歡迎來到歐聯改制後最痴線嘅第8輪。今晚，全歐洲嘅球迷只會做同一件事：撳計數機。
車路士目前排第8，13分 +6得失球。表面睇似掌握主動，贏波就入前8？錯。贏波只係入場券，真正決定命運嘅，係發生喺幾千公里外嘅另外 4 場波。
先戴返個頭盔，講明最壞情況先，唔講其他：只要車路士係拿玻里身上失分，基本上就頭 8 無望，可以諗定要去邊度踢附加賽。當然，跌出前 8 唔代表世界末日，我哋極大機會仍然會留喺前 24 名以內，只係要多踢兩場高風險嘅淘汰賽先入到 16 強。未輸晒嘅，不過由直通車變轉一次機，感覺肯定唔好受。
所以，今篇文唔咁多廢話，同你動下手動下腦，睇下咩情況車仔可以全身而退。
好消息：贏波即坐穩「虛擬第 7」
首先講下好消息，賽程編排確實送咗份大禮俾車路士。目前排第 6 嘅 PSG 同第 7 嘅 紐卡素（兩隊都係 13 分）將會喺最後一輪直接互撼。
呢度個數學邏輯好簡單：只要車路士作客贏到拿玻里，總分去到 16 分，我哋就肯定可以爬過 PSG 對紐卡素這場比賽嘅負方；如果咁好彩佢哋兩敗俱傷（打和），車路士更加係一次過爬過晒兩隊。
換句話說，只要全取 3 分，車路士喺邏輯上已經坐穩咗「虛擬第 7 位」。我哋手握一張免死金牌，容許被一隊後來居上嘅球隊踢落去，都依然可以守住第 8 位嘅尾班車。
壞消息：地獄劇本與身後嘅黃雀
但問題正正就出喺呢個「容許一隊」嘅空間度。雖然我有張免死金牌，但我哋身後有兩隻虎視眈眈嘅怪獸：巴塞隆拿同曼城。
佢哋雖然依家排喺第 9 同第 11，得失球亦稍微落後過車路士（車路士 +6 vs 巴塞 +5 / 曼城 +4）。但佢哋嘅對手係哥本哈根同加拉塔沙雷，基本上你都唔預期佢哋擋得到幾多下。
而呢度甚至會有一個地獄劇本出現：
萬一車路士喺拿玻里主場踢到斷氣，僅僅以 0：1 小勝對手（得失球變 +7）； 但同一時間，巴塞隆拿主場 3：0 輕取哥本哈根（得失球變 +8），曼城主場 4：0 屠殺加拉塔沙雷（得失球變 +8）。
結果會點？ 就算車路士爬過咗 PSG 或者紐卡素，但我哋會同時被巴塞同曼城憑住得失球優勢，一人一腳咁踢車仔返落第 9 位。呢個就完美解釋咗點解 OPTA 嘅超級電腦咁唔睇好車路士入前 8（36.9% vs 巴塞 79.8%）。因為喺大數據模型入面，曼城同巴塞大勝刷數據嘅機率極高，而車路士要作客贏拿玻里本身已經難，仲要諗住大勝搶得失球？簡直係難過登天。
順帶一提，樓下其實仲有士砵亭同馬體會都係 13 分。雖然馬體會得失球只有 +3，要追車仔會有難度，但士砵亭呢邊同巴塞一樣係 +5。換句話說，如果佢同巴塞、曼城一樣爆刷數據嘅話，隨時可以聯手將車仔踢落附加賽。
攔路虎：拿玻里嘅生死存亡一戰
講完身後嘅追兵，我哋轉頭望返對手。如果今場車路士係主場對住弱隊，我哋大可以講：「只要狂攻入夠 4 球就穩陣。」但現實係，我哋要作客，對手仲要係拿玻里。
拿玻里目前能否擠身前 24 名參加附加賽嘅機率，剛好係 50.9%，即係擲公字。積分榜下游同樣混亂，如果拿玻里今場輸俾車路士，佢哋好大機會跌出前 24 名，直接出局。
所以，車路士面對嘅唔係一場例行公事，而係一個背水一戰嘅士兵。拿玻里恐怕第一秒就會全力搶攻、用盡主場優勢去保命。喺呢種高壓環境下，車路士要贏波已經好艱難，仲要妄想可以好似曼城咁大炒對手刷得失球？
