首先同大家重溫一下個劇本：
某曾經嘅英超強隊，佢個前領隊（光頭）本身教得好哋哋，有幫到球隊奪冠，然後就因為少少衝突而離開球會。 跟住球會就好似撞邪咁，搵咗一個有頭髮嘅少帥返嚟教……Preferred formation 又咁啱係 3-4-2-1……
我講緊咩？唔好誤會，我只係講緊車路士……咩話？你覺得我有弦外之音？覺得我講緊曼……？無……你錯覺姐……
點都好，希望今次個結局唔係一樣啦。雖然公海好多專頁已經大大隻字寫：「車仔又炒人」、「10年炒N條友」、「車仔不嬲係咁」。但作為一個真車迷，撇除頭先個地獄 Gag，我夠膽講一句，今次炒人其實「唔一X樣」。
有關馬蛇點解離隊，又點解車仔可以唔使賠錢等等…其他車仔 Page 已經寫咗唔少，所以今篇文我就唔寫呢部份，而係針對球場外因素，解答一下：「Why 羅斯尼亞」。
喺施丹、高普、沙維、摩連奴、甚至坦……咳……呢啲大牌都可傾嘅情況下，清湖偏偏直接由法甲中遊提拔、揀一個資歷尚淺嘅自己人？
權謀解碼：完美的扯線公仔
講白啲，高層今次揀帥，睇嘅唔係履歷表上面由幾多個冠軍，而係你夠唔夠聽話。
回顧返近年車路士嘅動盪，由杜曹、波特、肥普到馬蛇，每一個同高層反面嘅導火線，離唔開三個字：控制權。教練想要自己嘅人，高層想要買FM上面數值靚嘅妖人，結果火星撞地球。
但羅斯尼亞唔同。佢係 BlueCo 體系下最完美嘅員工。 證據？睇下 Emegha 單交易就知。當史堡隊長兼主力射手 Emegha 被強制賣去車路士，換轉係其他有性格嘅領隊，肯定已經喺記者會發爛渣或者單打高層。但羅斯尼亞點做？佢無怨言，公開支持球會決定，甚至幫手安撫球迷。
呢一點對於控制慾極強嘅高層黎講，簡直係加晒分。佢哋唔需要一個會挑戰 Sporting Directors 嘅領隊，佢哋只需要一個會乖乖地用上面俾你是但一個球員去教好波嘅 Head Coach。羅斯尼亞，正正就係嗰個唔會 Say No 嘅人。睇下份合約簽到去 2032 年就知，高層對呢位聽話嘅自己人有幾大信心（或者係幾大控制慾）。
戰略意義：驗證多球會模式的最後一塊拼圖
除咗聽話，提拔羅斯尼亞仲有一個極大嘅戰略意圖：BlueCo 要證明佢哋個多球會模式係 Work 嘅。
一直以來，大家都以為史特拉斯堡只係球員（好似山度士、柏祖域）嘅練級場。但依家連領隊都正式由史堡升級過黎車路士並且取得成功，咁就證明咗 BlueCo 建立咗一個完美嘅Closed Loop。
一旦羅斯尼亞成功咗，以後車路士再唔洗俾幾千萬違約金去撬人哋個領隊，直接喺自己個衞星球會度提拔就得。對於講求投資回報率嘅Blue Co黎講，係一個極具誘惑力嘅商業模型。今次任命，其實係高層想向世界證明：我哋套玩法係行得通嘅。
外部風險：來自法國的怒火
不過，算盤打得響，唔代表現實無風險。第一重風險來自法國。
史堡嘅球迷本身已經非常不滿 BlueCo 嘅吸血行為，覺得車仔搶走晒佢哋啲好球員，示威抗議無日無之。依家官宣落實，連帶得最好、最有魅力嘅領隊都正式撬走埋，呢個無疑係喺傷口上灑鹽。
咁做隨時會引發姊妹球會嘅暴動，令當地反車路士嘅情緒升溫。萬一搞到史堡嗰邊士氣崩潰、甚至降班，或者以後借去史堡嘅車仔球員被球迷針對，咁個練級場隨時廢武功。為咗救車仔而犧牲成個法國基地，係咪真係值得？
總結：
仲有就當然係有無能力管理更衣室…不過因為上一篇已經講咗就唔重覆啦。
所以，點解係羅斯尼亞？ 因為對於高層黎講，佢係最安全嘅資產；但對於球迷黎講，佢係一場極高風險嘅賭搏。
高層賭緊嘅，係佢哋個系統大於個人能力。佢哋相信只要體系啱，搵個聽話嘅工程師就夠運作，唔需要名帥加持。贏咗，BlueCo 模式封神；輸咗，車路士就繼續喺重建嘅輪迴入面無限 Loop。
作為車迷，既然人選已定，我哋唯有希望這位親生仔真係有能力打破宿命，唔好成為權力遊戲下嘅另一件犧牲品。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
