最近轉會市場上，又傳出關於我哋球員嘅消息。今次嘅主角，係葡萄牙金童祖奧·菲歷斯（João Félix）。根據葡萄牙媒體嘅報導，我哋正接近同賓菲加達成協議，將菲歷斯賣返去佢嘅母會，而交易嘅結構，就係一份非常奇特嘅「50%擁有權」協議。
呢個消息一出，即刻有球迷喺討論區問：「咩叫賣50%擁有權？英超可以咁玩嘅咩？」
更有趣嘅係，有位公海球迷講笑，話呢個操作，就好似聖經入面所羅門王審判兩個阿媽爭一個BB咁，要將菲歷斯喺中間斬開，我哋同賓菲加一人一半，由於菲歷斯係右腳球員嘅關係，我就想車路士要右邊… (講笑)
呢個看似奇怪嘅操作，背後係一盤極之精密嘅現代足球財技，亦都體現咗我哋新老闆嘅營運思維。今次，我就同大家一齊拆解，呢種「賣一半」嘅交易，究竟係咩玩法。
現代玩法：「50%擁有權」的真相
要拆解呢單交易，我哋首先要搞清楚一個大前提：喺今時今日嘅英超，甚至係FIFA嘅規則下，傳統嗰種「兩隊波夾份擁有一個球員」嘅共同擁有權，係已經被嚴格禁止嘅。因為呢種做法，會涉及到複雜嘅「第三方所有權」（TPO）問題，影響比賽公平性。(呢個下面會詳細再講)
咁，既然唔可以「共同擁有」，報導所講嘅賣50%，究竟係咩意思？
其實，呢個係一個關於球員未來經濟價值嘅協議，而唔係真正嘅擁有權分配。我哋可以將佢拆解成以下三點去理解：
1. 賓菲加得到啲咩？
首先，賓菲加付出一個比較低嘅首期（傳聞中嘅 €20M），然後佢哋就會得到菲歷斯100%嘅球員註冊權同上陣權利。喺名義上，菲歷斯會完完全全係一個賓菲加球員。
2. 車路士保留啲咩？
而我哋車路士保留嘅，就係佢未來經濟價值嘅一半。呢個操作，實質上等於我哋喺合約入面，加入咗一條極高比例、高達50%嘅「二次轉會分成」條款（Sell-on clause）。
呢招有幾著數？大家睇下安素（Enzo）單 Deal 就明。當年河床賣安素俾賓菲加，就係加咗條 25% 嘅二次轉會分成。結果我哋用過億鎊買安素，河床喺當中分到嘅錢，竟然仲多過佢當初賣安素俾賓菲加嘅轉會費！今次，我哋就係想喺菲歷斯身上，做返當年河床個角色。
3. 我哋嘅額外「辣招」
根據報導，我哋仲要求賓菲加「承諾未來買斷餘下50%」。呢個好可能係一條「強制買斷條款」（Mandatory buy-out clause）。意思就係，賓菲加喺幾年之後，可能要強制用一個預設嘅價錢，買斷我哋手上呢條50%嘅「二次轉會權」，確保我哋可以收足尾數。
呢三步曲，就係現今球壇嘅賣50%玩法。
歷史堂：已經被禁嘅「第三方擁有權」（TPO）
好，要完全理解點解菲歷斯單deal要搞到咁複雜，我哋就要坐時光機，返去十幾年前，睇下足球世界嘅一段「蠻荒西部」歷史：就係曾經盛極一時，但而家已經被嚴格禁止嘅禁術：「第三方擁有權」（Third-Party Ownership, TPO）。
喺當年，尤其係南美同葡超，好多球會為咗買人，會同出面嘅投資基金或者經理人合作。佢哋會將一個球員嘅「擁有權」斬開兩份：球員嘅「註冊權」（即係佢可以代表邊隊波出戰）依然屬於球會；但佢未來轉會費嘅「經濟權利」，就可以好似股票咁，賣一部分俾出面嘅「第三方」投資者。
呢種玩法，最經典、最出事嘅例子，就係2006年，阿根廷孖寶泰維斯（Tevez）同馬斯查蘭奴（Mascherano）加盟韋斯咸單嘢。當時佢哋兩個嘅「經濟權利」，其實係由一個神秘嘅投資基金擁有。呢件事引爆咗一個巨大嘅爭議：如果個投資者，為咗快啲將個球員賣出去賺錢，而逼個領隊一定要派佢上陣，咁仲有冇比賽公平性可言？
就係因為呢單嘢，英超反應最快，喺2008年就率先全面禁止TPO。之後FIFA亦都跟隨，喺2015年正式喺全球範圍，禁止球會同球員，同任何「第三方」投資者，簽訂任何關於瓜分未來轉會費嘅協議。
呢個歷史，就係點解我哋而家唔可以再玩「共同擁有」，而要用「二次轉會分成」呢啲更複雜、但合法嘅合約條款，去達到類似嘅財務目的嘅原因。
WHY？可能係一場雙贏的財技表演
