講明先，唔係針對積臣，單純係網友講起我又得閒先寫…絕對唔係狙擊佢一個。之前寫咗幾篇文講積臣，大家應該記憶猶新。轉會窗最後一刻俾車仔剎停佢轉會，但又因為召回咗古爾而再次放行，成單鬧劇提供咗無數嘅歡樂俾大家。
眨眼間，三個月過去，呢位曾經令我哋又愛又恨、充滿娛樂性嘅前鋒，喺德國究竟過成點？係變身做「xG之神」大殺四方，定係繼續佢「小丑」嘅本色，淪為一個可有可無嘅邊緣人？
今次【車迷觀點】，我哋就唔講戰術住，純粹食花生。用數據同埋各方嘅報導，去睇下積臣而家嘅尷尬處境，同埋呢單外借背後，一場車路士、拜仁同經理人之間，無人係贏家嘅轉會笑話。
數據的審判：由核心變邊緣
我哋先唔好講戰術，直接睇數據。積臣喺拜仁過成點？一個字：慘。
喺車路士，佢再差都仲係馬蛇嘅嘅正前鋒首選，上季英超踢咗超過 2,200 分鐘。但嚟到德甲，截至11月中，佢只係踢咗可憐嘅 305分鐘。由球隊核心，變成簡尼嘅替補，喺垃圾時間先有得出場嘅邊緣人，不過我諗無論係積臣自己定係佢經理人，係轉會之前都應該心中有數先啱。
效率的暴跌：消失的入球
咁佢把握到有限嘅時間未？答案係冇。喺德甲，佢只係交出 1入球、0助攻。
下面我哋一齊拎數據出嚟講下。嗱，我知架，一定會有屎忽鬼跳出嚟講：「德甲咁廢，拜仁成隊勁成咁，數據有x公信力呀？」所以，我就係數據上做一個好公平嘅調整，就算將英超同德甲嘅強度分別計算在內，積臣嘅每90分鐘產出，比起佢喺車仔嗰陣，依然係暴跌咗 60%。詳細講嘅話有幾樣。
① 產出崩盤
係拜仁嘅G+A/90產出(0.24)相較於上賽季喺英超(0.61)，暴跌咗60.7%。呢個跌幅已經唔係「適應期」三個字可以解釋。
② 角色錯配：由「終結者」變「助攻手」
積臣死剩嘅優勢，就係佢製造威脅嘅能力仲喺度。佢嘅整體「預期威脅」(npxG+xAG/90)只係由0.67微跌至0.62，基本持平。但問題出喺邊？係威脅嘅構成方式出咗事：
射門威脅萎縮： 個人預期入球 (npxG/90) 下降44% (由0.50跌至0.28)，射門次數 (Sh/90) 由3.08大減到1.48。證明咗佢係拜仁根本唔係進攻嘅第一終結點。
創造力激增： 預期助攻 (xAG/90) 由0.17飆升至0.41 (調整後0.33)，增幅高達94%。創造射門動作(SCA90)亦由2.8升至3.55。
③ 效率錯配：威脅轉唔到做產出
呢個先係最大問題。積臣創造咗大量機會 (調整後0.33 xAG/90)，但唔知係佢傳得差定係隊友把握唔到，最終交出0助攻。同時，佢自己有限嘅機會都未能把握(調整後 0.28 npxG/90只係轉化為 0.24 Gls/90)。
喺304分鐘零碎上場時間入面，呢種低轉換率就係佢G+A數據崩盤嘅主因：儘管佢製造威脅嘅能力(尤其創造力)依然強勁。
再退一步講，積臣本身就係一個節拍型前鋒，要係比賽入面習慣對手嘅節奏，再趁機會用速度跑背身進行攻擊，而家係垃圾時間上陣，同積臣嘅踢法上有根本性嘅衝突，呢個亦係積臣嘅進攻數據係拜仁水土不服嘅原因。
三方的博弈：無人係贏家嘅轉會
數據崩盤已經夠慘，但場外嘅政治戲先至係最令積臣頭痕嘅地方。呢單外借，表面上係三贏，實際上係一場各懷鬼胎、隨時變三輸嘅轉會。
拜仁的算盤：最貴的「高級水泡」
