適逢國際賽期，冇車仔比賽睇，所以得閒無嘢做嘅我就將目光，投向英冠嘅積分榜。而喺今季，積分榜榜首，出現咗一個令我百感交集嘅名字：林伯特。佢帶領嘅高雲地利（Coventry City），開季至今未嘗一敗，近期更係四連勝兼連續四場不失球，以極具說服力嘅姿態，向住英超進發。
睇住呢個畫面，車迷們有無些少心情複雜呢？林伯特，我哋嘅隊史神射手、我哋嘅「Super Frank」，我哋點會唔熟？佢係我哋最熟識嘅傳奇。但同時，呢個帶領住一支踢法主動、高位壓迫、創造力爆燈嘅球隊嘅領隊，又令我哋感到好「陌生」。呢個，真係我哋記憶中，喺史丹福橋因為防守同死球問題而飽受批評嘅嗰個林伯特？
究竟，呢場喺英冠嘅蛻變，係佢執教能力嘅真實進化，定係只係「英冠濾鏡」下嘅假象？而佢嘅成功，又為我哋呢班曾經對佢又愛又恨嘅球迷，帶嚟咩反思？今次【車迷觀點】，我哋就要戴返副眼鏡，用冷冰冰嘅數據說話，深入解剖呢位「最熟識嘅陌生人」，睇下佢嘅兩副面孔，究竟有咩唔同。
我們熟悉嘅林伯特 ： 史丹福橋的榮光與遺憾
要理解「陌生」，我哋首先要定義「熟悉」。作為車路士球迷，我哋腦海中嘅林伯特，其實有兩副面孔：神一樣嘅球員，同埋一個令人又愛又恨嘅教練。
第一次執教的「青春風暴」
撇除佢第二次臨危受命嘅「代理」生涯，我哋主要回憶嘅，係佢 2019-20 球季嘅第一次執教。喺轉會禁令之下，佢大膽起用一班青訓球員，包括曼治、占士、艾巴咸等等，掀起一場「青春風暴」，最終帶隊攞到英超第四，殺入足總盃決賽。呢份成績，喺當時嘅客觀環境下，絕對係超額完成。
揮之不去的「防守死穴」
但喺亮麗成績嘅背後，一個揮之不去嘅問題，就係防守。數據已經講晒所有故事出嚟：嗰個球季，我哋喺英超足足失咗 54球，但根據對手創造機會嘅質素，我哋嘅預期失球（xGA）其實只係 38.6。
呢個 -15.4 嘅驚人差距意味住咩？就係我哋嘅防守表現，遠遠差過應有嘅水平，當中嘅原因，不外乎係門將表現災難（當時嘅基柏），以及整體防守體系嘅不穩。
而當中，死球防守更加係「重災區」。林伯特當時自己都公開承認，球隊嘅角球防守數據係「全英超最差」。而佢當時提出嘅解決方案，竟然係比較簡單直接嘅「簽下高大的球員」。呢種傾向於依賴球員個人特質，而唔係精密戰術設計去解決問題嘅思路，或者就係當時作為年輕教練嘅佢，最大嘅樽頸位。
那個陌生的林伯特：高雲地利的戰術革命
好，回憶完我哋熟悉嘅「林伯特1.0」，我哋就要將鏡頭，轉向而家喺英冠第二次捲起風雲嘅「林伯特2.0」。而呢個版本嘅佢，無論係進攻定防守理念，都令我哋感到相當陌生。
脫胎換骨的進攻：從「為控而控」到「主動控球」
首先，係進攻。佢隊高雲地利，唔再係我哋印象中嗰種有時慢吞吞嘅猜傳，而係充滿目的性同侵略性。數據顯示，佢哋今季創造咗 92次機會、總共有 138次射門、44次中目標，全部都係英冠第一！同時，佢哋嘅高位壓迫極具成效，喺對方進攻三區贏返球權嘅次數（40次），高踞聯賽第二。呢種「主動控球」（Active Possession）嘅理念，證明佢嘅戰術，已經由單純嘅控球，進化到點樣用控球去製造威脅。