解釋完個操作，下一個問題就係：點解雙方都肯制？
對賓菲加嚟講，好簡單：佢哋可以用一個俾得起嘅首期，就即刻得到一個有說明書又有級數嘅球員，增強實力。
而對我哋車路士嚟講，呢個就係一次止蝕操作。因為菲歷斯係賣走，但佢本身就唔係List A球員，佢係正轉差嘅罰則上唔會幫到任何手，但同樣唔會造成負擔。
但抽遠一步睇，因為係賣人嘅關係FFP一樣會計算，後面唔使再俾佢嘅人工，有傳媒粗略計算就話車路士係呢單Deal上只係勉強蝕少少離場：原價 €40m，踢咗一年，帳面值跌到 €32m，用 €20m賣走，淨虧損 €12m 扣除薪金同其他雜項大約為 €6~8m。
再推遠一步，如果真係傾得成有二次轉會權，後面嘅收入就會變咗同賣世三之後皇馬俾果啲額外條款一樣係變成純利 (Well，前題係菲歷斯返賓菲加踢得起又有人肯賣)。但長遠計要Cover €12m嘅蝕失，以賓菲加賣人嘅往績嚟講絕對有可能。車路士轉會部門算係係用眼前小損失去換未來。
呢個就係點解，我哋上年會見到球會曾經嘗試用「買50%」嘅方式去買奧姆羅迪安。呢種思維，已經係BlueCo嘅核心營運策略。
總結：唔只係買賣，更係一場金融遊戲
好，經過以上嘅拆解，相信大家對菲歷斯呢單「賣一半」嘅交易，已經有個清晰嘅概念。
總括嚟講，呢個操作，並唔係將佢斬開一半，而係一個精心設計嘅分階段出售方案。我哋先用一個較低嘅首期，將佢100%嘅上陣權利賣俾賓菲加，但同時，喺合約入面，保留咗佢未來經濟價值嘅一半：即係一條高達50%嘅「二次轉會分成」條款，再加埋一條可能嘅「強制買斷」後路。
呢種複雜嘅財技，完美咁體現咗我哋新班主BlueCo嘅營運思維。
喺佢哋眼中，球員唔單止係球員，更加係一份份可以被管理、可以升值、亦都可以分散風險嘅「金融資產」。而轉會市場，亦都唔再只係一個簡單嘅買賣平台，而係一個充滿財技博弈嘅金融遊戲。
理解咗呢點，我哋或者就可以更好地理解球會未來，可能會出現嘅更多，睇落好似好「奇怪」，但其實充滿計算嘅轉會操作。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
呢個消息一出，即刻有球迷喺討論區問：「咩叫賣50%擁有權？英超可以咁玩嘅咩？」
更有趣嘅係，有位公海球迷講笑，話呢個操作，就好似聖經入面所羅門王審判兩個阿媽爭一個BB咁，要將菲歷斯喺中間斬開，我哋同賓菲加一人一半，由於菲歷斯係右腳球員嘅關係，我就想車路士要右邊… (講笑)
呢個看似奇怪嘅操作，背後係一盤極之精密嘅現代足球財技，亦都體現咗我哋新老闆嘅營運思維。今次，我就同大家一齊拆解，呢種「賣一半」嘅交易，究竟係咩玩法。
現代玩法：「50%擁有權」的真相
要拆解呢單交易，我哋首先要搞清楚一個大前提：喺今時今日嘅英超，甚至係FIFA嘅規則下，傳統嗰種「兩隊波夾份擁有一個球員」嘅共同擁有權，係已經被嚴格禁止嘅。因為呢種做法，會涉及到複雜嘅「第三方所有權」（TPO）問題，影響比賽公平性。(呢個下面會詳細再講)
咁，既然唔可以「共同擁有」，報導所講嘅賣50%，究竟係咩意思？
其實，呢個係一個關於球員未來經濟價值嘅協議，而唔係真正嘅擁有權分配。我哋可以將佢拆解成以下三點去理解：
1. 賓菲加得到啲咩？
首先，賓菲加付出一個比較低嘅首期（傳聞中嘅 €20M），然後佢哋就會得到菲歷斯100%嘅球員註冊權同上陣權利。喺名義上，菲歷斯會完完全全係一個賓菲加球員。
2. 車路士保留啲咩？
而我哋車路士保留嘅，就係佢未來經濟價值嘅一半。呢個操作，實質上等於我哋喺合約入面，加入咗一條極高比例、高達50%嘅「二次轉會分成」條款（Sell-on clause）。
呢招有幾著數？大家睇下安素（Enzo）單 Deal 就明。當年河床賣安素俾賓菲加，就係加咗條 25% 嘅二次轉會分成。結果我哋用過億鎊買安素，河床喺當中分到嘅錢，竟然仲多過佢當初賣安素俾賓菲加嘅轉會費！今次，我哋就係想喺菲歷斯身上，做返當年河床個角色。
3. 我哋嘅額外「辣招」
