曼聯嘅阿根廷翼鋒加拿祖（Alejandro Garnacho），可以話係近年英超最容易引起話題嘅球員之一。
佢啱啱出道嗰排，真係扭得、射得、又有火，好有當年C朗嘅影子。但隨住佢名氣越來越大，圍繞住佢嘅，就唔再只係讚賞，而係更多嘅爭議。
最近，傳聞我哋車路士正積極斟介呢位「話題之王」。但喺各大車迷討論區，今次嘅氣氛充滿住憂慮同反對嘅聲音。究竟點解？一個公認嘅天才，點解會令我哋自己球迷都咁擔心？佢天使般嘅球技背後，係咪真係隱藏住魔鬼一樣嘅隱憂？
喺我哋管理層正式拍板之前，作為理智嘅球迷，有必要為呢位新話題之王，做一次詳盡嘅盡職審查。呢篇文章，我哋就唔會只係睇精華片，而係會深入啲，由佢嘅職業操守、戰術紀律，到社交媒體行為，去拆解一下，圍繞住佢嘅潛在「五宗罪」。
第一宗罪：職業操守，煙霧彌漫的場外習慣
要評核一個球員，我哋好多時都係由佢嘅職業操守講起。一個頂級球員，需要有極度自律嘅生活習慣，先可以喺最高水平嘅賽事保持狀態。而喺呢一點上，加拿祖嘅紀錄，就似乎有啲「煙霧彌漫」。
早喺2023年3月，佢就曾經惹上過一次電子煙風波。當時佢喺屋企養傷，喺自己IG story post咗張相，點知俾眼利嘅網民發現，佢身邊嘅梳化上面，就擺住一支綠色嘅電子煙。最有趣嘅係佢之後嘅操作：佢好快就發現出事，於是即刻del咗張相，然後再重新上載一個將支煙裁走咗嘅版本。呢個「此地無銀三百兩」嘅舉動，當然即刻俾人cap圖瘋傳，成為一時佳話。
你可能會話，少年你太年輕，有邊個唔會犯錯？但喺今年8月，再有相片流出，顯示佢喺一間紋身舖入面，手上又揸住另一款電子煙。兩年內兩次斷正，呢個似乎就唔只係意外，而係一種習慣。
我哋唔係道德判官，球員私底下做啲咩，我哋管唔到，亦有網民話唔少超級球星都有食煙習慣，唔好咁小題大造。不過作為買家，呢個都係一種風險嚟，視而不見都同樣係一個問題。
第二宗罪：戰術原罪，馬蛇體系中的獨食怪
如果話場外習慣，只係影響球員自己，咁戰術上嘅唔兼容，就係影響成隊波嘅原罪。而加拿祖嘅踢法，可以話同我哋領隊馬蛇（Maresca）嘅理念，有住根本性嘅衝突。
我哋唔係齋吹，數據係唔會呃人嘅。根據佢上季英超嘅數據，加拿祖嘅踢法，有一個非常極端嘅傾向：
佢所有同個人表演相關嘅數據都非常驚人：平均每90分鐘，佢就有3.44次射門、7.2次禁區內觸球，同埋5.77次向前推進盤帶。呢啲數字，全部都係頂級翼鋒嘅水平，證明佢極度自信，而且鍾意自己解決問題。
但掉返轉，佢同團隊配合相關嘅數據，就顯得好唔合群。佢每90分鐘嘅預期助攻（xAG）只係得0.18，屬於平均水平；而佢嘅向前傳球（Progressive Passes）次數，更加只係得2.29次，以一個頂級球隊嘅翼鋒嚟講，呢個數字係明顯偏低。
呢組數據，清晰咁描繪出一個畫面：加拿祖係一個適合加入藍色監獄、極度個人主義嘅獨食怪。
呢種踢法，放喺一啲打防反嘅球隊可能冇問題，但放喺馬蛇嘅體系入面，就會係一場災難。馬蛇嘅戰術，要求翼鋒要盡量拉開球場闊度，去為中路嘅核心：例如彭馬或者前鋒創造空間。成個體系，都係為咗中路嘅組織者服務，配合後上嘅左閘形成攻勢。所以無論係尼圖定佐治、新加盟嘅基頓斯，佢哋係左路進攻時都會選擇先落底再切入。