呢個正正係電腦覺得車路士入前 8 機會渺茫嘅最大原因：你要贏波，仲要贏得多，但對手偏偏係一支唔輸得嘅強隊。
總結：天堂與地獄，只差一粒入球
睇到呢度，你應該明白形勢有幾咁癲。車路士贏波，只係達成咗基本條件。真正決定我哋命運嘅，隨時係發生喺幾千公里以外嘅另一場比賽。
最後一輪做車迷，心臟負荷肯定超標。你嘅視線唔能夠只係鎖定喺車路士場波，你仲要開住 Livescore，長期及實時監察住以下幾個關鍵數字：
PSG vs 紐卡素：如果佢哋打和（各得 14 分），車路士贏波（16 分）就可以一次過爬過晒兩隊，由第 8 跳升第 6。咁樣我哋就有 2 個 緩衝位，就算巴塞同曼城狂刷得失球過我哋頭，車路士極其量都只係跌返落第 8，依然安全上岸。但如果佢哋其中一邊分出勝負，車仔就只得 1 個緩衝位，隨時被踢出局。
以下For TLDR嘅朋友仔睇：
曼城 & 巴塞隆拿： 如果 PSG 場波分勝負，咁就要望曼城同巴塞腳下留情。跪求加拉塔沙雷同哥本哈根爭氣少少，輸少當贏，唔好俾人刷到 +8、+9 嘅得失球。
熱刺 vs 法蘭克福： 最後嘅保險。熱刺目前 14 分，如果佢哋作客法蘭克福失分，車路士只要贏波就肯定過頭。咁樣我哋就唔使理曼城入幾多球。
順帶一提，樓下其實仲有士砵亭同馬體會都係 13 分，雖然馬體會得失球只有+3，要追車仔會有難度，但士砵亭呢邊同巴塞一樣係 +5 ，換句話說，佢同曼城巴塞一樣刷爆數據嘅話，隨時可以將車仔踢落附加賽。
講到口乾………大家準備好救心未？歐聯最後一輪嘅地獄快車，即將啟動……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
車路士目前排第8，13分 +6得失球。表面睇似掌握主動，贏波就入前8？錯。贏波只係入場券，真正決定命運嘅，係發生喺幾千公里外嘅另外 4 場波。
先戴返個頭盔，講明最壞情況先，唔講其他：只要車路士係拿玻里身上失分，基本上就頭 8 無望，可以諗定要去邊度踢附加賽。當然，跌出前 8 唔代表世界末日，我哋極大機會仍然會留喺前 24 名以內，只係要多踢兩場高風險嘅淘汰賽先入到 16 強。未輸晒嘅，不過由直通車變轉一次機，感覺肯定唔好受。
所以，今篇文唔咁多廢話，同你動下手動下腦，睇下咩情況車仔可以全身而退。
好消息：贏波即坐穩「虛擬第 7」
首先講下好消息，賽程編排確實送咗份大禮俾車路士。目前排第 6 嘅 PSG 同第 7 嘅 紐卡素（兩隊都係 13 分）將會喺最後一輪直接互撼。
呢度個數學邏輯好簡單：只要車路士作客贏到拿玻里，總分去到 16 分，我哋就肯定可以爬過 PSG 對紐卡素這場比賽嘅負方；如果咁好彩佢哋兩敗俱傷（打和），車路士更加係一次過爬過晒兩隊。
換句話說，只要全取 3 分，車路士喺邏輯上已經坐穩咗「虛擬第 7 位」。我哋手握一張免死金牌，容許被一隊後來居上嘅球隊踢落去，都依然可以守住第 8 位嘅尾班車。
壞消息：地獄劇本與身後嘅黃雀
但問題正正就出喺呢個「容許一隊」嘅空間度。雖然我有張免死金牌，但我哋身後有兩隻虎視眈眈嘅怪獸：巴塞隆拿同曼城。
佢哋雖然依家排喺第 9 同第 11，得失球亦稍微落後過車路士（車路士 +6 vs 巴塞 +5 / 曼城 +4）。但佢哋嘅對手係哥本哈根同加拉塔沙雷，基本上你都唔預期佢哋擋得到幾多下。
