就快踏入 1 月轉會窗，又係各路「傳聞大神」發功嘅時候。正當大家睇到眼花撩亂，一時話要買呢個神童，一時話要搶嗰個球星，我哋車路士嘅御用 Tier 1 記者 Matt Law 琴日就出咗篇文，一盤冷水照頭淋落嚟。
Matt Law 嘅標題好直白：「車路士預計一月唔會活躍 (Not expected to be active)」。
吓？唔係掛？馬蛇依家排陣排到要長期用占士同古斯圖打中場喎！如果一月真係「忍手」唔買人，係咪真係搞得掂先？不過，細心解讀 Matt Law 篇文，再加埋坊間流出嘅名單，你會發現高層似乎係玩緊一手好複雜嘅牌：「一月止咳，夏天換血」。今篇文嚟寫下呢個轉會窗…
現實的殘酷：Matt Law 的冷水 vs 馬蛇的中場荒
Matt Law 嘅消息來源通常直接嚟自高層，佢話「重心放喺 2026 年夏天」，好明顯係管理層想管理球迷期望，唔想大家以為一月又有幾億大Deal。
但現實係，馬蛇正面對緊極嚴峻嘅 「中場荒」。只係講卡些度，佢今季已經踢咗差不多 1,000 分鐘聯賽，唔係因為領紅佢都唔會停三場，安素亦係極高消耗。而原本預計做輪換嘅 拉維亞 同 艾素高，兩條友仲留咗係文員部打字，連幾時返出嚟都係未知之數。
依家連古斯圖都要客串中場，萬一卡些度傷埋或者又要停賽，我哋中場線就會即刻崩潰。所以，就算高層口硬話「唔活躍」，我自己都覺得一月借又好低價入又好，替工係絕對有必要，亦係最理性嘅操作。
一月「止咳」方案：平價彩票 Sadiki 與 Smit
既然高層唔想一月大灑金錢，咁傳聞中嗰幾個「平價潛力股」，就變得好可信。
Noah Sadiki (新特蘭, ~£15M)： 呢個名最近好紅。佢被視為係白禮頓 Baleba 嘅平民版。£1,500 萬左右有交易，後生、跑得、肯做 Dirty Work。買佢返嚟，唔係要佢做核心，而係要佢喺垃圾時間或者盃賽幫卡些度頂半場。
Kees Smit (AZ, ~£25M)： 另一個 19 歲神童。呢類收購符合新班主口味：低風險、高升值潛力、即插即用做替補。 如果一月真係有官宣，大家唔好期望係咩巨星，好大機會係呢類實用型嘅「止咳藥」。
夏天的野心：Mainoo 與 Anderson 的英超戶口
Matt Law 篇文最令我哋車迷O嘴嘅，係佢輕輕帶過嘅一句：「Chelsea have previously shown an interest in Kobbie Mainoo (車路士曾對 Mainoo 表示興趣)」。
雖然只係一句，但信息量極大。 大家都知曼聯依家咩環境，明奈阿哥直頭係奧脫福球場展示標語叫球會Free明奈，而車路士竟然將目光又放咗喺曼聯嘅青訓太子身上？可能係之前借用辛祖、買加拿祖買開咗條癮都唔定。
當然，要曼聯放人難過登天，但如果紅魔繼續浮沉，明奈無保證到上陣時間，又邊個敢講夏天無機會？
至於森林嘅 Elliot Anderson，傳聞標價 £1 億。Matt Law 都證實咗車路士有留意佢，但考慮到個價錢，一月出手嘅機會係零。呢啲「大刁」，全部都係留返 2026 夏天先會見真章。
(關於 Mainoo 適唔適合車路士，我之後會另外出一篇詳盡嘅球探報告同大家分析，記得留意！)
闢謠區：一億買翼鋒？笑下就算
最後提提另一個傳聞：萊比錫嘅 Yan Diomande，標價 €1 億。 呢單大家可以當笑話睇。Matt Law 篇文已經再三確認，2026 年夏天我哋已經 Book 咗前鋒 Emegha 同翼衛 Quenda 加盟。前場人手已經迫爆，車路士根本無理由、亦無需要再花一億去買個翼鋒。
再者，大家記唔記得我哋之前專欄提過嘅 「正轉會差 (Positive Transfer Balance)」？ 喺新賽制下，要註冊一個 €1 億嘅新兵，意味住我哋要喺同一個轉會窗，透過賣人產生相應嘅鉅額盈利去「填數」。
眾所周知，一月轉會窗通常好難賣人（多數係借），無得賣人就無 FFP Profit。喺填唔到條數嘅情況下，再花一億買人？喺會計角度上係自殺行為。所以呢單新聞，似係經理人借車路士個名嚟抬價多啲。
總結：期望管理
綜合各方消息同財務限制，我哋對一月轉會窗嘅期望應該係：「平靜，但會有針對性補強」。
唔好預期會有 明奈 或者 安達臣 呢啲級數嘅震撼彈，因為無足夠嘅賣人收益去 Support 呢啲大刁（留返夏天賣咗邊緣人、有 Quota 先發夢啦）。
相反，用 £15M-£25M 買個 Sadiki 或者 Smit 返嚟做中場替工，係最符合現實嘅操作。 一來佢哋身價低，攤銷後對「正轉會差」嘅壓力微乎其微，容易過關；二來馬蛇真係急需人手。
畢竟，卡些度同安素係人唔係鐵甲萬能俠，再唔買個平價替工分擔下，真係會斷氣㗎。
