奧斯文 (Victor Osimhen) 嚟車路士單嘢，傳咗幾年傳到悶，由當初嘅熱切期待，到而家似乎變成一場冇乜結果嘅鬧劇。但喺呢場漫長嘅轉會傳聞入面，最估唔到嘅花生，竟然係我哋嘅前中場、尼日利亞名宿米基爾 (John Obi Mikel) 竟然跳出嚟做主角，一時話自己做經理人，一時又話傾掂數只差少少，甚至公開踩低現役嘅積臣嚟抬高奧斯文。
作為名宿，間中關心下舊東家係好正常，但係做到咁出面，不停同傳媒放風，究竟係真心想幫手，定係純粹想黎刷存在感，驚死人唔記得佢？尤其係奧斯文同車仔之間仲存在好多分歧。今次就等我哋以花生友嘅角度，先了解下呢場轉會鬧劇有幾複雜，再梳理下呢位「Agent Obi」喺當中嘅連番「表演」，睇下佢究竟係幫緊隊波，定係純粹贈興。
背景解密：奧斯文轉會鬧劇
喺我哋評價米基爾嘅言行之前，不如先深入了解下成單奧斯文轉會鬧劇本身有幾複雜，睇完你就會明點解某啲輕描淡寫嘅講法係幾咁離地。成件事嘅轉折真係多到可以拍套 Netflix 劇。
話說四年前拿玻里用破紀錄 €80m 買佢返嚟，佢亦不負所望，喺 22-23 球季大爆發，帶領球隊 33 年嚟首次贏得意甲，自己仲攞埋神射手。身價即時過億，前途一片光明。
點知好景不常，23 年 9 月拿玻里因為官方 TikTok 出片笑佢射失十二碼而反面，奧斯文嬲到話要告上法庭。正當大家以為佢哋關係破裂，各大球會已經拎定銀包準備喺冬天執平貨之際，劇情又 180 度反轉 —— 雙方竟然喺 12 月續約！ 據聞當時拿玻里為咗趕稅務優惠死線，肯俾高少少人工 (稅後 €11m)，而奧斯文團隊就加入咗天價買斷條款 (€120m-€130m)，但同時可能有「君子協定」話 €100m 左右會放人，諗住保障自己可以喺今年夏天離開。呢個操作解釋咗點解佢又續約又想走。
到咗今年夏天，戲肉嚟喇。出名癲嘅拿玻里主席 ADL (Aurelio De Laurentiis) 竟然反口，企硬要收足買斷費，呢個價錢喺 FFP/PSR 之下邊有歐洲豪門俾得起 (因為違約金唔可以攤分)。直接令奧斯文嬲到罷操。
中間雖然拿玻里一度讓肯減價到 €80m，但奧斯文個經理人 Calenda 又周圍抬價，要求天價人工同佣金，嚇走包括我哋在內嘅潛在買家。奧斯文一度接近接受沙特份肥約 (£40m 年薪！)，點知 ADL 又喺最後關頭想加價 €5m，激到沙特佬過檔買咗東尼 (Toney) 算數！
結果？奧斯文冇得走，留喺拿玻里又俾干地（雖然干地話唔關佢事）嫌棄，連註冊都冇埋。最後喺歐洲轉會窗關閉後，先至執雞外借去仲開緊窗嘅土超加拉塔沙雷，仲要拿玻里可能冇租借費收，淨係慳返份人工。據聞合約仲可能有啲古怪條款，例如下年夏天買斷費降到 €75m 之類。成件事就係咁荒謬！
成場鬧劇搞到咁僵，奧斯文似乎將部分責任歸咎於佢個經理人 Calenda。因為轉會窗最後階段嘅混亂，奧斯文對 Calenda 已經失去信心，仲喺 9 月炒埋佢魷魚！據報佢最後去加拉塔沙雷單 loan deal，係搵咗個中間人 George Gardi 幫手，甚至好多嘢都係佢自己親自傾返嚟，完全 Bypass 咗 Calenda。報道仲話佢對家鄉尼日利亞嘅身邊人都失去信任，短期內可能自己代表自己。呢位尼日利亞前鋒嘅場外故事，仲精彩過連續劇！
