每逢夏天，足球界總有幾樣年度盛事：瘋狂嘅轉會傳聞、各隊嘅新波衫，仲有，就係我哋車路士嗰張長到好似《清明上河圖》咁嘅大軍名單。每年呢個時候，總會有抽水怪將我哋所有一隊、外借兵、U21甚至U18小將全部塞晒入一張圖，然後喺公海瘋傳，恥笑我哋人滿之患同埋食堂唔夠位食飯等等。
既然係咁，與其等俾人笑，不如等我今年超前部署，做一次流量戰士，親手整一張圖俾大家直接用，費事你哋周圍搵。
於是，一張包含咗50位球員嘅「車路士2025/26開季超大名單」，就此誕生！嗱，抽水要快，快D Share咗出去先再睇下文。
喺你Cap完圖send俾你個利迷/阿迷朋友恥笑之後，不妨先聽下車迷的講法，逐個位置同大家「點人頭」，睇下呢個接近50人嘅陣容，究竟係真定係假。
全家福大點兵：接近50人的煩惱
好，張圖就喺上面。我哋就跟住張圖，做一個簡單嘅點人頭，睇下呢個「車路士大家庭」有幾墟冚：
龍門 (Goalkeepers)： 山齊士、佐真遜、彭達斯、施路連拿、柏祖域、沙文路維... 總共6個！一個龍門位，竟然有6個人爭。
後防線 (Defenders)： 古古尼亞、捷維爾、高維爾、巴迪亞舒尼、艾達拉比奧尤、迪西斯、查洛巴、安素文奴、沙亞、科芬拿、占士、古斯度、艾殊邦、基卓斯... 仲有韋利同外借嘅維加。加加埋埋，足足16個！一條四人防線，我哋嘅人腳夠擺三隊有多。
中場 (Midfielders)： 安素、山度士、賀爾、卡些度、拉維亞、艾素高、阿莫古、烏高卓古、彭馬、柏艾斯、基利文、菲歷斯、卓古美卡、安宮古... 總共14個！三中場嘅陣式，平均4個人爭一個位。
前鋒線 (Forwards/Wingers)： 史達寧、佐治、基頓斯、柏度、梅迪歷、積臣、戴納、古爾、波也、大衛科芬拿、華盛頓、馬杜基、尼圖、二安... 總共14個！就算踢三箭頭，都仲有11個攻擊手要坐冷板凳。
好，數完。6+16+14+14 = 50。足足50人！呢個數字，已經唔單止係「陣容深度」嘅問題，而係一個管理上嘅災難。相信一眾球迷睇到呢度應該如獲至寶，發現自己搵到抽水位。
試諗下，馬蛇（Maresca）平時嘅分組對抗訓練要點樣安排？更衣室入面，咁多位球員嘅情緒同上陣時間嘅期望，又要點樣平衡？呢個人山人海嘅局面，就係我哋喺討論清洗之前，必須要正視嘅第一個現實。
清洗名單大預測：邊個要入回收箱？
好，對住呢個50人陣容，清洗係唯一嘅出路。以下就係我哋嘅預測，睇下邊啲球員，最大機會喺今個夏天，以唔同嘅方式暫時或者永久離開球隊。
永久轉會 / 清貨區 (12)
必然離開(3)： 首當其衝，一定係史達寧、捷維爾。佢哋嘅情況唔使多講，高薪、唔喺球隊計劃之內，球會目標只有一個：盡快搵到買家，永久甩身。而迪西施呢類單純係最初入錯貨嘅球員，今季都會被列入清洗名單。
套現目標(6)： 另一類，就係可以為我哋帶嚟利潤嘅球員。前鋒大衛科芬拿同波也，上季外借表現雖然一般，暫時仲未吸引到其他球會嘅興趣，但將佢哋變成現金係最符合經濟效益嘅做法。同一條List，仲有為左要平衡FFP嘅球員，例如已經同阿仙奴傾緊嘅馬杜基、被多間球會注目嘅安宮古、上年法甲最佳門將柏祖域、上車先發現唔想踢閘嘅維加等等，如果車路士真係賣得出佢地，已經足夠填充返部份轉會損失。