至於中堅……好似話施華變返自由身……不如……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
Matt Law 嘅標題好直白：「車路士預計一月唔會活躍 (Not expected to be active)」。
吓？唔係掛？馬蛇依家排陣排到要長期用占士同古斯圖打中場喎！如果一月真係「忍手」唔買人，係咪真係搞得掂先？不過，細心解讀 Matt Law 篇文，再加埋坊間流出嘅名單，你會發現高層似乎係玩緊一手好複雜嘅牌：「一月止咳，夏天換血」。今篇文嚟寫下呢個轉會窗…
現實的殘酷：Matt Law 的冷水 vs 馬蛇的中場荒
Matt Law 嘅消息來源通常直接嚟自高層，佢話「重心放喺 2026 年夏天」，好明顯係管理層想管理球迷期望，唔想大家以為一月又有幾億大Deal。
但現實係，馬蛇正面對緊極嚴峻嘅 「中場荒」。只係講卡些度，佢今季已經踢咗差不多 1,000 分鐘聯賽，唔係因為領紅佢都唔會停三場，安素亦係極高消耗。而原本預計做輪換嘅 拉維亞 同 艾素高，兩條友仲留咗係文員部打字，連幾時返出嚟都係未知之數。
依家連古斯圖都要客串中場，萬一卡些度傷埋或者又要停賽，我哋中場線就會即刻崩潰。所以，就算高層口硬話「唔活躍」，我自己都覺得一月借又好低價入又好，替工係絕對有必要，亦係最理性嘅操作。
一月「止咳」方案：平價彩票 Sadiki 與 Smit
既然高層唔想一月大灑金錢，咁傳聞中嗰幾個「平價潛力股」，就變得好可信。
Noah Sadiki (新特蘭, ~£15M)： 呢個名最近好紅。佢被視為係白禮頓 Baleba 嘅平民版。£1,500 萬左右有交易，後生、跑得、肯做 Dirty Work。買佢返嚟，唔係要佢做核心，而係要佢喺垃圾時間或者盃賽幫卡些度頂半場。
Kees Smit (AZ, ~£25M)： 另一個 19 歲神童。呢類收購符合新班主口味：低風險、高升值潛力、即插即用做替補。 如果一月真係有官宣，大家唔好期望係咩巨星，好大機會係呢類實用型嘅「止咳藥」。
夏天的野心：Mainoo 與 Anderson 的英超戶口
Matt Law 篇文最令我哋車迷O嘴嘅，係佢輕輕帶過嘅一句：「Chelsea have previously shown an interest in Kobbie Mainoo (車路士曾對 Mainoo 表示興趣)」。
雖然只係一句，但信息量極大。 大家都知曼聯依家咩環境，明奈阿哥直頭係奧脫福球場展示標語叫球會Free明奈，而車路士竟然將目光又放咗喺曼聯嘅青訓太子身上？可能係之前借用辛祖、買加拿祖買開咗條癮都唔定。
當然，要曼聯放人難過登天，但如果紅魔繼續浮沉，明奈無保證到上陣時間，又邊個敢講夏天無機會？
至於森林嘅 Elliot Anderson，傳聞標價 £1 億。Matt Law 都證實咗車路士有留意佢，但考慮到個價錢，一月出手嘅機會係零。呢啲「大刁」，全部都係留返 2026 夏天先會見真章。
(關於 Mainoo 適唔適合車路士，我之後會另外出一篇詳盡嘅球探報告同大家分析，記得留意！)
闢謠區：一億買翼鋒？笑下就算
最後提提另一個傳聞：萊比錫嘅 Yan Diomande，標價 €1 億。 呢單大家可以當笑話睇。Matt Law 篇文已經再三確認，2026 年夏天我哋已經 Book 咗前鋒 Emegha 同翼衛 Quenda 加盟。前場人手已經迫爆，車路士根本無理由、亦無需要再花一億去買個翼鋒。
再者，大家記唔記得我哋之前專欄提過嘅 「正轉會差 (Positive Transfer Balance)」？ 喺新賽制下，要註冊一個 €1 億嘅新兵，意味住我哋要喺同一個轉會窗，透過賣人產生相應嘅鉅額盈利去「填數」。
眾所周知，一月轉會窗通常好難賣人（多數係借），無得賣人就無 FFP Profit。喺填唔到條數嘅情況下，再花一億買人？喺會計角度上係自殺行為。所以呢單新聞，似係經理人借車路士個名嚟抬價多啲。
總結：期望管理
綜合各方消息同財務限制，我哋對一月轉會窗嘅期望應該係：「平靜，但會有針對性補強」。
唔好預期會有 明奈 或者 安達臣 呢啲級數嘅震撼彈，因為無足夠嘅賣人收益去 Support 呢啲大刁（留返夏天賣咗邊緣人、有 Quota 先發夢啦）。
相反，用 £15M-£25M 買個 Sadiki 或者 Smit 返嚟做中場替工，係最符合現實嘅操作。 一來佢哋身價低，攤銷後對「正轉會差」嘅壓力微乎其微，容易過關；二來馬蛇真係急需人手。
畢竟，卡些度同安素係人唔係鐵甲萬能俠，再唔買個平價替工分擔下，真係會斷氣㗎。
至於中堅……好似話施華變返自由身……不如……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