進化的防守：用「進攻」解決防守死穴
咁我哋最關心嘅防守呢？有趣嘅係，報告指出，死球防守，到今時今日，依然係佢嘅一個弱點。但點解佢哋嘅總失球數，又控制得咁好，冇再出現我哋當年嗰種「失球遠超預期失球」嘅大崩盤？
答案，就係佢嘅進化之處。林伯特嘅進化，唔係在於佢突然學識點樣排人牆、守角球，而係佢學識咗點樣用一個更主動、更具侵略性嘅整體體系，去從根本上減少需要防守嘅機會。佢用極致嘅控球同前場壓迫，將戰火燒喺對方半場，令對手連創造死球嘅機會都大減。佢唔再係被動咁「解決問題」，而係主動咁避重就輕。呢個，算係一個成熟教練嘅標誌。
環境的對比：為何「橘越淮而為枳」？
分析完林伯特 2.0 嘅戰術進化，我哋仲要問一個問題：點解呢啲進化，係喺高雲地利，而唔係喺我哋車路士發生？有句嘢我讀書時期學，叫「橘越淮而為枳」，意思係，同樣嘅種子，種喺唔同嘅土壤同環境，結果可以完全唔同。呢句說話，或者就係解釋林伯特執教生涯嘅答案。
車路士的「地獄模式」：壓力、權力與混亂
首先，係壓力。當年喺史丹福橋，唔止油王，甚至球迷都係要即食，要即刻贏冠軍。冇空間、冇時間去俾一個好似林伯特咁嘅年輕教練，慢慢試錯、交學費，當年強如保亞斯都奶嘢，何況係更無經驗嘅林伯特。
第二，係更衣室嘅權力。喺車仔，佢要管理嘅，係一班身價不菲、自我意識極強嘅世界級球星，唔止來自球員嘅壓力，仲有來自老闆。
佢第一次執教嘅第一季（19/20），佢撞正轉會禁令，焗住要用班青訓仔「打天才波」；到第二季（20/21），球會突然掉咗二億幾鎊俾佢，要佢即刻將夏維斯、雲拿呢班天價新兵，整合入隊兼交出成績。呢種由「冇錢使」到「亂咁使」嘅巨大擺動，本身就係一種極度嘅唔穩定。
第二次執教，更加係要接手一隊啱啱換老闆嘅球隊，外亂內亂加埋一齊，基本上都無得俾佢發揮。
高雲地利的「新手村」：時間、信任與空間
相反，高雲地利就為佢提供咗一個近乎完美嘅升Lv環境。冇人會要求佢第一季就要贏歐聯，衝英超已經係超額完成。佢有時間去試驗佢嘅 4-2-3-1，有空間去容忍死球防守嘅瑕疵，亦都有管理層嘅絕對信任，去按照自己嘅節奏建立球隊。
所以，將林伯特嘅成敗，單純歸咎於佢個人嘅能力，係唔公平嘅。佢嘅進化，固然係內因，但一個更寬容、更穩定嘅環境，先至係俾佢完成呢次進化嘅關鍵「土壤」。
總結：前度的祝福與期盼
當年嘅「分手」，對雙方嚟講，都係一次正確嘅決定。佢需要離開我哋呢段充滿壓力同鎂光燈嘅關係，去一個可以俾佢靜心沉澱嘅地方，將自己由一個「被寵壞嘅男朋友」，鍛鍊成一個真正「成熟嘅男人」。而我哋，當時亦都需要一條更快捷嘅路，去追求自己想要嘅人生目標。
而家，呢位「最熟識嘅陌生前度」，正喺度行緊一條屬於佢自己嘅路。佢身上，依然有我哋熟悉嘅熱情同鬥志，但亦都多咗一份我哋未見過嘅沉穩同智慧。佢嘅故事，仲未完。作為前度，我哋會繼續喺遠方為佢打氣，祝福佢。同時，心底裡亦都會偷偷期盼，有一日，當佢完成所有「自我提升」，呢位進化成「完全體」嘅佢，會再次返嚟我哋身邊，完成當年未完嘅故事。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