首先睇下拜仁。佢哋俾咗 €16.5m 咁貴嘅外借費，係咪真係想買斷佢？
拜仁大佬漢尼斯（Uli Hoeneß）早就透過傳媒放風，話積臣要達到「40場正選」先會觸發 €65m 嘅強制買斷條款。然後佢補多句：「佢永遠都做唔到（達到40場）。」
呢句說話已經講晒個真相：拜仁由頭到尾都只係當積臣係一個肯跑肯逼搶、用完即棄嘅高級水泡。佢哋俾嗰筆外借費，就係買個保險，根本冇諗過要長揸。
積臣的困局：自斷後路
最尷尬嘅係積臣自己。佢個經理人 Diomansy Kamara 早排接受訪問，被問到積臣會唔會返車路士，佢斬釘截鐵咁話：「絕對唔會 (Absolutely not)」。
佢以為可以藉此逼拜仁買斷，或者逼車仔平賣。但而家積臣踢成咁，拜仁睬你都有味。佢單純係切斷咗返車路士條後路，但前面拜仁條路又危危哋，而家係真正嘅兩頭唔到岸。
車路士的兩難：收錢定收屍？
至於我哋車仔，表面上收咗 €16.5m 幫補 FFP 係好爽。但諗深一層，出年夏天我哋將會收返一個身價暴跌、狀態低迷、仲要已經同球會反晒面公開話唔返嚟嘅球員。
到時呢件積臣呢件有毒資產，基本上一定係放入炸彈小隊，賣又賣唔出個好價，留又留唔住個心。呢筆外借費，隨時只係用嚟填補佢身價大跌嘅帛金。
總結：條路自己揀，仆街唔好喊
對車迷嚟講，睇人仆街就最開心架啦…雖然夏天轉會窗積臣回歸幾乎係既定嘅現實，多少會搞到我哋轉會部門，但係我哋已經係拜仁手上收足咗 €16.5m，買入價只係 €37m，要賺少少離場真係完全無問題。法官大人，我無補充啦，車迷們你哋又點睇？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
眨眼間，三個月過去，呢位曾經令我哋又愛又恨、充滿娛樂性嘅前鋒，喺德國究竟過成點？係變身做「xG之神」大殺四方，定係繼續佢「小丑」嘅本色，淪為一個可有可無嘅邊緣人？
今次【車迷觀點】，我哋就唔講戰術住，純粹食花生。用數據同埋各方嘅報導，去睇下積臣而家嘅尷尬處境，同埋呢單外借背後，一場車路士、拜仁同經理人之間，無人係贏家嘅轉會笑話。
數據的審判：由核心變邊緣
我哋先唔好講戰術，直接睇數據。積臣喺拜仁過成點？一個字：慘。
喺車路士，佢再差都仲係馬蛇嘅嘅正前鋒首選，上季英超踢咗超過 2,200 分鐘。但嚟到德甲，截至11月中，佢只係踢咗可憐嘅 305分鐘。由球隊核心，變成簡尼嘅替補，喺垃圾時間先有得出場嘅邊緣人，不過我諗無論係積臣自己定係佢經理人，係轉會之前都應該心中有數先啱。
效率的暴跌：消失的入球
咁佢把握到有限嘅時間未？答案係冇。喺德甲，佢只係交出 1入球、0助攻。
下面我哋一齊拎數據出嚟講下。嗱，我知架，一定會有屎忽鬼跳出嚟講：「德甲咁廢，拜仁成隊勁成咁，數據有x公信力呀？」所以，我就係數據上做一個好公平嘅調整，就算將英超同德甲嘅強度分別計算在內，積臣嘅每90分鐘產出，比起佢喺車仔嗰陣，依然係暴跌咗 60%。詳細講嘅話有幾樣。
① 產出崩盤
係拜仁嘅G+A/90產出(0.24)相較於上賽季喺英超(0.61)，暴跌咗60.7%。呢個跌幅已經唔係「適應期」三個字可以解釋。
② 角色錯配：由「終結者」變「助攻手」