而加拿祖嗰種，攞到波就第一時間諗住自己內切、起腳射門嘅踢法，多少會直接破壞呢個結構。佢會擠壓咗彭馬嘅活動空間，打亂球隊用短傳建立嘅節奏，將一場精心佈置嘅團隊合作，變成佢自己嘅個人表演。呢種戰術上嘅「唔兼容」，或者先至係最致命嘅問題。
第三宗罪：社交媒體上的關公災難
如果話戰術上嘅「獨食」，只係踢法問題，仲有得教。咁佢喺社交媒體上嘅行為，就係更加令人擔心嘅心智同判斷力問題。
喺今時今日，一個球員嘅公關形象管理，重要性不亞於場上表現。而加拿祖喺呢方面，可以話係一個自爆專家，經常上演關公災難。
最經典嘅一次，發生喺2024年4月。當時佢喺對般尼茅夫嘅比賽，半場就被當時嘅領隊坦克換走。賽後，佢竟然走去 like 咗兩條，由著名曼聯YouTuber Mark Goldbridge發出、公開批評坦克換人決定係笑話、話佢「搵個19歲嘅後生仔做代罪羔羊」嘅帖文。雖然佢之後好快就unlike返，球會亦都話佢道咗歉，但呢個公開挑戰領隊權威嘅舉動，已經造成咗無法挽回嘅傷害。
而且，呢啲並唔係單一事件。佢嘅「犯罪紀錄」仲包括：Like過C朗批評坦克嘅帖文，甚至，連自己隊友嘅帳都唔賣，Like過一條批評緊阿根廷國家隊隊友馬天尼斯（Lisandro Martinez）嘅帖文。
呢一連串嘅行為，暴露嘅係一個極度唔成熟、同埋缺乏團隊精神嘅心態。一個頂級球員，可以對領隊嘅決定唔滿意，但應該喺更衣室內部解決。將內部矛盾，透過社交媒體公諸於世，甚至認同對自己隊友嘅批評，呢啲行為，對任何一隊波嘅團結同凝聚力，都係極具腐蝕性嘅。就算球會上個月話對加拿祖做過背景調查，但呢種行為明顯令球迷對佢投以不信任嘅一票。
第四宗罪：紀律問題 ，兩代主帥都敢得罪
如果話喺社交媒體上面手多，只係年輕人唔識諗。咁佢喺日常訓練同比賽中嘅紀律問題，就更加令人擔心。因為呢啲行為，顯示出佢可能唔單止係唔成熟，更加係一個難教嘅球員。
根據報告整合，佢嘅「犯罪紀錄」，並唔只係得like post咁簡單：
首先，佢係一個成功得罪過連續兩任領隊嘅球員。喺坦克手下，佢曾經因為開會遲到而被訓誡；而去到艾莫廉時期，佢更因為態度問題同洩露內部消息，而被踢出大名單，甚至一度要跟炸彈小隊（不受歡迎球員）一齊訓練。
喺場上，佢亦都試過喺被換離場之後，冇返去後備席，而係直接行返入更衣室。雖然當時嘅領隊艾莫廉，公開幫佢兜話係因為件衫濕咗，但事後仍然要佢罰請全隊食飯，呢個軟性懲罰，證明咗球會高層，對佢呢種挑戰團隊規矩嘅行為，其實都相當不滿。
呢一連串嘅事件，串連起身，就勾畫出一個令人憂慮嘅形象：一個覺得自己個人大於球隊、凌駕於規則之上嘅天才。呢種球員，天份再高，對任何一個想建立團隊文化嘅領隊嚟講，都係一個極之棘手嘅管理難題。
第五宗罪：防守態度、由勤力小子變散步撚
最後一宗罪，亦都可能係戰術上，最唔能夠被馬蛇所容忍嘅一宗罪：佢嘅防守態度。
有趣嘅係，喺加拿祖啱啱出道嗰陣，佢其實係以「肯搏肯跑」見稱。當時嘅領隊坦克同隊長般奴·費南迪斯（Bruno Fernandes），都曾經公開讚過佢後備上陣時嘅出色態度同有拚搏精神。
但隨住佢上位變成陣中主力之後，佢嘅整體工作效率未達到要求，而且喺回防追蹤等Dirty Work方面投入不足。簡單講，就係由一個勤力小子，慢慢變成一個喺防守上，鍾意散步嘅球員。
呢種防守上嘅揀擇，對好多球隊嚟講可能都唔係大問題。但對我哋車路士，就係一個致命傷。
