今晚車仔就要係FA Cup對域斯咸…仲記唔記得兩個幾禮拜前，足總盃第五圈抽籤嗰晚？當抽出嚟域斯咸主場對車路士，域斯咸兩位荷里活班主之一、飾演死侍嘅賴恩雷諾斯 (Ryan Reynolds) 即刻喺 Social Media 上面發晒癲，興奮到好似贏咗波咁。
唔少車迷心諗：雖然我哋今年表現有少少飄忽姐，但都未至於俾你當做水魚，抽到上上籤咁款慶祝呱？其實佢哋興奮，唔係因為覺得一定贏到車仔，而係因為喺佢哋套艾美獎紀錄片《Welcome to Wrexham》第五季嘅劇本入面，車路士，正正就係最完美、最無敵嘅終極大魔王。
荷里活級大製作：鏡頭背後嘅精密算計
搞清楚，週末呢場足總盃，對車仔嚟講可能只係普通盃賽，但對域斯咸個紀錄片團隊嚟講，呢個係攞緊諾貝爾獎……Er，艾美獎嘅大 Project。
根據《The Athletic》爆料，當日抽籤一中車仔，成個製作團隊已經喺 WhatsApp Group 入面互相 High-five。佢哋紀錄片監製直頭話：「The storyline sells itself（劇本會自己賣錢）」。之前佢哋喺盃賽淘汰森林、聯賽又屢次補時絕殺，依家磨拳擦掌，就係等緊拍低車路士喺 Racecourse Ground 被爆冷淘汰嗰一刻，嗯，至少佢哋劇本設定係咁。
為咗拍低呢一幕荷里活大結局，域斯咸安排咗極度誇張嘅拍攝陣容，直頭係拍《復仇者聯盟》咁款：更衣室有固定鏡頭、場邊有三人小隊貼身跟進、場內有長鏡頭專門捉球迷反應、甚至派發「Fan-cams」俾主場球迷………諗起都覺得煩。
兩位荷里活班主當然亦有專人捕捉佢哋喺 VIP 房嘅喜怒哀樂。監製仲話佢哋睇返之前補時絕殺 QPR 嗰場波嘅片段，睇到毛管戙起晒。依家萬事俱備，淨係等車路士落去，做佢哋完美劇本嘅大魔王。
怕爛尾嘅恐懼：賽前急正家教 防迪士尼童話變限制級
但劇本寫得幾完美都好，域斯咸高層同班荷里活老闆心入面其實都有一個巨大嘅恐懼：就係驚班主場球迷把口唔收，搞到套大電影爛尾。
大家都知，英格蘭低組別球迷對住車路士，傳統上最鍾意大合唱首叫「Rent boy」嘅恐同歧視歌嚟招呼我哋，字面上就話我哋啲球員下季會俾人借走，實際上啦喎………交俾你哋自己去Google啦。平時大家喺看台鬥下嘴、爆下粗就話啫，但今次唔同喎…依家拍緊《古惑仔》嘅話我明，但今次域斯咸拍緊嘅係預備擺上Disney+、主打合家歡嘅熱血追夢大電影。
試諗下，如果成個場館幾萬人一齊大合唱仇恨言論，高清收音加埋球迷Cam收到應一應，到時出街咪變咗國際級公關災難？啲金主同贊助商見到仲唔嚇到割席？
所以，為咗保住個光環同荷里活招牌，域斯咸球會喺賽前極罕有咁出咗份極度嚴厲嘅聲明，急急腳教育自己班球迷。聲明講到明，邊個敢唱呢首歧視歌，即刻趕出場、自動禁足 3 年，仲會夾埋北威爾斯警察拉人封艇，面臨刑事起訴。
(小編：講到尾，為咗上鏡好睇、為咗迎合全球觀眾嘅政治正確，梗係要提早落重藥逼班爛佬球迷扮乖仔啦。萬一因為幾句歌詞，搞到套劇集變做限制級甚至上唔到架，賴恩雷諾斯真係喊都無謂。)
總結：化身做末日博士，粉碎荷里活美夢
對住呢種全場幾十部攝影機對住、成個小鎮當正係嘉年華咁搞嘅氣氛，車仔球員今場作客，面對嘅場外干擾同噪音絕對唔細。
不過，既然人哋劇本都寫好晒，將我哋定性為高高在上嘅終極大魔王，咁我哋一於傾力出演啦。人哋準備好晒香檳、較啱晒機位，等住拍低凡人屠龍嘅童話故事踩住我哋上位？車路士今場唯一要做嘅，就係心無旁騖，用絕對嘅實力粉碎佢哋個荷里活大結局。
想攞我哋賺收視率？想踩住車路士拎艾美獎？唔該過主啦。一於落去狠狠地做一次大反派，留個 0：3 嘅噩夢畀佢哋慢慢剪片一定仲爽………
