夏季轉會窗都未正式開鑼，車路士就已經傳出重磅消息：英格蘭U21前鋒迪納普（Liam Delap）極大機會以三千萬英鎊嘅身價，由葉士域治來投 。呢單deal據聞最快下星期就會官宣 。老實講，或者有啲車迷會好似我咁，幾個月前對呢位「推土機」式前鋒加盟車仔覺得十五十六，始終覺得佢嘅技術特點同球隊當時嘅需要好似有啲落差。
但既然而家幾乎米已成炊，馬蛇同球會高層又咁積極出手，當中肯定有值得我哋「轉軚」再深入思考嘅地方。今次就試下「今日之我」挑戰一下「昨日之我」，同大家一齊剖析下，點解當初嘅疑慮，喺最新嘅形勢下，又會點樣轉化成一種謹慎嘅期待。
如果想睇我之前的觀點都可以去下文望下： 【數據分析】車仔 £30m 獵物？「推土機」前鋒戴納球探報告
https://s.fanpiece.com/32nyGmc
轉軚嘅「深度剖白」：點解我由「唔多睇好」變「謹慎期待」？
坦白講，一個月前我分析戴納（Liam Delap）嘅球探報告 ，當時對佢嘅整體技術，特別係傳控能力同高空球方面，確實有唔少保留，覺得佢未必係當時車路士最需要嘅即食答案 。但隨住轉會消息越嚟越確實，加上更多關於球會內部點睇呢單deal嘅資訊流出，我嘅睇法亦都有所調整，由當初嘅「唔多睇好」轉向「謹慎期待」。
點解會「轉軚」？首先，亦都係最重要嘅一點，就係馬蛇對戴納嘅高度信任同堅持。馬蛇唔單止喺曼城U21時期已經同戴納合作過一年，當時戴納更喺佢手下攻入過廿幾球 ，馬蛇仲公開讚過佢係「同齡中嘅出色球員」、「非常出色嘅射手」，話佢勤力、理解比賽兼能夠入球 。今次為咗簽佢，馬帥甚至親自出馬游說 。既然主帥咁「點燈」，甚至連班主Eghbali都親自同佢經理人會面，兼喺球迷面前表達過對戴納嘅喜愛 ，就證明球會內部對呢單收購係有高度共識同長遠計劃，並唔係一時衝動。
其次，重新審視戴納喺葉士域治嘅表現，會發現佢喺一支長期掙扎嘅球隊入面，竟然能夠憑個人能力包辦球隊接近三分之一嘅聯賽入球（10個非十二碼入球），呢份獨立作戰同改變戰局嘅能力，可能正正係目前車仔鋒線需要嘅「X因素」。佢嗰種「推土機」式嘅強力帶球推進 ，勇往直前嘅比賽風格 ，雖然睇落有啲「獨食」，但亦都代表佢有能力自己創造機會。加上佢嘅無球跑動，尤其係走對手防線身後嘅意識，同積臣（Nicolas Jackson）有啲相似，呢啲跑動可以為好似彭馬（Cole Palmer）呢類中場創造更多致命傳送嘅空間 。
或者，戴納就係馬蛇戰術拼圖入面，一塊我之前因為太著眼於佢某啲弱點，而未完全理解到佢潛在價值嘅重要棋子。馬蛇可能根本唔係想佢做傳統中鋒嘅所有嘢，而係睇中佢某啲獨特嘅技能點，可以喺特定戰術下發揮奇效。
為何揀中戴納？馬蛇嘅「神機妙算」與£30M嘅「前瞻性小賭」
至於嗰三千萬英鎊嘅轉會費，考慮到戴納只係22歲 ，擁有英格蘭U21國腳身份 ，而且呢個價錢係因為葉士域治降班而觸發嘅解約金條款 ，喺現今球員身價「通脹」嘅市場環境下，無疑係一個「非常實惠」嘅價錢 ，退一步講，只係個英人護照分分鐘都已經值成£25M。呢個可以話係一項計算過風險嘅「前瞻性小賭」，賭嘅就係戴納嘅潛力同馬蛇嘅眼光。
