各位車迷，新年進步！但「新年快樂」呢4粒字，喺剛過去呢48小時講出嚟，似乎有啲尷尬。
主場俾般尼茅夫逼和 2-2 失分事小，最令球壇嘩然嘅，係賽後馬蛇竟然玩失蹤，直接缺席記者會，話就話係病，但個時機未免太巧合。
記唔記得上一篇文（未睇嘅朋友強烈建議禁返入去追返，傳送門在此），我先啱啱分析完佢句「最難捱 48 小時」背後有咩含意，點知劇本推進得咁快，今次唔單止係講晦氣說話，直頭係行動升級。
隨著Fabrizio Romano、BBC、Guardian、Telegraph 同步爆料，今篇文我哋就即刻做個後續跟進，撥開雲霧，拆解這場「消失的記者會」背後，可能係一場避無可避嘅路線之爭。
由「微動作」睇出嚟嘅野心？
好多人以為馬蛇同高層關係緊張，純粹係因為 12 月戰績崩盤、壓力大所以發脾氣。但根據 BBC 記者 Nizaar Kinsella 披露嘅微觀細節，原來雙方嘅矛盾可能比想像中更深。
報導提到幾個幾有趣的傳聞。首先，據指馬蛇一直有意出書宣揚自己嘅戰術哲學，但被球會以保密等理由 Blocked 咗。結果？有傳佢無視反對，早前私自飛去意大利出席 Il Festival dello Sport 進行演講。如果屬實，呢種先斬後奏嘅做法，好明顯係想建立自己嘅 Personal Brand ，唔想只係做車路士體系下一粒螺絲。
更值得以此為鑑嘅係，唔知大家有無留意到（或者係記者同球迷多心），馬蛇最近喺場邊 越來越少著球會 Tracksuit？報導指佢近期傾向著便服，甚至係私伙衫。喺職場解讀上，這往往被視為一種潛意識嘅疏離感 ：好似暗示緊「我唔係打份工嘅二打六，我有我自己嘅身份」。
再加上佢早排將經理人轉咗俾超級大鱷 Jorge Mendes，呢個舉動喺敏感時期亦難免令人聯想到係咪為未來鋪路。
當然，著咩衫、搵邊個做經理人係個人自由，但當呢一切小動作加埋一齊，外界好難唔解讀為：馬蛇未必甘心只做一個聽教聽話嘅 Head Coach，佢似乎更渴望擁有傳統 Manager 嘅話語權。 但偏偏喺清湖嘅架構下，這可能正正係踩中咗紅線。
由轉會分歧睇出嚟嘅路線矛盾
如果話馬蛇嘅野心只係感覺，咁轉會策略上嘅分歧就可能係實實在在嘅導火線。
報導中提到一個好具體嘅例子：今季初兵長高維爾重傷之後，據報馬蛇曾強烈要求球會簽入一名新中堅救火。要求合情合理，畢竟成績係領隊揹。
但高層嘅回應係點？傳聞指球會拒絕咗，理由係 「唔想阻礙青訓 艾殊邦 (Josh Acheampong) 嘅上位機會」，驚買咗人會令呢位潛力新星要求轉會。轉會，或者只係冰山一角。真正的死結在於，高層似乎俾咗馬蛇一份不可能完成的任務：
一方面，高層嘅目標好明確：球隊必須保住前四，最好有歐聯資格，甚至捧返一兩個盃落袋。因為車路士嘅財政模型係建基於歐聯收入，無得傾。
但另一方面，高層又極度強調資產增值：要求馬蛇必須大幅輪換，要俾足夠機會班現金卷同青訓上陣。正如 BBC 所講，輪換係公司政策，唔係領隊個人喜好。
問題就出喺度：輪換練兵同穩定戰績本身就係難以共存嘅。 當你用緊彭馬、卡些度都仲未可以穩贏，換入班仲交緊學費嘅年輕人，球隊表現自然會更加波動，失分就變成必然代價（例如對般尼茅夫、列斯聯）。
但係當個結果（失分）出現嗰陣，高層有無出嚟幫手解畫？無。 結果就變成： 贏波 = 高層策略英明，青春風暴成功； 輸波 = 馬蛇排陣有問題，臨場調動唔掂。呢個就係救火 vs 養生矛盾： 馬蛇每日面對住英超嘅激烈競爭，佢係喺度救火，每一分都係命根； 但高層坐喺冷氣房，佢哋睇緊嘅係三年後嘅財務報表，同馬蛇講緊養生，講緊點樣長遠培養新人。
當一個前線救火嘅指揮官，被後方要求順便培訓埋新入職嘅消防員，仲要保證一間屋都唔准燒爛...呢種結構性嘅矛盾，或許先係令馬蛇覺得最難捱同無人支持嘅真正原因。
大家都唔敢郁嘅金錢死局
講到最後，既然雙方已經面左左，連記者會都缺席埋，點解球會仲未即刻出官宣炒人？又或者馬蛇點解唔型啲直接辭職？
好老土講句：錢作怪。