我哋喺之前嘅戰術分析文都提過，馬蛇嘅體系，經常要求我哋嘅閘位球員（例如古古尼亞）大幅度內切入中場。呢個操作，會喺邊路，留低一個巨大嘅防守空檔。喺呢個體系下，翼鋒嘅回防責任，係極之重要嘅。佢需要不斷來回跑動，去填補閘位身後嘅空位，尼圖係世冠盃決賽就為大家示範咗一次如何放下身段為球隊賣力。如果翼鋒唔回防，我哋嘅中堅（例如高維爾），就會即刻陷入一個被對方二打一嘅絕境。
一個防守上要保持身段嘅翼鋒，就好似我哋防守體系入面嘅一個計時炸彈。加拿祖嗰種天才式嘅進攻，或者可以幫球隊贏到波；但佢嗰種大爺式嘅防守，隨時可以令球隊輸得更慘。呢個，可能先至係球迷最應該擔心嘅地方。
總結：一場關於信任的豪賭
拆解完五宗罪，平心而論，作為一個普通球迷，我係絕對唔願意見到，球會用重金去追逐一個好似加拿祖咁，充滿住咁多紅旗嘅球員。
但同時，我哋都要承認，球會嘅專業團隊，由球探到數據分析師，再到馬蛇本人，佢哋手上嘅資訊，肯定比我哋球迷多。報導話我哋由今年1月開始，就已經對佢有興趣，經過長達半年嘅觀察，都依然堅持要買佢，可能，佢哋真係睇到一啲我哋球迷，喺精華片同數據報告入面，睇唔到嘅閃光點。
所以，我覺得我哋嘅態度可以係咁：喺官宣之前，我哋可以盡情質疑、討論、甚至反對。但只要有一日，佢真係著上我哋車路士件藍色波衫，咁佢就係我哋嘅自己人。到時，我哋就應該要收起所有偏見，義無反顧咁樣去支持佢。
人會變，月會圓。 以前嘅巴神巴洛迪利都有諗通嘅一日，邊個夠膽寫包單，話加拿祖嚟到一個新環境，喺馬蛇嘅指導下，就一定唔會洗心革面，變成一個更成熟嘅世界級球星？Who knows?
呢單交易，係一場豪賭。我哋作為球迷唯有希望，今次賭贏嘅係我哋。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
佢啱啱出道嗰排，真係扭得、射得、又有火，好有當年C朗嘅影子。但隨住佢名氣越來越大，圍繞住佢嘅，就唔再只係讚賞，而係更多嘅爭議。
最近，傳聞我哋車路士正積極斟介呢位「話題之王」。但喺各大車迷討論區，今次嘅氣氛充滿住憂慮同反對嘅聲音。究竟點解？一個公認嘅天才，點解會令我哋自己球迷都咁擔心？佢天使般嘅球技背後，係咪真係隱藏住魔鬼一樣嘅隱憂？
喺我哋管理層正式拍板之前，作為理智嘅球迷，有必要為呢位新話題之王，做一次詳盡嘅盡職審查。呢篇文章，我哋就唔會只係睇精華片，而係會深入啲，由佢嘅職業操守、戰術紀律，到社交媒體行為，去拆解一下，圍繞住佢嘅潛在「五宗罪」。
第一宗罪：職業操守，煙霧彌漫的場外習慣
要評核一個球員，我哋好多時都係由佢嘅職業操守講起。一個頂級球員，需要有極度自律嘅生活習慣，先可以喺最高水平嘅賽事保持狀態。而喺呢一點上，加拿祖嘅紀錄，就似乎有啲「煙霧彌漫」。
早喺2023年3月，佢就曾經惹上過一次電子煙風波。當時佢喺屋企養傷，喺自己IG story post咗張相，點知俾眼利嘅網民發現，佢身邊嘅梳化上面，就擺住一支綠色嘅電子煙。最有趣嘅係佢之後嘅操作：佢好快就發現出事，於是即刻del咗張相，然後再重新上載一個將支煙裁走咗嘅版本。呢個「此地無銀三百兩」嘅舉動，當然即刻俾人cap圖瘋傳，成為一時佳話。
你可能會話，少年你太年輕，有邊個唔會犯錯？但喺今年8月，再有相片流出，顯示佢喺一間紋身舖入面，手上又揸住另一款電子煙。兩年內兩次斷正，呢個似乎就唔只係意外，而係一種習慣。