當然，能夠喺曼聯紐卡素等多間球會嘅競爭中搶贏戴納，車路士自身嘅「拉力」亦都功不可沒。下個球季有歐聯踢 ，隊內有彭馬（Cole Palmer）呢位前曼城師兄嘅「生招牌」 ，加上成個團隊年輕化嘅方針 ，以及其他一眾前曼城青訓隊友嘅游說 ，都係吸引戴納選擇史丹福橋嘅重要因素。
順帶一提，為咗促成戴納嘅加盟，葉士域治方面亦都希望可以向車路士租借我哋嘅年輕前鋒古爾（Marc Guiu）作為替代 。如果呢單後續操作能夠成事，戴納可以得到係大會上陣同踢歐聯嘅機會，古爾可以係英國獲得更多穩定嘅上陣時間適應英超踢法，車仔可以得到一個同積臣唔同類型嘅前鋒，葉士域治又有更多時間同空間去搵一個前鋒亦得到古爾呢個潛力球員，對兩間球會同兩位年輕球員嚟講，或者會係一個四贏嘅局面。
感想：杜蛇助攻定局？球迷袋定花生等開Show！
講到尾，戴納呢單轉會，由最初我哋球迷可能抱住觀望甚至少少懷疑嘅態度，到而家塵埃落定，當中嘅轉折確實充滿戲劇性。而最新嘅花生料更係估佢唔到。有報導話，原來我哋前任領隊，現任英格蘭國家隊主帥杜蛇，竟然喺呢單deal入面扮演咗紅娘嘅角色！
話說杜蛇同戴納傾計時，提到如果想爭取下年世界盃英格蘭大軍嘅席位，有得踢歐聯將會係一個重要籌碼 。咁啱我哋車路士就鎖定咗下季歐聯資格，而其他競爭對手例如曼聯、愛華頓等就冇份 。呢幾句「金石良言」，據聞就成為咗戴納選擇史丹福橋嘅關鍵因素之一 。真係估唔到，杜蛇離開咗車仔，仲可以喺國家隊層面「曲線助攻」我哋一單重要收購，呢份「人情牌」都算係意想不到嘅收穫喇！
雖然「昨日之我」可能曾經對佢嘅全面性有所保留，但考慮到馬蛇嘅堅持、戴納自身嘅獨特潛力，同埋今時今日呢個相對合理嘅轉會費，呢個「賭注」絕對值得我哋球迷期待。希望戴納能夠喺馬蛇嘅悉心指導下，將所有潛能兌現，用表現證明自己就係嗰塊我哋一度「走漏眼」嘅重要拼圖！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
但既然而家幾乎米已成炊，馬蛇同球會高層又咁積極出手，當中肯定有值得我哋「轉軚」再深入思考嘅地方。今次就試下「今日之我」挑戰一下「昨日之我」，同大家一齊剖析下，點解當初嘅疑慮，喺最新嘅形勢下，又會點樣轉化成一種謹慎嘅期待。
如果想睇我之前的觀點都可以去下文望下： 【數據分析】車仔 £30m 獵物？「推土機」前鋒戴納球探報告
https://s.fanpiece.com/32nyGmc
轉軚嘅「深度剖白」：點解我由「唔多睇好」變「謹慎期待」？
坦白講，一個月前我分析戴納（Liam Delap）嘅球探報告 ，當時對佢嘅整體技術，特別係傳控能力同高空球方面，確實有唔少保留，覺得佢未必係當時車路士最需要嘅即食答案 。但隨住轉會消息越嚟越確實，加上更多關於球會內部點睇呢單deal嘅資訊流出，我嘅睇法亦都有所調整，由當初嘅「唔多睇好」轉向「謹慎期待」。
點解會「轉軚」？首先，亦都係最重要嘅一點，就係馬蛇對戴納嘅高度信任同堅持。馬蛇唔單止喺曼城U21時期已經同戴納合作過一年，當時戴納更喺佢手下攻入過廿幾球 ，馬蛇仲公開讚過佢係「同齡中嘅出色球員」、「非常出色嘅射手」，話佢勤力、理解比賽兼能夠入球 。今次為咗簽佢，馬帥甚至親自出馬游說 。既然主帥咁「點燈」，甚至連班主Eghbali都親自同佢經理人會面，兼喺球迷面前表達過對戴納嘅喜愛 ，就證明球會內部對呢單收購係有高度共識同長遠計劃，並唔係一時衝動。
