我哋車路士喺轉會市場上再有斬獲，正式由荷甲阿積士，簽入年僅19歲嘅荷蘭後防新星，夏圖（Jorrel Hato）。
呢位傳咗一排、盛惠超過四千萬歐元嘅蝦頭，終於都嚟到史丹福橋。相信好多球迷同我一樣，都會即刻問：究竟佢係何方神聖？佢係咪又一個我哋買返嚟，準備外借嘅「潛力股」？佢憑咩值咁貴？
如果係單純嘅球探報告，我就已經係另一篇文詳細講過：【球探報告】車阿利加入轉會戰爭 阿積士左閘哈圖全面睇
為咗等車迷可以喺最短時間內，對呢位新兵起底，我用咗TA的資料，特別整理咗關於佢，你必須要知道嘅六件事。睇完之後，你就會明白，點解馬蛇（Maresca）同管理層，會對佢咁志在必得。
1. 佢唔係𡃁仔，係「荷蘭王子」 (標題微調)
好多球迷一聽到我哋用四千萬歐元，去買一個19歲嘅後生仔，第一時間嘅反應可能係：「又買幻幻？」
好，如果你唔識上面段潮文，咁就當我無講過，我哋講返正經。點解佢會得到咁高評價？雖然只係19歲，但佢嘅經驗，可能比好多廿幾歲嘅球員仲要豐富。
首先，佢係阿積士史上第三年輕嘅荷甲處子秀球員。更誇張嘅係，佢喺2024年12月，以年僅17歲之齡，就戴上咗阿積士嘅隊長臂章。而且，佢已經係一個荷蘭大國腳，職業生涯至今，已經踢咗超過9,000分鐘嘅頂級職業比賽。
所以，我哋今次買嘅，並唔係一個需要慢慢培養嘅青年隊球員，而係一個已經證明過自己實力嘅「即戰力」。
2. 佢係「古古尼亞升級版」？數據大比拼
要理解點解我哋會買Hato，我哋就要先理解馬蛇想要一個點樣嘅閘位。佢需要嘅，唔係傳統嘅攻擊手，而係一個可以內切入中場、幫手控球嘅「控球型」後衛。而目前，隊中最符合呢個要求嘅，就係古古尼亞（Cucurella）。
咁點解仲要買Hato？我哋將兩個人上季嘅數據並列，答案就呼之欲出：
傳球能力：平分秋色，甚至更佳
古古尼亞嘅傳球成功率（87.7%）已經係世界級，而Hato嘅數據（89.4%）竟然仲要再高少少。喺馬蛇最重視嘅「穩定控球」呢個環節，Hato完全符合、甚至超越咗要求。佢哋兩個，都係頂級嘅安全掣。
防守能力：潛在嘅巨大升級
但最大分別，就喺防守。古古尼亞其中一個弱點，就係地面一對一防守。數據顯示，佢攔截對方盤扭嘅成功率，只係排喺聯賽嘅後段。而Hato呢？佢呢項數據，係令人難以置信嘅世界級水平（排名前3%）。呢個意味住，當有翼鋒想單對單挑戰佢，十次有七八次都會失敗。
所以，我哋買Hato，並唔只係買一個後備。我哋係買入一個，喺戰術DNA上同古古尼亞極之相似，但喺防守穩定性上，有潛力成為「升級版」嘅球員。呢個，先係呢單收購最精明嘅地方。
3. 佢唔係捷維爾2.0 (順便解答：點解唔用返捷維爾？)
好，既然Hato喺戰術上咁似古古尼亞，咁另一個問題就嚟喇：佢係咪一個可以取代捷維爾（Chilwell）嘅攻擊型閘位？答案係：完全唔係。如果你期望佢好似健康時嘅捷維爾咁，喺左路瘋狂爆破、傳中，你可能會失望。
兩個人嘅踢法，喺數據上係南轅北轍。捷維爾係一個天生嘅攻擊手，佢嘅傳中次數係聯賽頂級水平，腦入面第一時間就係向前衝。