「Agent Obi」表演時序
好喇，了解完成單轉會背景有幾咁騎呢複雜之後，我哋再睇返「Agent Obi」米基爾喺呢段時間點樣鍥而不捨咁「參與」其中。
第一幕 (2023年尾)：Podcast 真情對話？成件事嘅序幕，要數到 2023 年 11 月，米基爾請咗奧斯文上佢自己個 Podcast。喺節目度，佢就好似老前輩關心後輩咁，直接同奧斯文講：「下季你 100% 會嚟車路士！我做你 Agent 搞掂佢！」 雖然奧斯文當時只係笑笑口冇應承，但就承認細個有車仔波衫同埋好崇拜杜奧巴，似乎就係呢個位俾咗米基爾「希望」同幻想空間。
第二幕 (2024年初)：卡塔爾峰會再出口術
到咗 2024 年 3 月，米基爾去到卡塔爾出席活動，又再忍唔住口。佢同記者講笑咁話自己做緊奧斯文「經理人」，仲要加多句，話據佢所知奧斯文「鍾意車仔、想嚟車仔」。佢仲好識做咁提到 PSG 同曼聯都係競爭對手，但強調自己會繼續「pushing」，擺明就係想幫車仔造勢兼向奧斯文施壓。
第三幕 (2024年夏)：拉埋杜奧巴落水？夏天轉會窗期間，Agent Obi 嘅行動升級。去到 8 月，佢再次向傳媒放風，今次仲勁，拉埋杜奧巴落水，話「巴哥都同佢傾緊偈，分享緊對車仔嘅睇法」。哇，出動埋偶像牌，睇嚟米基爾真係好想單 deal 成事。當時仲傳緊可能用盧卡古交換，成件事搞到似層層。
第四幕 (2024年夏末)：解畫定補鑊？「差少少」嘅真相
可惜，夏窗最終都係冇結果。到咗 9 月，米基爾又出嚟解畫。佢話其實車仔同奧斯文已經傾到好埋，「雙方都要妥協」，甚至人工都傾掂咗。點解最後會撻 Q？佢就賴落啲「濕碎嘢」、「文件」、「體測」同埋時間唔夠，仲特登幫奧斯文澄清，話絕對唔係因為佢貪錢。(係咪真係咁簡單？定係人工傾唔掂搵藉口咋？)
第五幕 (2025年初)：為 Sell 新人踩舊將？再過咗幾個月，姐係今年一月，見到我哋前鋒積臣腳風唔順，Agent Obi 又出場。佢喺 Podcast 度公開批評積臣「唔夠 Clinical」、「唔係可以贏冠軍嘅前鋒」，然後又再點名話車仔需要奧斯文、Isak 或者 Gyokeres 呢啲級數嘅射手。嘩，為咗推銷個傳聞目標，走去踩低自己球隊嘅現役球員，呢招真係高！
第六幕 (2025年4月)：仲話 Easy Fix？
死心不息嘅 Agent Obi，去到今個月，仲同傳媒講緊奧斯文「想嚟車仔」，仲話因為上年夏天傾得七七八八，所以而家要搞返掂單 deal 係「Easy Fix」。但實際上，轉會大神 Romano 講到明人工係最大問題，你仲可以話 Easy？定係你真係當自己係球會高層，可以話到事？
梳理完呢條時間線，米基爾個形象係咪更加立體呢？
花生友角度：米基爾，你係咪過咗火位？
有咗前面奧斯文轉會鬧劇嘅背景，再睇埋米基爾呢連串操作，作為花生友，真係越睇越覺得佢有啲過咗火位。畢竟你係名宿，唔係球會總監喎！
