係大家讀呢篇文之前，我要先同自己講聲對唔住。
作為一個飽受波特年代摧殘嘅車迷，我明知而家係蜜月期，明知應該要享受勝利，但我隻手就係痕，忍唔住要拎數據出嚟對比下。如果你覺得我掃興、烏鴉嘴、唱衰球隊，我完全理解，而家撳上一頁都唔遲。
但如果你同我一樣，係嗰種「贏波都要睇埋xG先安心」嘅數據屎忽鬼，咁就入嚟一齊自虐下啦。
-----------------------------
年輕、英格蘭籍領隊、季中接手球隊、頭 9 場波贏咗 6 場以上、仲要喺歐聯分組賽技術性擊倒過意甲勁旅。
你以為我講緊依家車仔嘅領隊羅仙尼亞？錯。我其實係講緊 2022 年 10 月嗰個令無數車迷發惡夢嘅名：波特 (我知好多人叫佢樸達，呢度當睇唔到，OK?)。
歷史，有時候真係驚人地相似。 當大家見到羅生最近帶領車路士打出一段小高潮，作客贏拿玻里、反勝韋斯咸，全城高呼 "We are so back" 嘅時候，作為飽經風雨嘅車迷，心入面總係有一種揮之不去嘅不安感。
到底依家呢段蜜月期係堅料，定係另一場即將爆破嘅泡沫？為咗唔好再俾希望衝昏頭腦，我特登搵返當年波特頭 9 場嘅數據，同依家羅生頭 9 場做咗個詳細對比。
結果發現，這兩段時期雖然表面風光，但底層邏輯其實係走向兩個極端嘅幻覺。
數據迷霧：兩個「不敗」的假象
首先，我哋赤裸裸咁攤開兩份成績表睇下。
2022 年：波特頭 9 場
戰績： 6 勝 3 和 0 負
得失球： 入 15 球，失 4 球
代表作： 歐聯主客兩殺 AC 米蘭 (3-0, 2-0)
2026 年：羅生頭 9 場
戰績： 7 勝 0 和 2 負
得失球： 入 22 球，失 11 球
代表作： 歐聯作客破拿玻里金身 (3-2)、英超反勝韋斯咸 (3-2)
驟眼睇，兩個都係神級開局。波特當年甚至保持不敗金身，防守數據靚到核爆（場均失球 0.44），嘩，不敗喎，真係聽到就興奮；而羅生就係進攻火力全開（場均入 2.44 球），娛樂性爆燈，幾場都入 3 球，媲美有世三全盛期嘅車仔呀。
但當引入 xG (預期入球) 同 xGA (預期失球) 呢啲進階數據做照妖鏡，你會發現這兩段連勝紀錄，分別係由兩種截然不同嘅運氣支撐住。波特當年嘅贏波，係建立喺防守端幻覺之上；而羅生依家嘅強勢，則係極度危險嘅進攻端幻覺。
數據深潛：運氣總有用完的一日？
口講無憑，我特登拉返兩位領隊頭 9 場嘅底層數據出嚟，結果睇到人都癲……
波特的防守神話：由 Kepa 編寫的 +4.2
大家回憶中，最早嘅波特係「防守大師」，頭 9 場只失 4 球。但當我哋睇返對手嘅 xG (預期入球)，真相就浮現：
對阿士東維拉： 對手 xG 1.79 -> 實際失 0 球 (Kepa 神救)
對賓福特： 對手 xG 1.25 -> 實際失 0 球
對薩爾斯堡： 對手 xG 1.57 -> 實際失 1 球
總結波特頭 9 場，對手合共創造咗 8.20 xG，但車路士竟然神奇地只失 4 球。 xGA Overperformance = +4.2
即係話，波特當年嘅不敗金身，純粹係因為 Kepa 處於賢者狀態，幫佢救返超過 4 球必入波。當門將表現回歸正常，防線就原形畢露：於是後來對白禮頓輸 1：4，正正就係還債嘅開始。
羅生的「防守放題」：誠實的 11.76
至於羅生，數據顯示佢連運都無，防守體系係誠實地中門大開。
睇返佢頭 9 場波嘅 xGA (預期失球)，對手合共創造咗高達 11.76，而車路士亦老老實實地失咗 11 球。兩條數係幾乎吻合嘅，證明車仔防線真係場均送緊 1.3 個入波機會俾對手。
個別場次嘅數據更加令人心寒：
對阿仙奴：被創造 2.58 xGA (失 3 球)
對水晶宮：被創造 1.77 xGA (失 1 球)
對賓福特：被創造 1.52 xGA (失 0 球)
