新年快樂，但對於車迷黎講，呢個2026年認真大起大落。馬蛇終於在一片爭議聲中落車，官方聲明出得痛快，但接落黎個問題先最頭痛：邊個接手？
目前風聲吹得最盛嘅，並唔係咩名帥大名，而係 BlueCo 體系內嘅自己人、現任史特拉斯堡領隊羅斯尼亞 (Liam Rosenior)。唔少車迷一聽到呢個名，心入面都應該有個疑問：「又係玩控球？又係體系教練？呢個根本係馬蛇 2.0…」
雖然表面證供成立，我之前都寫過羅帥嘅文…但如果你仔細留意羅斯尼亞嘅執教風格，你會發現呢位戴住眼鏡、斯斯文文嘅四眼少帥，同馬蛇嗰種固執狂有住本質上嘅分別。所以今篇文我哋就假設羅斯尼亞聽日就拎起教鞭帶隊操練，車路士嘅戰術板到底會出現啲變化？
變革一：後場誘敵2.0
羅斯尼亞戰術入面最標誌性嘅一點，就係極度強調後場出球嘅誘敵深入。佢唔係要球員好似馬蛇時期咁，機械式咁踢U型足球，而係要求中堅或者門將用鞋底踩定個波，特登停落嚟引對方前鋒壓迫。一旦對手忍唔住衝埋嚟，防線身後就會暴露空間，呢個時候就係出波嘅殺機。
不過，羅斯尼亞呢套戰術喺赫爾城同史堡之所以成功，好大程度上依賴一個左腳極佳嘅出球中堅。但依家高維爾重傷缺陣，望下個 List，左腳中堅得返巴迪亞舒尼同哈圖，但考慮到英超嘅對抗性同經驗，羅斯尼亞好大機會被逼起繼續用查路巴拍住科芬拿鎮守中路。
呢對組合防守夠硬淨，但講到傳球視野同破逼搶能力，肯定不及高維爾。咁點算？羅斯尼亞嘅解決方案，極有可能係將個重擔轉移俾門將。佢會要求山齊士徹底變成第3個中堅。
(早係候城年代佢已經有咁做)
預計我哋會見到門將經常推到禁區頂甚至係禁區外攞波，主動吸引對方第一線嘅火力，從而解放查路巴同科芬拿，等佢哋可以喺較少壓力下將個波交上去前場。但考慮到山齊士偶爾會Hang機，如果四眼仔真係上車，大家可以放心準備定救心，要習慣後場玩火嘅畫面將會變成常態。
變革二：Box Midfield 馬蛇 vs 羅斯尼亞
搞掂後場出波，個波去到中場，就係見真章嘅時候。雖然馬蛇同羅斯尼亞都係崇尚 Box Midfield，即係透過球員走位喺中圈形成一個四人紅組織去控制大局，但兩者嘅執行哲學有天淵之別。
馬蛇嘅版本，係一種僵化嘅結構。球員好似捉棋咁，規定你要行入邊個格仔就死都要企喺度，往往為咗維持個靚陣型而犧牲咗傳波節奏，變成為控球而控球，睇到人好眼訓。
相反，羅斯尼亞嘅版本係流動嘅。佢更強調製造人數優勢，球員嘅位置係互換嘅，重點係製造空間俾隊友推進。喺呢個體系入面，最大嘅受惠者肯定係安素同山度士。
當中山度士作為羅斯尼亞喺史堡嘅絕對核心，山度士對呢套流動方塊瞭如指掌。預計佢將會被確立為中場大腦，拍住卡些度或者安素組成雙 Pivot。羅斯尼亞要求嘅中場，唔係淨係識橫傳，而係要喺受壓迫下快速轉身、向前派牌。山度士喺法甲已經證明咗自己做得到，依家返到英超，佢隨時由邊緣人變做球隊節拍器。
變革三：前場雙10號，彭馬同二安的共存空間
解決咗中場運轉，前場點樣入波？呢個亦係車迷最期待嘅畫面。羅斯尼亞嘅進攻結構通常係 3-2-5，佢非常執著於將進攻寬度拉到極闊，目的好簡單：拉開對方防線，將中間嘅 Half-space留俾最有攻力嘅球員。
喺馬蛇麾下，彭馬有時被迫要拉邊做寬度，甚至要兼顧防守覆蓋，某程度上浪費咗佢嘅天賦。但喺羅斯尼亞嘅體系，彭馬將會獲得完全解放。
