Romano琴日好似hwg咗？話曼聯想用£48m+£2m買我哋車仔位「黑工」山度士（Andrey Santos）。消息一出，我諗全網最崩潰嘅絕對係班紅魔巴打。
之前買過件曼治，到依家都仲係水水哋，感覺好似俾車路士狠狠昆咗一鑊咁。依家整多件山度士？係公海睇Comment，好多曼聯球迷真係連佢係邊個都唔知，更加唔知佢原來今季有為車仔上過場，咁又50m？紅魔迷已經拎起咗電話，準備去差館報案話有「倫敦新型騙案」發生。
但作為一個睇住山度士大、跑足兩年數據嘅小小車狗，想喺你哋集體打999報警之前，誠實咁為大家娓娓道來，介紹下呢位黑工，到底係一件天價冗員，定係卡域克中場嘅答案。
到底邊個係山度士？由「法甲神射手」到英超工具人
既然好多紅魔巴打連佢個樣都未認得，所以講數據同踢法之前，簡單介紹下呢位22歲嘅巴西中場到底係何方神聖。
有跟開車仔新聞嘅巴打，都會知我叫佢做「黑工」。事緣佢當年初嚟步到，因為工作證一直批唔到，好似無牌黑工咁迫於無奈要偷偷摸摸練波，又要周圍外借「儲飛行里數」。
結果外借去法甲姊妹球會史特拉斯堡，佢哋好似中咗全歐洲嘅超級大獎咁款：佢喺法甲單季狂轟11球，兼且攞埋聯賽攔截王，帶住「全法甲入球最多中場」嘅神射手光環強勢回歸英超。
當時全個史丹福橋 (或者只有我) 都以為抽到張林伯式嘅進攻SSR卡，不過當時我都有留意到，山度士極少、亦唔擅長成為隊友向前傳球嘅接應點，而且小範圍入面出球嘅技術細節依然顯得有少少粗糙。呢個隱憂，亦直接決定咗佢之後返到英超嘅命運。
英超生存轉型
啱啱過去呢季，山度士喺車仔交出嚟嘅賬面數據，直接令大部份曼迷集體吐血：全季上陣43場，只有1個入球、0次助攻。
面對英超極高強度嘅壓迫節奏，身邊係安素、前面係彭馬同祖奧柏度，山度士好清楚如果繼續一味向前衝，隨時會變成失波被反擊嘅罪人。於是，佢果斷放棄法甲單季狂轟11球嘅殺手身段，甘心將自己格式化做一個專做Dirty Work嘅低調綠葉。
佢嘅一對一防守對抗勝率達到62.0%，喺聯賽中場之中屬於極之優秀嘅水平，屬於硬橋硬馬靠對抗去破壞對手進攻嘅類型。
同時，以前大家最驚佢傳球粗糙，佢今季將傳球成功率練到90.1%，而且踢法極之穩陣。喺全季九百幾次觸球入面，被對手奪走球權嘅次數只有2次。雖然佢冇乜劏穿防線嘅致命傳送，但佢能夠穩定做好中後場嘅垂直駁腳，絕少失誤。
簡單嚟講，佢今季變成咗一個進攻創造力比較平庸，但防守對抗極強、專注中後場補位嘅防守樞紐。
擺落卡域克嘅 4-2-3-1：佢到底係咪卡斯米路嘅合格代替品？
講明先，我唔係曼聯Fans，如果戰術有講錯，請理性抽插。
曼聯而家由卡域克執掌，陣式主要踢 4-2-3-1。隨住卡斯米路離隊，紅魔中場正正缺少咗一個負責肉搏同掃蕩嘅防守球員、烏加特？下季仲喺度再講啦。接連幾個中場目標唔係太貴就係俾人搶走，山度士呢個時候成魔，戰術定位擺明就係要頂替卡斯米路留低嘅真空。
喺呢個雙防中體系入面，山度士最有用嘅地方，係佢甘心做綠葉嘅戰術紀律。好似佢以前喺車仔配合卡些度或者幫安素執頭執尾咁，如果卡域克將佢擺喺創造型中場身邊，山度士可以好自覺咁留喺後場做防線屏障，等拍擋可以安安心心上前場參與進攻。佢出色嘅對抗能力同極低嘅持球失誤率，剛好可以成為曼聯嘅中路防線嘅一塊硬淨護盾。
