對曼聯嗰場，車仔嘅二安 (Estevao) 其實無踢咗幾耐，跑跑吓，射完一腳，突然之間就停咗喺度。
冇被對手兇狠飛鏟，冇任何誇張嘅肢體碰撞。唔識波嘅人，可能以為只係跑到尾段普通抽筋；但如果你對運動醫學有少少認識，見到佢毫無徵兆下突然停步，痛苦地㩒住大腿後側，可能你已經估到少少。(我估唔到。)
賽後，車仔最初話佢嘅檢查結果係正面嘅，羅生自己話佢要休息10~15日，但羅生落台之後，真正嘅結果出爐，4級拉傷。呢兩日外媒同各大球迷群組傳咗幾日，但幾乎冇人出嚟解釋過，呢四隻字背後到底代表住咩。
呢篇文當係科普文，或者只係一個二安嘅Fans嘅文，俾我解釋下發生咩事同跟住會點展開…
4級拉傷其實係乜鬼
平時睇波，我哋成日聽到球員Hamstring injury。相信呢個字對於車迷嚟講唔會陌生，佢每一季都會陪住占士/拉維亞，幾乎無離開過車仔。而一般嚟講，醫學上嘅拉傷分為幾個級別：
Grade 1： 輕微拉扯，肌肉纖維有極少損傷，休息一兩個星期就無事。
Grade 2： 部份肌肉纖維撕裂，行路都會痛，通常要抖三至六個星期。Grade 3： 肌肉肚（Muscle belly）出現嚴重嘅完全撕裂，通常要抖兩三個月起步。
但今次二安中嘅係 Grade 4。呢個級別，已經超越咗一般人認知嘅拉傷，直頭係肌肉傷患入面嘅大魔王。
喺運動醫學入面，Grade 4 嘅大腿後肌傷患，代表住：肌腱完全撕裂（為咗準確少少，俾埋英文大家參考：Complete Tendon Rupture），甚至有部份個案會出現嘅撕脫性骨折（Avulsion Fracture）。
用人話解釋：即係球員衝刺嗰一下，大腿肌肉收縮得太過猛烈，猛烈到將連接住骨頭嗰條筋，連埋一小塊骨碎，硬生生由大髀骨最頂連接盆骨嗰個位扯咗落嚟。(屌………聽到都覺得痛。)
不過，呢度有一個小小嘅醫學細節，亦係引發後續連串風波嘅伏線：幾乎完全撕裂（High-grade partial tear）同完全撕裂（Complete rupture）係醫學上其實有分別。
如果條筋係 100% 斷晒、成條甩咗出嚟，咁就冇得拗，必須即刻推入手術室做駁筋手術。但如果係幾乎完全撕裂：即係條筋斷到得返一絲極微弱嘅組織連住嚿骨，咁就為一班唔想個球員做手術嘅人，留低咗一條叫保守治療（Conservative treatment）嘅方案。
只要唔開刀，任由患處自然結疤癒合，理論上表面嘅康復時間可以大幅縮短。就係呢一條微弱嘅門罅，直接引發咗車路士同巴西足總（CBF）之間嘅隔空大戰。
兩個唔同諗法嘅團體對戰：Chelsea vs CBF
我諗唔使我講，大家都估到兩邊點解會嘈起嚟。
先講車路士嘅立場。球會當初揼咗筆天價轉會費買二安返嚟，買嘅係佢未來十年、甚至十五年嘅職業生涯。所以車仔嘅取態非常清晰簡單：企硬要求做手術。將條斷筋徹底駁返落舊骨度，然後乖乖地休養 6 到 9 個月。雖然咁樣做等於親手扼殺咗佢今年夏天踢世界盃嘅夢想，但醫學上只有咁樣做，先可以最大程度保住二安嘅瞬間爆發力。
