啱啱對般尼場波，相信大家都睇到一肚火兼血壓飆升。明明早早領先，點知下半場又無端端食紅牌（連埋今場，今季聯賽已經拎咗足足 8 面紅牌，冠絕英超），跟住全隊好似群龍無首咁患得患失，領隊恐慌性換人，最後慘被逼和失分。
點解每次一有暗湧，成隊波就會急速自爆？賽後好多車迷屌鬼，話場上面根本無一個有經驗嘅「老大哥」去穩定軍心、提場㩒住班𡃁仔。
呢度就牽涉到車路士近年令唔少車迷反晒白眼嘅轉會政策。依家買人個標準好似只有一個：25 歲以下。只要年紀稍為大少少，管理層都會當成係負資產咁，恨不得除之而後快。
隨之而來嘅，當然係網友們嘅猛烈抨擊，好似我個 Page 有位巴打講得好應棍：「要班細路升值唔係畀佢踢得多就得，都要有成績支持... 幼幼泊住幼幼，更顯得兩個小朋友錯漏百出」。
其實唔止車仔，連 PSG 近年都行緊類似嘅路線，雖然佢哋依然係星光熠熠，無話要做平民球隊，但你會發現佢哋個陣容結構係極端地年輕化，意圖用班當打嘅後生星級球員去衝擊冠軍。
既然大家因為尋晚場波，又再激烈討論緊老鬼係阻住地球轉定係家有一老如有一寶，我哋今次唔講感情，試下用唔同角度，持平咁拆解下呢個迷思：到底一個高薪老將，係阻住地球轉，定係不可或缺嘅防撞欄？
正面價值：點解我哋需要一個老竇？
講到老將嘅價值，好多人第一時間會諗到經驗兩個字，但咁樣講太虛無縹緲。我哋試下用兩個實實在在嘅概念去演繹：
腦力上嘅棚架
年輕球員，特別係中堅踢英超，其實好辛苦。佢哋唔單止要對抗對手嘅前鋒，個腦仲要同時處理極大量嘅資訊：幾時推前擺越位陷阱？幾時要標波？幾時要換位？喺高壓環境下，後生仔個腦好容易Hang機，頭腦一過熱就亂，一亂就慌。
泰亞高施華呢類老將嘅存在，就好似起樓搭個棚架咁。佢負責做大腦，負責預判危險、指揮防線升降；身邊個高維爾只需要專注做手腳，負責執行、跑動同對抗。
但齋講實俾你哋話我廢話，所以呢件事有數據支持，喺 2023-24 賽季有施華壓陣嗰陣，車路士場均因防守失誤導致嘅失球數字只有 1.14 球；但去到施華離隊後嘅 2024-25 賽季，隨著防線全面年輕化，呢個數字大幅急升到 1.38 球。
更重要嘅係，有施華喺隔離做定海神針，高維爾敢於嘗試更多具侵略性嘅傳球。數據顯示，兩人拍檔期間，高維爾嘅垂直進攻發起次數同傳球成功率均位居歐洲前列。
證明咗，因為有個老大哥喺後面睇住，高維爾可以行少好多冤枉路，就算有少少犯錯，都有人喺後面兜底，唔會即刻變成致命失誤。呢種有救生員係BB池帶住游水，比起掉佢落深海由佢自己游，成長效率其實高好多。
資產保護
另一個好現實嘅點係「錢」。根據 CIES 足球天文台嘅估值模型，球員身價同球隊戰績係高度掛鉤嘅。
試諗下，如果全隊都係幼幼，大家都無經驗，一遇到逆境就集體離線，導致球隊長期輸波甚至跌落中游。喺呢個環境下，就算個後生仔幾有潛力，外界都會覺得佢係水貨，身價自然被拖低。
所以，留個高薪老將喺度穩定戰績，如果真係防止到球隊崩盤，本質上係幫緊球會嗰幾億英鎊嘅年輕資產做 保值。只要球隊成績穩得住，幼幼嘅身價先有得升。呢筆老將嘅人工，其實係一筆為了保障年輕人升值而畀嘅保險費。
負面風險：世上有幾多個施華？
講完好處，都要講返現實情況。如果有個老將喺度就萬事大吉，咁足球經理就好易做啦。事實係，用老將係有風險嘅。
速率與體能嘅負累
歲月不饒人，呢個係物理定律。好似網友所講，即使強如施華，佢喺車路士嘅最後一季，都開始畀人嫌佢轉身慢、速率跟唔上英超嘅高位壓迫。
當一個老將個腦仲想指揮，但雙腳跟唔上節奏，佢就會變成球場上嘅計時炸彈。結果係點？就係身邊嘅高維爾或者卡些度被迫要跑多兩步，去幫個老大哥補位、執屎。變相令到班後生仔嘅體能消耗更大，甚至因為要遷就老將而打亂原本嘅防守體系。呢件事，唔止施華，甚至係其他隊都有一樣嘅情況。
財務上嘅「毒藥」
