「啵！」各位車迷，聽唔聽到？係開香檳嘅聲呀。
經歷咗連續五場全敗兼零入球嘅地獄級災難，車路士再一次經歷咗好似複製貼上嘅波特之亂2.0。好彩，去到今日 4 月 23 日，史丹福橋終於宣佈重光！
當見到官方出 Club Statement 宣佈羅生光速下台嗰一刻，相信大家嘅 WhatsApp 群組同討論區都已經全面暴動，普天同慶。
講明先，今篇文只係一篇普天同慶嘅淺打短聞。你要我依家即刻寫幾千字去拆解羅生戰術點解死、或者長篇大論痛批高層點解又重複犯錯？唔好意思，等我飲晒手頭上呢支香檳先再講！
所以今篇文絕對唔係咩深層分析，淨係講吓個未經證實嘅離婚費笑話，同埋八卦吓新鮮滾熱辣嘅新帥候選名單，大家一齊輕輕鬆鬆開心吓就算！
Btw，琴日篇文先講完，話「如果後備席果位四眼仔仲有少少羞恥心，唔該自己遞信辭職」，出文都唔夠24小時就炒咗。唔確定係我神預言定係球會有參考我諗法，總之顧問費另議。(講笑)
6 年半合約嘅笑話？好彩今次分手費夠平
大家都記得，今年 1 月高層搵羅生接手嗰陣，簽咗份長到嚇死人嘅 6 年半 合約俾佢。嗰陣大家心諗：「死啦，又嚟 Trust the process？萬一教到 Pat 屎咁要炒佢，咪又要賠到破產？」結果，呢個 process 堅捱得三個月貨仔就宣告死亡。
內部嘅嘢就未有人可以證實，有部份傳媒就話車仔賠足6年，足足2400萬鎊。但根據《衛報》（The Guardian）爆料，好似話高層今次學精咗，合約入面寫明，就算炒佢都只係需要賠 1 年薪酬。(姐係400萬鎊)
當然，呢個消息暫時只係留於傳聞階段，要證實恐怕要等財報出嚟或者有內鬼爆料先知，但以清湖嘅邏輯加上近期車仔嘅財務狀況，落得手炒人應該都諗過度過…應該。
新帥大熱門盤點：邊個敢坐呢個帥位？
羅生一走，史丹福橋個帥位又變返吉位，賠率盤亦隨之光速起變化。目前跑出嘅候選名單明顯係走「名宿情意結」路線，兩位車路士舊將菲臘比路爾斯同法比加斯分佔賠率榜頭兩位。
菲臘比路爾斯帶領法林明高，喺兩個球季內拿下南美自由盃、巴西聯賽冠、里約州聯兩連霸等合共接近八項錦標，證明咗自己教波一樣咁有腦，係目前最有潛力嘅少帥之一，但係好似未有歐洲教練牌，呢方面睇定D；而法比喺意甲科木嘅執教進度亦都係有目共睹，不過法比都好似想留係科木多一年。但呢兩位自帶名宿光環又有成功，相信車迷聽到個名都會覺得順耳好多。
除咗名宿之外，富咸教頭馬高施華亦都係一個極具性價比嘅選擇。佢同富咸嘅份約去到季尾就完，換言之車仔想請佢係完全唔使畀違約金。最緊要係佢背後嘅經理人係大家熟悉嘅大鱷文迪斯，佢同我哋班高層嘅關係幾咁「親密」大家心照，喺呢個商業考慮先行嘅時代，佢絕對係高層心目中嘅熱門人選。
至於原本名單上嘅伊拉奧拿，知情人士話佢首要考慮係想返西班牙搵一份有穩定發展嘅工，而穩定呢兩個字同車路士根本係平行時空，所以呢位都可以暫時劃走。
最後不得不提返大家又愛又恨嘅林伯特。雖然佢嘅賠率依然喺榜上面，但今時唔同往日，林伯呢兩年喺高雲地利絕對係浴火重生，仲成功帶領球隊殺返上英超，執教能力已經得到全面平反。不過，雖然車迷好想佢返嚟救火，但林伯亦都已經開咗口，話想留喺高雲地利多一年，繼續帶領呢支由佢親手湊大嘅升班馬喺英超站穩陣腳。所以大家想見到林伯3.0重臨，或者仲要等下先，暫時放過佢，等佢喺出面繼續發光發熱啦。
總結：齊齊開心睇FA Cup，但真正要檢討嘅係……
睇返球會出嗰份官方聲明，入面有句公關廢話我係有少少反感嘅：「球會會進行自我反省（undertake a process of self-reflection）」。
羅生帶隊帶到五連敗兼零入球，攻防線崩潰，當然係抵炒。但真正最需要出嚟鞠躬檢討嘅，其實係當初決定請佢、仲要派份 6 年半長約俾佢嗰班體育總監。由波特去到羅生，每次炒人都話會反省，反省完咪又係繼續重複犯錯。
不過講明今日係「423重光紀念日」，呢啲高層批鬥大會嘅問題，等我遲吓慢慢再開。
惡夢完結，個天終於光返，今個週末FA Cup四強硬撼列斯聯，暫時由助教 Calum McFarlane 頂檔。未必有好大希望，但至少唔係絕望先。
唔講咁多住，Cheers！飲勝！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：https://cfc9up.com/