FFP純利提款機(2)： 當然，仲有我哋嘅純利提款機 aka 青訓產品。查洛巴嘅情況，上年我哋已經分析過，賣走佢對盤數嘅幫助極大，加上我地過唔到FFP嘅關係，相信今個夏天球會會繼續推動佢嘅轉會。另一個傳聞會賣走嘅係我幾欣賞嘅右閘小將基卓飛，上季係錫菲聯表現唔錯，已經吸引到唔少球隊嘅注意。
半價蝕讓區(1)：菲力斯……買完返埋季中就話上陣時間唔夠要外借，去到AC結果又係踢唔起，最近傳聞話佢想返去賓菲加……但你有無諗過賓菲加想唔想要你？
外借練級 / 尋找機會區 (10)
年輕小將 (6)： 好似門將路維、防中烏高卓古、攻中柏艾斯同基利文、左翼佐治、前鋒華盛頓等等，佢哋嘅天賦毋庸置疑，但喺目前一隊嘅競爭下，根本冇可能有足夠上陣時間。將佢哋外借去其他聯賽，吸收實戰經驗，係佢哋成長嘅必經之路。
外借練級 (1)： 至於卓古美卡，上季嘅傷病影響太大，外借去多蒙特都搵唔到幾多上陣機會，如果多蒙特最終決定唔買斷，可能要再幫佢搵下一個外借先解決到問題。
史堡專用區 (3)： 左閘韋利、門將彭達斯、防中阿莫古，以上 3個一開始就話咗係為史堡而設，無論史堡係打算用外借形式定買斷形式都好，理論上都會係季尾決定。
根本唔出得 (2)
藥禁 (1)： 梅迪歷，禁足幾年，打官司幾快都要一年半載，復出又要諗你有無狀態，計你落黎都係搵自己笨。
傷患 (1)： W.科芬拿，上年12月唔聽球會建議繼續踢，結果傷出之後更大鑊。最新的消息係車路士已經對佢無晒期待，復出都會諗計仔轉手。
經過呢輪篩選，我哋嘅名單已經大幅瘦身，一口氣減走24條友。下一步，我哋就睇下，剩低嘅核心陣容，係一個點樣嘅面貌。
理想陣容芻形：26人的真正核心
好，經過頭先一番殘酷嘅大清洗，我哋嘅50人大軍，終於瘦身成功。以下呢個26人名單（為方便討論，暫不計算仍受傷患/場外因素困擾的科芬拿及梅迪歷），先至係我哋下個賽季，真正可以倚靠嘅核心陣容。
門將 (3人)： 山齊士、佐真遜、施路連拿
龍門位置回復正常。雖然唔情願，但山齊士同佐真遜會繼續競爭正選，年輕嘅美國門將施路連拿就會係第三選擇，提供足夠嘅深度。
後防 (9人)： 古古尼亞、高維爾、巴迪亞舒尼、艾達拉比奧尤、安素文奴、古斯度、占士、艾殊邦、沙亞
後防線清走咗大量冗員之後，人腳變得精簡。左閘有古古尼亞，右閘有隊長占士同古斯度。中堅位置，高維爾同巴迪亞舒尼會繼續成長(應該係)，配搭經驗豐富嘅艾達拉比奧尤，加上沙亞、安素文奴同艾殊邦呢啲後生仔做輪換，結構合理，甚至略嫌板櫈深度不足，如果科芬拿真係傷癒復出，又或者維加願意留隊打左閘嘅話，防線人腳就會更加充足。
中場 (7人)： 安素、卡些度、拉維亞、山度士、賀爾、艾素高、彭馬
中場可以話係我哋最兵強馬壯嘅一環。安素、卡些度、拉維亞組成嘅鐵三角，將會係我哋嘅絕對主力。黑工山度士同賀爾提供咗唔同嘅戰術選擇，而艾素高就係未來嘅儲備。當然，仲有可以拉後一格嘅核心——彭馬。
前鋒 (7人)： 積臣、戴納、古爾、基頓斯、尼圖、二安、柏度