但Hato呢？佢嘅傳中次數極少，持球推進嘅數據亦都偏低。佢嘅角色，係一個穩陣嘅「控球者」，而唔係一個冒險嘅「攻擊手」。佢哋兩個，係完全唔同類型嘅武器。
講到呢度，相信有球迷會問：「咁點解唔直接用返捷維爾呢？」呢個問題，就比較複雜，牽涉到佢嘅傷患史、同埋佢點樣同球會新嘅經營模式格格不入等等。關於呢一點，我喺另一篇文章《由副隊長變邊緣人 捷維爾真係唔啱車仔用？》入面有詳細分析，大家有興趣可以去睇返。
4. 佢最值錢嘅，可能係佢份「病歷」
講完戰術，我哋要講下一樣可能更重要嘅嘢。對於近年睇慣占士（James）、科芬拿（Fofana）、捷維爾輪流入廠維修嘅我哋車路士球迷嚟講，一個球員最重要嘅能力，可能唔係速度，唔係技術，而係「健康」。
而喺呢一點上，Hato交出嘅功課，簡直係完美到令人難以置信。根據《The Athletic》嘅報導，佢職業生涯至今嘅傷病史，只可以用一個字形容：「Spotless」（完美無瑕）。
喺過去兩個球季，佢喺阿積士都穩定咁為球會上陣超過40場，完全冇任何嚴重嘅傷病紀錄。佢唔單止有天份，更加係一個「襟用」嘅球員。
對於一支長期被傷病詛咒困擾嘅球隊嚟講，能夠簽入一個咁樣嘅鐵人，重要性不言而喻。呢份完美嘅「病歷」，可能先至係呢單四千萬歐元收購案入面，最物有所值嘅一部分。
5. 佢會唔會冇得踢？輪換，唔係後備！
有球迷可能會擔心：「佢咁勁，但古古尼亞係馬蛇愛將，咁Hato過嚟咪要做後備？」呢個擔心，其實可以放低。
首先，我哋唔好唔記得，嚟緊呢季，我哋要應付英超、歐聯、足總盃、聯賽盃四線作戰，賽程極之密集，輪換係必須嘅。
更重要嘅係，Hato嘅多功能性。佢唔只係一個左閘，佢仲可以勝任中堅位置。呢個意味住，佢可以同時輪換古古尼亞，同埋我哋嘅左中堅高維爾。一個球員，可以覆蓋兩個重要位置嘅輪換需要，佢嘅上陣時間，絕對會有保證。(而呢件事，其實本身係想拜託維加做………)
6. 七年長約的「財技」
最後一點，我哋睇下份合約。Hato今次簽咗一份長達七年、直到2032年嘅合約。呢個除咗代表球會對佢嘅長遠信心，亦都係一次熟悉嘅「財技」操作。
根據英超同UEFA最新嘅財政條例，無論合約簽幾長，轉會費喺盤數上，最多都只可以攤分五年去計。所以，佢嗰四千幾萬歐元嘅轉會費，喺我哋嘅FFP/PSR帳目上，每年嘅成本就係大約八百萬歐元（四千萬除五）。
簽長約，係為咗鎖定球員嘅未來；但用五年攤分，就係為咗符合財務規則。呢個就係我哋BlueCo時代，標準嘅合約操作。
總結：一筆為現在，也為未來的精明投資
好，介紹完關於Hato嘅六件事，相信大家對呢位新兵，已經有一個好立體嘅認識。由荷甲嚟到英超，Hato肯定需要時間去適應更高嘅比賽強度同節奏。但我哋有理由相信，以佢嘅天賦、心態同埋戰術適應性，佢絕對有能力喺史丹福橋取得成功。
歡迎嚟到車路士，蝦頭！希望你可以盡快融入，成為我哋後防線上，一個值得信賴嘅新長城。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
呢位傳咗一排、盛惠超過四千萬歐元嘅蝦頭，終於都嚟到史丹福橋。相信好多球迷同我一樣，都會即刻問：究竟佢係何方神聖？佢係咪又一個我哋買返嚟，準備外借嘅「潛力股」？佢憑咩值咁貴？
