岩岩睇完隔離專欄果篇關於施曼尤 (Antoine Semenyo) 嘅分析，話車路士「縮沙」係因為鋒線夠人、唔需要佢。睇完，沉澱一下，然後覺得內文太短，唔多夠喉。
作為車迷，我情感上好想同意佢篇文嘅內容，好想話「係囉，我哋有加拿祖同基頓斯就夠」。但，睇完維拉場波……嗯………我決定要用自己嘅文字寫下。當然，口講無憑，今篇車迷觀點，就嚟一個意見大比拼，睇下我哋係咪真係唔需要施曼尤，定係………
數據解密：三個翼鋒，三種唔同嘅武器
首先回應「位置重疊」呢個觀點。雖然大家都係踢邊路，但睇數據，施曼尤同我哋現有嘅球員根本係唔同生物。
加拿祖：要比喻，佢係一部跑車。佢最強嘅武器係推進（每 90 分鐘推進 169 碼）同創造力（xAG 0.35）。佢負責將個波由後場帶上前場，係進攻發起點。但缺點係射術唔穩（射正率得 25%）。
基頓斯：佢係一把唔夠利嘅手術刀，盤球好多（每 90 分鐘 7.04 次盤球），專門用黎單對單撕破密集防守，但係拮唔死人。
施曼尤：簡單講就係重型坦克，佢係以上兩位無嘅野：身體對抗同終結能力。 佢每 90 分鐘入 0.5 球，空中對抗贏 2.5 次，而且射正率高達 52.8%。佢唔係黎同加拿祖鬥跑，佢係黎做 「撞開對手、接應傳中、一腳射入」 嘅人。
車路士依家正正就係缺一個咁樣嘅「Plan B 坦克」。當對手泊大巴，加拿祖衝唔入去嗰陣，施曼尤就係破局關鍵。所以戰術上，我哋絕對需要佢，呢點，我估你睇咗上場波應該深有同感先係。
殘酷真相：UEFA 枷鎖下的「有心無力」
既然需要，點解 David Ornstein 同 Fabrizio Romano 都會話我哋退出？原因好簡單：£6,500 萬解約金，我哋俾唔出。
呢個位，一定有人跳出嚟問：「你哋車仔買咁多人，區區 6 千萬會俾唔出？」
所以，呢個位我不厭其煩咁再講一次，咩係 UEFA 正轉會差 (Positive Transfer Balance)。簡單講，你要買 £65m 嘅人，你就要先賣出同等價值嘅人（仲要係計 純利）。
我哋今個夏天單係為咗註冊返傷癒復出嘅拉維亞、科芬拿同其他新兵，數字上已經要填補一個接近 £6,000 萬嘅額度。
依家手上仲有咩人賣得走？史達寧？迪沙斯？ 唔好意思，雖然佢哋賣得出會有錢收，但喺會計賬目上，佢哋當初高價買入，現時剩餘嘅帳面值 (Book Value)依然好高。如果依家平賣，扣除帳面值後，分分鐘係蝕本 (Capital Loss)或者無錢賺。對於要跑正轉會差嘅我哋黎講，賣佢哋係杯水車薪。
有人會問：「你哋世冠盃贏咗成億獎金 ($125m USD) 喎！」 Sorry，根據 UEFA 規則，獎金還獎金，轉會差歸轉會差，兩條數唔能夠直接抵銷。嗰筆錢最多用黎填補日常營運虧損同應付英超賽會，幫唔到我哋開鎖買人。
咁點先可以？簡單，將現時List A上嘅人賣走就得，而家最大機會就係賣走佐治，因為佢係青訓，帳面值係零，賣幾多就賺幾多。但要賣到£6,500 萬…唔…難度有啲高囉。
薪酬結構的死結
最後仲有一個現實問題：人工。 施曼尤既然有 £65m 解約金條款，去曼城或者利物浦，人工肯定三級跳。但車路士依家行緊嚴格嘅 「低底薪 + 高獎金」 制度。就連最強皇牌嘅彭馬都只係得£130k週薪，呢種出手，我哋根本開唔出能夠同曼城競爭嘅薪酬，亦無空間打破現有嘅薪酬架構。
總結：唔係唔想買，係時辰未到
所以，我好想認同果篇文所講，話我哋陣容夠強，「唔需要」施曼尤。 但現實係，施曼尤呢種即食球員對馬蛇嚟講絕對係好野。只可惜，以前嘅車路士係想要就買，依家嘅車路士係賣唔出就無得買。
呢次縮沙，唔係因為高層覺得佢唔勁，而係面對 UEFA 嘅限制，我哋只能夠無奈地講句：「唔駛啦…下…下次先啦。」