而呢度甚至會有一個地獄劇本出現：
萬一車路士喺拿玻里主場踢到斷氣，僅僅以 0：1 小勝對手（得失球變 +7）； 但同一時間，巴塞隆拿主場 3：0 輕取哥本哈根（得失球變 +8），曼城主場 4：0 屠殺加拉塔沙雷（得失球變 +8）。
結果會點？ 就算車路士爬過咗 PSG 或者紐卡素，但我哋會同時被巴塞同曼城憑住得失球優勢，一人一腳咁踢車仔返落第 9 位。呢個就完美解釋咗點解 OPTA 嘅超級電腦咁唔睇好車路士入前 8（36.9% vs 巴塞 79.8%）。因為喺大數據模型入面，曼城同巴塞大勝刷數據嘅機率極高，而車路士要作客贏拿玻里本身已經難，仲要諗住大勝搶得失球？簡直係難過登天。
順帶一提，樓下其實仲有士砵亭同馬體會都係 13 分。雖然馬體會得失球只有 +3，要追車仔會有難度，但士砵亭呢邊同巴塞一樣係 +5。換句話說，如果佢同巴塞、曼城一樣爆刷數據嘅話，隨時可以聯手將車仔踢落附加賽。
攔路虎：拿玻里嘅生死存亡一戰
講完身後嘅追兵，我哋轉頭望返對手。如果今場車路士係主場對住弱隊，我哋大可以講：「只要狂攻入夠 4 球就穩陣。」但現實係，我哋要作客，對手仲要係拿玻里。
拿玻里目前能否擠身前 24 名參加附加賽嘅機率，剛好係 50.9%，即係擲公字。積分榜下游同樣混亂，如果拿玻里今場輸俾車路士，佢哋好大機會跌出前 24 名，直接出局。
所以，車路士面對嘅唔係一場例行公事，而係一個背水一戰嘅士兵。拿玻里恐怕第一秒就會全力搶攻、用盡主場優勢去保命。喺呢種高壓環境下，車路士要贏波已經好艱難，仲要妄想可以好似曼城咁大炒對手刷得失球？
呢個正正係電腦覺得車路士入前 8 機會渺茫嘅最大原因：你要贏波，仲要贏得多，但對手偏偏係一支唔輸得嘅強隊。
總結：天堂與地獄，只差一粒入球
睇到呢度，你應該明白形勢有幾咁癲。車路士贏波，只係達成咗基本條件。真正決定我哋命運嘅，隨時係發生喺幾千公里以外嘅另一場比賽。
最後一輪做車迷，心臟負荷肯定超標。你嘅視線唔能夠只係鎖定喺車路士場波，你仲要開住 Livescore，長期及實時監察住以下幾個關鍵數字：
PSG vs 紐卡素：如果佢哋打和（各得 14 分），車路士贏波（16 分）就可以一次過爬過晒兩隊，由第 8 跳升第 6。咁樣我哋就有 2 個 緩衝位，就算巴塞同曼城狂刷得失球過我哋頭，車路士極其量都只係跌返落第 8，依然安全上岸。但如果佢哋其中一邊分出勝負，車仔就只得 1 個緩衝位，隨時被踢出局。
以下For TLDR嘅朋友仔睇：
曼城 & 巴塞隆拿： 如果 PSG 場波分勝負，咁就要望曼城同巴塞腳下留情。跪求加拉塔沙雷同哥本哈根爭氣少少，輸少當贏，唔好俾人刷到 +8、+9 嘅得失球。
熱刺 vs 法蘭克福： 最後嘅保險。熱刺目前 14 分，如果佢哋作客法蘭克福失分，車路士只要贏波就肯定過頭。咁樣我哋就唔使理曼城入幾多球。
順帶一提，樓下其實仲有士砵亭同馬體會都係 13 分，雖然馬體會得失球只有+3，要追車仔會有難度，但士砵亭呢邊同巴塞一樣係 +5 ，換句話說，佢同曼城巴塞一樣刷爆數據嘅話，隨時可以將車仔踢落附加賽。
講到口乾………大家準備好救心未？歐聯最後一輪嘅地獄快車，即將啟動……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