其次，重新審視戴納喺葉士域治嘅表現，會發現佢喺一支長期掙扎嘅球隊入面，竟然能夠憑個人能力包辦球隊接近三分之一嘅聯賽入球（10個非十二碼入球），呢份獨立作戰同改變戰局嘅能力，可能正正係目前車仔鋒線需要嘅「X因素」。佢嗰種「推土機」式嘅強力帶球推進 ，勇往直前嘅比賽風格 ，雖然睇落有啲「獨食」，但亦都代表佢有能力自己創造機會。加上佢嘅無球跑動，尤其係走對手防線身後嘅意識，同積臣（Nicolas Jackson）有啲相似，呢啲跑動可以為好似彭馬（Cole Palmer）呢類中場創造更多致命傳送嘅空間 。
或者，戴納就係馬蛇戰術拼圖入面，一塊我之前因為太著眼於佢某啲弱點，而未完全理解到佢潛在價值嘅重要棋子。馬蛇可能根本唔係想佢做傳統中鋒嘅所有嘢，而係睇中佢某啲獨特嘅技能點，可以喺特定戰術下發揮奇效。
為何揀中戴納？馬蛇嘅「神機妙算」與£30M嘅「前瞻性小賭」
至於嗰三千萬英鎊嘅轉會費，考慮到戴納只係22歲 ，擁有英格蘭U21國腳身份 ，而且呢個價錢係因為葉士域治降班而觸發嘅解約金條款 ，喺現今球員身價「通脹」嘅市場環境下，無疑係一個「非常實惠」嘅價錢 ，退一步講，只係個英人護照分分鐘都已經值成£25M。呢個可以話係一項計算過風險嘅「前瞻性小賭」，賭嘅就係戴納嘅潛力同馬蛇嘅眼光。
當然，能夠喺曼聯紐卡素等多間球會嘅競爭中搶贏戴納，車路士自身嘅「拉力」亦都功不可沒。下個球季有歐聯踢 ，隊內有彭馬（Cole Palmer）呢位前曼城師兄嘅「生招牌」 ，加上成個團隊年輕化嘅方針 ，以及其他一眾前曼城青訓隊友嘅游說 ，都係吸引戴納選擇史丹福橋嘅重要因素。
順帶一提，為咗促成戴納嘅加盟，葉士域治方面亦都希望可以向車路士租借我哋嘅年輕前鋒古爾（Marc Guiu）作為替代 。如果呢單後續操作能夠成事，戴納可以得到係大會上陣同踢歐聯嘅機會，古爾可以係英國獲得更多穩定嘅上陣時間適應英超踢法，車仔可以得到一個同積臣唔同類型嘅前鋒，葉士域治又有更多時間同空間去搵一個前鋒亦得到古爾呢個潛力球員，對兩間球會同兩位年輕球員嚟講，或者會係一個四贏嘅局面。
感想：杜蛇助攻定局？球迷袋定花生等開Show！
講到尾，戴納呢單轉會，由最初我哋球迷可能抱住觀望甚至少少懷疑嘅態度，到而家塵埃落定，當中嘅轉折確實充滿戲劇性。而最新嘅花生料更係估佢唔到。有報導話，原來我哋前任領隊，現任英格蘭國家隊主帥杜蛇，竟然喺呢單deal入面扮演咗紅娘嘅角色！
話說杜蛇同戴納傾計時，提到如果想爭取下年世界盃英格蘭大軍嘅席位，有得踢歐聯將會係一個重要籌碼 。咁啱我哋車路士就鎖定咗下季歐聯資格，而其他競爭對手例如曼聯、愛華頓等就冇份 。呢幾句「金石良言」，據聞就成為咗戴納選擇史丹福橋嘅關鍵因素之一 。真係估唔到，杜蛇離開咗車仔，仲可以喺國家隊層面「曲線助攻」我哋一單重要收購，呢份「人情牌」都算係意想不到嘅收穫喇！
雖然「昨日之我」可能曾經對佢嘅全面性有所保留，但考慮到馬蛇嘅堅持、戴納自身嘅獨特潛力，同埋今時今日呢個相對合理嘅轉會費，呢個「賭注」絕對值得我哋球迷期待。希望戴納能夠喺馬蛇嘅悉心指導下，將所有潛能兌現，用表現證明自己就係嗰塊我哋一度「走漏眼」嘅重要拼圖！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