不過，卡域克作為一代中場組織大師，用佢嘅時候一定要睇清楚說明書嘅「禁止事項」。
山度士依家嘅進攻創造力基本歸零，整季只係創造咗 8 次機會。卡域克唔好妄想佢可以好似自己當年咁，喺後場送出撕裂防線嘅致命直線，或者期待佢好似以前嘅卡斯米路咁，頻繁後上頭槌轟炸禁區。如果車仔賣佢果時話佢係一個全能中場，咁Sorly，呢個一定係倫敦騙案；但如果純粹係搵人接替卡斯米路做中場清道夫，佢會係一個非常稱職嘅藍領工人。
車仔角度：加拉加式嘅宿命，BlueCo 嘅理財神作
最後，講完曼聯嗰邊，返車仔自身嘅角度。車迷會唔會唔捨得我唔知，自己覺得山度士今季踢得務實，其實留隊都並無不妥。
但近期球會內部亦有消息流出，高層暫時唔會賣拉維亞同艾素高，而且亦完全無見到球會有任何尋找替補中場嘅傳聞。所以山度士嘅處境就變得非常尷尬，甚至有少少兩面不是人。
要講細緻控傳，佢唔及安素同拉維亞、前者仲要離家出走唔成功；要講覆蓋面積，卡些度同艾素高又更硬淨。山度士嘅情況，當年嘅加拉加一模一樣。佢絕對係一個非常有實力、有紀律嘅好球員，但偏偏喺車仔目前強調耐性傳控嘅體系入面，佢好難搵到一個百分之百屬於自己嘅定位。
加上對近年飽受財務限制嘅車仔嚟講 ，呢50m + 10% sell on 好難拒絕……所以……多謝黑工為車路士流過嘅每一滴汗 ，祝佢去到卡域克麾下可以得到重用，寫下生涯新嘅一頁 。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
之前買過件曼治，到依家都仲係水水哋，感覺好似俾車路士狠狠昆咗一鑊咁。依家整多件山度士？係公海睇Comment，好多曼聯球迷真係連佢係邊個都唔知，更加唔知佢原來今季有為車仔上過場，咁又50m？紅魔迷已經拎起咗電話，準備去差館報案話有「倫敦新型騙案」發生。
但作為一個睇住山度士大、跑足兩年數據嘅小小車狗，想喺你哋集體打999報警之前，誠實咁為大家娓娓道來，介紹下呢位黑工，到底係一件天價冗員，定係卡域克中場嘅答案。
到底邊個係山度士？由「法甲神射手」到英超工具人
既然好多紅魔巴打連佢個樣都未認得，所以講數據同踢法之前，簡單介紹下呢位22歲嘅巴西中場到底係何方神聖。
有跟開車仔新聞嘅巴打，都會知我叫佢做「黑工」。事緣佢當年初嚟步到，因為工作證一直批唔到，好似無牌黑工咁迫於無奈要偷偷摸摸練波，又要周圍外借「儲飛行里數」。
結果外借去法甲姊妹球會史特拉斯堡，佢哋好似中咗全歐洲嘅超級大獎咁款：佢喺法甲單季狂轟11球，兼且攞埋聯賽攔截王，帶住「全法甲入球最多中場」嘅神射手光環強勢回歸英超。
當時全個史丹福橋 (或者只有我) 都以為抽到張林伯式嘅進攻SSR卡，不過當時我都有留意到，山度士極少、亦唔擅長成為隊友向前傳球嘅接應點，而且小範圍入面出球嘅技術細節依然顯得有少少粗糙。呢個隱憂，亦直接決定咗佢之後返到英超嘅命運。
英超生存轉型
啱啱過去呢季，山度士喺車仔交出嚟嘅賬面數據，直接令大部份曼迷集體吐血：全季上陣43場，只有1個入球、0次助攻。