根據 The Telegraph 分析，目前雙方進入咗一個尷尬嘅定格遊戲，鬥緊邊個眨眼先：
首先係馬蛇唔會主動辭職，佢份合約簽到 2029年（仲有成3年幾！）。如果佢主動辭職，一毫子賠償都攞唔到之餘仲要賠突；相反，如果你炒我，你就賠足俾我。作為打工仔，同公司關係幾差都好，無理由同錢作對。
另一邊，高層亦唔想賠錢，經歷過杜曹同波特嘅天價分手費之後，清湖似乎對於再開一張巨額支票有所猶豫。加上依家係季中，如果要炒，就要即刻科水，咁對於車仔嘅財政狀況嚟講只係雪上加霜。
另一個令高層猶豫嘅原因係「接班人」。傳聞中嘅首選斯特拉斯堡領隊羅路尼亞雖然係系出同門，但史堡果邊嘅球迷本身已經因為隊長 Emegha 被賣去車路士而示威緊。如果依家連領隊都撬走埋，那邊分分鐘反枱暴動殺入辦公室。
結果就形成咗依家呢個死局：馬蛇想走但想要錢，高層想換人但又未搞得掂後續安排。雙方只能夠維持住一個極度尷尬、名存實亡嘅婚姻關係。
總結：長痛不如短痛，最緊要唔好拖
睇完咁多爆料，作為車迷，我嘅心情其實好矛盾。
一方面，我哋受夠咗不斷換領隊嘅動盪。每一次換帥，就係一次推倒重來，戰術要重新適應，球員要重新磨合。講真，馬蛇係咪真係咁差？佢贏過歐協聯、世冠盃，今季傷兵滿營都仲咬住前列，其實未至於要判死刑。
但另一方面，足球世界好殘酷，一旦領隊同高層嘅信任鏈斷裂，就好難返得去轉頭。 想像下，如果馬蛇真係心不在車，甚至諗住去曼城接哥迪奧拿個帥位，咁勉強留佢喺度多半年，對球隊士氣只會係一種慢性毒藥。
所以，無論個結局係點，我只希望高層能夠果斷少少： 如果你覺得馬蛇係啱嘅人，就出嚟公開撐佢，叫佢著返件車會外套，解決個分歧； 如果你覺得緣份已盡，就快刀斬亂麻，俾足錢送佢走，好過依家咁樣冷戰，由得啲流言蜚語每日喺度發酵。
2026 年先啱啱開始，車路士仲有好多仗要打。無論邊個揸旗，我哋只想睇到一隊團結嘅波，而唔係一場場沒完沒了嘅宮心計。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
主場俾般尼茅夫逼和 2-2 失分事小，最令球壇嘩然嘅，係賽後馬蛇竟然玩失蹤，直接缺席記者會，話就話係病，但個時機未免太巧合。
記唔記得上一篇文（未睇嘅朋友強烈建議禁返入去追返，傳送門在此），我先啱啱分析完佢句「最難捱 48 小時」背後有咩含意，點知劇本推進得咁快，今次唔單止係講晦氣說話，直頭係行動升級。
隨著Fabrizio Romano、BBC、Guardian、Telegraph 同步爆料，今篇文我哋就即刻做個後續跟進，撥開雲霧，拆解這場「消失的記者會」背後，可能係一場避無可避嘅路線之爭。
由「微動作」睇出嚟嘅野心？
好多人以為馬蛇同高層關係緊張，純粹係因為 12 月戰績崩盤、壓力大所以發脾氣。但根據 BBC 記者 Nizaar Kinsella 披露嘅微觀細節，原來雙方嘅矛盾可能比想像中更深。
報導提到幾個幾有趣的傳聞。首先，據指馬蛇一直有意出書宣揚自己嘅戰術哲學，但被球會以保密等理由 Blocked 咗。結果？有傳佢無視反對，早前私自飛去意大利出席 Il Festival dello Sport 進行演講。如果屬實，呢種先斬後奏嘅做法，好明顯係想建立自己嘅 Personal Brand ，唔想只係做車路士體系下一粒螺絲。
更值得以此為鑑嘅係，唔知大家有無留意到（或者係記者同球迷多心），馬蛇最近喺場邊 越來越少著球會 Tracksuit？報導指佢近期傾向著便服，甚至係私伙衫。喺職場解讀上，這往往被視為一種潛意識嘅疏離感 ：好似暗示緊「我唔係打份工嘅二打六，我有我自己嘅身份」。
再加上佢早排將經理人轉咗俾超級大鱷 Jorge Mendes，呢個舉動喺敏感時期亦難免令人聯想到係咪為未來鋪路。
當然，著咩衫、搵邊個做經理人係個人自由，但當呢一切小動作加埋一齊，外界好難唔解讀為：馬蛇未必甘心只做一個聽教聽話嘅 Head Coach，佢似乎更渴望擁有傳統 Manager 嘅話語權。 但偏偏喺清湖嘅架構下，這可能正正係踩中咗紅線。