首先，佢一時話自己做 Agent，一時又話上年夏天差啲傾掂數，只係衰啲「濕碎嘢」，仲要懶好心咁幫奧斯文澄清話唔係因為貪錢。但係另一邊廂，正如背景提到嘅實際情況，同埋 Romano 清楚講到明，最大阻力就係奧斯文份天價人工，根本冇英超球會肯制，特別係而家呢隊係人工架構上落足功夫的車路士。咁究竟邊個版本先係真？米基爾你係咪真係掌握到內情，定係純粹一廂情願，單純為咗自己個 Podcast 或者媒體曝光率而亂噏當秘笈？你咁樣公開講啲未落實嘅嘢，對球會傾轉會有冇幫助？定係幫倒忙？
再講吖，最令人反感嘅，係佢為咗撐奧斯文，竟然公開踩低現役球員積臣！雖然積臣把握力係有待改善，但佢今季仍然保持到雙位數入球，亦係繼迪亞高哥斯達之後的第一個前鋒有兩季雙位數入球。你作為一個受人尊重嘅名宿，為咗 Sell 一個仲未加盟嘅球員，就走去公開批評現役球員「唔夠班」、「唔會贏到冠軍」，咁樣其實有欠公道，呢啲又係咪一個前輩應有嘅行為？定係純粹為咗令自己「奧斯文加盟推手」呢個角色更加突出？
成日喺傳媒面前指指點點，一時話「Easy Fix」，一時又批評球員，但又冇考慮到球會實際嘅財政狀況 (FFP/PSR)、人工結構，同埋馬蛇嘅戰術需要。米基爾，你係咪真係覺得自己仲係球隊嘅一部分，可以隨便干預運作？定係你已經離地太耐，唔知而家咩世界？你呢種做法，除咗成功「刷存在感」之外，對車路士嚟講，睇怕都冇乜實際益處。
總結：
無論米基爾係真心定係假膠，佢呢種「名宿干政」嘅做法，對實際轉會操作有冇幫助就真係見仁見智，但肯定就係為我哋提供咗唔少花生。講到尾，現代足球就係商業世界，名宿嘅牙力同影響力再大，都及唔上 FFP 同 PSR 咁可怕。奧斯文單 Deal 除非有奇蹟（例如佢肯大幅減薪），如果唔係睇怕都係凍過水。至於 Agent Obi？不如都係專心搞好佢個 Podcast 算把啦！
(至於奧斯文……睇下幾時出個球探報告再寫下佢)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
作為名宿，間中關心下舊東家係好正常，但係做到咁出面，不停同傳媒放風，究竟係真心想幫手，定係純粹想黎刷存在感，驚死人唔記得佢？尤其係奧斯文同車仔之間仲存在好多分歧。今次就等我哋以花生友嘅角度，先了解下呢場轉會鬧劇有幾複雜，再梳理下呢位「Agent Obi」喺當中嘅連番「表演」，睇下佢究竟係幫緊隊波，定係純粹贈興。
背景解密：奧斯文轉會鬧劇
喺我哋評價米基爾嘅言行之前，不如先深入了解下成單奧斯文轉會鬧劇本身有幾複雜，睇完你就會明點解某啲輕描淡寫嘅講法係幾咁離地。成件事嘅轉折真係多到可以拍套 Netflix 劇。
話說四年前拿玻里用破紀錄 €80m 買佢返嚟，佢亦不負所望，喺 22-23 球季大爆發，帶領球隊 33 年嚟首次贏得意甲，自己仲攞埋神射手。身價即時過億，前途一片光明。
點知好景不常，23 年 9 月拿玻里因為官方 TikTok 出片笑佢射失十二碼而反面，奧斯文嬲到話要告上法庭。正當大家以為佢哋關係破裂，各大球會已經拎定銀包準備喺冬天執平貨之際，劇情又 180 度反轉 —— 雙方竟然喺 12 月續約！ 據聞當時拿玻里為咗趕稅務優惠死線，肯俾高少少人工 (稅後 €11m)，而奧斯文團隊就加入咗天價買斷條款 (€120m-€130m)，但同時可能有「君子協定」話 €100m 左右會放人，諗住保障自己可以喺今年夏天離開。呢個操作解釋咗點解佢又續約又想走。