面對英超極高強度嘅壓迫節奏，身邊係安素、前面係彭馬同祖奧柏度，山度士好清楚如果繼續一味向前衝，隨時會變成失波被反擊嘅罪人。於是，佢果斷放棄法甲單季狂轟11球嘅殺手身段，甘心將自己格式化做一個專做Dirty Work嘅低調綠葉。
佢嘅一對一防守對抗勝率達到62.0%，喺聯賽中場之中屬於極之優秀嘅水平，屬於硬橋硬馬靠對抗去破壞對手進攻嘅類型。
同時，以前大家最驚佢傳球粗糙，佢今季將傳球成功率練到90.1%，而且踢法極之穩陣。喺全季九百幾次觸球入面，被對手奪走球權嘅次數只有2次。雖然佢冇乜劏穿防線嘅致命傳送，但佢能夠穩定做好中後場嘅垂直駁腳，絕少失誤。
簡單嚟講，佢今季變成咗一個進攻創造力比較平庸，但防守對抗極強、專注中後場補位嘅防守樞紐。
擺落卡域克嘅 4-2-3-1：佢到底係咪卡斯米路嘅合格代替品？
講明先，我唔係曼聯Fans，如果戰術有講錯，請理性抽插。
曼聯而家由卡域克執掌，陣式主要踢 4-2-3-1。隨住卡斯米路離隊，紅魔中場正正缺少咗一個負責肉搏同掃蕩嘅防守球員、烏加特？下季仲喺度再講啦。接連幾個中場目標唔係太貴就係俾人搶走，山度士呢個時候成魔，戰術定位擺明就係要頂替卡斯米路留低嘅真空。
喺呢個雙防中體系入面，山度士最有用嘅地方，係佢甘心做綠葉嘅戰術紀律。好似佢以前喺車仔配合卡些度或者幫安素執頭執尾咁，如果卡域克將佢擺喺創造型中場身邊，山度士可以好自覺咁留喺後場做防線屏障，等拍擋可以安安心心上前場參與進攻。佢出色嘅對抗能力同極低嘅持球失誤率，剛好可以成為曼聯嘅中路防線嘅一塊硬淨護盾。
不過，卡域克作為一代中場組織大師，用佢嘅時候一定要睇清楚說明書嘅「禁止事項」。
山度士依家嘅進攻創造力基本歸零，整季只係創造咗 8 次機會。卡域克唔好妄想佢可以好似自己當年咁，喺後場送出撕裂防線嘅致命直線，或者期待佢好似以前嘅卡斯米路咁，頻繁後上頭槌轟炸禁區。如果車仔賣佢果時話佢係一個全能中場，咁Sorly，呢個一定係倫敦騙案；但如果純粹係搵人接替卡斯米路做中場清道夫，佢會係一個非常稱職嘅藍領工人。
車仔角度：加拉加式嘅宿命，BlueCo 嘅理財神作
最後，講完曼聯嗰邊，返車仔自身嘅角度。車迷會唔會唔捨得我唔知，自己覺得山度士今季踢得務實，其實留隊都並無不妥。
但近期球會內部亦有消息流出，高層暫時唔會賣拉維亞同艾素高，而且亦完全無見到球會有任何尋找替補中場嘅傳聞。所以山度士嘅處境就變得非常尷尬，甚至有少少兩面不是人。
要講細緻控傳，佢唔及安素同拉維亞、前者仲要離家出走唔成功；要講覆蓋面積，卡些度同艾素高又更硬淨。山度士嘅情況，當年嘅加拉加一模一樣。佢絕對係一個非常有實力、有紀律嘅好球員，但偏偏喺車仔目前強調耐性傳控嘅體系入面，佢好難搵到一個百分之百屬於自己嘅定位。
加上對近年飽受財務限制嘅車仔嚟講 ，呢50m + 10% sell on 好難拒絕……所以……多謝黑工為車路士流過嘅每一滴汗 ，祝佢去到卡域克麾下可以得到重用，寫下生涯新嘅一頁 。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