呢個問題，由2023年開始就跟住我，「車路士無咗安素喺度，勝率反而高啲？」
但坊間所有嘅文章，全部都滿足唔到我，一係就得半季，一係就有D賽事包有D賽事漏，充其量就係解答到片面嘅部份。
你信 AI？我都信，但我只係信 AI 幫我寫 Code 嘅準確度，而唔係信佢果啲未必跟得足賽事細節嘅結論。與其去信果啲幾秒鐘出一段罐頭字嘅文字生成 AI，所以我決定自己落手，將安素加盟以來超過 200 場比賽檔案整理一次，扣除友誼賽同非正式賽事後，重新建立接近 200 場官方比賽嘅數據庫。無錯，真係一場一場，逐場餵入去我自己寫嘅 Python 程式度，做一次真正嘅統計學分析。數據就喺度，如果大家有興趣一齊做數據佬，我甚至唔介意 Share 成個原始檔出嚟。
講返安素，到底「無安素勝率高」係車迷嘅集體幻覺，定係一個可以被證實嘅數據魔咒？呢篇文我唔係要幫安素洗白，亦唔係要落井下石。我，只係想搵出真相。
數據唔識講大話，但數據會令你心跳加速
好多車迷呢兩年都有一個共同嘅感覺：安素唔喺度果陣，車路士隊波好似順啲、快啲，成隊波好似食咗瀨尿牛丸咁。
我之前都唔敢亂下結論，但當我跑完晒呢 200 幾場波嘅數據之後，嗯，有初步結論。大家可以先睇下呢份英超限定嘅成績表：
英超聯賽數據 (Enzo ON vs OFF)：
無安素 (OFF)： 勝率 71.4% (場均拎 2.21 分)
有安素 (ON)： 勝率 38.1% (場均拎 1.42 分)
你無睇錯，無安素，車仔嘅勝率由 38% 飆升到 71%，呢個已經唔係普通嘅進步，直頭係大變身。如果你睇埋所有官方賽事（包括埋各項盃賽），無安素果陣嘅勝率更加係去到 75.0%。單睇呢組數字，安素真係跳落黃河都洗唔清。
不過，呢度有一個問題位： 雖然勝率同得分差咗成截，但如果你睇返衡量球隊場面質素嘅數據：xGD（預期得失球差），個差距其實無想像中咁大。
喺英超賽場，無安素時嘅 xGD 只係比有安素時好咗大約 0.11。 用人話講：無安素果陣，我哋確實係贏得多咗，但場面未必真係完勝或者按對手在地上磨擦；更多時候，我哋係拎到結果嘅能力突然強咗，或者把握力（或者運氣）好咗。
咁就帶出咗今日最核心嘅問題：到底呢份勝率差距，係因為安素拖慢咗隊波，定係因為安素唔喺度果陣，隊友們反而誤打誤撞撞正咗某種更有效率嘅搶分結構？
控方觀點：數據顯示，安素落場拎分真係「難咗」
先聽下控方點講。控方，姐係話安素有罪果邊。
好多人會幫安素搵藉口，話「佢唔喺度果陣都係踢啲弱隊啫」，或者話「佢傷果陣球隊本身就踢得好順」。今次我嘅統計，特登將「對手強弱」、「主客場」、「球季」甚至「球隊最近 5 場嘅狀態」全部計晒入去。
結果，同大家諗嘅差唔多：控制咗咁多因素之後，安素落場依然同較低嘅 PPG（場均得分）有關。
喺我哋嘅模型入面，安素在場時，車仔平均每一場波會少拎大約 0.587 分。呢個負向趨勢係一致同埋可以觀察到嘅。
我哋再睇下大家最鍾意講嘅季尾連勝期。以 2023/24 賽季 2 月到 5 月為例：
無安素時： 場均得分係誇張嘅 2.75
有安素時： 場均得分只有 1.46
呢個數據話俾我哋聽，雖然車仔季尾整體係強咗，但「無安素」嘅車仔直頭係變咗另一隊波。如果你計埋所有官方賽事，無安素時場均入波會由大約 1.77 球升到去 2.76 球；雖然英超限定下嘅升幅無咁誇張，但趨勢係一模一樣。