如果係單純嘅球探報告，我就已經係另一篇文詳細講過：【球探報告】車阿利加入轉會戰爭 阿積士左閘哈圖全面睇
為咗等車迷可以喺最短時間內，對呢位新兵起底，我用咗TA的資料，特別整理咗關於佢，你必須要知道嘅六件事。睇完之後，你就會明白，點解馬蛇（Maresca）同管理層，會對佢咁志在必得。
1. 佢唔係𡃁仔，係「荷蘭王子」 (標題微調)
好多球迷一聽到我哋用四千萬歐元，去買一個19歲嘅後生仔，第一時間嘅反應可能係：「又買幻幻？」
引用但如果你知道佢嘅歷史後，你就明白，佢係足球界嘅「正宗荷蘭王子」。
唔係話佢有王子病，而係佢一話想轉會，就有成堆豪門喺門口排隊等；佢一表示有興趣，利物浦、阿仙奴就會即刻準備好份合約；我哋車路士，更加係要搶閘埋牙，先可以喺眾多追求者之中，飲到呢杯「頭啖湯」。
我相信好多人都唔知佢乜來頭，但知道嘅，都會覺得佢好撚傳奇。佢根本就係足球神童界嘅「教父」。
好，如果你唔識上面段潮文，咁就當我無講過，我哋講返正經。點解佢會得到咁高評價？雖然只係19歲，但佢嘅經驗，可能比好多廿幾歲嘅球員仲要豐富。
首先，佢係阿積士史上第三年輕嘅荷甲處子秀球員。更誇張嘅係，佢喺2024年12月，以年僅17歲之齡，就戴上咗阿積士嘅隊長臂章。而且，佢已經係一個荷蘭大國腳，職業生涯至今，已經踢咗超過9,000分鐘嘅頂級職業比賽。
所以，我哋今次買嘅，並唔係一個需要慢慢培養嘅青年隊球員，而係一個已經證明過自己實力嘅「即戰力」。
2. 佢係「古古尼亞升級版」？數據大比拼
要理解點解我哋會買Hato，我哋就要先理解馬蛇想要一個點樣嘅閘位。佢需要嘅，唔係傳統嘅攻擊手，而係一個可以內切入中場、幫手控球嘅「控球型」後衛。而目前，隊中最符合呢個要求嘅，就係古古尼亞（Cucurella）。
咁點解仲要買Hato？我哋將兩個人上季嘅數據並列，答案就呼之欲出：
傳球能力：平分秋色，甚至更佳
古古尼亞嘅傳球成功率（87.7%）已經係世界級，而Hato嘅數據（89.4%）竟然仲要再高少少。喺馬蛇最重視嘅「穩定控球」呢個環節，Hato完全符合、甚至超越咗要求。佢哋兩個，都係頂級嘅安全掣。
防守能力：潛在嘅巨大升級
但最大分別，就喺防守。古古尼亞其中一個弱點，就係地面一對一防守。數據顯示，佢攔截對方盤扭嘅成功率，只係排喺聯賽嘅後段。而Hato呢？佢呢項數據，係令人難以置信嘅世界級水平（排名前3%）。呢個意味住，當有翼鋒想單對單挑戰佢，十次有七八次都會失敗。
所以，我哋買Hato，並唔只係買一個後備。我哋係買入一個，喺戰術DNA上同古古尼亞極之相似，但喺防守穩定性上，有潛力成為「升級版」嘅球員。呢個，先係呢單收購最精明嘅地方。
3. 佢唔係捷維爾2.0 (順便解答：點解唔用返捷維爾？)
好，既然Hato喺戰術上咁似古古尼亞，咁另一個問題就嚟喇：佢係咪一個可以取代捷維爾（Chilwell）嘅攻擊型閘位？答案係：完全唔係。如果你期望佢好似健康時嘅捷維爾咁，喺左路瘋狂爆破、傳中，你可能會失望。