根據報導，我哋仲要求賓菲加「承諾未來買斷餘下50%」。呢個好可能係一條「強制買斷條款」（Mandatory buy-out clause）。意思就係，賓菲加喺幾年之後，可能要強制用一個預設嘅價錢，買斷我哋手上呢條50%嘅「二次轉會權」，確保我哋可以收足尾數。
呢三步曲，就係現今球壇嘅賣50%玩法。
歷史堂：已經被禁嘅「第三方擁有權」（TPO）
好，要完全理解點解菲歷斯單deal要搞到咁複雜，我哋就要坐時光機，返去十幾年前，睇下足球世界嘅一段「蠻荒西部」歷史：就係曾經盛極一時，但而家已經被嚴格禁止嘅禁術：「第三方擁有權」（Third-Party Ownership, TPO）。
喺當年，尤其係南美同葡超，好多球會為咗買人，會同出面嘅投資基金或者經理人合作。佢哋會將一個球員嘅「擁有權」斬開兩份：球員嘅「註冊權」（即係佢可以代表邊隊波出戰）依然屬於球會；但佢未來轉會費嘅「經濟權利」，就可以好似股票咁，賣一部分俾出面嘅「第三方」投資者。
呢種玩法，最經典、最出事嘅例子，就係2006年，阿根廷孖寶泰維斯（Tevez）同馬斯查蘭奴（Mascherano）加盟韋斯咸單嘢。當時佢哋兩個嘅「經濟權利」，其實係由一個神秘嘅投資基金擁有。呢件事引爆咗一個巨大嘅爭議：如果個投資者，為咗快啲將個球員賣出去賺錢，而逼個領隊一定要派佢上陣，咁仲有冇比賽公平性可言？
就係因為呢單嘢，英超反應最快，喺2008年就率先全面禁止TPO。之後FIFA亦都跟隨，喺2015年正式喺全球範圍，禁止球會同球員，同任何「第三方」投資者，簽訂任何關於瓜分未來轉會費嘅協議。
呢個歷史，就係點解我哋而家唔可以再玩「共同擁有」，而要用「二次轉會分成」呢啲更複雜、但合法嘅合約條款，去達到類似嘅財務目的嘅原因。
WHY？可能係一場雙贏的財技表演
解釋完個操作，下一個問題就係：點解雙方都肯制？
對賓菲加嚟講，好簡單：佢哋可以用一個俾得起嘅首期，就即刻得到一個有說明書又有級數嘅球員，增強實力。
而對我哋車路士嚟講，呢個就係一次止蝕操作。因為菲歷斯係賣走，但佢本身就唔係List A球員，佢係正轉差嘅罰則上唔會幫到任何手，但同樣唔會造成負擔。
但抽遠一步睇，因為係賣人嘅關係FFP一樣會計算，後面唔使再俾佢嘅人工，有傳媒粗略計算就話車路士係呢單Deal上只係勉強蝕少少離場：原價 €40m，踢咗一年，帳面值跌到 €32m，用 €20m賣走，淨虧損 €12m 扣除薪金同其他雜項大約為 €6~8m。
再推遠一步，如果真係傾得成有二次轉會權，後面嘅收入就會變咗同賣世三之後皇馬俾果啲額外條款一樣係變成純利 (Well，前題係菲歷斯返賓菲加踢得起又有人肯賣)。但長遠計要Cover €12m嘅蝕失，以賓菲加賣人嘅往績嚟講絕對有可能。車路士轉會部門算係係用眼前小損失去換未來。
呢個就係點解，我哋上年會見到球會曾經嘗試用「買50%」嘅方式去買奧姆羅迪安。呢種思維，已經係BlueCo嘅核心營運策略。
總結：唔只係買賣，更係一場金融遊戲
好，經過以上嘅拆解，相信大家對菲歷斯呢單「賣一半」嘅交易，已經有個清晰嘅概念。
總括嚟講，呢個操作，並唔係將佢斬開一半，而係一個精心設計嘅分階段出售方案。我哋先用一個較低嘅首期，將佢100%嘅上陣權利賣俾賓菲加，但同時，喺合約入面，保留咗佢未來經濟價值嘅一半：即係一條高達50%嘅「二次轉會分成」條款，再加埋一條可能嘅「強制買斷」後路。
呢種複雜嘅財技，完美咁體現咗我哋新班主BlueCo嘅營運思維。
喺佢哋眼中，球員唔單止係球員，更加係一份份可以被管理、可以升值、亦都可以分散風險嘅「金融資產」。而轉會市場，亦都唔再只係一個簡單嘅買賣平台，而係一個充滿財技博弈嘅金融遊戲。
理解咗呢點，我哋或者就可以更好地理解球會未來，可能會出現嘅更多，睇落好似好「奇怪」，但其實充滿計算嘅轉會操作。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