到咗今年夏天，戲肉嚟喇。出名癲嘅拿玻里主席 ADL (Aurelio De Laurentiis) 竟然反口，企硬要收足買斷費，呢個價錢喺 FFP/PSR 之下邊有歐洲豪門俾得起 (因為違約金唔可以攤分)。直接令奧斯文嬲到罷操。
中間雖然拿玻里一度讓肯減價到 €80m，但奧斯文個經理人 Calenda 又周圍抬價，要求天價人工同佣金，嚇走包括我哋在內嘅潛在買家。奧斯文一度接近接受沙特份肥約 (£40m 年薪！)，點知 ADL 又喺最後關頭想加價 €5m，激到沙特佬過檔買咗東尼 (Toney) 算數！
結果？奧斯文冇得走，留喺拿玻里又俾干地（雖然干地話唔關佢事）嫌棄，連註冊都冇埋。最後喺歐洲轉會窗關閉後，先至執雞外借去仲開緊窗嘅土超加拉塔沙雷，仲要拿玻里可能冇租借費收，淨係慳返份人工。據聞合約仲可能有啲古怪條款，例如下年夏天買斷費降到 €75m 之類。成件事就係咁荒謬！
成場鬧劇搞到咁僵，奧斯文似乎將部分責任歸咎於佢個經理人 Calenda。因為轉會窗最後階段嘅混亂，奧斯文對 Calenda 已經失去信心，仲喺 9 月炒埋佢魷魚！據報佢最後去加拉塔沙雷單 loan deal，係搵咗個中間人 George Gardi 幫手，甚至好多嘢都係佢自己親自傾返嚟，完全 Bypass 咗 Calenda。報道仲話佢對家鄉尼日利亞嘅身邊人都失去信任，短期內可能自己代表自己。呢位尼日利亞前鋒嘅場外故事，仲精彩過連續劇！
「Agent Obi」表演時序
好喇，了解完成單轉會背景有幾咁騎呢複雜之後，我哋再睇返「Agent Obi」米基爾喺呢段時間點樣鍥而不捨咁「參與」其中。
第一幕 (2023年尾)：Podcast 真情對話？成件事嘅序幕，要數到 2023 年 11 月，米基爾請咗奧斯文上佢自己個 Podcast。喺節目度，佢就好似老前輩關心後輩咁，直接同奧斯文講：「下季你 100% 會嚟車路士！我做你 Agent 搞掂佢！」 雖然奧斯文當時只係笑笑口冇應承，但就承認細個有車仔波衫同埋好崇拜杜奧巴，似乎就係呢個位俾咗米基爾「希望」同幻想空間。
第二幕 (2024年初)：卡塔爾峰會再出口術
到咗 2024 年 3 月，米基爾去到卡塔爾出席活動，又再忍唔住口。佢同記者講笑咁話自己做緊奧斯文「經理人」，仲要加多句，話據佢所知奧斯文「鍾意車仔、想嚟車仔」。佢仲好識做咁提到 PSG 同曼聯都係競爭對手，但強調自己會繼續「pushing」，擺明就係想幫車仔造勢兼向奧斯文施壓。
第三幕 (2024年夏)：拉埋杜奧巴落水？夏天轉會窗期間，Agent Obi 嘅行動升級。去到 8 月，佢再次向傳媒放風，今次仲勁，拉埋杜奧巴落水，話「巴哥都同佢傾緊偈，分享緊對車仔嘅睇法」。哇，出動埋偶像牌，睇嚟米基爾真係好想單 deal 成事。當時仲傳緊可能用盧卡古交換，成件事搞到似層層。
第四幕 (2024年夏末)：解畫定補鑊？「差少少」嘅真相
可惜，夏窗最終都係冇結果。到咗 9 月，米基爾又出嚟解畫。佢話其實車仔同奧斯文已經傾到好埋，「雙方都要妥協」，甚至人工都傾掂咗。點解最後會撻 Q？佢就賴落啲「濕碎嘢」、「文件」、「體測」同埋時間唔夠，仲特登幫奧斯文澄清，話絕對唔係因為佢貪錢。(係咪真係咁簡單？定係人工傾唔掂搵藉口咋？)