經歷咗連續五場全敗兼零入球嘅地獄級災難，車路士再一次經歷咗好似複製貼上嘅波特之亂2.0。好彩，去到今日 4 月 23 日，史丹福橋終於宣佈重光！
當見到官方出 Club Statement 宣佈羅生光速下台嗰一刻，相信大家嘅 WhatsApp 群組同討論區都已經全面暴動，普天同慶。
講明先，今篇文只係一篇普天同慶嘅淺打短聞。你要我依家即刻寫幾千字去拆解羅生戰術點解死、或者長篇大論痛批高層點解又重複犯錯？唔好意思，等我飲晒手頭上呢支香檳先再講！
所以今篇文絕對唔係咩深層分析，淨係講吓個未經證實嘅離婚費笑話，同埋八卦吓新鮮滾熱辣嘅新帥候選名單，大家一齊輕輕鬆鬆開心吓就算！
Btw，琴日篇文先講完，話「如果後備席果位四眼仔仲有少少羞恥心，唔該自己遞信辭職」，出文都唔夠24小時就炒咗。唔確定係我神預言定係球會有參考我諗法，總之顧問費另議。(講笑)
6 年半合約嘅笑話？好彩今次分手費夠平
大家都記得，今年 1 月高層搵羅生接手嗰陣，簽咗份長到嚇死人嘅 6 年半 合約俾佢。嗰陣大家心諗：「死啦，又嚟 Trust the process？萬一教到 Pat 屎咁要炒佢，咪又要賠到破產？」結果，呢個 process 堅捱得三個月貨仔就宣告死亡。
內部嘅嘢就未有人可以證實，有部份傳媒就話車仔賠足6年，足足2400萬鎊。但根據《衛報》（The Guardian）爆料，好似話高層今次學精咗，合約入面寫明，就算炒佢都只係需要賠 1 年薪酬。(姐係400萬鎊)
當然，呢個消息暫時只係留於傳聞階段，要證實恐怕要等財報出嚟或者有內鬼爆料先知，但以清湖嘅邏輯加上近期車仔嘅財務狀況，落得手炒人應該都諗過度過…應該。
新帥大熱門盤點：邊個敢坐呢個帥位？
羅生一走，史丹福橋個帥位又變返吉位，賠率盤亦隨之光速起變化。目前跑出嘅候選名單明顯係走「名宿情意結」路線，兩位車路士舊將菲臘比路爾斯同法比加斯分佔賠率榜頭兩位。
菲臘比路爾斯帶領法林明高，喺兩個球季內拿下南美自由盃、巴西聯賽冠、里約州聯兩連霸等合共接近八項錦標，證明咗自己教波一樣咁有腦，係目前最有潛力嘅少帥之一，但係好似未有歐洲教練牌，呢方面睇定D；而法比喺意甲科木嘅執教進度亦都係有目共睹，不過法比都好似想留係科木多一年。但呢兩位自帶名宿光環又有成功，相信車迷聽到個名都會覺得順耳好多。
除咗名宿之外，富咸教頭馬高施華亦都係一個極具性價比嘅選擇。佢同富咸嘅份約去到季尾就完，換言之車仔想請佢係完全唔使畀違約金。最緊要係佢背後嘅經理人係大家熟悉嘅大鱷文迪斯，佢同我哋班高層嘅關係幾咁「親密」大家心照，喺呢個商業考慮先行嘅時代，佢絕對係高層心目中嘅熱門人選。
至於原本名單上嘅伊拉奧拿，知情人士話佢首要考慮係想返西班牙搵一份有穩定發展嘅工，而穩定呢兩個字同車路士根本係平行時空，所以呢位都可以暫時劃走。
最後不得不提返大家又愛又恨嘅林伯特。雖然佢嘅賠率依然喺榜上面，但今時唔同往日，林伯呢兩年喺高雲地利絕對係浴火重生，仲成功帶領球隊殺返上英超，執教能力已經得到全面平反。不過，雖然車迷好想佢返嚟救火，但林伯亦都已經開咗口，話想留喺高雲地利多一年，繼續帶領呢支由佢親手湊大嘅升班馬喺英超站穩陣腳。所以大家想見到林伯3.0重臨，或者仲要等下先，暫時放過佢，等佢喺出面繼續發光發熱啦。
總結：齊齊開心睇FA Cup，但真正要檢討嘅係……
睇返球會出嗰份官方聲明，入面有句公關廢話我係有少少反感嘅：「球會會進行自我反省（undertake a process of self-reflection）」。
羅生帶隊帶到五連敗兼零入球，攻防線崩潰，當然係抵炒。但真正最需要出嚟鞠躬檢討嘅，其實係當初決定請佢、仲要派份 6 年半長約俾佢嗰班體育總監。由波特去到羅生，每次炒人都話會反省，反省完咪又係繼續重複犯錯。
不過講明今日係「423重光紀念日」，呢啲高層批鬥大會嘅問題，等我遲吓慢慢再開。
惡夢完結，個天終於光返，今個週末FA Cup四強硬撼列斯聯，暫時由助教 Calum McFarlane 頂檔。未必有好大希望，但至少唔係絕望先。
唔講咁多住，Cheers！飲勝！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：https://cfc9up.com/
請按此登錄後留言。未成為會員? 立即註冊