大家都知，自從經歷咗頭一兩季嘅混亂期之後，名義上嘅老細保利其實已經退居幕後，依家車路士真正日日喺車仔總部行嚟行去、揸旗話事嘅，係清湖資本嘅艾巴利。保利近年極少開金口講車仔嘅嘢。
但最近佢出席一個華爾街財經論壇，對住班金融佬，竟然除低咗公關面具，無意中爆咗唔少當年接手車仔初期嘅真實心聲，甚至親口揭開咗當初買人點解會咁荒謬嘅謎底。
輸波個人燥燥哋，與其講賽場上嘅嘢，不如用下佢段訪問，睇下保利講咗D咩大道理出嚟，等大家笑下都好。
被逼頂硬上嘅體育總監，買古古全靠「抄曼城」
回顧返 2022 年啱啱買入車路士嗰陣，保利憶述當時阿巴莫域治時代嘅管理層。例如施治、瑪蓮娜等人全部走晒。佢話：「我當時被逼做咗一個夏天嘅臨時體育總監。」
跟住佢對住班金融大佬，極度坦白咁承認咗一個全體車迷一早估到嘅事實：「我當時根本唔知咩叫一個好嘅足球員（Having no idea what made a good football player）。」
唔止唔識古烈治，佢身為一個「官方認證嘅球盲」，咁點解當年會咁有眼光用成 6,000 萬鎊天價買入古古利亞？保利嘅邏輯極度簡單粗暴：「好簡單，如果曼城想要佢，咁我就要佢。」
(小編：原來當初真係富豪玩 FM 現實版，自己唔識睇人，就靠抄曼城功課嚟買人。車迷聽到呢句真係眼淚在心裡流，啲錢真係好似印出嚟咁易洗……)
球迷要即食，資本要遠見嘅死結
當初球隊成績直線插水，成個史丹福橋滿天飛都係鬧保利嘅聲音。講起呢段經歷，保利講咗句極有哲理嘅說話：「球迷永遠要求即時見效，但建立長期計劃根本急唔嚟。」
平心而論，保利呢句說話真係無講錯，甚至篤中咗現代足球嘅死穴。球迷個個禮拜睇波，輸一場就想炒領隊換老闆，踢得差半場就想賣走個球員順便問候佢全家特別係母親；但作為資本家同球會管理者，佢哋睇嘅係五年、十年嘅資產增值同體系建設。大家頻道唔同，火星撞地球，根本傾唔埋，亦無可能說服到對方。
保利仲補多句，佢話搞球隊唔可以左搖右擺（Flip-flop），接收到新資訊可以微調（Pivot），但大方向要堅持。
(小編：老細，你接手短短兩三年，杜曹、波特、林伯特、普捷天奴、馬利斯卡換完一個又一個，成條骨幹賣清光，買埋成隊南美兵團幻幻大洗牌。原來喺你嘅字典入面，咁樣大地震已經叫「無左搖右擺」同埋「微調」？有少少唔敢想像你如果真係搖擺起上嚟，會係咩末日畫面……)
神比喻：搞車路士慘過維繫 30 年婚姻？
既然講到頭一兩季成績爛到甩褲，主持人都忍唔住問佢：當時成個史丹福橋都係噓聲，全世界球迷日日喺網上聲討你，你係點樣頂住呢啲滿天飛嘅批評同心理壓力？
保利嘅神回覆，真係盡顯資本大鱷異於常人嘅厚面皮，佢笑笑口咁答：「我已經結咗婚 30 年啦。我老婆仲難搞、要求仲高呀！」
(小編：抱歉，呢句我同意…無補充)
總結：班主始終係資本家，體育 IP 大過 Netflix
俾人鬧到體無完膚，搞到一鑊泡，點解保利同清湖班大鱷仲要死攬住車路士？保利喺訪問尾段，終於道出咗佢哋買球隊嘅終極底層資本邏輯。
佢用咗一個好現實嘅比喻：「NFL（甚至頂級英超球隊）嘅價值，絕對高過 Netflix。Netflix 仲要日日度橋諗拍咩劇先有人睇，但頂級球隊自帶龐大嘅死忠球迷，全球需求越來越大，但球隊數量係有限嘅。只要你不斷泵資源入個系統，球迷就會一直埋單，個雪球只會越滾越大。」
睇完呢段華爾街財經論壇嘅真實自白，車迷或者可以釋懷少少……或者話，可以開始睇化少少。
喺保利眼中，當初第一季嘅大混亂，純粹係佢作為一個球盲交出嚟嘅高昂學費。依家佢醒水啦，將個手掣交返畀艾巴利去玩，自己就退居幕後做個收成期嘅資本家。球迷每個禮拜為咗場波贏輸而生不如死，但對班華爾街金融佬嚟講，車路士只係佢哋 750 億美元龐大資產組合入面，一隻用嚟抗通脹兼印銀紙嘅「長線收息股」。