另一邊，係巴西足總同二安本人。世界盃四年先一次，機會稍縱即逝。由於 Rodrygo 已經因為 ACL 報銷咗，巴西隊依家極度需要二安喺右路嘅破壞力，而二安自己亦都極度渴望喺 18 歲呢個當打之年，企上全球最高嘅舞台，好似All Might (唔識梗就由佢…)咁世界話俾自己知：「我來了。」。
所以，巴西同二安都強烈傾向行「保守治療」呢招，目標只有一個：搏盡一切，務求喺 30 日內重返草地，趕上世盃嘅尾班車。係為咗國家榮譽同個人夢想嘅賭搏。
呢場爭拗入面無對錯，亦無人自私。雙方嘅矛盾，純粹建基於大家計算嘅時間軸根本唔同：車路士放眼緊未來 15 年嘅史丹福橋歲月，而 CBF 同二安嘅眼中，就只有未來 50 日後開幕嘅世界盃。
「30日返到草地」：係希望定係醫學幻覺？
兩邊點睇就講完，然後就係現實。
保守治療呢個方案，巴西嗰邊話想博30日後返回草地，聽落好似好熱血、好有希望，但其實呢句說話喺運動醫學同球會公關層面……嗯，其實唔多可信。
返到草地絕對唔等於可以落場踢波。30日後，二安可能真係可以著住波鞋，喺草地上面慢跑、猜下波，影張相放上 IG 話俾大家知自己進度良好。但要喺世界盃，面對全世界最頂級、最兇狠嘅後衛，要做極限嘅變向、急停、再爆發衝刺。由慢跑到高強度實戰之間果條鴻溝，就好似我同誠哥身家嘅距離咁，並唔係一個月時間可以跨越得過。
再講深入少少，Grade 4 嘅撕裂如果唔開刀，純粹靠患處自然結疤去癒合，嗰啲新生嘅結疤組織嘅韌度同彈性，係永遠無法回復到受傷前嘅 100%。對於一個靠速度同爆發力食糊嘅翼鋒嚟講，呢個係一個永遠擺脫唔到嘅炸彈。
仲有就係保守治療有極高嘅再撕裂機率。只要佢喺世界盃場上，因為一剎那嘅本能反應全速衝刺，或者被對手逼到要做一個非常規嘅伸展，脆弱嘅結疤組織好大機會承受唔住而再次斷裂。到時「啪」一聲，唔單止世界盃即刻宣佈完結，傷勢隨時比今次更嚴重，到時，就未必係 9 個月可以解決嘅事。
唔值得用整個生涯，去換一個盛夏
老實講，二安絕對係我依家喺車路士陣中，最偏心、最鍾意嘅球員。
佢身上有種南美球員獨有嘅靈氣。作為球迷，我最鍾意睇到嘅，係佢喺右路無憂無慮、扭過對手，享受踢波嘅樂趣時嘅表情，就算射唔入，佢都會露出黑人牙膏式嘅燦爛笑容，令車迷心情都好唔少。
對於一個 18 歲嘅少年嚟講，喺安察洛堤麾下攻入 5 球，成為星光熠熠嘅巴西隊入面入波最多嘅核心，仲要準備踏上美洲大陸嘅世界盃舞台……呢個誘惑同夢想嘅重量，的確大到難以想像。要親手撕碎呢張入場券，錯過今次大賽，對佢身心絕對係一個極其沉重嘅打擊。
但足球好殘酷，人體嘅物理極限從來唔會同你講感情，前車可鑑，因為傷患而退役嘅足球選手大有人在。
世界盃四年後仲有，22 歲嘅佢依然會係當打之年；但一對健康、充滿極限爆發力嘅雙腿，如果因為一時心急夾硬復出而徹底摧毀咗，就永遠無 Take 2。真係唔值得為咗一次大賽、為咗一個盛夏嘅燦爛，去推自己上俄羅斯輪盤，甚至賠上未來十幾年嘅黃金職業生涯。
作為車迷，我寧願今個夏天喺電視機嘅世界盃轉播見唔到佢，都想換取佢未來十年，可以繼續喺史丹福橋、係巴西隊健健康康、笑住咁入波。
二安，或者你唔會睇到我呢篇文，但都希望你乖乖地去做手術啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