另一個令管理層卻步嘅原因係「錢」。老將通常人工高，而且轉售價值係零。對於講求低買高賣、將球員當股票炒嘅現代高層嚟講 (唔止車仔)，簽老將係一筆注定蝕本嘅交易。
最慘係，萬一你簽返嚟嘅唔係施華，而係一個諗住嚟養老、甚至紀律有問題嘅老屎忽（唔開名，無論係帶後生球員去夜蒲又好，教唆更衣室作反又好，早廿年仲有教隊友食煙嘅…），唔單止無表現，仲會喺更衣室教壞細路，破壞職業文化。呢種風險，比起戰術失誤更加致命。
關鍵因素：唔係有定無，而係佢係邊個
既然有辣有唔辣，咁個關鍵係乜？其實成件事個核心唔在於要唔要老將，而係在於揀邊個老將。
我哋需要嘅，唔係單純年紀大、想嚟呃退休金嘅廢老；而係學術上所講嘅表現型領袖 (Performance Leaders)。
即係好似C朗、占士米拿或者施華咁，自己練得仲博命過班後生仔，能夠喺場上做示範單位。佢哋嘅存在，係用嚟話畀班細路知：「想做頂級球員？跟住我咁做。」
如果搵唔到呢種頂級職業模範，隨便搵個老鬼填數 (望向Uncle Tosin)，咁確實不如全幼班；但如果有幸搵到，佢就係球隊最重要嘅資產。
總結：
講到尾，用老將係一種 Trade-off。我哋接受佢慢、接受佢人工高、接受佢無轉售價值。點解？因為呢筆錢本質上係用嚟買保險。
當然，我唔係要否定「幼幼 + 幼幼」嘅浪漫與價值。試諗下，如果有朝一日高維爾同艾殊邦可以練成絕佳默契，兩個又快又撞得，呢種由細夾到大嘅兄弟波，嗰種熱血同機動性，確係任何老將都畀唔到嘅，仲要講緊練成之後可以踢到多十年，佢哋先係三十歲頭。長遠嚟講，呢個先係所有球迷最想見到嘅畫面。
但正正係為咗讓呢個畫面成真，我哋先更加需要一個老大哥。佢嘅存在，唔係為咗霸住個位唔走，而係為咗幫呢班細路擋風遮雨。等佢哋未夠火候嗰陣，唔使直接面對最殘酷嘅風暴；等佢哋羽翼長成之後，再安然接捧。
施華只有一個，好難搵，但搵唔到唔代表要放棄尋找。因為喺驚濤駭浪嘅英超，有人帶住嘅細路，先有機會游到去對岸，成為真正嘅大將。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
點解每次一有暗湧，成隊波就會急速自爆？賽後好多車迷屌鬼，話場上面根本無一個有經驗嘅「老大哥」去穩定軍心、提場㩒住班𡃁仔。
呢度就牽涉到車路士近年令唔少車迷反晒白眼嘅轉會政策。依家買人個標準好似只有一個：25 歲以下。只要年紀稍為大少少，管理層都會當成係負資產咁，恨不得除之而後快。
隨之而來嘅，當然係網友們嘅猛烈抨擊，好似我個 Page 有位巴打講得好應棍：「要班細路升值唔係畀佢踢得多就得，都要有成績支持... 幼幼泊住幼幼，更顯得兩個小朋友錯漏百出」。
其實唔止車仔，連 PSG 近年都行緊類似嘅路線，雖然佢哋依然係星光熠熠，無話要做平民球隊，但你會發現佢哋個陣容結構係極端地年輕化，意圖用班當打嘅後生星級球員去衝擊冠軍。
既然大家因為尋晚場波，又再激烈討論緊老鬼係阻住地球轉定係家有一老如有一寶，我哋今次唔講感情，試下用唔同角度，持平咁拆解下呢個迷思：到底一個高薪老將，係阻住地球轉，定係不可或缺嘅防撞欄？
正面價值：點解我哋需要一個老竇？
講到老將嘅價值，好多人第一時間會諗到經驗兩個字，但咁樣講太虛無縹緲。我哋試下用兩個實實在在嘅概念去演繹：
腦力上嘅棚架
年輕球員，特別係中堅踢英超，其實好辛苦。佢哋唔單止要對抗對手嘅前鋒，個腦仲要同時處理極大量嘅資訊：幾時推前擺越位陷阱？幾時要標波？幾時要換位？喺高壓環境下，後生仔個腦好容易Hang機，頭腦一過熱就亂，一亂就慌。
泰亞高施華呢類老將嘅存在，就好似起樓搭個棚架咁。佢負責做大腦，負責預判危險、指揮防線升降；身邊個高維爾只需要專注做手腳，負責執行、跑動同對抗。
但齋講實俾你哋話我廢話，所以呢件事有數據支持，喺 2023-24 賽季有施華壓陣嗰陣，車路士場均因防守失誤導致嘅失球數字只有 1.14 球；但去到施華離隊後嘅 2024-25 賽季，隨著防線全面年輕化，呢個數字大幅急升到 1.38 球。