我哋唔係道德判官，球員私底下做啲咩，我哋管唔到，亦有網民話唔少超級球星都有食煙習慣，唔好咁小題大造。不過作為買家，呢個都係一種風險嚟，視而不見都同樣係一個問題。
第二宗罪：戰術原罪，馬蛇體系中的獨食怪
如果話場外習慣，只係影響球員自己，咁戰術上嘅唔兼容，就係影響成隊波嘅原罪。而加拿祖嘅踢法，可以話同我哋領隊馬蛇（Maresca）嘅理念，有住根本性嘅衝突。
我哋唔係齋吹，數據係唔會呃人嘅。根據佢上季英超嘅數據，加拿祖嘅踢法，有一個非常極端嘅傾向：
佢所有同個人表演相關嘅數據都非常驚人：平均每90分鐘，佢就有3.44次射門、7.2次禁區內觸球，同埋5.77次向前推進盤帶。呢啲數字，全部都係頂級翼鋒嘅水平，證明佢極度自信，而且鍾意自己解決問題。
但掉返轉，佢同團隊配合相關嘅數據，就顯得好唔合群。佢每90分鐘嘅預期助攻（xAG）只係得0.18，屬於平均水平；而佢嘅向前傳球（Progressive Passes）次數，更加只係得2.29次，以一個頂級球隊嘅翼鋒嚟講，呢個數字係明顯偏低。
呢組數據，清晰咁描繪出一個畫面：加拿祖係一個適合加入藍色監獄、極度個人主義嘅獨食怪。
呢種踢法，放喺一啲打防反嘅球隊可能冇問題，但放喺馬蛇嘅體系入面，就會係一場災難。馬蛇嘅戰術，要求翼鋒要盡量拉開球場闊度，去為中路嘅核心：例如彭馬或者前鋒創造空間。成個體系，都係為咗中路嘅組織者服務，配合後上嘅左閘形成攻勢。所以無論係尼圖定佐治、新加盟嘅基頓斯，佢哋係左路進攻時都會選擇先落底再切入。
而加拿祖嗰種，攞到波就第一時間諗住自己內切、起腳射門嘅踢法，多少會直接破壞呢個結構。佢會擠壓咗彭馬嘅活動空間，打亂球隊用短傳建立嘅節奏，將一場精心佈置嘅團隊合作，變成佢自己嘅個人表演。呢種戰術上嘅「唔兼容」，或者先至係最致命嘅問題。
第三宗罪：社交媒體上的關公災難
如果話戰術上嘅「獨食」，只係踢法問題，仲有得教。咁佢喺社交媒體上嘅行為，就係更加令人擔心嘅心智同判斷力問題。
喺今時今日，一個球員嘅公關形象管理，重要性不亞於場上表現。而加拿祖喺呢方面，可以話係一個自爆專家，經常上演關公災難。
最經典嘅一次，發生喺2024年4月。當時佢喺對般尼茅夫嘅比賽，半場就被當時嘅領隊坦克換走。賽後，佢竟然走去 like 咗兩條，由著名曼聯YouTuber Mark Goldbridge發出、公開批評坦克換人決定係笑話、話佢「搵個19歲嘅後生仔做代罪羔羊」嘅帖文。雖然佢之後好快就unlike返，球會亦都話佢道咗歉，但呢個公開挑戰領隊權威嘅舉動，已經造成咗無法挽回嘅傷害。
而且，呢啲並唔係單一事件。佢嘅「犯罪紀錄」仲包括：Like過C朗批評坦克嘅帖文，甚至，連自己隊友嘅帳都唔賣，Like過一條批評緊阿根廷國家隊隊友馬天尼斯（Lisandro Martinez）嘅帖文。
呢一連串嘅行為，暴露嘅係一個極度唔成熟、同埋缺乏團隊精神嘅心態。一個頂級球員，可以對領隊嘅決定唔滿意，但應該喺更衣室內部解決。將內部矛盾，透過社交媒體公諸於世，甚至認同對自己隊友嘅批評，呢啲行為，對任何一隊波嘅團結同凝聚力，都係極具腐蝕性嘅。就算球會上個月話對加拿祖做過背景調查，但呢種行為明顯令球迷對佢投以不信任嘅一票。
第四宗罪：紀律問題 ，兩代主帥都敢得罪
如果話喺社交媒體上面手多，只係年輕人唔識諗。咁佢喺日常訓練同比賽中嘅紀律問題，就更加令人擔心。因為呢啲行為，顯示出佢可能唔單止係唔成熟，更加係一個難教嘅球員。