冇被對手兇狠飛鏟，冇任何誇張嘅肢體碰撞。唔識波嘅人，可能以為只係跑到尾段普通抽筋；但如果你對運動醫學有少少認識，見到佢毫無徵兆下突然停步，痛苦地㩒住大腿後側，可能你已經估到少少。(我估唔到。)
賽後，車仔最初話佢嘅檢查結果係正面嘅，羅生自己話佢要休息10~15日，但羅生落台之後，真正嘅結果出爐，4級拉傷。呢兩日外媒同各大球迷群組傳咗幾日，但幾乎冇人出嚟解釋過，呢四隻字背後到底代表住咩。
呢篇文當係科普文，或者只係一個二安嘅Fans嘅文，俾我解釋下發生咩事同跟住會點展開…
4級拉傷其實係乜鬼
平時睇波，我哋成日聽到球員Hamstring injury。相信呢個字對於車迷嚟講唔會陌生，佢每一季都會陪住占士/拉維亞，幾乎無離開過車仔。而一般嚟講，醫學上嘅拉傷分為幾個級別：
Grade 1： 輕微拉扯，肌肉纖維有極少損傷，休息一兩個星期就無事。
Grade 2： 部份肌肉纖維撕裂，行路都會痛，通常要抖三至六個星期。Grade 3： 肌肉肚（Muscle belly）出現嚴重嘅完全撕裂，通常要抖兩三個月起步。
但今次二安中嘅係 Grade 4。呢個級別，已經超越咗一般人認知嘅拉傷，直頭係肌肉傷患入面嘅大魔王。
喺運動醫學入面，Grade 4 嘅大腿後肌傷患，代表住：肌腱完全撕裂（為咗準確少少，俾埋英文大家參考：Complete Tendon Rupture），甚至有部份個案會出現嘅撕脫性骨折（Avulsion Fracture）。
用人話解釋：即係球員衝刺嗰一下，大腿肌肉收縮得太過猛烈，猛烈到將連接住骨頭嗰條筋，連埋一小塊骨碎，硬生生由大髀骨最頂連接盆骨嗰個位扯咗落嚟。(屌………聽到都覺得痛。)
不過，呢度有一個小小嘅醫學細節，亦係引發後續連串風波嘅伏線：幾乎完全撕裂（High-grade partial tear）同完全撕裂（Complete rupture）係醫學上其實有分別。
如果條筋係 100% 斷晒、成條甩咗出嚟，咁就冇得拗，必須即刻推入手術室做駁筋手術。但如果係幾乎完全撕裂：即係條筋斷到得返一絲極微弱嘅組織連住嚿骨，咁就為一班唔想個球員做手術嘅人，留低咗一條叫保守治療（Conservative treatment）嘅方案。
只要唔開刀，任由患處自然結疤癒合，理論上表面嘅康復時間可以大幅縮短。就係呢一條微弱嘅門罅，直接引發咗車路士同巴西足總（CBF）之間嘅隔空大戰。
兩個唔同諗法嘅團體對戰：Chelsea vs CBF
我諗唔使我講，大家都估到兩邊點解會嘈起嚟。
先講車路士嘅立場。球會當初揼咗筆天價轉會費買二安返嚟，買嘅係佢未來十年、甚至十五年嘅職業生涯。所以車仔嘅取態非常清晰簡單：企硬要求做手術。將條斷筋徹底駁返落舊骨度，然後乖乖地休養 6 到 9 個月。雖然咁樣做等於親手扼殺咗佢今年夏天踢世界盃嘅夢想，但醫學上只有咁樣做，先可以最大程度保住二安嘅瞬間爆發力。
另一邊，係巴西足總同二安本人。世界盃四年先一次，機會稍縱即逝。由於 Rodrygo 已經因為 ACL 報銷咗，巴西隊依家極度需要二安喺右路嘅破壞力，而二安自己亦都極度渴望喺 18 歲呢個當打之年，企上全球最高嘅舞台，好似All Might (唔識梗就由佢…)咁世界話俾自己知：「我來了。」。