控方嘅結論好簡單：安素或者係一個好有才華嘅球員，但數據話俾我哋聽，佢嘅存在好似同而家呢隊車仔有種講唔出嘅排斥反應。佢喺度，車仔拎分就係難咗。
辯方觀點：紅組贏結果，藍組守因果
聽完控方咁多數據，係咪覺得安素一定有罪？等等，睇埋便方……係辯方點講幫安素解釋先。
辯方最強力嘅一點，就係我頭先提到嘅：賽果差距，遠遠大過場面差距。
如果你睇英超數據，無安素時嘅搶分效率確實係好咗好多，但場面質素（xGD）其實只係好咗少少（+0.115）。點解場面只係好咗 0.11，但勝率會由 38% 升到 71%？
呢個就係數據最奇怪嘅地方。可能係因為果 14 場波入面，隊友突然爆Seed，或者對手突然腳軟。如果你攞呢 14 場波嘅爆發期（呢 14 場包括對熱刺、維拉、白禮頓同曼城呢類強隊，唔係全部都係魚腩）去對比安素踢咗 118 場嘅漫長長跑，對安素其實極之唔公平。樣本數嘅巨大落差，令到呢份勝率數據帶有一種幸存者偏差嘅味道。
而且，雖然模型顯示安素在場同低 PPG 有關，但喺統計學上呢個數只係「邊緣顯著」。用人話講，就係「有嫌疑，但證據未足以百分之百肯定」。
辯方嘅立場好明確：安素未必係罪人，佢更似係一件俾人放錯位嘅零件。數據無法穩定證明「無安素就踢得更好」，只係證明咗「無安素時更容易拎到結果」。呢個可能係因為中場組合嘅機動性提升咗，令球隊喺應對反擊時更直接，而唔係因為安素本人害死咗隊波。
所以，呢單案唔可以大叫「安素無罪釋放」，但亦未到「判處終生監禁」嘅地步。
總結：現象成立，定罪未夠
寫到呢度，我唔想做牆頭草，亦唔想各打五十大板。真相永遠只有一個 (響起柯南BGM)：安素 ON/OFF 嘅巨大差距，唔係幻覺，亦唔係純粹嘅好彩。
無論我哋點樣盡量控制變量，結果依然話俾我哋聽：車路士一旦用安素，整隊波就會進入另一種中場結構，而呢種結構明顯係相對唔穩定嘅。呢個係數據話俾我哋聽嘅客觀事實。
但係，我哋亦唔應該將所有罪名推晒落安素一個人身上。呢單案最公道嘅判詞係：「現象成立，個人定罪未夠」。
安素或者係一粒極之精緻嘅螺絲，但佢偏偏被放咗入一部追求粗暴速度嘅引擎入面。喺錯誤嘅配方下，原本嘅「解藥」反而變咗「副作用放大器」。車迷之所以會「午夜夢迴」呢個問題，唔係因為我哋討厭安素，而係因為我哋心痛果 1.2 億歐元買返嚟嘅大師級才華，竟然同隊波最直接嘅贏波方程式一直產生緊排斥。
所以，與其討論安素係咪廢，不如問下之後嘅教練團：到底我哋仲要交幾多學費，先可以為呢粒 1.2 億嘅零件，搵到一個唔會令勝率大跌嘅安裝方法？
如果最後真係搵唔到，咁可能呢段關係對雙方嚟講，都只係一種折磨。
最後，如果你對安素嘅數據有自己嘅見解，或者想挑戰我嘅 Python 分析，歡迎喺 Facebook 留言區開戰。我對眼就係證據，但我手上份 Data 亦歡迎大家用數據令我開下眼界。
【數據方法論備註】 樣本涵蓋 2023 年 2 月至 2026 年 5 月，原始官方正式比賽共 196 場；扣除未能穩定配對 Power Ranking 的 3 場後，主分析樣本為 193 場，其中英超佔 132 場。採用 OLS 線性回歸模型，控制變量包括：對手實力差（Power Gap by OPTA）、主客場、球季效應及球隊近 5 場 PPG 趨勢。完整數據集及 Python 程式碼可於 Facebook DM索取。
========================================Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