預計我哋會見到一個夢幻嘅雙10號組合：彭馬同二安同時內收，長期喺禁區頂嘅左右活動。呢兩個區域係對方防守最頭痛嘅位置，亦係佢兩個最具創造力嘅區域。
至於邊路嘅寬度由邊個提供？咁就要睇羅斯尼亞想點玩。如果佢想更極致嘅 1on1 爆破，佢可以用尼圖、加拿祖呢類翼鋒死跑邊路；如果佢想加強中場控制，佢亦可以叫占士或古古尼亞疊瓦助攻。但無論點排，核心思路都好清晰：邊路只係綠葉，中間嘅彭馬同二安先係主角。呢種踢法，絕對比起馬蛇時期將邊鋒孤立喺邊線更有殺傷力。
變革四：前鋒的難題，支點同跑動的平衡
講完後面同中間，最後要解決嘅係入波嗰個。羅斯尼亞對於前鋒嘅要求其實好具體，亦好苛刻。參考佢喺史堡用 Emegha，或者喺侯城有用過戴納嘅經驗，佢需要一個能夠兼備速度拉扯同身體對抗嘅球員。
佢嘅前鋒唔係單純負責入波，更重要嘅係要做到兩個功能：第一，要有足夠嘅身體質素去同對方中堅肉搏，做一個前場支點幫隊友停波；第二，要識得透過跑動壓制對方防線，將對面中堅推深，從而喺禁區頂製造空間俾身後嘅雙10號做波。
喺車路士現有嘅前鋒名單入面，戴納似乎係最符合說明書人選。原因好簡單：佢哋喺侯城合作過，戴納嗰種衝撞型、甚至有啲蠻牛式嘅踢法，正正係羅斯尼亞需要用嚟破壞英超防線結構嘅重型武器。
相比之下，祖奧柏度雖然技術更細膩，流動性更強，但佢未必做到戴納嗰種喺前場硬爆中堅嘅支點效果。所以，如果羅斯尼亞上任，預計戴納會力壓祖奧柏度同古爾成為正選。佢嘅任務好清晰：唔洗做花巧嘢，專心做個開路先鋒，用身體撞開條路俾彭馬二安入波就得。
總結：系統升級定係另一場豪賭？
睇完以上四大變革，你會發現羅斯尼亞雖然俾人標籤做「馬蛇 2.0」，但佢帶嚟嘅其實係一套 「系統升級」 (System Update)。
佢無推翻馬蛇嘅控球根基，但佢嘗試透過更靈活嘅中場流動 (Box Midfield)、更具體嘅誘敵戰術 (Baiting)，以及更清晰嘅前場分工，去修復馬蛇時期「有控球無攻勢」嘅 Bug。特別係對於 山度士、戴納 呢班舊部，以及需要自由度嘅 彭馬 黎講，羅斯尼亞似乎真係揸住佢哋嘅說明書。
不過，風險依然係巨大嘅。冇咗高維爾嘅後場出波、門將要冒險做第 11 人、以及羅斯尼亞本身未教過豪門嘅經驗值，全部都係隱憂。一旦成績反彈唔到，或者喺後場玩火玩出禍，史丹福橋嘅噓聲只會比馬蛇時期嚟得更快更狠。
BlueCo 今次如果真係揀佢，明顯係想行一條「內部挖潛」嘅路線，賭呢位「四眼少帥」能夠用戰術智慧去彌補經驗不足。作為車迷，既然馬蛇已走，我哋唯有寄望呢位「自己人」真係有料到，帶領車路士行返正軌啦。
總結：現實同理想或者有差距…
講到尾，雖然羅斯尼亞嘅戰術藍圖聽落好吸引，但現實還現實，佢上任有兩大死穴係唔可以忽視。
第一係破密集乏力。佢套戰術核心係引蛇出洞，要對手肯壓上嚟先有空間打反擊。但喺英超，大把中下游球隊對住車路士會選擇死守泊大巴，一旦對手唔落搭、拒絕被引誘，參考佢喺侯城嘅往績，球隊往往會變成老鼠拉龜。
第二係更衣室牙力。教史堡班 20 歲出頭嘅細路係一回事，要管理車路士呢班身價過億、見慣大場面嘅大帝係另一回事。作為一個未踢過歐聯、未教過豪門嘅少帥，當逆境出現嗰陣，佢夠唔夠牙力去令安素、彭馬呢班人信服？
BlueCo 今次如果真係揀佢，明顯係一場係想搵一個扯線公仔。賭佢嘅戰術智慧可以彌補經驗不足，賭佢可以令這班天才球員聽教聽話。贏就係神來之筆，輸就係萬劫不復。大家又點睇？