睇住呢個畫面，車迷們有無些少心情複雜呢？林伯特，我哋嘅隊史神射手、我哋嘅「Super Frank」，我哋點會唔熟？佢係我哋最熟識嘅傳奇。但同時，呢個帶領住一支踢法主動、高位壓迫、創造力爆燈嘅球隊嘅領隊，又令我哋感到好「陌生」。呢個，真係我哋記憶中，喺史丹福橋因為防守同死球問題而飽受批評嘅嗰個林伯特？
究竟，呢場喺英冠嘅蛻變，係佢執教能力嘅真實進化，定係只係「英冠濾鏡」下嘅假象？而佢嘅成功，又為我哋呢班曾經對佢又愛又恨嘅球迷，帶嚟咩反思？今次【車迷觀點】，我哋就要戴返副眼鏡，用冷冰冰嘅數據說話，深入解剖呢位「最熟識嘅陌生人」，睇下佢嘅兩副面孔，究竟有咩唔同。
我們熟悉嘅林伯特 ： 史丹福橋的榮光與遺憾
要理解「陌生」，我哋首先要定義「熟悉」。作為車路士球迷，我哋腦海中嘅林伯特，其實有兩副面孔：神一樣嘅球員，同埋一個令人又愛又恨嘅教練。
第一次執教的「青春風暴」
撇除佢第二次臨危受命嘅「代理」生涯，我哋主要回憶嘅，係佢 2019-20 球季嘅第一次執教。喺轉會禁令之下，佢大膽起用一班青訓球員，包括曼治、占士、艾巴咸等等，掀起一場「青春風暴」，最終帶隊攞到英超第四，殺入足總盃決賽。呢份成績，喺當時嘅客觀環境下，絕對係超額完成。
揮之不去的「防守死穴」
但喺亮麗成績嘅背後，一個揮之不去嘅問題，就係防守。數據已經講晒所有故事出嚟：嗰個球季，我哋喺英超足足失咗 54球，但根據對手創造機會嘅質素，我哋嘅預期失球（xGA）其實只係 38.6。
呢個 -15.4 嘅驚人差距意味住咩？就係我哋嘅防守表現，遠遠差過應有嘅水平，當中嘅原因，不外乎係門將表現災難（當時嘅基柏），以及整體防守體系嘅不穩。
而當中，死球防守更加係「重災區」。林伯特當時自己都公開承認，球隊嘅角球防守數據係「全英超最差」。而佢當時提出嘅解決方案，竟然係比較簡單直接嘅「簽下高大的球員」。呢種傾向於依賴球員個人特質，而唔係精密戰術設計去解決問題嘅思路，或者就係當時作為年輕教練嘅佢，最大嘅樽頸位。
那個陌生的林伯特：高雲地利的戰術革命
好，回憶完我哋熟悉嘅「林伯特1.0」，我哋就要將鏡頭，轉向而家喺英冠第二次捲起風雲嘅「林伯特2.0」。而呢個版本嘅佢，無論係進攻定防守理念，都令我哋感到相當陌生。
脫胎換骨的進攻：從「為控而控」到「主動控球」
首先，係進攻。佢隊高雲地利，唔再係我哋印象中嗰種有時慢吞吞嘅猜傳，而係充滿目的性同侵略性。數據顯示，佢哋今季創造咗 92次機會、總共有 138次射門、44次中目標，全部都係英冠第一！同時，佢哋嘅高位壓迫極具成效，喺對方進攻三區贏返球權嘅次數（40次），高踞聯賽第二。呢種「主動控球」（Active Possession）嘅理念，證明佢嘅戰術，已經由單純嘅控球，進化到點樣用控球去製造威脅。
進化的防守：用「進攻」解決防守死穴
