有好大嘅耐性，去引誘對方全軍壓上。喺法甲，尼斯（Nice）作客贏PSG 3：1嗰場經典一戰，就係教科書式嘅示範。佢哋會特登暴露少少空間，引誘PSG嘅攻擊型邊後衛，尤其係夏基美，深入自己進攻三區。佢哋嘅防守球員唔會急於上前搶截，而係不斷墮後，等待夏基美離開自己防守位置嘅一剎那。
第三步：一擊即中，打身後空檔
當時機一到，搶到個波之後，就係反擊嘅時候。喺歐聯，阿士東維拉作客贏3：2嗰場，佢哋嘅前鋒屈堅斯嘅作用就係唔好退到中場攞波，而係專心喺PSG後衛嘅盲眼位準備，等隊友一搶到波，就即刻用最快、最直接嘅長傳，搵佢哋衝擊夏基美身後留低嘅嗰一大片空間。呢種打法，完全繞過咗PSG強大嘅中場，將一場複雜嘅戰術對決，簡化成一場直接嘅速度比拼。
呢個就係擊敗PSG嘅藍圖，甚至我地再退一步，睇返上季史堡贏PSG嘅一戰亦係如是。最經典，莫過於係歐聯16強利物浦縮後對PSG，果場利物浦嘅控球率低見30%，預計入球只有0.27，但確確實實地把握到唯一一次嘅入球機會就殺死咗對手。綜合上面咁多經驗，要贏PSG就係用紀律性嘅防守，去換取高效率嘅反擊機會。佢哋睇落好似好難打，但其實佢哋嘅死穴，一直都暴露喺度。
我哋嘅武器：車路士的「反擊本錢」
好，既然攻略已經喺度，下一個問題就係：我哋車路士，有冇能力去執行呢套戰術？我嘅答案係：睇落有，如果執行到甚至可以成為PSG最唔想遇到嘅嗰種類型嘅對手。
數據唔會呃人。根據統計，我哋正正就係今屆世冠盃入面，透過快速反擊入波最多嘅球隊，足足有6球！ 甚至應該好多車迷都會有同感，係我哋嘅DNA入面，感覺與生俱來就係為咗呢種戰術而設咁。
要懲罰PSG嘅高位防線，你需要嘅係速度。而我哋前場，就有積臣同柏度尼圖呢兩把快刀 (利唔利就見人見智)。尼圖一個人，就喺今屆賽事包辦咗3個快攻入球。佢哋嘅任務好簡單，就係不停咁衝擊對方中堅同夏基美身後嗰條高速公路。
有咗跑手，仲要有人送出致命傳送。而我哋嘅彭馬同安素，正正就係喺反擊中，負責交出最後一傳嘅最佳人選。佢地喺半場嘅視野同創造力，就係我哋反擊嘅發射台，特別係安素，佢係世冠盃暫時以 3個助攻領先緊助攻榜。
如果需要一啲變數，我哋仲有4強嘅英雄祖奧柏度。佢喺對富明尼斯時梅開二度，證明咗佢嘅狀態同信心都喺頂峰，佢嘅盤扭同窄位技術，或者可以喺關鍵時候提供唔一樣嘅解決方案。
除咗防守核心卡些度，現時係中場嘅侯選仲有拉維亞同黑工山度士，前者雖然狀態未明，但後者係法甲上季贏過PSG，用嘅一樣係死守反擊戰術。所以今場嘅任務會非常清晰：唔需要同對方中場鬥猜波，只需要做好防守攔截，搶到個波之後，第一時間搵前面嘅安素彭馬同班快馬。做好呢樣嘢，我哋嘅反擊就有望打得成。
我哋嘅隱憂：執行力與中場大考驗
雖然我哋理論上，有住克制PSG嘅武器。但任何戰術藍圖，都要靠場上球員100%完美執行。而喺決賽前夕，我哋正正就喺幾個關鍵位置上，出現咗令人憂慮嘅「未知數」。
最大、最核心嘅隱憂，肯定係我哋嘅中場。所有「防守反擊」嘅戰術，都建基於一個穩固嘅中場屏障，但喺大戰前夕，我哋嘅防守核心卡些度，究竟趕唔趕得切復出，仍然係一個巨大嘅問號。
雖然消息話佢嘅康復進度理想，有機會上陣，但一旦佢最終缺陣，我哋嘅中場防守將會即刻跌一個檔次。更麻煩嘅係，本應作為替補嘅拉維亞，本身亦都有傷患疑慮，狀態成謎。到時，我哋可能要焗住倚重對戰術理解尚淺嘅黑工山度士，去鎮守中場中路，直接面對PSG世界級嘅中場壓迫。呢個風險，可以話係極高。
第二個隱憂，就係我哋嘅把握力。執行反擊戰術，意味住我哋全場嘅機會可能唔會多，可能就係三、四次可以一劍封喉嘅黃金機會 (想像下，連皇馬對住PSG都無辦法創造到任何黃金機會)。到時，我哋前場嘅快馬積臣、尼圖，甚至係新仔戴納能唔能夠保持絕對嘅冷靜，將機會轉化成入球？任何一次嘅浪費，喺呢個級數嘅決賽，後果都可能係致命嘅。
最後一個，亦係車路士最大嘅隱憂，車路士嘅防線全季都患得患失，唔止係山齊士嘅神經刀，仲有高維爾等中堅間中就會自爆，要應付PSG瘋狂搶迫，佢地可唔可以保持冷靜就係最大最大嘅隱憂。
中場嘅不確定性，加上對前鋒把握力嘅考驗同埋防線嘅穩定性，令呢場決賽充滿變數。我哋嘅致勝藍圖雖然存在，但執行起上嚟，將會係一場名副其實嘅走鋼線。
總結：一場關於信念的終極考驗
戰術、數據、部署……所有紙上談兵嘅嘢，我哋都已經分析過。但去到決賽，有樣嘢，係數據分析唔到嘅，嗰樣嘢，叫車路士精神。
冇錯，PSG係熱門，佢哋星光熠熠，睇落無堅不摧。但係，我哋車路士球迷，對呢個劇本，其實一啲都唔陌生。試諗返2012年嘅慕尼黑，喺安聯球場，面對住主場出擊、強大到令人絕望嘅拜仁，有邊個睇好我哋？但我哋靠住永不放棄嘅鬥志，最終捧起咗大耳盃。
再諗下2021年嘅波圖，面對住哥迪奧拿手下，當時被認為係全宇宙最強嘅曼城，我哋同樣係不被看好嘅一方。但我哋用一次完美嘅戰術執行，再次令全世界跌眼鏡。
歷史話我哋知，車路士最擅長嘅，就係喺不被看好嘅情況下，創造奇蹟。
對於今場決賽，我唔係奢望球隊要大炒PSG，甚至捧盃都可能只係一個夢想。我只係希望，呢班年輕嘅球員，可以踢返場有骨氣、有鬥志嘅波。起碼要話俾全世界知，我哋車路士能夠殺入決賽，係靠我哋嘅實力，而唔係純粹嘅運氣；我哋有能力，同任何歐洲頂級強隊一較高下。只要能夠踢出呢份精神，無論最終結果如何，喺我哋心中，呢班波都已經係贏家。Come on Chelsea!
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