兩個人嘅踢法，喺數據上係南轅北轍。捷維爾係一個天生嘅攻擊手，佢嘅傳中次數係聯賽頂級水平，腦入面第一時間就係向前衝。
但Hato呢？佢嘅傳中次數極少，持球推進嘅數據亦都偏低。佢嘅角色，係一個穩陣嘅「控球者」，而唔係一個冒險嘅「攻擊手」。佢哋兩個，係完全唔同類型嘅武器。
講到呢度，相信有球迷會問：「咁點解唔直接用返捷維爾呢？」呢個問題，就比較複雜，牽涉到佢嘅傷患史、同埋佢點樣同球會新嘅經營模式格格不入等等。關於呢一點，我喺另一篇文章《由副隊長變邊緣人 捷維爾真係唔啱車仔用？》入面有詳細分析，大家有興趣可以去睇返。
4. 佢最值錢嘅，可能係佢份「病歷」
講完戰術，我哋要講下一樣可能更重要嘅嘢。對於近年睇慣占士（James）、科芬拿（Fofana）、捷維爾輪流入廠維修嘅我哋車路士球迷嚟講，一個球員最重要嘅能力，可能唔係速度，唔係技術，而係「健康」。
而喺呢一點上，Hato交出嘅功課，簡直係完美到令人難以置信。根據《The Athletic》嘅報導，佢職業生涯至今嘅傷病史，只可以用一個字形容：「Spotless」（完美無瑕）。
喺過去兩個球季，佢喺阿積士都穩定咁為球會上陣超過40場，完全冇任何嚴重嘅傷病紀錄。佢唔單止有天份，更加係一個「襟用」嘅球員。
對於一支長期被傷病詛咒困擾嘅球隊嚟講，能夠簽入一個咁樣嘅鐵人，重要性不言而喻。呢份完美嘅「病歷」，可能先至係呢單四千萬歐元收購案入面，最物有所值嘅一部分。
5. 佢會唔會冇得踢？輪換，唔係後備！
有球迷可能會擔心：「佢咁勁，但古古尼亞係馬蛇愛將，咁Hato過嚟咪要做後備？」呢個擔心，其實可以放低。
首先，我哋唔好唔記得，嚟緊呢季，我哋要應付英超、歐聯、足總盃、聯賽盃四線作戰，賽程極之密集，輪換係必須嘅。
更重要嘅係，Hato嘅多功能性。佢唔只係一個左閘，佢仲可以勝任中堅位置。呢個意味住，佢可以同時輪換古古尼亞，同埋我哋嘅左中堅高維爾。一個球員，可以覆蓋兩個重要位置嘅輪換需要，佢嘅上陣時間，絕對會有保證。(而呢件事，其實本身係想拜託維加做………)
6. 七年長約的「財技」
最後一點，我哋睇下份合約。Hato今次簽咗一份長達七年、直到2032年嘅合約。呢個除咗代表球會對佢嘅長遠信心，亦都係一次熟悉嘅「財技」操作。
根據英超同UEFA最新嘅財政條例，無論合約簽幾長，轉會費喺盤數上，最多都只可以攤分五年去計。所以，佢嗰四千幾萬歐元嘅轉會費，喺我哋嘅FFP/PSR帳目上，每年嘅成本就係大約八百萬歐元（四千萬除五）。
簽長約，係為咗鎖定球員嘅未來；但用五年攤分，就係為咗符合財務規則。呢個就係我哋BlueCo時代，標準嘅合約操作。
總結：一筆為現在，也為未來的精明投資
好，介紹完關於Hato嘅六件事，相信大家對呢位新兵，已經有一個好立體嘅認識。由荷甲嚟到英超，Hato肯定需要時間去適應更高嘅比賽強度同節奏。但我哋有理由相信，以佢嘅天賦、心態同埋戰術適應性，佢絕對有能力喺史丹福橋取得成功。
歡迎嚟到車路士，蝦頭！希望你可以盡快融入，成為我哋後防線上，一個值得信賴嘅新長城。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