前場進行大換血之後，火力睇落更加集中。中鋒位置有積臣同埋兩位備受期待嘅新仔戴納、古爾。翼鋒位置，基頓斯、尼圖、二安同柏度將會提供我哋最需要嘅速度同爆破力。柏度亦可以好似上場世冠盃咁兼任正前鋒提供窄位盤扭。
呢個26人嘅陣容，年齡結構合理，每個位置都有足夠嘅競爭。雖然講唔上係星光熠熠，但就更加整體、更加有活力。呢個，先至係馬蛇可以真正建立穩定戰術體系嘅基礎。
總結：恥笑聲中的新常態
好，由50人嘅全家福，到26人嘅核心陣容，我哋今次嘅紙上談兵總算告一段落。
所以，下次再有花生友拎住我哋張迫爆更衣室嘅全家福嚟抽水，大家就可以笑一笑，然後將呢篇文章掟俾佢睇，順便俾我賺下流量。
我哋唔係唔知自己陣容臃腫，但大家要明白，喺今時今日嘅FFP/PSR規則之下，呢種「先大量買入年輕潛力股，再從中篩選，將其餘嘅外借或出售」嘅操作，可能已經慢慢成為我哋呢類豪門，無可奈何之下嘅新常態。
呢個模式，一方面透過盡量長嘅合約年期去攤分高昂嘅轉會費 (而家最高5年)，另一方面，又可以利用出售青訓或者練滿級嘅球員去賺取純利，用嚟平衡返盤數。成件事，就係一盤極度複雜，但又極之現實嘅數字遊戲。
當然，呢盤棋點樣行，好考管理層嘅功力。希望佢哋能夠喺完左世冠盃之後所剩無幾嘅轉會窗時間，有效率咁完成清貨任務，為馬蛇提供一個陣容深度足夠、但又唔會過度臃腫嘅健康陣容，去迎接新球季嘅挑戰。我哋作為球迷，都係嗰句：拭目以待！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419https：//www.threads.com/@hkgchedog
既然係咁，與其等俾人笑，不如等我今年超前部署，做一次流量戰士，親手整一張圖俾大家直接用，費事你哋周圍搵。
於是，一張包含咗50位球員嘅「車路士2025/26開季超大名單」，就此誕生！嗱，抽水要快，快D Share咗出去先再睇下文。
喺你Cap完圖send俾你個利迷/阿迷朋友恥笑之後，不妨先聽下車迷的講法，逐個位置同大家「點人頭」，睇下呢個接近50人嘅陣容，究竟係真定係假。
全家福大點兵：接近50人的煩惱
好，張圖就喺上面。我哋就跟住張圖，做一個簡單嘅點人頭，睇下呢個「車路士大家庭」有幾墟冚：
龍門 (Goalkeepers)： 山齊士、佐真遜、彭達斯、施路連拿、柏祖域、沙文路維... 總共6個！一個龍門位，竟然有6個人爭。
後防線 (Defenders)： 古古尼亞、捷維爾、高維爾、巴迪亞舒尼、艾達拉比奧尤、迪西斯、查洛巴、安素文奴、沙亞、科芬拿、占士、古斯度、艾殊邦、基卓斯... 仲有韋利同外借嘅維加。加加埋埋，足足16個！一條四人防線，我哋嘅人腳夠擺三隊有多。
中場 (Midfielders)： 安素、山度士、賀爾、卡些度、拉維亞、艾素高、阿莫古、烏高卓古、彭馬、柏艾斯、基利文、菲歷斯、卓古美卡、安宮古... 總共14個！三中場嘅陣式，平均4個人爭一個位。