波特當年係靠 Kepa 神救去製造防守穩陣嘅假象；而羅生依家係靠進攻端狂入 22 球，去填補呢個防守黑洞 (當中仲要有6個係12碼)。
唔係穩陣，只係互隊。羅生嘅勝利方程式係建立喺攻贏你之上，但帶著一個場均失 1.3 球嘅防守體系去爭前四？祝你好運。
賽程照妖鏡：軟著陸 vs 地獄模式
講到呢度，可能你會問：「咁羅生係咪一久釀？」又唔係。作為持平嘅分析，我覺得有個關鍵變數唔可以唔提：賽程強度。呢個係暫時羅生比波特優勝嘅地方：佢贏嘅波含金量高少少咁多。
波特當年嘅蜜月期對手相對軟：
歐聯對 AC 米蘭： 雖然雙殺對手，但作客嗰場米蘭早早打少個（Tomori 紅牌），主場嗰場米蘭傷兵滿營。
聯賽對手： 狼隊（當時無領隊）、維拉（謝拉特帶隊，瀕臨降班）、水晶宮 (狀態差)。全部都係嗰陣狀態最差嘅球隊。
羅生依家面對嘅係地獄模式：
硬仗連場： 頭 9 場波入面，打咗兩場阿仙奴（雖然輸晒），作客打拿玻里（破對手主場不敗金身），仲有 4 場倫敦打吡。
逆境波： 對韋斯咸半場落後兩球反勝 3-2，作客嘅水晶宮已經今時唔同往日。
所以，羅生能夠喺呢個地獄賽程拎到 7 場勝仗，雖然防守有隱憂，但佢展現出嚟嘅韌性同反擊能力，確實係比當年波特嗰種無牙老虎式嘅控球更有說服力。
總結：第 10 場的詛咒？
歷史之所以恐怖，係因為足球之神總係鍾意喺你最得戚嗰陣淋一盤冷水。
當年波特喺第 10 場帶隊倒戈白禮頓，結果慘敗 1：4，正式開啟咗車迷嘅噩夢。依家羅生同樣過咗頭 9 場嘅蜜月期，雖然佢用進攻火力掩蓋咗防守嘅蒼白，但一支場均被對手射門超過 12 次嘅球隊，係無可能長期維持 7 成勝率嘅。
數據顯示防守有隱憂，但賽程強度證明球隊有韌性。我希望今次係我多慮，但作為一個俾波特搞到有PTSD嘅車迷，我寧願睇數據嚟提醒自己：享受勝利，但唔好盲目樂觀……(同埋希望唔好係我講完之後即爆咁邪啦…)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
作為一個飽受波特年代摧殘嘅車迷，我明知而家係蜜月期，明知應該要享受勝利，但我隻手就係痕，忍唔住要拎數據出嚟對比下。如果你覺得我掃興、烏鴉嘴、唱衰球隊，我完全理解，而家撳上一頁都唔遲。
但如果你同我一樣，係嗰種「贏波都要睇埋xG先安心」嘅數據屎忽鬼，咁就入嚟一齊自虐下啦。
-----------------------------
年輕、英格蘭籍領隊、季中接手球隊、頭 9 場波贏咗 6 場以上、仲要喺歐聯分組賽技術性擊倒過意甲勁旅。
你以為我講緊依家車仔嘅領隊羅仙尼亞？錯。我其實係講緊 2022 年 10 月嗰個令無數車迷發惡夢嘅名：波特 (我知好多人叫佢樸達，呢度當睇唔到，OK?)。
歷史，有時候真係驚人地相似。 當大家見到羅生最近帶領車路士打出一段小高潮，作客贏拿玻里、反勝韋斯咸，全城高呼 "We are so back" 嘅時候，作為飽經風雨嘅車迷，心入面總係有一種揮之不去嘅不安感。
到底依家呢段蜜月期係堅料，定係另一場即將爆破嘅泡沫？為咗唔好再俾希望衝昏頭腦，我特登搵返當年波特頭 9 場嘅數據，同依家羅生頭 9 場做咗個詳細對比。
結果發現，這兩段時期雖然表面風光，但底層邏輯其實係走向兩個極端嘅幻覺。
數據迷霧：兩個「不敗」的假象
首先，我哋赤裸裸咁攤開兩份成績表睇下。
2022 年：波特頭 9 場
戰績： 6 勝 3 和 0 負
得失球： 入 15 球，失 4 球
代表作： 歐聯主客兩殺 AC 米蘭 (3-0, 2-0)
2026 年：羅生頭 9 場
戰績： 7 勝 0 和 2 負
得失球： 入 22 球，失 11 球
代表作： 歐聯作客破拿玻里金身 (3-2)、英超反勝韋斯咸 (3-2)
驟眼睇，兩個都係神級開局。波特當年甚至保持不敗金身，防守數據靚到核爆（場均失球 0.44），嘩，不敗喎，真係聽到就興奮；而羅生就係進攻火力全開（場均入 2.44 球），娛樂性爆燈，幾場都入 3 球，媲美有世三全盛期嘅車仔呀。