更重要嘅係，有施華喺隔離做定海神針，高維爾敢於嘗試更多具侵略性嘅傳球。數據顯示，兩人拍檔期間，高維爾嘅垂直進攻發起次數同傳球成功率均位居歐洲前列。
證明咗，因為有個老大哥喺後面睇住，高維爾可以行少好多冤枉路，就算有少少犯錯，都有人喺後面兜底，唔會即刻變成致命失誤。呢種有救生員係BB池帶住游水，比起掉佢落深海由佢自己游，成長效率其實高好多。
資產保護
另一個好現實嘅點係「錢」。根據 CIES 足球天文台嘅估值模型，球員身價同球隊戰績係高度掛鉤嘅。
試諗下，如果全隊都係幼幼，大家都無經驗，一遇到逆境就集體離線，導致球隊長期輸波甚至跌落中游。喺呢個環境下，就算個後生仔幾有潛力，外界都會覺得佢係水貨，身價自然被拖低。
所以，留個高薪老將喺度穩定戰績，如果真係防止到球隊崩盤，本質上係幫緊球會嗰幾億英鎊嘅年輕資產做 保值。只要球隊成績穩得住，幼幼嘅身價先有得升。呢筆老將嘅人工，其實係一筆為了保障年輕人升值而畀嘅保險費。
負面風險：世上有幾多個施華？
講完好處，都要講返現實情況。如果有個老將喺度就萬事大吉，咁足球經理就好易做啦。事實係，用老將係有風險嘅。
速率與體能嘅負累
歲月不饒人，呢個係物理定律。好似網友所講，即使強如施華，佢喺車路士嘅最後一季，都開始畀人嫌佢轉身慢、速率跟唔上英超嘅高位壓迫。
當一個老將個腦仲想指揮，但雙腳跟唔上節奏，佢就會變成球場上嘅計時炸彈。結果係點？就係身邊嘅高維爾或者卡些度被迫要跑多兩步，去幫個老大哥補位、執屎。變相令到班後生仔嘅體能消耗更大，甚至因為要遷就老將而打亂原本嘅防守體系。呢件事，唔止施華，甚至係其他隊都有一樣嘅情況。
財務上嘅「毒藥」
另一個令管理層卻步嘅原因係「錢」。老將通常人工高，而且轉售價值係零。對於講求低買高賣、將球員當股票炒嘅現代高層嚟講 (唔止車仔)，簽老將係一筆注定蝕本嘅交易。
最慘係，萬一你簽返嚟嘅唔係施華，而係一個諗住嚟養老、甚至紀律有問題嘅老屎忽（唔開名，無論係帶後生球員去夜蒲又好，教唆更衣室作反又好，早廿年仲有教隊友食煙嘅…），唔單止無表現，仲會喺更衣室教壞細路，破壞職業文化。呢種風險，比起戰術失誤更加致命。
關鍵因素：唔係有定無，而係佢係邊個
既然有辣有唔辣，咁個關鍵係乜？其實成件事個核心唔在於要唔要老將，而係在於揀邊個老將。
我哋需要嘅，唔係單純年紀大、想嚟呃退休金嘅廢老；而係學術上所講嘅表現型領袖 (Performance Leaders)。
即係好似C朗、占士米拿或者施華咁，自己練得仲博命過班後生仔，能夠喺場上做示範單位。佢哋嘅存在，係用嚟話畀班細路知：「想做頂級球員？跟住我咁做。」
如果搵唔到呢種頂級職業模範，隨便搵個老鬼填數 (望向Uncle Tosin)，咁確實不如全幼班；但如果有幸搵到，佢就係球隊最重要嘅資產。
總結：
講到尾，用老將係一種 Trade-off。我哋接受佢慢、接受佢人工高、接受佢無轉售價值。點解？因為呢筆錢本質上係用嚟買保險。
當然，我唔係要否定「幼幼 + 幼幼」嘅浪漫與價值。試諗下，如果有朝一日高維爾同艾殊邦可以練成絕佳默契，兩個又快又撞得，呢種由細夾到大嘅兄弟波，嗰種熱血同機動性，確係任何老將都畀唔到嘅，仲要講緊練成之後可以踢到多十年，佢哋先係三十歲頭。長遠嚟講，呢個先係所有球迷最想見到嘅畫面。
但正正係為咗讓呢個畫面成真，我哋先更加需要一個老大哥。佢嘅存在，唔係為咗霸住個位唔走，而係為咗幫呢班細路擋風遮雨。等佢哋未夠火候嗰陣，唔使直接面對最殘酷嘅風暴；等佢哋羽翼長成之後，再安然接捧。
施華只有一個，好難搵，但搵唔到唔代表要放棄尋找。因為喺驚濤駭浪嘅英超，有人帶住嘅細路，先有機會游到去對岸，成為真正嘅大將。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