前鋒線 (Forwards/Wingers)： 史達寧、佐治、基頓斯、柏度、梅迪歷、積臣、戴納、古爾、波也、大衛科芬拿、華盛頓、馬杜基、尼圖、二安... 總共14個！就算踢三箭頭，都仲有11個攻擊手要坐冷板凳。
好，數完。6+16+14+14 = 50。足足50人！呢個數字，已經唔單止係「陣容深度」嘅問題，而係一個管理上嘅災難。相信一眾球迷睇到呢度應該如獲至寶，發現自己搵到抽水位。
試諗下，馬蛇（Maresca）平時嘅分組對抗訓練要點樣安排？更衣室入面，咁多位球員嘅情緒同上陣時間嘅期望，又要點樣平衡？呢個人山人海嘅局面，就係我哋喺討論清洗之前，必須要正視嘅第一個現實。
清洗名單大預測：邊個要入回收箱？
好，對住呢個50人陣容，清洗係唯一嘅出路。以下就係我哋嘅預測，睇下邊啲球員，最大機會喺今個夏天，以唔同嘅方式暫時或者永久離開球隊。
永久轉會 / 清貨區 (12)
必然離開(3)： 首當其衝，一定係史達寧、捷維爾。佢哋嘅情況唔使多講，高薪、唔喺球隊計劃之內，球會目標只有一個：盡快搵到買家，永久甩身。而迪西施呢類單純係最初入錯貨嘅球員，今季都會被列入清洗名單。
套現目標(6)： 另一類，就係可以為我哋帶嚟利潤嘅球員。前鋒大衛科芬拿同波也，上季外借表現雖然一般，暫時仲未吸引到其他球會嘅興趣，但將佢哋變成現金係最符合經濟效益嘅做法。同一條List，仲有為左要平衡FFP嘅球員，例如已經同阿仙奴傾緊嘅馬杜基、被多間球會注目嘅安宮古、上年法甲最佳門將柏祖域、上車先發現唔想踢閘嘅維加等等，如果車路士真係賣得出佢地，已經足夠填充返部份轉會損失。
FFP純利提款機(2)： 當然，仲有我哋嘅純利提款機 aka 青訓產品。查洛巴嘅情況，上年我哋已經分析過，賣走佢對盤數嘅幫助極大，加上我地過唔到FFP嘅關係，相信今個夏天球會會繼續推動佢嘅轉會。另一個傳聞會賣走嘅係我幾欣賞嘅右閘小將基卓飛，上季係錫菲聯表現唔錯，已經吸引到唔少球隊嘅注意。
半價蝕讓區(1)：菲力斯……買完返埋季中就話上陣時間唔夠要外借，去到AC結果又係踢唔起，最近傳聞話佢想返去賓菲加……但你有無諗過賓菲加想唔想要你？
外借練級 / 尋找機會區 (10)
年輕小將 (6)： 好似門將路維、防中烏高卓古、攻中柏艾斯同基利文、左翼佐治、前鋒華盛頓等等，佢哋嘅天賦毋庸置疑，但喺目前一隊嘅競爭下，根本冇可能有足夠上陣時間。將佢哋外借去其他聯賽，吸收實戰經驗，係佢哋成長嘅必經之路。
外借練級 (1)： 至於卓古美卡，上季嘅傷病影響太大，外借去多蒙特都搵唔到幾多上陣機會，如果多蒙特最終決定唔買斷，可能要再幫佢搵下一個外借先解決到問題。
史堡專用區 (3)： 左閘韋利、門將彭達斯、防中阿莫古，以上 3個一開始就話咗係為史堡而設，無論史堡係打算用外借形式定買斷形式都好，理論上都會係季尾決定。
根本唔出得 (2)
藥禁 (1)： 梅迪歷，禁足幾年，打官司幾快都要一年半載，復出又要諗你有無狀態，計你落黎都係搵自己笨。
傷患 (1)： W.科芬拿，上年12月唔聽球會建議繼續踢，結果傷出之後更大鑊。最新的消息係車路士已經對佢無晒期待，復出都會諗計仔轉手。
經過呢輪篩選，我哋嘅名單已經大幅瘦身，一口氣減走24條友。下一步，我哋就睇下，剩低嘅核心陣容，係一個點樣嘅面貌。