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
作為車迷，我情感上好想同意佢篇文嘅內容，好想話「係囉，我哋有加拿祖同基頓斯就夠」。但，睇完維拉場波……嗯………我決定要用自己嘅文字寫下。當然，口講無憑，今篇車迷觀點，就嚟一個意見大比拼，睇下我哋係咪真係唔需要施曼尤，定係………
數據解密：三個翼鋒，三種唔同嘅武器
首先回應「位置重疊」呢個觀點。雖然大家都係踢邊路，但睇數據，施曼尤同我哋現有嘅球員根本係唔同生物。
加拿祖：要比喻，佢係一部跑車。佢最強嘅武器係推進（每 90 分鐘推進 169 碼）同創造力（xAG 0.35）。佢負責將個波由後場帶上前場，係進攻發起點。但缺點係射術唔穩（射正率得 25%）。
基頓斯：佢係一把唔夠利嘅手術刀，盤球好多（每 90 分鐘 7.04 次盤球），專門用黎單對單撕破密集防守，但係拮唔死人。
施曼尤：簡單講就係重型坦克，佢係以上兩位無嘅野：身體對抗同終結能力。 佢每 90 分鐘入 0.5 球，空中對抗贏 2.5 次，而且射正率高達 52.8%。佢唔係黎同加拿祖鬥跑，佢係黎做 「撞開對手、接應傳中、一腳射入」 嘅人。
車路士依家正正就係缺一個咁樣嘅「Plan B 坦克」。當對手泊大巴，加拿祖衝唔入去嗰陣，施曼尤就係破局關鍵。所以戰術上，我哋絕對需要佢，呢點，我估你睇咗上場波應該深有同感先係。
殘酷真相：UEFA 枷鎖下的「有心無力」
既然需要，點解 David Ornstein 同 Fabrizio Romano 都會話我哋退出？原因好簡單：£6,500 萬解約金，我哋俾唔出。
呢個位，一定有人跳出嚟問：「你哋車仔買咁多人，區區 6 千萬會俾唔出？」
所以，呢個位我不厭其煩咁再講一次，咩係 UEFA 正轉會差 (Positive Transfer Balance)。簡單講，你要買 £65m 嘅人，你就要先賣出同等價值嘅人（仲要係計 純利）。
我哋今個夏天單係為咗註冊返傷癒復出嘅拉維亞、科芬拿同其他新兵，數字上已經要填補一個接近 £6,000 萬嘅額度。
依家手上仲有咩人賣得走？史達寧？迪沙斯？ 唔好意思，雖然佢哋賣得出會有錢收，但喺會計賬目上，佢哋當初高價買入，現時剩餘嘅帳面值 (Book Value)依然好高。如果依家平賣，扣除帳面值後，分分鐘係蝕本 (Capital Loss)或者無錢賺。對於要跑正轉會差嘅我哋黎講，賣佢哋係杯水車薪。
有人會問：「你哋世冠盃贏咗成億獎金 ($125m USD) 喎！」 Sorry，根據 UEFA 規則，獎金還獎金，轉會差歸轉會差，兩條數唔能夠直接抵銷。嗰筆錢最多用黎填補日常營運虧損同應付英超賽會，幫唔到我哋開鎖買人。
咁點先可以？簡單，將現時List A上嘅人賣走就得，而家最大機會就係賣走佐治，因為佢係青訓，帳面值係零，賣幾多就賺幾多。但要賣到£6,500 萬…唔…難度有啲高囉。
薪酬結構的死結
最後仲有一個現實問題：人工。 施曼尤既然有 £65m 解約金條款，去曼城或者利物浦，人工肯定三級跳。但車路士依家行緊嚴格嘅 「低底薪 + 高獎金」 制度。就連最強皇牌嘅彭馬都只係得£130k週薪，呢種出手，我哋根本開唔出能夠同曼城競爭嘅薪酬，亦無空間打破現有嘅薪酬架構。
總結：唔係唔想買，係時辰未到
所以，我好想認同果篇文所講，話我哋陣容夠強，「唔需要」施曼尤。 但現實係，施曼尤呢種即食球員對馬蛇嚟講絕對係好野。只可惜，以前嘅車路士係想要就買，依家嘅車路士係賣唔出就無得買。
呢次縮沙，唔係因為高層覺得佢唔勁，而係面對 UEFA 嘅限制，我哋只能夠無奈地講句：「唔駛啦…下…下次先啦。」
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