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
目前風聲吹得最盛嘅，並唔係咩名帥大名，而係 BlueCo 體系內嘅自己人、現任史特拉斯堡領隊羅斯尼亞 (Liam Rosenior)。唔少車迷一聽到呢個名，心入面都應該有個疑問：「又係玩控球？又係體系教練？呢個根本係馬蛇 2.0…」
雖然表面證供成立，我之前都寫過羅帥嘅文…但如果你仔細留意羅斯尼亞嘅執教風格，你會發現呢位戴住眼鏡、斯斯文文嘅四眼少帥，同馬蛇嗰種固執狂有住本質上嘅分別。所以今篇文我哋就假設羅斯尼亞聽日就拎起教鞭帶隊操練，車路士嘅戰術板到底會出現啲變化？
變革一：後場誘敵2.0
羅斯尼亞戰術入面最標誌性嘅一點，就係極度強調後場出球嘅誘敵深入。佢唔係要球員好似馬蛇時期咁，機械式咁踢U型足球，而係要求中堅或者門將用鞋底踩定個波，特登停落嚟引對方前鋒壓迫。一旦對手忍唔住衝埋嚟，防線身後就會暴露空間，呢個時候就係出波嘅殺機。
不過，羅斯尼亞呢套戰術喺赫爾城同史堡之所以成功，好大程度上依賴一個左腳極佳嘅出球中堅。但依家高維爾重傷缺陣，望下個 List，左腳中堅得返巴迪亞舒尼同哈圖，但考慮到英超嘅對抗性同經驗，羅斯尼亞好大機會被逼起繼續用查路巴拍住科芬拿鎮守中路。
呢對組合防守夠硬淨，但講到傳球視野同破逼搶能力，肯定不及高維爾。咁點算？羅斯尼亞嘅解決方案，極有可能係將個重擔轉移俾門將。佢會要求山齊士徹底變成第3個中堅。
(早係候城年代佢已經有咁做)
預計我哋會見到門將經常推到禁區頂甚至係禁區外攞波，主動吸引對方第一線嘅火力，從而解放查路巴同科芬拿，等佢哋可以喺較少壓力下將個波交上去前場。但考慮到山齊士偶爾會Hang機，如果四眼仔真係上車，大家可以放心準備定救心，要習慣後場玩火嘅畫面將會變成常態。
變革二：Box Midfield 馬蛇 vs 羅斯尼亞
搞掂後場出波，個波去到中場，就係見真章嘅時候。雖然馬蛇同羅斯尼亞都係崇尚 Box Midfield，即係透過球員走位喺中圈形成一個四人紅組織去控制大局，但兩者嘅執行哲學有天淵之別。
馬蛇嘅版本，係一種僵化嘅結構。球員好似捉棋咁，規定你要行入邊個格仔就死都要企喺度，往往為咗維持個靚陣型而犧牲咗傳波節奏，變成為控球而控球，睇到人好眼訓。
相反，羅斯尼亞嘅版本係流動嘅。佢更強調製造人數優勢，球員嘅位置係互換嘅，重點係製造空間俾隊友推進。喺呢個體系入面，最大嘅受惠者肯定係安素同山度士。
當中山度士作為羅斯尼亞喺史堡嘅絕對核心，山度士對呢套流動方塊瞭如指掌。預計佢將會被確立為中場大腦，拍住卡些度或者安素組成雙 Pivot。羅斯尼亞要求嘅中場，唔係淨係識橫傳，而係要喺受壓迫下快速轉身、向前派牌。山度士喺法甲已經證明咗自己做得到，依家返到英超，佢隨時由邊緣人變做球隊節拍器。
變革三：前場雙10號，彭馬同二安的共存空間
解決咗中場運轉，前場點樣入波？呢個亦係車迷最期待嘅畫面。羅斯尼亞嘅進攻結構通常係 3-2-5，佢非常執著於將進攻寬度拉到極闊，目的好簡單：拉開對方防線，將中間嘅 Half-space留俾最有攻力嘅球員。
喺馬蛇麾下，彭馬有時被迫要拉邊做寬度，甚至要兼顧防守覆蓋，某程度上浪費咗佢嘅天賦。但喺羅斯尼亞嘅體系，彭馬將會獲得完全解放。
預計我哋會見到一個夢幻嘅雙10號組合：彭馬同二安同時內收，長期喺禁區頂嘅左右活動。呢兩個區域係對方防守最頭痛嘅位置，亦係佢兩個最具創造力嘅區域。