理想陣容芻形：26人的真正核心
好，經過頭先一番殘酷嘅大清洗，我哋嘅50人大軍，終於瘦身成功。以下呢個26人名單（為方便討論，暫不計算仍受傷患/場外因素困擾的科芬拿及梅迪歷），先至係我哋下個賽季，真正可以倚靠嘅核心陣容。
門將 (3人)： 山齊士、佐真遜、施路連拿
龍門位置回復正常。雖然唔情願，但山齊士同佐真遜會繼續競爭正選，年輕嘅美國門將施路連拿就會係第三選擇，提供足夠嘅深度。
後防 (9人)： 古古尼亞、高維爾、巴迪亞舒尼、艾達拉比奧尤、安素文奴、古斯度、占士、艾殊邦、沙亞
後防線清走咗大量冗員之後，人腳變得精簡。左閘有古古尼亞，右閘有隊長占士同古斯度。中堅位置，高維爾同巴迪亞舒尼會繼續成長(應該係)，配搭經驗豐富嘅艾達拉比奧尤，加上沙亞、安素文奴同艾殊邦呢啲後生仔做輪換，結構合理，甚至略嫌板櫈深度不足，如果科芬拿真係傷癒復出，又或者維加願意留隊打左閘嘅話，防線人腳就會更加充足。
中場 (7人)： 安素、卡些度、拉維亞、山度士、賀爾、艾素高、彭馬
中場可以話係我哋最兵強馬壯嘅一環。安素、卡些度、拉維亞組成嘅鐵三角，將會係我哋嘅絕對主力。黑工山度士同賀爾提供咗唔同嘅戰術選擇，而艾素高就係未來嘅儲備。當然，仲有可以拉後一格嘅核心——彭馬。
前鋒 (7人)： 積臣、戴納、古爾、基頓斯、尼圖、二安、柏度
前場進行大換血之後，火力睇落更加集中。中鋒位置有積臣同埋兩位備受期待嘅新仔戴納、古爾。翼鋒位置，基頓斯、尼圖、二安同柏度將會提供我哋最需要嘅速度同爆破力。柏度亦可以好似上場世冠盃咁兼任正前鋒提供窄位盤扭。
呢個26人嘅陣容，年齡結構合理，每個位置都有足夠嘅競爭。雖然講唔上係星光熠熠，但就更加整體、更加有活力。呢個，先至係馬蛇可以真正建立穩定戰術體系嘅基礎。
總結：恥笑聲中的新常態
好，由50人嘅全家福，到26人嘅核心陣容，我哋今次嘅紙上談兵總算告一段落。
所以，下次再有花生友拎住我哋張迫爆更衣室嘅全家福嚟抽水，大家就可以笑一笑，然後將呢篇文章掟俾佢睇，順便俾我賺下流量。
我哋唔係唔知自己陣容臃腫，但大家要明白，喺今時今日嘅FFP/PSR規則之下，呢種「先大量買入年輕潛力股，再從中篩選，將其餘嘅外借或出售」嘅操作，可能已經慢慢成為我哋呢類豪門，無可奈何之下嘅新常態。
呢個模式，一方面透過盡量長嘅合約年期去攤分高昂嘅轉會費 (而家最高5年)，另一方面，又可以利用出售青訓或者練滿級嘅球員去賺取純利，用嚟平衡返盤數。成件事，就係一盤極度複雜，但又極之現實嘅數字遊戲。
當然，呢盤棋點樣行，好考管理層嘅功力。希望佢哋能夠喺完左世冠盃之後所剩無幾嘅轉會窗時間，有效率咁完成清貨任務，為馬蛇提供一個陣容深度足夠、但又唔會過度臃腫嘅健康陣容，去迎接新球季嘅挑戰。我哋作為球迷，都係嗰句：拭目以待！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419https：//www.threads.com/@hkgchedog
請按此登錄後留言。未成為會員? 立即註冊