大家個出發點都唔同，嬲嚟都無謂。與其勞氣，不如學保利話齋，當係老婆唔生性，大家順其自然接受咗佢就算啦……始終老婆係自己揀，隨住年月有少少改變係在所難免，或者係會多咗爭吵，但果份愛應該都仲係真嘅……應該……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但最近佢出席一個華爾街財經論壇，對住班金融佬，竟然除低咗公關面具，無意中爆咗唔少當年接手車仔初期嘅真實心聲，甚至親口揭開咗當初買人點解會咁荒謬嘅謎底。
輸波個人燥燥哋，與其講賽場上嘅嘢，不如用下佢段訪問，睇下保利講咗D咩大道理出嚟，等大家笑下都好。
被逼頂硬上嘅體育總監，買古古全靠「抄曼城」
回顧返 2022 年啱啱買入車路士嗰陣，保利憶述當時阿巴莫域治時代嘅管理層。例如施治、瑪蓮娜等人全部走晒。佢話：「我當時被逼做咗一個夏天嘅臨時體育總監。」
跟住佢對住班金融大佬，極度坦白咁承認咗一個全體車迷一早估到嘅事實：「我當時根本唔知咩叫一個好嘅足球員（Having no idea what made a good football player）。」
唔止唔識古烈治，佢身為一個「官方認證嘅球盲」，咁點解當年會咁有眼光用成 6,000 萬鎊天價買入古古利亞？保利嘅邏輯極度簡單粗暴：「好簡單，如果曼城想要佢，咁我就要佢。」
(小編：原來當初真係富豪玩 FM 現實版，自己唔識睇人，就靠抄曼城功課嚟買人。車迷聽到呢句真係眼淚在心裡流，啲錢真係好似印出嚟咁易洗……)
球迷要即食，資本要遠見嘅死結
當初球隊成績直線插水，成個史丹福橋滿天飛都係鬧保利嘅聲音。講起呢段經歷，保利講咗句極有哲理嘅說話：「球迷永遠要求即時見效，但建立長期計劃根本急唔嚟。」
平心而論，保利呢句說話真係無講錯，甚至篤中咗現代足球嘅死穴。球迷個個禮拜睇波，輸一場就想炒領隊換老闆，踢得差半場就想賣走個球員順便問候佢全家特別係母親；但作為資本家同球會管理者，佢哋睇嘅係五年、十年嘅資產增值同體系建設。大家頻道唔同，火星撞地球，根本傾唔埋，亦無可能說服到對方。
保利仲補多句，佢話搞球隊唔可以左搖右擺（Flip-flop），接收到新資訊可以微調（Pivot），但大方向要堅持。
(小編：老細，你接手短短兩三年，杜曹、波特、林伯特、普捷天奴、馬利斯卡換完一個又一個，成條骨幹賣清光，買埋成隊南美兵團幻幻大洗牌。原來喺你嘅字典入面，咁樣大地震已經叫「無左搖右擺」同埋「微調」？有少少唔敢想像你如果真係搖擺起上嚟，會係咩末日畫面……)
神比喻：搞車路士慘過維繫 30 年婚姻？
既然講到頭一兩季成績爛到甩褲，主持人都忍唔住問佢：當時成個史丹福橋都係噓聲，全世界球迷日日喺網上聲討你，你係點樣頂住呢啲滿天飛嘅批評同心理壓力？
保利嘅神回覆，真係盡顯資本大鱷異於常人嘅厚面皮，佢笑笑口咁答：「我已經結咗婚 30 年啦。我老婆仲難搞、要求仲高呀！」
(小編：抱歉，呢句我同意…無補充)
總結：班主始終係資本家，體育 IP 大過 Netflix
俾人鬧到體無完膚，搞到一鑊泡，點解保利同清湖班大鱷仲要死攬住車路士？保利喺訪問尾段，終於道出咗佢哋買球隊嘅終極底層資本邏輯。
佢用咗一個好現實嘅比喻：「NFL（甚至頂級英超球隊）嘅價值，絕對高過 Netflix。Netflix 仲要日日度橋諗拍咩劇先有人睇，但頂級球隊自帶龐大嘅死忠球迷，全球需求越來越大，但球隊數量係有限嘅。只要你不斷泵資源入個系統，球迷就會一直埋單，個雪球只會越滾越大。」
睇完呢段華爾街財經論壇嘅真實自白，車迷或者可以釋懷少少……或者話，可以開始睇化少少。
喺保利眼中，當初第一季嘅大混亂，純粹係佢作為一個球盲交出嚟嘅高昂學費。依家佢醒水啦，將個手掣交返畀艾巴利去玩，自己就退居幕後做個收成期嘅資本家。球迷每個禮拜為咗場波贏輸而生不如死，但對班華爾街金融佬嚟講，車路士只係佢哋 750 億美元龐大資產組合入面，一隻用嚟抗通脹兼印銀紙嘅「長線收息股」。
大家個出發點都唔同，嬲嚟都無謂。與其勞氣，不如學保利話齋，當係老婆唔生性，大家順其自然接受咗佢就算啦……始終老婆係自己揀，隨住年月有少少改變係在所難免，或者係會多咗爭吵，但果份愛應該都仲係真嘅……應該……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