某曾經嘅英超強隊，佢個前領隊（光頭）本身教得好哋哋，有幫到球隊奪冠，然後就因為少少衝突而離開球會。 跟住球會就好似撞邪咁，搵咗一個有頭髮嘅少帥返嚟教……Preferred formation 又咁啱係 3-4-2-1……
我講緊咩？唔好誤會，我只係講緊車路士……咩話？你覺得我有弦外之音？覺得我講緊曼……？無……你錯覺姐……
點都好，希望今次個結局唔係一樣啦。雖然公海好多專頁已經大大隻字寫：「車仔又炒人」、「10年炒N條友」、「車仔不嬲係咁」。但作為一個真車迷，撇除頭先個地獄 Gag，我夠膽講一句，今次炒人其實「唔一X樣」。
有關馬蛇點解離隊，又點解車仔可以唔使賠錢等等…其他車仔 Page 已經寫咗唔少，所以今篇文我就唔寫呢部份，而係針對球場外因素，解答一下：「Why 羅斯尼亞」。
喺施丹、高普、沙維、摩連奴、甚至坦……咳……呢啲大牌都可傾嘅情況下，清湖偏偏直接由法甲中遊提拔、揀一個資歷尚淺嘅自己人？
權謀解碼：完美的扯線公仔
講白啲，高層今次揀帥，睇嘅唔係履歷表上面由幾多個冠軍，而係你夠唔夠聽話。
回顧返近年車路士嘅動盪，由杜曹、波特、肥普到馬蛇，每一個同高層反面嘅導火線，離唔開三個字：控制權。教練想要自己嘅人，高層想要買FM上面數值靚嘅妖人，結果火星撞地球。
但羅斯尼亞唔同。佢係 BlueCo 體系下最完美嘅員工。 證據？睇下 Emegha 單交易就知。當史堡隊長兼主力射手 Emegha 被強制賣去車路士，換轉係其他有性格嘅領隊，肯定已經喺記者會發爛渣或者單打高層。但羅斯尼亞點做？佢無怨言，公開支持球會決定，甚至幫手安撫球迷。
呢一點對於控制慾極強嘅高層黎講，簡直係加晒分。佢哋唔需要一個會挑戰 Sporting Directors 嘅領隊，佢哋只需要一個會乖乖地用上面俾你是但一個球員去教好波嘅 Head Coach。羅斯尼亞，正正就係嗰個唔會 Say No 嘅人。睇下份合約簽到去 2032 年就知，高層對呢位聽話嘅自己人有幾大信心（或者係幾大控制慾）。
戰略意義：驗證多球會模式的最後一塊拼圖
除咗聽話，提拔羅斯尼亞仲有一個極大嘅戰略意圖：BlueCo 要證明佢哋個多球會模式係 Work 嘅。
一直以來，大家都以為史特拉斯堡只係球員（好似山度士、柏祖域）嘅練級場。但依家連領隊都正式由史堡升級過黎車路士並且取得成功，咁就證明咗 BlueCo 建立咗一個完美嘅Closed Loop。
一旦羅斯尼亞成功咗，以後車路士再唔洗俾幾千萬違約金去撬人哋個領隊，直接喺自己個衞星球會度提拔就得。對於講求投資回報率嘅Blue Co黎講，係一個極具誘惑力嘅商業模型。今次任命，其實係高層想向世界證明：我哋套玩法係行得通嘅。
外部風險：來自法國的怒火
不過，算盤打得響，唔代表現實無風險。第一重風險來自法國。
史堡嘅球迷本身已經非常不滿 BlueCo 嘅吸血行為，覺得車仔搶走晒佢哋啲好球員，示威抗議無日無之。依家官宣落實，連帶得最好、最有魅力嘅領隊都正式撬走埋，呢個無疑係喺傷口上灑鹽。
咁做隨時會引發姊妹球會嘅暴動，令當地反車路士嘅情緒升溫。萬一搞到史堡嗰邊士氣崩潰、甚至降班，或者以後借去史堡嘅車仔球員被球迷針對，咁個練級場隨時廢武功。為咗救車仔而犧牲成個法國基地，係咪真係值得？
總結：
仲有就當然係有無能力管理更衣室…不過因為上一篇已經講咗就唔重覆啦。
所以，點解係羅斯尼亞？ 因為對於高層黎講，佢係最安全嘅資產；但對於球迷黎講，佢係一場極高風險嘅賭搏。
高層賭緊嘅，係佢哋個系統大於個人能力。佢哋相信只要體系啱，搵個聽話嘅工程師就夠運作，唔需要名帥加持。贏咗，BlueCo 模式封神；輸咗，車路士就繼續喺重建嘅輪迴入面無限 Loop。
作為車迷，既然人選已定，我哋唯有希望這位親生仔真係有能力打破宿命，唔好成為權力遊戲下嘅另一件犧牲品。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