第五幕 (2025年初)：為 Sell 新人踩舊將？再過咗幾個月，姐係今年一月，見到我哋前鋒積臣腳風唔順，Agent Obi 又出場。佢喺 Podcast 度公開批評積臣「唔夠 Clinical」、「唔係可以贏冠軍嘅前鋒」，然後又再點名話車仔需要奧斯文、Isak 或者 Gyokeres 呢啲級數嘅射手。嘩，為咗推銷個傳聞目標，走去踩低自己球隊嘅現役球員，呢招真係高！
第六幕 (2025年4月)：仲話 Easy Fix？
死心不息嘅 Agent Obi，去到今個月，仲同傳媒講緊奧斯文「想嚟車仔」，仲話因為上年夏天傾得七七八八，所以而家要搞返掂單 deal 係「Easy Fix」。但實際上，轉會大神 Romano 講到明人工係最大問題，你仲可以話 Easy？定係你真係當自己係球會高層，可以話到事？
梳理完呢條時間線，米基爾個形象係咪更加立體呢？
花生友角度：米基爾，你係咪過咗火位？
有咗前面奧斯文轉會鬧劇嘅背景，再睇埋米基爾呢連串操作，作為花生友，真係越睇越覺得佢有啲過咗火位。畢竟你係名宿，唔係球會總監喎！
首先，佢一時話自己做 Agent，一時又話上年夏天差啲傾掂數，只係衰啲「濕碎嘢」，仲要懶好心咁幫奧斯文澄清話唔係因為貪錢。但係另一邊廂，正如背景提到嘅實際情況，同埋 Romano 清楚講到明，最大阻力就係奧斯文份天價人工，根本冇英超球會肯制，特別係而家呢隊係人工架構上落足功夫的車路士。咁究竟邊個版本先係真？米基爾你係咪真係掌握到內情，定係純粹一廂情願，單純為咗自己個 Podcast 或者媒體曝光率而亂噏當秘笈？你咁樣公開講啲未落實嘅嘢，對球會傾轉會有冇幫助？定係幫倒忙？
再講吖，最令人反感嘅，係佢為咗撐奧斯文，竟然公開踩低現役球員積臣！雖然積臣把握力係有待改善，但佢今季仍然保持到雙位數入球，亦係繼迪亞高哥斯達之後的第一個前鋒有兩季雙位數入球。你作為一個受人尊重嘅名宿，為咗 Sell 一個仲未加盟嘅球員，就走去公開批評現役球員「唔夠班」、「唔會贏到冠軍」，咁樣其實有欠公道，呢啲又係咪一個前輩應有嘅行為？定係純粹為咗令自己「奧斯文加盟推手」呢個角色更加突出？
成日喺傳媒面前指指點點，一時話「Easy Fix」，一時又批評球員，但又冇考慮到球會實際嘅財政狀況 (FFP/PSR)、人工結構，同埋馬蛇嘅戰術需要。米基爾，你係咪真係覺得自己仲係球隊嘅一部分，可以隨便干預運作？定係你已經離地太耐，唔知而家咩世界？你呢種做法，除咗成功「刷存在感」之外，對車路士嚟講，睇怕都冇乜實際益處。
總結：
無論米基爾係真心定係假膠，佢呢種「名宿干政」嘅做法，對實際轉會操作有冇幫助就真係見仁見智，但肯定就係為我哋提供咗唔少花生。講到尾，現代足球就係商業世界，名宿嘅牙力同影響力再大，都及唔上 FFP 同 PSR 咁可怕。奧斯文單 Deal 除非有奇蹟（例如佢肯大幅減薪），如果唔係睇怕都係凍過水。至於 Agent Obi？不如都係專心搞好佢個 Podcast 算把啦！
(至於奧斯文……睇下幾時出個球探報告再寫下佢)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