至於邊路嘅寬度由邊個提供？咁就要睇羅斯尼亞想點玩。如果佢想更極致嘅 1on1 爆破，佢可以用尼圖、加拿祖呢類翼鋒死跑邊路；如果佢想加強中場控制，佢亦可以叫占士或古古尼亞疊瓦助攻。但無論點排，核心思路都好清晰：邊路只係綠葉，中間嘅彭馬同二安先係主角。呢種踢法，絕對比起馬蛇時期將邊鋒孤立喺邊線更有殺傷力。
變革四：前鋒的難題，支點同跑動的平衡
講完後面同中間，最後要解決嘅係入波嗰個。羅斯尼亞對於前鋒嘅要求其實好具體，亦好苛刻。參考佢喺史堡用 Emegha，或者喺侯城有用過戴納嘅經驗，佢需要一個能夠兼備速度拉扯同身體對抗嘅球員。
佢嘅前鋒唔係單純負責入波，更重要嘅係要做到兩個功能：第一，要有足夠嘅身體質素去同對方中堅肉搏，做一個前場支點幫隊友停波；第二，要識得透過跑動壓制對方防線，將對面中堅推深，從而喺禁區頂製造空間俾身後嘅雙10號做波。
喺車路士現有嘅前鋒名單入面，戴納似乎係最符合說明書人選。原因好簡單：佢哋喺侯城合作過，戴納嗰種衝撞型、甚至有啲蠻牛式嘅踢法，正正係羅斯尼亞需要用嚟破壞英超防線結構嘅重型武器。
相比之下，祖奧柏度雖然技術更細膩，流動性更強，但佢未必做到戴納嗰種喺前場硬爆中堅嘅支點效果。所以，如果羅斯尼亞上任，預計戴納會力壓祖奧柏度同古爾成為正選。佢嘅任務好清晰：唔洗做花巧嘢，專心做個開路先鋒，用身體撞開條路俾彭馬二安入波就得。
總結：系統升級定係另一場豪賭？
睇完以上四大變革，你會發現羅斯尼亞雖然俾人標籤做「馬蛇 2.0」，但佢帶嚟嘅其實係一套 「系統升級」 (System Update)。
佢無推翻馬蛇嘅控球根基，但佢嘗試透過更靈活嘅中場流動 (Box Midfield)、更具體嘅誘敵戰術 (Baiting)，以及更清晰嘅前場分工，去修復馬蛇時期「有控球無攻勢」嘅 Bug。特別係對於 山度士、戴納 呢班舊部，以及需要自由度嘅 彭馬 黎講，羅斯尼亞似乎真係揸住佢哋嘅說明書。
不過，風險依然係巨大嘅。冇咗高維爾嘅後場出波、門將要冒險做第 11 人、以及羅斯尼亞本身未教過豪門嘅經驗值，全部都係隱憂。一旦成績反彈唔到，或者喺後場玩火玩出禍，史丹福橋嘅噓聲只會比馬蛇時期嚟得更快更狠。
BlueCo 今次如果真係揀佢，明顯係想行一條「內部挖潛」嘅路線，賭呢位「四眼少帥」能夠用戰術智慧去彌補經驗不足。作為車迷，既然馬蛇已走，我哋唯有寄望呢位「自己人」真係有料到，帶領車路士行返正軌啦。
總結：現實同理想或者有差距…
講到尾，雖然羅斯尼亞嘅戰術藍圖聽落好吸引，但現實還現實，佢上任有兩大死穴係唔可以忽視。
第一係破密集乏力。佢套戰術核心係引蛇出洞，要對手肯壓上嚟先有空間打反擊。但喺英超，大把中下游球隊對住車路士會選擇死守泊大巴，一旦對手唔落搭、拒絕被引誘，參考佢喺侯城嘅往績，球隊往往會變成老鼠拉龜。
第二係更衣室牙力。教史堡班 20 歲出頭嘅細路係一回事，要管理車路士呢班身價過億、見慣大場面嘅大帝係另一回事。作為一個未踢過歐聯、未教過豪門嘅少帥，當逆境出現嗰陣，佢夠唔夠牙力去令安素、彭馬呢班人信服？
BlueCo 今次如果真係揀佢，明顯係一場係想搵一個扯線公仔。賭佢嘅戰術智慧可以彌補經驗不足，賭佢可以令這班天才球員聽教聽話。贏就係神來之筆，輸就係萬劫不復。大家又點睇？
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