但當引入 xG (預期入球) 同 xGA (預期失球) 呢啲進階數據做照妖鏡，你會發現這兩段連勝紀錄，分別係由兩種截然不同嘅運氣支撐住。波特當年嘅贏波，係建立喺防守端幻覺之上；而羅生依家嘅強勢，則係極度危險嘅進攻端幻覺。
數據深潛：運氣總有用完的一日？
口講無憑，我特登拉返兩位領隊頭 9 場嘅底層數據出嚟，結果睇到人都癲……
波特的防守神話：由 Kepa 編寫的 +4.2
大家回憶中，最早嘅波特係「防守大師」，頭 9 場只失 4 球。但當我哋睇返對手嘅 xG (預期入球)，真相就浮現：
對阿士東維拉： 對手 xG 1.79 -> 實際失 0 球 (Kepa 神救)
對賓福特： 對手 xG 1.25 -> 實際失 0 球
對薩爾斯堡： 對手 xG 1.57 -> 實際失 1 球
總結波特頭 9 場，對手合共創造咗 8.20 xG，但車路士竟然神奇地只失 4 球。 xGA Overperformance = +4.2
即係話，波特當年嘅不敗金身，純粹係因為 Kepa 處於賢者狀態，幫佢救返超過 4 球必入波。當門將表現回歸正常，防線就原形畢露：於是後來對白禮頓輸 1：4，正正就係還債嘅開始。
羅生的「防守放題」：誠實的 11.76
至於羅生，數據顯示佢連運都無，防守體系係誠實地中門大開。
睇返佢頭 9 場波嘅 xGA (預期失球)，對手合共創造咗高達 11.76，而車路士亦老老實實地失咗 11 球。兩條數係幾乎吻合嘅，證明車仔防線真係場均送緊 1.3 個入波機會俾對手。
個別場次嘅數據更加令人心寒：
對阿仙奴：被創造 2.58 xGA (失 3 球)
對水晶宮：被創造 1.77 xGA (失 1 球)
對賓福特：被創造 1.52 xGA (失 0 球)
波特當年係靠 Kepa 神救去製造防守穩陣嘅假象；而羅生依家係靠進攻端狂入 22 球，去填補呢個防守黑洞 (當中仲要有6個係12碼)。
唔係穩陣，只係互隊。羅生嘅勝利方程式係建立喺攻贏你之上，但帶著一個場均失 1.3 球嘅防守體系去爭前四？祝你好運。
賽程照妖鏡：軟著陸 vs 地獄模式
講到呢度，可能你會問：「咁羅生係咪一久釀？」又唔係。作為持平嘅分析，我覺得有個關鍵變數唔可以唔提：賽程強度。呢個係暫時羅生比波特優勝嘅地方：佢贏嘅波含金量高少少咁多。
波特當年嘅蜜月期對手相對軟：
歐聯對 AC 米蘭： 雖然雙殺對手，但作客嗰場米蘭早早打少個（Tomori 紅牌），主場嗰場米蘭傷兵滿營。
聯賽對手： 狼隊（當時無領隊）、維拉（謝拉特帶隊，瀕臨降班）、水晶宮 (狀態差)。全部都係嗰陣狀態最差嘅球隊。
羅生依家面對嘅係地獄模式：
硬仗連場： 頭 9 場波入面，打咗兩場阿仙奴（雖然輸晒），作客打拿玻里（破對手主場不敗金身），仲有 4 場倫敦打吡。
逆境波： 對韋斯咸半場落後兩球反勝 3-2，作客嘅水晶宮已經今時唔同往日。
所以，羅生能夠喺呢個地獄賽程拎到 7 場勝仗，雖然防守有隱憂，但佢展現出嚟嘅韌性同反擊能力，確實係比當年波特嗰種無牙老虎式嘅控球更有說服力。
總結：第 10 場的詛咒？
歷史之所以恐怖，係因為足球之神總係鍾意喺你最得戚嗰陣淋一盤冷水。
當年波特喺第 10 場帶隊倒戈白禮頓，結果慘敗 1：4，正式開啟咗車迷嘅噩夢。依家羅生同樣過咗頭 9 場嘅蜜月期，雖然佢用進攻火力掩蓋咗防守嘅蒼白，但一支場均被對手射門超過 12 次嘅球隊，係無可能長期維持 7 成勝率嘅。
數據顯示防守有隱憂，但賽程強度證明球隊有韌性。我希望今次係我多慮，但作為一個俾波特搞到有PTSD嘅車迷，我寧願睇數據嚟提醒自己：享受勝利，但唔好盲目樂觀……(同埋希望唔好係我講完之後即爆咁邪啦…)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