根據報告整合，佢嘅「犯罪紀錄」，並唔只係得like post咁簡單：
首先，佢係一個成功得罪過連續兩任領隊嘅球員。喺坦克手下，佢曾經因為開會遲到而被訓誡；而去到艾莫廉時期，佢更因為態度問題同洩露內部消息，而被踢出大名單，甚至一度要跟炸彈小隊（不受歡迎球員）一齊訓練。
喺場上，佢亦都試過喺被換離場之後，冇返去後備席，而係直接行返入更衣室。雖然當時嘅領隊艾莫廉，公開幫佢兜話係因為件衫濕咗，但事後仍然要佢罰請全隊食飯，呢個軟性懲罰，證明咗球會高層，對佢呢種挑戰團隊規矩嘅行為，其實都相當不滿。
呢一連串嘅事件，串連起身，就勾畫出一個令人憂慮嘅形象：一個覺得自己個人大於球隊、凌駕於規則之上嘅天才。呢種球員，天份再高，對任何一個想建立團隊文化嘅領隊嚟講，都係一個極之棘手嘅管理難題。
第五宗罪：防守態度、由勤力小子變散步撚
最後一宗罪，亦都可能係戰術上，最唔能夠被馬蛇所容忍嘅一宗罪：佢嘅防守態度。
有趣嘅係，喺加拿祖啱啱出道嗰陣，佢其實係以「肯搏肯跑」見稱。當時嘅領隊坦克同隊長般奴·費南迪斯（Bruno Fernandes），都曾經公開讚過佢後備上陣時嘅出色態度同有拚搏精神。
但隨住佢上位變成陣中主力之後，佢嘅整體工作效率未達到要求，而且喺回防追蹤等Dirty Work方面投入不足。簡單講，就係由一個勤力小子，慢慢變成一個喺防守上，鍾意散步嘅球員。
呢種防守上嘅揀擇，對好多球隊嚟講可能都唔係大問題。但對我哋車路士，就係一個致命傷。
我哋喺之前嘅戰術分析文都提過，馬蛇嘅體系，經常要求我哋嘅閘位球員（例如古古尼亞）大幅度內切入中場。呢個操作，會喺邊路，留低一個巨大嘅防守空檔。喺呢個體系下，翼鋒嘅回防責任，係極之重要嘅。佢需要不斷來回跑動，去填補閘位身後嘅空位，尼圖係世冠盃決賽就為大家示範咗一次如何放下身段為球隊賣力。如果翼鋒唔回防，我哋嘅中堅（例如高維爾），就會即刻陷入一個被對方二打一嘅絕境。
一個防守上要保持身段嘅翼鋒，就好似我哋防守體系入面嘅一個計時炸彈。加拿祖嗰種天才式嘅進攻，或者可以幫球隊贏到波；但佢嗰種大爺式嘅防守，隨時可以令球隊輸得更慘。呢個，可能先至係球迷最應該擔心嘅地方。
總結：一場關於信任的豪賭
拆解完五宗罪，平心而論，作為一個普通球迷，我係絕對唔願意見到，球會用重金去追逐一個好似加拿祖咁，充滿住咁多紅旗嘅球員。
但同時，我哋都要承認，球會嘅專業團隊，由球探到數據分析師，再到馬蛇本人，佢哋手上嘅資訊，肯定比我哋球迷多。報導話我哋由今年1月開始，就已經對佢有興趣，經過長達半年嘅觀察，都依然堅持要買佢，可能，佢哋真係睇到一啲我哋球迷，喺精華片同數據報告入面，睇唔到嘅閃光點。
所以，我覺得我哋嘅態度可以係咁：喺官宣之前，我哋可以盡情質疑、討論、甚至反對。但只要有一日，佢真係著上我哋車路士件藍色波衫，咁佢就係我哋嘅自己人。到時，我哋就應該要收起所有偏見，義無反顧咁樣去支持佢。
人會變，月會圓。 以前嘅巴神巴洛迪利都有諗通嘅一日，邊個夠膽寫包單，話加拿祖嚟到一個新環境，喺馬蛇嘅指導下，就一定唔會洗心革面，變成一個更成熟嘅世界級球星？Who knows?
呢單交易，係一場豪賭。我哋作為球迷唯有希望，今次賭贏嘅係我哋。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