積臣死剩嘅優勢，就係佢製造威脅嘅能力仲喺度。佢嘅整體「預期威脅」(npxG+xAG/90)只係由0.67微跌至0.62，基本持平。但問題出喺邊？係威脅嘅構成方式出咗事：
射門威脅萎縮： 個人預期入球 (npxG/90) 下降44% (由0.50跌至0.28)，射門次數 (Sh/90) 由3.08大減到1.48。證明咗佢係拜仁根本唔係進攻嘅第一終結點。
創造力激增： 預期助攻 (xAG/90) 由0.17飆升至0.41 (調整後0.33)，增幅高達94%。創造射門動作(SCA90)亦由2.8升至3.55。
③ 效率錯配：威脅轉唔到做產出
呢個先係最大問題。積臣創造咗大量機會 (調整後0.33 xAG/90)，但唔知係佢傳得差定係隊友把握唔到，最終交出0助攻。同時，佢自己有限嘅機會都未能把握(調整後 0.28 npxG/90只係轉化為 0.24 Gls/90)。
喺304分鐘零碎上場時間入面，呢種低轉換率就係佢G+A數據崩盤嘅主因：儘管佢製造威脅嘅能力(尤其創造力)依然強勁。
再退一步講，積臣本身就係一個節拍型前鋒，要係比賽入面習慣對手嘅節奏，再趁機會用速度跑背身進行攻擊，而家係垃圾時間上陣，同積臣嘅踢法上有根本性嘅衝突，呢個亦係積臣嘅進攻數據係拜仁水土不服嘅原因。
三方的博弈：無人係贏家嘅轉會
數據崩盤已經夠慘，但場外嘅政治戲先至係最令積臣頭痕嘅地方。呢單外借，表面上係三贏，實際上係一場各懷鬼胎、隨時變三輸嘅轉會。
拜仁的算盤：最貴的「高級水泡」
首先睇下拜仁。佢哋俾咗 €16.5m 咁貴嘅外借費，係咪真係想買斷佢？
拜仁大佬漢尼斯（Uli Hoeneß）早就透過傳媒放風，話積臣要達到「40場正選」先會觸發 €65m 嘅強制買斷條款。然後佢補多句：「佢永遠都做唔到（達到40場）。」
呢句說話已經講晒個真相：拜仁由頭到尾都只係當積臣係一個肯跑肯逼搶、用完即棄嘅高級水泡。佢哋俾嗰筆外借費，就係買個保險，根本冇諗過要長揸。
積臣的困局：自斷後路
最尷尬嘅係積臣自己。佢個經理人 Diomansy Kamara 早排接受訪問，被問到積臣會唔會返車路士，佢斬釘截鐵咁話：「絕對唔會 (Absolutely not)」。
佢以為可以藉此逼拜仁買斷，或者逼車仔平賣。但而家積臣踢成咁，拜仁睬你都有味。佢單純係切斷咗返車路士條後路，但前面拜仁條路又危危哋，而家係真正嘅兩頭唔到岸。
車路士的兩難：收錢定收屍？
至於我哋車仔，表面上收咗 €16.5m 幫補 FFP 係好爽。但諗深一層，出年夏天我哋將會收返一個身價暴跌、狀態低迷、仲要已經同球會反晒面公開話唔返嚟嘅球員。
到時呢件積臣呢件有毒資產，基本上一定係放入炸彈小隊，賣又賣唔出個好價，留又留唔住個心。呢筆外借費，隨時只係用嚟填補佢身價大跌嘅帛金。
總結：條路自己揀，仆街唔好喊
對車迷嚟講，睇人仆街就最開心架啦…雖然夏天轉會窗積臣回歸幾乎係既定嘅現實，多少會搞到我哋轉會部門，但係我哋已經係拜仁手上收足咗 €16.5m，買入價只係 €37m，要賺少少離場真係完全無問題。法官大人，我無補充啦，車迷們你哋又點睇？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
請按此登錄後留言。未成為會員? 立即註冊