所以，巴西同二安都強烈傾向行「保守治療」呢招，目標只有一個：搏盡一切，務求喺 30 日內重返草地，趕上世盃嘅尾班車。係為咗國家榮譽同個人夢想嘅賭搏。
呢場爭拗入面無對錯，亦無人自私。雙方嘅矛盾，純粹建基於大家計算嘅時間軸根本唔同：車路士放眼緊未來 15 年嘅史丹福橋歲月，而 CBF 同二安嘅眼中，就只有未來 50 日後開幕嘅世界盃。
「30日返到草地」：係希望定係醫學幻覺？
兩邊點睇就講完，然後就係現實。
保守治療呢個方案，巴西嗰邊話想博30日後返回草地，聽落好似好熱血、好有希望，但其實呢句說話喺運動醫學同球會公關層面……嗯，其實唔多可信。
返到草地絕對唔等於可以落場踢波。30日後，二安可能真係可以著住波鞋，喺草地上面慢跑、猜下波，影張相放上 IG 話俾大家知自己進度良好。但要喺世界盃，面對全世界最頂級、最兇狠嘅後衛，要做極限嘅變向、急停、再爆發衝刺。由慢跑到高強度實戰之間果條鴻溝，就好似我同誠哥身家嘅距離咁，並唔係一個月時間可以跨越得過。
再講深入少少，Grade 4 嘅撕裂如果唔開刀，純粹靠患處自然結疤去癒合，嗰啲新生嘅結疤組織嘅韌度同彈性，係永遠無法回復到受傷前嘅 100%。對於一個靠速度同爆發力食糊嘅翼鋒嚟講，呢個係一個永遠擺脫唔到嘅炸彈。
仲有就係保守治療有極高嘅再撕裂機率。只要佢喺世界盃場上，因為一剎那嘅本能反應全速衝刺，或者被對手逼到要做一個非常規嘅伸展，脆弱嘅結疤組織好大機會承受唔住而再次斷裂。到時「啪」一聲，唔單止世界盃即刻宣佈完結，傷勢隨時比今次更嚴重，到時，就未必係 9 個月可以解決嘅事。
唔值得用整個生涯，去換一個盛夏
老實講，二安絕對係我依家喺車路士陣中，最偏心、最鍾意嘅球員。
佢身上有種南美球員獨有嘅靈氣。作為球迷，我最鍾意睇到嘅，係佢喺右路無憂無慮、扭過對手，享受踢波嘅樂趣時嘅表情，就算射唔入，佢都會露出黑人牙膏式嘅燦爛笑容，令車迷心情都好唔少。
對於一個 18 歲嘅少年嚟講，喺安察洛堤麾下攻入 5 球，成為星光熠熠嘅巴西隊入面入波最多嘅核心，仲要準備踏上美洲大陸嘅世界盃舞台……呢個誘惑同夢想嘅重量，的確大到難以想像。要親手撕碎呢張入場券，錯過今次大賽，對佢身心絕對係一個極其沉重嘅打擊。
但足球好殘酷，人體嘅物理極限從來唔會同你講感情，前車可鑑，因為傷患而退役嘅足球選手大有人在。
世界盃四年後仲有，22 歲嘅佢依然會係當打之年；但一對健康、充滿極限爆發力嘅雙腿，如果因為一時心急夾硬復出而徹底摧毀咗，就永遠無 Take 2。真係唔值得為咗一次大賽、為咗一個盛夏嘅燦爛，去推自己上俄羅斯輪盤，甚至賠上未來十幾年嘅黃金職業生涯。
作為車迷，我寧願今個夏天喺電視機嘅世界盃轉播見唔到佢，都想換取佢未來十年，可以繼續喺史丹福橋、係巴西隊健健康康、笑住咁入波。
二安，或者你唔會睇到我呢篇文，但都希望你乖乖地去做手術啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
請按此登錄後留言。未成為會員? 立即註冊