由轉會分歧睇出嚟嘅路線矛盾
如果話馬蛇嘅野心只係感覺，咁轉會策略上嘅分歧就可能係實實在在嘅導火線。
報導中提到一個好具體嘅例子：今季初兵長高維爾重傷之後，據報馬蛇曾強烈要求球會簽入一名新中堅救火。要求合情合理，畢竟成績係領隊揹。
但高層嘅回應係點？傳聞指球會拒絕咗，理由係 「唔想阻礙青訓 艾殊邦 (Josh Acheampong) 嘅上位機會」，驚買咗人會令呢位潛力新星要求轉會。轉會，或者只係冰山一角。真正的死結在於，高層似乎俾咗馬蛇一份不可能完成的任務：
一方面，高層嘅目標好明確：球隊必須保住前四，最好有歐聯資格，甚至捧返一兩個盃落袋。因為車路士嘅財政模型係建基於歐聯收入，無得傾。
但另一方面，高層又極度強調資產增值：要求馬蛇必須大幅輪換，要俾足夠機會班現金卷同青訓上陣。正如 BBC 所講，輪換係公司政策，唔係領隊個人喜好。
問題就出喺度：輪換練兵同穩定戰績本身就係難以共存嘅。 當你用緊彭馬、卡些度都仲未可以穩贏，換入班仲交緊學費嘅年輕人，球隊表現自然會更加波動，失分就變成必然代價（例如對般尼茅夫、列斯聯）。
但係當個結果（失分）出現嗰陣，高層有無出嚟幫手解畫？無。 結果就變成： 贏波 = 高層策略英明，青春風暴成功； 輸波 = 馬蛇排陣有問題，臨場調動唔掂。呢個就係救火 vs 養生矛盾： 馬蛇每日面對住英超嘅激烈競爭，佢係喺度救火，每一分都係命根； 但高層坐喺冷氣房，佢哋睇緊嘅係三年後嘅財務報表，同馬蛇講緊養生，講緊點樣長遠培養新人。
當一個前線救火嘅指揮官，被後方要求順便培訓埋新入職嘅消防員，仲要保證一間屋都唔准燒爛...呢種結構性嘅矛盾，或許先係令馬蛇覺得最難捱同無人支持嘅真正原因。
大家都唔敢郁嘅金錢死局
講到最後，既然雙方已經面左左，連記者會都缺席埋，點解球會仲未即刻出官宣炒人？又或者馬蛇點解唔型啲直接辭職？
好老土講句：錢作怪。
根據 The Telegraph 分析，目前雙方進入咗一個尷尬嘅定格遊戲，鬥緊邊個眨眼先：
首先係馬蛇唔會主動辭職，佢份合約簽到 2029年（仲有成3年幾！）。如果佢主動辭職，一毫子賠償都攞唔到之餘仲要賠突；相反，如果你炒我，你就賠足俾我。作為打工仔，同公司關係幾差都好，無理由同錢作對。
另一邊，高層亦唔想賠錢，經歷過杜曹同波特嘅天價分手費之後，清湖似乎對於再開一張巨額支票有所猶豫。加上依家係季中，如果要炒，就要即刻科水，咁對於車仔嘅財政狀況嚟講只係雪上加霜。
另一個令高層猶豫嘅原因係「接班人」。傳聞中嘅首選斯特拉斯堡領隊羅路尼亞雖然係系出同門，但史堡果邊嘅球迷本身已經因為隊長 Emegha 被賣去車路士而示威緊。如果依家連領隊都撬走埋，那邊分分鐘反枱暴動殺入辦公室。
結果就形成咗依家呢個死局：馬蛇想走但想要錢，高層想換人但又未搞得掂後續安排。雙方只能夠維持住一個極度尷尬、名存實亡嘅婚姻關係。
總結：長痛不如短痛，最緊要唔好拖
睇完咁多爆料，作為車迷，我嘅心情其實好矛盾。
一方面，我哋受夠咗不斷換領隊嘅動盪。每一次換帥，就係一次推倒重來，戰術要重新適應，球員要重新磨合。講真，馬蛇係咪真係咁差？佢贏過歐協聯、世冠盃，今季傷兵滿營都仲咬住前列，其實未至於要判死刑。
但另一方面，足球世界好殘酷，一旦領隊同高層嘅信任鏈斷裂，就好難返得去轉頭。 想像下，如果馬蛇真係心不在車，甚至諗住去曼城接哥迪奧拿個帥位，咁勉強留佢喺度多半年，對球隊士氣只會係一種慢性毒藥。
所以，無論個結局係點，我只希望高層能夠果斷少少： 如果你覺得馬蛇係啱嘅人，就出嚟公開撐佢，叫佢著返件車會外套，解決個分歧； 如果你覺得緣份已盡，就快刀斬亂麻，俾足錢送佢走，好過依家咁樣冷戰，由得啲流言蜚語每日喺度發酵。
2026 年先啱啱開始，車路士仲有好多仗要打。無論邊個揸旗，我哋只想睇到一隊團結嘅波，而唔係一場場沒完沒了嘅宮心計。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