但坊間所有嘅文章，全部都滿足唔到我，一係就得半季，一係就有D賽事包有D賽事漏，充其量就係解答到片面嘅部份。
你信 AI？我都信，但我只係信 AI 幫我寫 Code 嘅準確度，而唔係信佢果啲未必跟得足賽事細節嘅結論。與其去信果啲幾秒鐘出一段罐頭字嘅文字生成 AI，所以我決定自己落手，將安素加盟以來超過 200 場比賽檔案整理一次，扣除友誼賽同非正式賽事後，重新建立接近 200 場官方比賽嘅數據庫。無錯，真係一場一場，逐場餵入去我自己寫嘅 Python 程式度，做一次真正嘅統計學分析。數據就喺度，如果大家有興趣一齊做數據佬，我甚至唔介意 Share 成個原始檔出嚟。
講返安素，到底「無安素勝率高」係車迷嘅集體幻覺，定係一個可以被證實嘅數據魔咒？呢篇文我唔係要幫安素洗白，亦唔係要落井下石。我，只係想搵出真相。
數據唔識講大話，但數據會令你心跳加速
好多車迷呢兩年都有一個共同嘅感覺：安素唔喺度果陣，車路士隊波好似順啲、快啲，成隊波好似食咗瀨尿牛丸咁。
我之前都唔敢亂下結論，但當我跑完晒呢 200 幾場波嘅數據之後，嗯，有初步結論。大家可以先睇下呢份英超限定嘅成績表：
英超聯賽數據 (Enzo ON vs OFF)：
無安素 (OFF)： 勝率 71.4% (場均拎 2.21 分)
有安素 (ON)： 勝率 38.1% (場均拎 1.42 分)
你無睇錯，無安素，車仔嘅勝率由 38% 飆升到 71%，呢個已經唔係普通嘅進步，直頭係大變身。如果你睇埋所有官方賽事（包括埋各項盃賽），無安素果陣嘅勝率更加係去到 75.0%。單睇呢組數字，安素真係跳落黃河都洗唔清。
不過，呢度有一個問題位： 雖然勝率同得分差咗成截，但如果你睇返衡量球隊場面質素嘅數據：xGD（預期得失球差），個差距其實無想像中咁大。
喺英超賽場，無安素時嘅 xGD 只係比有安素時好咗大約 0.11。 用人話講：無安素果陣，我哋確實係贏得多咗，但場面未必真係完勝或者按對手在地上磨擦；更多時候，我哋係拎到結果嘅能力突然強咗，或者把握力（或者運氣）好咗。
咁就帶出咗今日最核心嘅問題：到底呢份勝率差距，係因為安素拖慢咗隊波，定係因為安素唔喺度果陣，隊友們反而誤打誤撞撞正咗某種更有效率嘅搶分結構？
控方觀點：數據顯示，安素落場拎分真係「難咗」
先聽下控方點講。控方，姐係話安素有罪果邊。
好多人會幫安素搵藉口，話「佢唔喺度果陣都係踢啲弱隊啫」，或者話「佢傷果陣球隊本身就踢得好順」。今次我嘅統計，特登將「對手強弱」、「主客場」、「球季」甚至「球隊最近 5 場嘅狀態」全部計晒入去。
結果，同大家諗嘅差唔多：控制咗咁多因素之後，安素落場依然同較低嘅 PPG（場均得分）有關。
喺我哋嘅模型入面，安素在場時，車仔平均每一場波會少拎大約 0.587 分。呢個負向趨勢係一致同埋可以觀察到嘅。
我哋再睇下大家最鍾意講嘅季尾連勝期。以 2023/24 賽季 2 月到 5 月為例：
無安素時： 場均得分係誇張嘅 2.75
有安素時： 場均得分只有 1.46
呢個數據話俾我哋聽，雖然車仔季尾整體係強咗，但「無安素」嘅車仔直頭係變咗另一隊波。如果你計埋所有官方賽事，無安素時場均入波會由大約 1.77 球升到去 2.76 球；雖然英超限定下嘅升幅無咁誇張，但趨勢係一模一樣。
控方嘅結論好簡單：安素或者係一個好有才華嘅球員，但數據話俾我哋聽，佢嘅存在好似同而家呢隊車仔有種講唔出嘅排斥反應。佢喺度，車仔拎分就係難咗。