咁我哋最關心嘅防守呢？有趣嘅係，報告指出，死球防守，到今時今日，依然係佢嘅一個弱點。但點解佢哋嘅總失球數，又控制得咁好，冇再出現我哋當年嗰種「失球遠超預期失球」嘅大崩盤？
答案，就係佢嘅進化之處。林伯特嘅進化，唔係在於佢突然學識點樣排人牆、守角球，而係佢學識咗點樣用一個更主動、更具侵略性嘅整體體系，去從根本上減少需要防守嘅機會。佢用極致嘅控球同前場壓迫，將戰火燒喺對方半場，令對手連創造死球嘅機會都大減。佢唔再係被動咁「解決問題」，而係主動咁避重就輕。呢個，算係一個成熟教練嘅標誌。
環境的對比：為何「橘越淮而為枳」？
分析完林伯特 2.0 嘅戰術進化，我哋仲要問一個問題：點解呢啲進化，係喺高雲地利，而唔係喺我哋車路士發生？有句嘢我讀書時期學，叫「橘越淮而為枳」，意思係，同樣嘅種子，種喺唔同嘅土壤同環境，結果可以完全唔同。呢句說話，或者就係解釋林伯特執教生涯嘅答案。
車路士的「地獄模式」：壓力、權力與混亂
首先，係壓力。當年喺史丹福橋，唔止油王，甚至球迷都係要即食，要即刻贏冠軍。冇空間、冇時間去俾一個好似林伯特咁嘅年輕教練，慢慢試錯、交學費，當年強如保亞斯都奶嘢，何況係更無經驗嘅林伯特。
第二，係更衣室嘅權力。喺車仔，佢要管理嘅，係一班身價不菲、自我意識極強嘅世界級球星，唔止來自球員嘅壓力，仲有來自老闆。
佢第一次執教嘅第一季（19/20），佢撞正轉會禁令，焗住要用班青訓仔「打天才波」；到第二季（20/21），球會突然掉咗二億幾鎊俾佢，要佢即刻將夏維斯、雲拿呢班天價新兵，整合入隊兼交出成績。呢種由「冇錢使」到「亂咁使」嘅巨大擺動，本身就係一種極度嘅唔穩定。
第二次執教，更加係要接手一隊啱啱換老闆嘅球隊，外亂內亂加埋一齊，基本上都無得俾佢發揮。
高雲地利的「新手村」：時間、信任與空間
相反，高雲地利就為佢提供咗一個近乎完美嘅升Lv環境。冇人會要求佢第一季就要贏歐聯，衝英超已經係超額完成。佢有時間去試驗佢嘅 4-2-3-1，有空間去容忍死球防守嘅瑕疵，亦都有管理層嘅絕對信任，去按照自己嘅節奏建立球隊。
所以，將林伯特嘅成敗，單純歸咎於佢個人嘅能力，係唔公平嘅。佢嘅進化，固然係內因，但一個更寬容、更穩定嘅環境，先至係俾佢完成呢次進化嘅關鍵「土壤」。
總結：前度的祝福與期盼
當年嘅「分手」，對雙方嚟講，都係一次正確嘅決定。佢需要離開我哋呢段充滿壓力同鎂光燈嘅關係，去一個可以俾佢靜心沉澱嘅地方，將自己由一個「被寵壞嘅男朋友」，鍛鍊成一個真正「成熟嘅男人」。而我哋，當時亦都需要一條更快捷嘅路，去追求自己想要嘅人生目標。
而家，呢位「最熟識嘅陌生前度」，正喺度行緊一條屬於佢自己嘅路。佢身上，依然有我哋熟悉嘅熱情同鬥志，但亦都多咗一份我哋未見過嘅沉穩同智慧。佢嘅故事，仲未完。作為前度，我哋會繼續喺遠方為佢打氣，祝福佢。同時，心底裡亦都會偷偷期盼，有一日，當佢完成所有「自我提升」，呢位進化成「完全體」嘅佢，會再次返嚟我哋身邊，完成當年未完嘅故事。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