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
唔少車迷心諗：雖然我哋今年表現有少少飄忽姐，但都未至於俾你當做水魚，抽到上上籤咁款慶祝呱？其實佢哋興奮，唔係因為覺得一定贏到車仔，而係因為喺佢哋套艾美獎紀錄片《Welcome to Wrexham》第五季嘅劇本入面，車路士，正正就係最完美、最無敵嘅終極大魔王。
荷里活級大製作：鏡頭背後嘅精密算計
搞清楚，週末呢場足總盃，對車仔嚟講可能只係普通盃賽，但對域斯咸個紀錄片團隊嚟講，呢個係攞緊諾貝爾獎……Er，艾美獎嘅大 Project。
根據《The Athletic》爆料，當日抽籤一中車仔，成個製作團隊已經喺 WhatsApp Group 入面互相 High-five。佢哋紀錄片監製直頭話：「The storyline sells itself（劇本會自己賣錢）」。之前佢哋喺盃賽淘汰森林、聯賽又屢次補時絕殺，依家磨拳擦掌，就係等緊拍低車路士喺 Racecourse Ground 被爆冷淘汰嗰一刻，嗯，至少佢哋劇本設定係咁。
為咗拍低呢一幕荷里活大結局，域斯咸安排咗極度誇張嘅拍攝陣容，直頭係拍《復仇者聯盟》咁款：更衣室有固定鏡頭、場邊有三人小隊貼身跟進、場內有長鏡頭專門捉球迷反應、甚至派發「Fan-cams」俾主場球迷………諗起都覺得煩。
兩位荷里活班主當然亦有專人捕捉佢哋喺 VIP 房嘅喜怒哀樂。監製仲話佢哋睇返之前補時絕殺 QPR 嗰場波嘅片段，睇到毛管戙起晒。依家萬事俱備，淨係等車路士落去，做佢哋完美劇本嘅大魔王。
怕爛尾嘅恐懼：賽前急正家教 防迪士尼童話變限制級
但劇本寫得幾完美都好，域斯咸高層同班荷里活老闆心入面其實都有一個巨大嘅恐懼：就係驚班主場球迷把口唔收，搞到套大電影爛尾。
大家都知，英格蘭低組別球迷對住車路士，傳統上最鍾意大合唱首叫「Rent boy」嘅恐同歧視歌嚟招呼我哋，字面上就話我哋啲球員下季會俾人借走，實際上啦喎………交俾你哋自己去Google啦。平時大家喺看台鬥下嘴、爆下粗就話啫，但今次唔同喎…依家拍緊《古惑仔》嘅話我明，但今次域斯咸拍緊嘅係預備擺上Disney+、主打合家歡嘅熱血追夢大電影。
試諗下，如果成個場館幾萬人一齊大合唱仇恨言論，高清收音加埋球迷Cam收到應一應，到時出街咪變咗國際級公關災難？啲金主同贊助商見到仲唔嚇到割席？
所以，為咗保住個光環同荷里活招牌，域斯咸球會喺賽前極罕有咁出咗份極度嚴厲嘅聲明，急急腳教育自己班球迷。聲明講到明，邊個敢唱呢首歧視歌，即刻趕出場、自動禁足 3 年，仲會夾埋北威爾斯警察拉人封艇，面臨刑事起訴。
(小編：講到尾，為咗上鏡好睇、為咗迎合全球觀眾嘅政治正確，梗係要提早落重藥逼班爛佬球迷扮乖仔啦。萬一因為幾句歌詞，搞到套劇集變做限制級甚至上唔到架，賴恩雷諾斯真係喊都無謂。)
總結：化身做末日博士，粉碎荷里活美夢
對住呢種全場幾十部攝影機對住、成個小鎮當正係嘉年華咁搞嘅氣氛，車仔球員今場作客，面對嘅場外干擾同噪音絕對唔細。
不過，既然人哋劇本都寫好晒，將我哋定性為高高在上嘅終極大魔王，咁我哋一於傾力出演啦。人哋準備好晒香檳、較啱晒機位，等住拍低凡人屠龍嘅童話故事踩住我哋上位？車路士今場唯一要做嘅，就係心無旁騖，用絕對嘅實力粉碎佢哋個荷里活大結局。
想攞我哋賺收視率？想踩住車路士拎艾美獎？唔該過主啦。一於落去狠狠地做一次大反派，留個 0：3 嘅噩夢畀佢哋慢慢剪片一定仲爽………
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