辯方觀點：紅組贏結果，藍組守因果
聽完控方咁多數據，係咪覺得安素一定有罪？等等，睇埋便方……係辯方點講幫安素解釋先。
辯方最強力嘅一點，就係我頭先提到嘅：賽果差距，遠遠大過場面差距。
如果你睇英超數據，無安素時嘅搶分效率確實係好咗好多，但場面質素（xGD）其實只係好咗少少（+0.115）。點解場面只係好咗 0.11，但勝率會由 38% 升到 71%？
呢個就係數據最奇怪嘅地方。可能係因為果 14 場波入面，隊友突然爆Seed，或者對手突然腳軟。如果你攞呢 14 場波嘅爆發期（呢 14 場包括對熱刺、維拉、白禮頓同曼城呢類強隊，唔係全部都係魚腩）去對比安素踢咗 118 場嘅漫長長跑，對安素其實極之唔公平。樣本數嘅巨大落差，令到呢份勝率數據帶有一種幸存者偏差嘅味道。
而且，雖然模型顯示安素在場同低 PPG 有關，但喺統計學上呢個數只係「邊緣顯著」。用人話講，就係「有嫌疑，但證據未足以百分之百肯定」。
辯方嘅立場好明確：安素未必係罪人，佢更似係一件俾人放錯位嘅零件。數據無法穩定證明「無安素就踢得更好」，只係證明咗「無安素時更容易拎到結果」。呢個可能係因為中場組合嘅機動性提升咗，令球隊喺應對反擊時更直接，而唔係因為安素本人害死咗隊波。
所以，呢單案唔可以大叫「安素無罪釋放」，但亦未到「判處終生監禁」嘅地步。
總結：現象成立，定罪未夠
寫到呢度，我唔想做牆頭草，亦唔想各打五十大板。真相永遠只有一個 (響起柯南BGM)：安素 ON/OFF 嘅巨大差距，唔係幻覺，亦唔係純粹嘅好彩。
無論我哋點樣盡量控制變量，結果依然話俾我哋聽：車路士一旦用安素，整隊波就會進入另一種中場結構，而呢種結構明顯係相對唔穩定嘅。呢個係數據話俾我哋聽嘅客觀事實。
但係，我哋亦唔應該將所有罪名推晒落安素一個人身上。呢單案最公道嘅判詞係：「現象成立，個人定罪未夠」。
安素或者係一粒極之精緻嘅螺絲，但佢偏偏被放咗入一部追求粗暴速度嘅引擎入面。喺錯誤嘅配方下，原本嘅「解藥」反而變咗「副作用放大器」。車迷之所以會「午夜夢迴」呢個問題，唔係因為我哋討厭安素，而係因為我哋心痛果 1.2 億歐元買返嚟嘅大師級才華，竟然同隊波最直接嘅贏波方程式一直產生緊排斥。
所以，與其討論安素係咪廢，不如問下之後嘅教練團：到底我哋仲要交幾多學費，先可以為呢粒 1.2 億嘅零件，搵到一個唔會令勝率大跌嘅安裝方法？
如果最後真係搵唔到，咁可能呢段關係對雙方嚟講，都只係一種折磨。
最後，如果你對安素嘅數據有自己嘅見解，或者想挑戰我嘅 Python 分析，歡迎喺 Facebook 留言區開戰。我對眼就係證據，但我手上份 Data 亦歡迎大家用數據令我開下眼界。
【數據方法論備註】 樣本涵蓋 2023 年 2 月至 2026 年 5 月，原始官方正式比賽共 196 場；扣除未能穩定配對 Power Ranking 的 3 場後，主分析樣本為 193 場，其中英超佔 132 場。採用 OLS 線性回歸模型，控制變量包括：對手實力差（Power Gap by OPTA）、主客場、球季效應及球隊近 5 場 PPG 趨勢。完整數據集及 Python 程式碼可於 Facebook DM索取。
========================================Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